|
Re: *** لو شفتي يا يمة شرف البنية الكان داسنو في ضلمة !!!*** (Re: اسماء الجنيد)
|
Quote: الأستاذة أسماء لك التحية ستقرأ قصيدتك هذه بالقضارف في وقفة مع الشامخة صفية و ضد هؤلاء الأنجاس |
مرحبابك اخي الأستاذ جعفر خضر ده خبر سار وجميل وحقيقي يشرفني جدا جدا جدا اتمنى ان ان تقرأ في منتدى شروق الواجهة المشرقة لكل اهلنا بالقضارف وخارجها تحياتي لك وعبرك لكل اهلي بقضروف سعد شكرا لمرورك الجميل استاذ جعفر
| |
|
|
|
|
|
|
Re: *** لو شفتي يا يمة شرف البنية الكان داسنو في ضلمة !!!*** (Re: اسماء الجنيد)
|
Quote: فوووق عشان حبيبتنا الغالية سومـا والتعبير الراقي الرفيع (لو شفتي يا يمة شرف البنية الكان داسنو في ضلمة) وجُل القصيدة الرائعة، يا سلام عليك يا حبيبة يا قريبة. وهذا الإنعكاس الشعري الراقي الرزين الرصين الثائر في ذات الوقت. ثورة النساء ضد الإغتصاب والقمع والظلم تنتظر مساهماتك البديعة، فأنتِ فخر لها وأشعارك الرصينة ونثرك الراقي مفخرة لنا جميعاً. حتى ذلك الحين هاكِ تاني وتالت ورابع إحدى أُغنياتي المفضّلة، طعم الغربة هذه الكلمات الحنينة ومخاطبتك للأم فيها أيضاً، والخالة والعمة، يا سلام يا سلام عليك يا أسماء، الله يديك العافية مع أسرتك الكريمة، ولكم المحبة وصادق المودة. |
دكتورتنا الحنينة وغالية حبابك يمة[ يا سلام عليك وعلى حنيتك المدفقة جداول راوية كل الفريق يعلم الله طلتك ترد الروح وتشفي النفس السقيمة شوفتك شفاء وشوقك وفاء تسلمي يا حبيبة على كلامك المرصوص زي خرز العروس وشكرا للطلة البتشرفني وتفرحني ديمة عبيتيني فرح حد السقف ربي يعبيك سعادة وعافية يا نوارة الشدرة الطارحة البكرة يا مرسومة بقندول عيش ورذاذة مطرة يا بت بلدي شكرا ماااااااارقة من الجوف /B]
| |
|
|
|
|
|
|
Re: *** لو شفتي يا يمة شرف البنية الكان داسنو في ضلمة !!!*** (Re: اسماء الجنيد)
|
فوووووق · يا أخواننا لموا علينا.. عشان سوداننا الغالي علينا · يا سوداني انت القوة.. وانت شرارة النار الجوة · يا سوداني أنسى الخوف.. خلي غيرك يصحى يشوف · يا سوداني صحي الروح.. الحرية باب مفتوح · يا سوداني عشان اولادك.. سمع كل الدنيا مرادك · ارفع صوتك قول للناس.. نحنا كرهنا الظلم خلاص · ما دايرين تجار الدين · يا شارع الحلة.. ولع عليك الله.. نضف بيوت الله.. · البوليس ما ضد الشعب.. البوليس حيحمي الشعب · يا بوليس ماهيتك كم.. ورطل السكر بقا بي كم.. أصحى وشوف راجنك كم
شكرا سوما
| |
|
|
|
|
|
|
Re: *** لو شفتي يا يمة شرف البنية الكان داسنو في ضلمة !!!*** (Re: اسماء الجنيد)
|
Quote: فوووووق
· يا أخواننا لموا علينا.. عشان سوداننا الغالي علينا · يا سوداني انت القوة.. وانت شرارة النار الجوة · يا سوداني أنسى الخوف.. خلي غيرك يصحى يشوف · يا سوداني صحي الروح.. الحرية باب مفتوح · يا سوداني عشان اولادك.. سمع كل الدنيا مرادك · ارفع صوتك قول للناس.. نحنا كرهنا الظلم خلاص · ما دايرين تجار الدين · يا شارع الحلة.. ولع عليك الله.. نضف بيوت الله.. · البوليس ما ضد الشعب.. البوليس حيحمي الشعب · يا بوليس ماهيتك كم.. ورطل السكر بقا بي كم.. أصحى وشوف راجنك كم
شكرا سوما |
تسلم يا احمد يا خوي , يعلا مقامك انت يابا ويعظم شأنك كتر خيرك كتير يا ابو حميد يا اصيل
| |
|
|
|
|
|
|
|