|
Re: الزير سالم !! (Re: خدر)
|
الاخوان عبدالله بابكر؛
بلة موسى؛
خدر؛
اشكر لكم حسن تعاطفكم مع الزير.
تعرفوا ؛ من زمان و انا اشعر بتعاطف شديد مع الزير؛
و للاسف ما جات فرصة الواحد يعبر فيها عن مكنون التعاطف دا؛
فالزير و على الرغم من جليل افضاله علينا الا انه يظل مظلوماً بيننا.
فالقلة و على الرغم من صغر حجمها و ندرة استعمالها في السودان؛
الا اننا نجد انها قد وجدت حظها بان تسمى بها قلة الكبير و قلة الصغير
و ربما قلة المتوسط؛
و هنالك ايضاً خريطة القلة و صورة القلة.
بينما لم نسمع باللاعب المبدع زير الكبير؛
او يطلب منا احد ان نرسم صورة الزير.
| |
|
|
|
|
|
|
Re: الزير سالم !! (Re: Hussein Mallasi)
|
Quote: حتى الكرش؛
زمان كانوا بيسموهو تلاجة؛
و مافي زول حتى فكر يسميهو زير. |
الخوف من الغيبيات..
فى ان يصبح االجميع بدون تلاجات ..
(ونصبح تراث) بروتاريا حتى النخاع..
اطفو النور وشدو الحزام... الوساع فى كل الاتجهات ..
كرش زير..
| |
|
|
|
|
|
|
Re: الزير سالم !! (Re: معتز تروتسكى)
|
الاخ ملاسى الزير سالم مافى شك المشكلة في الكوز الكوز وسخان او مقدود والناس هجرو الزير بعد انتشار ظاهرة تحويل ال ـ علب الفارغة الى كيزان وعشان نحافظ على سلامة الازيار لابد من ارجاع كل الكيزان الى الكوشة
ولك الاحترام
| |
|
|
|
|
|
|
Re: الزير سالم !! (Re: Ahmed Osman)
|
ملاسي سلام نكتة ...واحد جنزير عجلتو انقطع...قام سال سيد ازيار...ياعم ماالقا عندك جنزير؟ سيد الازيار ..رد ...لا عندي....جنقلة.
| |
|
|
|
|
|
|
Re: الزير سالم !! (Re: Ahmed Osman)
|
سلامات يا احمد عثمان؛
Quote: وعشان نحافظ على سلامة الازيار لابد من ارجاع كل الكيزان الى الكوشة |
اها؛ و الناس حتشرب باللاسلكي و لا شنو !!
تحياتي.
| |
|
|
|
|
|
|
Re: الزير سالم !! (Re: Hussein Mallasi)
|
الاخ مـــــــــــــلاسى
Quote: فالزير و على الرغم من جليل افضاله علينا الا انه يظل مظلوماً بيننا.
|
الكبايه برضوا عندها جليل افضال اكثر من الزير لكن الاول ياتو المعذرة ما حبيت اقول اسمها التانى حتى لا يفهم الامر بشكل اخر.
| |
|
|
|
|
|
|
Re: الزير سالم !! (Re: هشام مدنى)
|
أين نحن من النوايا التي تسند الزير ؟ لم نجدها حتى تكسرت الأزيار على الأزيار سبيل بلا أزيار .. كمحطة الباصات بدون باصات و الركاب وقوف في الإنتظار ..
ملاسي : في عطبرة و نحن راجعين من السينما كداري بالليل .. وقفنا في سبيل .. زميلي سليمان مد يده للكوز فهب كلب مربوط بسلسلة في السبيل ينبح بشراسة فقال سليمان : إنعل ... دة سبيل ولا خزنة
| |
|
|
|
|
|
|
Re: الزير سالم !! (Re: Alia awadelkareem)
|
سلامات يا احمد خليل؛
Quote: نكتة ...واحد جنزير عجلتو انقطع...قام سال سيد ازيار...ياعم ماالقا عندك جنزير؟ سيد الازيار ..رد ...لا عندي....جنقلة. |
في واحد تاني داير يشتري زير؛ مشى للعجلاتي و سألو :
يا عم ما القى عندك زير.
العجلاتي عاين ليهو و ما ردا عليهو....
لانو لو ردا عليهو انا بنشطب من البورد دا.
| |
|
|
|
|
|
|
Re: الزير سالم !! (Re: Hussein Mallasi)
|
Quote: العجلاتي عاين ليهو و ما ردا عليهو....
لانو لو ردا عليهو انا بنشطب من البورد دا |
خانك التعبير ياحسين. الصاح هو :
العجلاتي عاين ليهو و ما ردا عليهو لانو لو ردا عليهو ماكان فضل عجلاتي فى البورد
| |
|
|
|
|
|
|
Re: الزير سالم !! (Re: هشام مدنى)
|
سلامات يا هشام؛
Quote: الكبايه برضوا عندها جليل افضال اكثر من الزير |
الكباية نالت ما يكفي من التكريم؛
و كفاية انو في كبابي كان اسمها عثمان حسين؛
بينما لا اعتقد ان هنالك اي زير سميً باسم اي فنان.
و بعدين الكبابي برضو غنوا ليها الفنانيين؛
في اغنية بتاعت عقد الجلاد - اظنها من تلحين حمزة سليمان -
بتاعت "طق طرق يا بن و برادك الصيني" اظنو فيها ذكر للكبابي؛
بينما لم يتجرأ من يغني - او يلحن - للازيار حتى الان.
| |
|
|
|
|
|
|
Re: الزير سالم !! (Re: saadeldin abdelrahman)
|
ملاسي.. دي خلاصة الكتب التلاته... شلة شباب كنا راجعين من حفلة.. ليلة.. وفي نص الطريق... كان في سبيل فيهو زير ديب فريزر.. بلدي.. بيشرب منو الغاشي والماشي.. وإشتهر السبيل أكتر من سيدو... جا كلب إبن لذينا... وطلع المزيرة وبال في الزير من دون أرض الله الواسعة دي..
قامت الشلة البتشرب من الزير والبتعيف السبيل.. ساكه ليك الكلب..
وفارقناهو ليك بعد ما ضاق سوء عمله... مجندل بيلفظ الأنفاس.. ولا عين ذرفت.. ولا قلب حن.. حتى سيدو جاء زعلان.. ولامن عرف السبب.. شال حجر وفجقو في نص راسو.. وقال ريحونا منوا... وإرتاحو..
وجينا تاني يوم نفير نضافة للزير... وسيد البيت وسلطان زمانو.. في عمل الخير.. بيتمختر..
وعاد الزير لسيرته الأولى..
وبقي الزير سالم.. ومحروس بالعناية الآلهية.
ولا وباء.. ولا شروط صحية.. والحامي ربك...
| |
|
|
|
|
|
|
Re: الزير سالم !! (Re: زول ساكت)
|
سلامات يا ابو جهينة؛
Quote: وقفنا في سبيل .. زميلي سليمان مد يده للكوز فهب كلب مربوط بسلسلة في السبيل ينبح بشراسة |
في المستقبل؛ لا تستبعد ان تعين للسُبل حراسات امنية
من شركة الهدف؛ فما سيكون من ضمن اولويات وزراء الصحة
في السودان ذات خيال؛ لابد و ان يعين لها المدججون من
الشداد الغلاظ.
| |
|
|
|
|
|
|
Re: الزير سالم !! (Re: Hussein Mallasi)
|
عالية العالية؛
سلامات؛
اشرقت الانوار و امتلأت الازيار؛
و ضج المكان بالماء و بالفخار.
اوتظنون - يا عالية -
انكم وحدكم من تنجرون الاشعار !!.
فنحن - ايضاً - نحب الشعر و الشعراء و الاشرار ...
| |
|
|
|
|
|
|
Re: الزير سالم !! (Re: Hussein Mallasi)
|
كدي نرجع تاني شوية لسالم؛
فطوال تواجدي في السودان لم اقابل احداً
بالاسم سالم الا سالم كعورة.
ثم كان ان ذهبت للسعودية؛ فزاملت و جاورت و قابلت
عدداً من الاخوة اليمنيين؛ و تيقنت حينها؛
ان كل الاخوة اليمنيين؛ لا بد ان يتضمن اسمهم الرباعي
إما على او احمد او سالم.
| |
|
|
|
|
|
|
Re: الزير سالم !! (Re: Hussein Mallasi)
|
كما ان هنالك جملة اخرى؛ بالاضافة الى " ازيدكم من الشعر بيت"
و انا ارغب في استعمالها منذ ان انضممت الى هذا البورد؛
الا ان الفرصة لم تحن بعد؛ و هذه الجملة هي :
و ان عدتم عدنا.....
| |
|
|
|
|
|
|
Re: الزير سالم !! (Re: Hussein Mallasi)
|
سلامات يا هشام مدني؛
ها قد تحصلت لك على الكلمات الصحيحة لاغنية* عقد الجلاد؛
حيث ورد ذكر الكبابي بكل التبجيل الاحترام :
الشاي باللبن برادو لابس تاج
صينيتو الدهب ترقش كبابي زجاج
السكسك المنضوم حول الجبينة نجوم
و الجندرية تقوم تقهوج الحجاج
طق طرق يا بن القهوة كيف و مزاج
خلى يعدل الراس و نحصل الترماي ( الترماج)
_______
* اسم الاغنية باب السنط.
| |
|
|
|
|
|
|
Re: الزير سالم !! (Re: Hussein Mallasi)
|
Quote: السكسك المنضوم حول الجبينة نجوم
و الجندرية تقوم تقهوج الحجاج |
لوووووووووول يا ملاسي الجندر والجندرية لاحقين زيرك مافي زول غنا ليهن لسه الصحيح واكيد عارفو لانو انت تبدو من العينة الاضانة فرس تسمع الهنا والهناك ، هو
الفنجرية تقوم تقهوج الحجاج واكيد عارف
| |
|
|
|
|
|
|
Re: الزير سالم !! (Re: الجندرية)
|
كنت استغرب كيف يحمل الحمار الواحد اكتر من اطنعشر زير دون ان يصيبها مكروه
اي والله
بعدين كان اسمها التوابير جمع تيبار
كما ذكرت آنفاً
| |
|
|
|
|
|
|
Re: الزير سالم !! (Re: زول ساكت)
|
سلامات يا جازلوت؛
Quote: خانك التعبير ياحسين. الصاح هو :
العجلاتي عاين ليهو و ما ردا عليهو لانو لو ردا عليهو ماكان فضل عجلاتي فى البورد |
يا زول جات سليمة؛ فعلاً كان حتبقى مشكلة.
تعرف يا منعم؛ العجلاتية ديل جنهم و جن حاجة اسمها ازيار؛
تسأل العجلاتي من اي شيء؛ الا الازيار.
| |
|
|
|
|
|
|
Re: الزير سالم !! (Re: Hussein Mallasi)
|
سلامات يا عبدالرازق؛
Quote: ملاسي..
دي خلاصة الكتب التلاته... |
ما تنسى ياخي انو من ضمن الكتب التلاتة؛
كتاب الانداية بتاع الطيب محمد الطيب؛
و في الكتاب دا ورد ذكر "البرمة" ما عمق
احساسي بالتعاطف الكامل مع الازيار منكورة الجميل؛
متروكة الذكر و التوثيق.
| |
|
|
|
|
|
|
Re: الزير سالم !! (Re: المسافر)
|
سلامات يا المسافر؛
كدي يا المسافر قبال ما اقول وراك؛
وريني الزول الكتب بالانجليزي قبلك دا؛
داير شنو و داير يقول شنو !!
| |
|
|
|
|
|
|
Re: الزير سالم !! (Re: Hussein Mallasi)
|
سلامات يا زول ساكت؛
Quote: بعدين كان اسمها التوابير جمع تيبار |
الحمد لله انك وريتني معناها؛ لانو لو ما كدا؛
كنت حأقعد سنتين افتش في المعنى.
و الف شكرا يا زول يا ما ساكت.
| |
|
|
|
|
|
|
Re: الزير سالم !! (Re: Hussein Mallasi)
|
سلامات يا جندرية؛
انا كنتا عارف انو دي
ما ممكن تفوت عليكي.
طبعاً و لفقري التقني المدقع؛ لم استطع ان انزل اغنية
- بلنك الحفظ – ترحيباً بعودتك؛
لذا لم اجد بديل الا استبدال الفنجرية بالجندرية؛
و كدي بالله اتخيلي لو كانت الجندرية هي الكلمة الاصلية؛
مش بالله كان تكون انسب من الفنجرية.
جندرية تقوم بقهوجة الحجاج؛
فعلاً قمة التصالح بين الواقع الافكار.
| |
|
|
|
|
|
|
Re: الزير سالم !! (Re: Hussein Mallasi)
|
انت عارف يا حسين
مرات عيال جون ديل بنضمو كتر كتر
والخواجة القال الكلام الفوق دا
الا تعلم بقول انه ضهبان
أيوة كلام ضهب
وكان ما أخاف الكضب
بقول
" عطشان يا صبايا دلوني ع السبيل"
أيوة
أو كما قال
| |
|
|
|
|
|
|
Re: الزير سالم !! (Re: المسافر)
|
Hussain
You want to know what I have said then look at the door back and watch
AlMUSAFER - You are still fooling around here go back to Kindergarten then
| |
|
|
|
|
|
|
Re: الزير سالم !! (Re: Faisal Taha)
|
يا حسين يا حسين
شايف حاجة
فيصولة
رحت وحضرت الدرس الأول
" لما كنت صغيرة
بلعب في التراب
ماما لبستني الجزمة والشراب
وبدري صحيت من نومي ماما قالت قومي أغسل وجهي
هي هي هي
أفطر بدري
هي هي هي
قبل ما الشمس تصحى جلست جبنب الباب جاني واحد أغبر يشبه الغراب
يا غراب غاغ غاغ سف التراب غاغ غاغ
جاتني صديقتي نونة جابت لي ألعاب
تبكي ليه يا نونة افرقعت البلونة يعني لما تفرقع الدنيا برضو حا تولع
يعني ايه لما تولع فيصولة بقى يدلع
لع لع لع بع بع بع
| |
|
|
|
|
|
|
Re: الزير سالم !! (Re: المسافر)
|
ملاسي
Quote: و في الكتاب دا ورد ذكر "البرمة" ما عمق |
واسم الدلع. بريمه.. بعدين ما لقيت باقي الاسامي.. زي.. دوانه.. وجر.. (جر) برضو اسم من اسامي الزير..
وموية الجر... أبرد من موية القلة.. والدوانه... حاجة كده ليها كرش...
وكلو...
فخار...
| |
|
|
|
|
|
|
Re: الزير سالم !! (Re: المسافر)
|
عبد الرازق؛
المسافر؛
سلامات .....
انتظروا التوثيق؛ فسأتيكم بالوثائق المصورة التي تثبت؛
ان الهكر و الزير انما هما وجهان لعملة واحدة.
| |
|
|
|
|
|
|
Re: الزير سالم !! (Re: Hussein Mallasi)
|
الوثيقة المصورة الثانية:
تقع هذه المزيرة للشرق تماماً من السبيل الاول.
يلاحظ ان كوز الطلس هنا قد استبدل بعلبة صلصة كبيرة؛
و يطلق عليها ايضاً كوز صلصة كبير.
| |
|
|
|
|
|
|
Re: الزير سالم !! (Re: Hussein Mallasi)
|
منظر شئ بديع ما أحلى القلل
بدري الكوز على بطن الزير نزل
حسين ملاسي
هذه الأزيار القناوية يقال أن حق الملكية الفكرية تتبع لقرية قنا في مصر شفت كيف حتى مصدر الإلهام الأزياري جاء عكس تيار النيل
ملحوظة::
يتم صيانة الأزيار القناوية بنظافتها وجلخها بالطوب الأحمر
أرجو أن تمدنا بالوثاق لهذا الموضوع الهام
طبعا انت عارف مصير الزير لما ينكسر بدل ما ينقع النقاع تف تف تف تف
يتحول لدلوكة أو مدخنة طلح وحكمة وحكاية برضو يدق تف تف تف تف
| |
|
|
|
|
|
|
Re: الزير سالم !! (Re: المسافر)
|
الوثيقة الثالثة:
عدد 3 ازيار في مزيرة بحي المهندسين - بامدرمان ايضاً -
و لاحظ عدم وجود اي كوز؛ او اي اناء آخر للشرب؛
لا بيجاي لا بهناك؛ لانو انا لفيت بهناك برضو و ما لقيت
كوز بالجهة التانية.
| |
|
|
|
|
|
|
Re: الزير سالم !! (Re: Hussein Mallasi)
|
الوثيقة الرابعة:
في نفس السبيل سابق الذكر؛
اتى هذا الفتى بحثاً عن ما يطفئ به ظمأه؛
و بحث عن ما يعينه على الوصول للماء في اسفل الازيار ؛
الا انه بحث و لم يجد اللاسلكي ........
| |
|
|
|
|
|
|
Re: الزير سالم !! (Re: Hussein Mallasi)
|
الوثيقة السادسة:
ازيار معارضة و معترضة على الاوضاع؛
ارتأت - الازيار - ان تختفي تحت الارض؛
و كان ان التقطت لها هذه الصورة قبل ان تكمل اختفاءها تحت الارض.
* يمكن - بوضوح - ملاحظة التعايش السلمي بين الكوز الالمونيوم و الجك البلاستيك.
| |
|
|
|
|
|
|
Re: الزير سالم !! (Re: صلاح الدين عبدالله محمد)
|
الوثيقة السابعة:
نفس الازيار السابق ذكرها؛
و يرى هنا بوضوح خط الانابيب على حدود الزير الاول؛
- الى الشمال قليلاً - و جنوب الزير التاني؛
و في هذه اللقطة يبدو الجك الازرق مغطياً على شريكه
في السلطة و الثروة .....
اذاً؛ كيفما نرى الصورة؛ نرى وضع الكوز و الجك؛
فكلاهما موجود؛ الا ان نظرتنا لهم هي التي تحدد مكان و اولوية وجودهم.
* فاتني ان اذكر ان هذه الازيار ايضاً كانت موجودة - قبل اختفائها -
بحي المهندسين - العودة - بامدرمان.
| |
|
|
|
|
|
|
Re: الزير سالم !! (Re: Hussein Mallasi)
|
الزير لما ببكون خام اصلو طين سهل التشكيل وبيشكلوا هذا الطين فى شكل الزير ويدخلوه عشان يطلع زير نضيض ومفتح عشان النقاط والتبريدوعشان لو دخلوا اكثر من كوز فى وقت واحد بيطقشوه يقوم يتكسر عشان كدة لما يصنعوة لازم يدخل التورد
والتورد عبارة عن حفرة كبيرة يولعوا فيها النار بعد مايدفنوا الازياد فيها ويطلعوها بعد داك تكون (نضيضة) ولونها احمر ،والزير اذا كان الزير لونه اسوديعنى هو مااخد نار كفاية
| |
|
|
|
|
|
|
Re: الزير سالم !! (Re: صلاح الدين عبدالله محمد)
|
سلامات يا صلاح الدين؛
Quote: فى واحد فيكم بيعرف
التورد |
خلي بالك نفس الحكاية دي حصلت لي مع اخونا زول ساكت؛
يعني لو ما كنتا وريتنا التورد؛ كان الله اعلم نعرفو؛
و يبدو انك خبير ازيار لا يشق لك غبار.
فالف شكر.
| |
|
|
|
|
|
|
Re: الزير سالم !! (Re: Hussein Mallasi)
|
عاجل من الخرطوم:
فلاش:
وردني تقرير عاجل من الخرطوم؛ يؤكد ان الازيار
نصف المدفونة - اعلاه - لم تكن في طريقها للاختباء تحت الارض؛
كما ورد انفاً؛ و انما هي ازيار سياسية؛ محترفة؛
يتم دفنها بهذه الطريقة؛ كنوع من التعذيب؛
لغرض انتزاع المعلومات منها.
و قد افاد مراسلنا - من الخرطوم - ان الازيار لم تزل صامدة؛
على الرغم من جفافها و دق عنق إحداها.
| |
|
|
|
|
|
|
Re: الزير سالم !! (Re: Hussein Mallasi)
|
هجرة الازيار تبعا للتاجر وتوزيعةوالعائد البيدخل جيبة فى ازيار للمنازل ووضعها يكون حسب المنزل الذى نزلتهوغالبا كوزها حسب المنزل ازيار للمدارس تعلى شانها وتساهم وغالبا كيزانها من الالمونيوم ازيار للسبيل ودى كيزان تكون مربوطة وخرمة ازبار للتخمير و تكون كيزانها غالبا جك او كورية هناك ربما هجرات اخرى كيزانها اخرى ايضا حسب الاهداف اها ياملاسى يالذيذ زيركم وكوزة شنو
| |
|
|
|
|
|
|
Re: الزير سالم !! (Re: Hussein Mallasi)
|
ملاسى العزيز...جزاك الله زير)
على زمانك كان زير،هسع بقى زيرو وعلى الشمال كمان واظنو بلحق الديناصور
مع الحناكيش البقى كل واحد او واحدة زمزميته اهم من كتب المدرسة وكان
مكضبنى زور جامعة الاحفاد او التقانةويا حليل زمن حلوقك وكراع ابوك فى
الجنة ،وحك الكيزان بمسطبة المزيرة وديل حناكيش زمان النضاف والباقين
البشرب بى علبة اناناس والبشرب بى علبة ساردين ولا كان فى التهاب ولا عدوى
زمن يا ملاسى ...تصيح على زير،،،،،،،،
| |
|
|
|
|
|
|
Re: الزير سالم !! (Re: صديق الموج)
|
سلامات يا موج؛
تعرف لي 6 يوم بطلع من الصباح انتقي بين
عدة لوكيشنز للتصوير؛ فبعد كل من العباسية و المهندسين؛
سيأتي الدور قريباً على اسبلة؛ سبل؛ سبايل الهاشماب؛
ثم سيأتي الدور بالقطع على بحري.
فقط ابقى في الانتظار و سأتيك بنماذج جميلة جداً؛
و كدي اديك تصبيرة كدا بقدرة الفول دي :
فربما يكون موضوعنا القادم:
قِدر الفول؛ هل هي قَدر ام قِدر !!
| |
|
|
|
|
|
|
Re: الزير سالم !! (Re: صديق الموج)
|
سلامات يا صديق؛
Quote: قدر حى الشهداء البدخنن ديل |
قدر الشهداء البدخنن؛ ذكرتني حكاية حصلت في جدة قبال سنين؛
اخونا شعبية كان عندو عربية باعها لواحد سعودي؛
تاني يوم من المبايعة؛ السعودي قال لشعبية:
- يا شيخ السيارة بتاعتك بتدخن !!
فرد شعبية بقطامته المعهودة:
- بتدخن ...... بتسكر انا ما لي صلاح.
| |
|
|
|
|
|
|
Re: الزير سالم !! (Re: المسافر)
|
مالا ابت تفتح يا المسافر؛
اتراها - الصفحة - محتجة على الازيار و الاسبلة؛
اتراها تحالفت مع السلطات الصحية ضد وجود الازيار؛
اتراها معترضة على جهوية مواقع التصوير !!
يالها من صفحةً اولى متواطئة يجب النظر في امرها.
| |
|
|
|
|
|
|
Re: الزير سالم !! (Re: A.Razek Althalib)
|
يا حسين يا حسين
احتجت الأزيار
الأزيار وبس؟؟
أهتزت القواديس
وجماعتها
ناس فقوس
وما تنسى عددهم عشرة مع كل قادوس
وأضربت السواقي والعشميق حبل الللس
والجرارة وشيخها التور (تور الجر)
وأشرأبت الضفادع وتميزت بالنقيق في جوار الجرارة الغاطسة أرض جو
وتثاءب النوار وعمل دايفنج داخل الجرارة اللاقطة من الأقمار
والزير العتاقي حمال الدهن ( الدهن في العتاقي)
والزير الحراقي السقاط النقاط أسود دهيس اللون لبوسه حجر بطارية
| |
|
|
|
|
|
|
Re: الزير سالم !! (Re: المسافر)
|
سلامات يا صلاح الدين؛
Quote: ازيار للمدارس تعلى شانها وتساهم وغالبا كيزانها من الالمونيوم ازيار للسبيل ودى كيزان تكون مربوطة وخرمة ازبار للتخمير و تكون كيزانها غالبا جك او كورية هناك ربما هجرات اخرى كيزانها اخرى ايضا حسب الاهداف اها ياملاسى يالذيذ زيركم وكوزة شنو |
و هنالك ازيار للتزيير؛
و هذه ليست لديها كيزان؛
فهي تعيش وحيدة و تموت وحيدة؛
دون كوز او غطاءٍ او حتى مياه.
فهي اقرب للزينة.
| |
|
|
|
|
|
|
Re: الزير سالم !! (Re: Hussein Mallasi)
|
فاتني ان اذكر ان الزير - الوحيد - اعلاه؛
هو من ازيار منطقة المقرن؛
و لو ملاحظ يا وليد طه؛
ان زيرنا هذا في منتهى الوجاهة؛ و الاناقة؛
و ما زال نضراً؛ و لم يحتاج - بعد - للحيمور.
بس نسى يلبس الطاقية.
| |
|
|
|
|
|
|
Re: الزير سالم !! (Re: Hussein Mallasi)
|
مسجد و مزيرة مسجد الهاشماب بعد الصيانة و الترميم و التعديل
الذي تم في المسجد.
و بالمناسبة؛ في ضهر المزيرة دي؛ في مزيرة مشابهة لها؛
و كلاهما مُعتنى به للغاية.
طبعاً الناس الطولت و ما شافت الجامع دا؛ حتلقى تغيير
كبير جداً؛ لانو الدكان الكان ملاصق للمسجد؛ تم هدمه
و ادماجه في المسجد و كذلك الغرفة و البرندة التي كان
يعمل بهما العم ابو عبيسة الترزي.
| |
|
|
|
|
|
|
Re: الزير سالم !! (Re: Hussein Mallasi)
|
مزيرة نموذجية؛ تقع في الهاشماب ايضاً؛
في شارع قبة الشيخ البدوي؛
امام منزل عمنا المرحوم محمود ابوسنينة.
و وجودها تحت الشجرة؛ و بين النباتات المتسلقة؛
يجعل لها نكهة مكتملة.
| |
|
|
|
|
|
|
Re: الزير سالم !! (Re: Hussein Mallasi)
|
في رحلتي للبحث - و تصوير - الازيار و المزاير؛
اصبت بالعطش الشديد؛ فتيقنت من اهمية وجود الازيار
و المزاير؛ و الاهتمام بملئها و تدليلها و العناية بها.
| |
|
|
|
|
|
|
Re: الزير سالم !! (Re: Hussein Mallasi)
|
المسافر؛
الطالب؛
سلام و سلامات؛
مازلت عند وعدي بأن اوافيكم بوثائق تثبت ان
بعض الازيار قد تم تهجيرها؛ و ان القوات المحتلة قد تمددت
و اخدت راحتها على الاخر؛ و كأن ليس في العالم محاكم جزاء دولية.
فقط ترقبونا .......
| |
|
|
|
|
|
|
Re: الزير سالم !! (Re: Hussein Mallasi)
|
و بعد فراغي من ايراد كل الوثائق
التي ستثبث حجم الظلم الذي وقع على الازيار؛
سأقوم - او ربما لا اقوم - بتفنيد الدعاوي
المنتشرة بكثرة هذه الايام؛ و الداعية للتطهير الزيري.
و ربما اقوم - او لا اقوم - بتصميم عريضة لجمع التوقيعات؛
للمناصرة و الضغط على الطغمات التي تريد بازيارنا الشر و الشرور.
عسى ان يكفينا الله شر مبهدلي عرائض التوقيع.
| |
|
|
|
|
|
|
Re: الزير سالم !! (Re: Hussein Mallasi)
|
و تظن - واهمة - هذه النخلة المجرمة ان جريمتها سوف لن توثق؛
و تظن - آملة - انها سوف تهرب من التعقب و العقاب.
و تظن - نادمة - ان يا ليتها لم تتورط.
| |
|
|
|
|
|
|
Re: الزير سالم !! (Re: Hussein Mallasi)
|
حسين يا حسين
هانت الأزيار فسكنها النحل
وهاجرت الأزيار فتطاول محلها النخل
في توثيقك للأزيا ما تنسى تغشى دار الوثائق المركزية
كانت قدامها جرارة
ومن خلفها جرارة
وطبعا سوف نوثق لك دور الأزيار في الحركة والطنية ونيل وطرد المستعمر
لقد ذكرت من قبل قصة إمرأة جاءت محطة عطبرة ولم تجد إلا صالون المأمور الإنجليزي
والعطشقية قرعوها ياولية ما تركبي يا ولية أنزلي الليلة مافي قطر
قال ليهم وده شني؟؟؟
قالوا ليها ده صالون المامور الإنجليزي
قال ليهم لي شنوه الخواجي ده يركب وأنا ما اركب أها ماني نازلي
المامور شاف الشمطة قايمة قال ليهم في ايه
قالوا ليه الولية دي عاملة حجة عايزة تركي
قال ليهم خلوها تركب واعتبروها ضيفة معي وقدموا ليها الخدمات
الحاجة عجبتها الأزيار القناوية في الصالون
لما نزلت في محطتها طوالي رفعت واحد من الأزيار فوق رأسها
الخواجة قال ليهم خلوها ما حد يسألها
مشت وضعت الزير وسط سوق القرية وملته ماء ووضعت بجانبه الكوز
الناس في السوق اتلموا واتحلقوا حول الزير
قاموا قالوا ليها ياولية ده سرقتيهو من وين ياولية يا شقية
قالت ليهم انتو خلو شراب القرب المعلقة في السيبة واتعلمو تشربو من الزير وبعدين
أسألوني جبتيهو من وين
وأصبح الزير مزار للنضال الوطني..
| |
|
|
|
|
|
|
Re: الزير سالم !! (Re: المسافر)
|
المسافر؛
زميلي في الكفاح لاعادة الحق السليب لاهله؛
سلامات ......
ما مات حق وراءه مُطالب.
اتت هذه النخلة - التي تظن نفسها باسقة -
و هي تحسب ان الحكاية هاملة؛ و يبدو انها قد اتت لحتفها.
معاً لاجتثات الفساد ممثلاً في هذه التي تظن نفسها باسقة.
و لا نامت اعين الجبناء.
| |
|
|
|
|
|
|
|