|
|
 إلا محجوب شريف يا حسين ملاسى....
|
فى غير مكان فى هذا البورد كتب حسين ملاسى بوستا ماسخا لا طعم له
هدف هذا البوست النيل من قامة سودانية عرفت بالاستقامة والشرف و الثبات قبل أن يعرفها شعرها للناس
قامة لا يمكن لاثنان أن يختلفا فيها حتى اعداء محجوب شريف شهدوا له بطهارة النفس والزهد فى ملذات الحياة
محجوب شريف الذى رفض أن ينال مبلغ العشرة الف دولار جائزة شعراء وراء القضبان واصر ان تقسم بالتساوى على كل المناضلين يا حسين لا يمكن ان يحوج نفسه لهتافية لم يرها احد سواك.
محجوب قضى بالمعتقلات اجمل سنين عمره و كان كلما دخل معتقلا زاد ثباته واخرج للناس دررا وهو القائل لسجن كوبر حين اعتقلته الانقاذ:
جيناك وكنا خرجنا منك مرفوعى الرؤوس
جيناك مرفوعى الرؤوس
افتح زنازينك
اهو بنفتح صدورا ما بتكوس الرحمة
تب ما فينا عرقا فيهو سوس
انت لا تعرف محجوب يا حسين لا على المستوى الشعرى ولا الانسانى واعماك الكره و زين لك أن تنال من هذا الشخص الذى احاطه الشعب السودانى بمحبة لم يعرفها شاعر او مناضل من قبله.
ارفع سقم قلمك عنه يا ملاسى
او واصل و ستواصل خيبتك معك
|
|
 
|
|
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
Quote: ارفع سقم قلمك عنه يا ملاسى
او واصل و ستواصل خيبتك معك |
الامر يتعلق بدوافع هذا الملاصي الذي هو كالمنبت دوما يشوه ولا يعرف للجمال طريق
أمثال ملاصي لا يرجئ منهم أبدا فهذا الملاصي أعماه حقده عن رؤية الورود في الشوكـ
لايوجد وجه مقارنة او شبه مابين مخادع ساقط كتاجر بدين الله ومشتبه في كل سلوكه وبين
شاعر الشعب من ذاق ويلات السجون ورخج أكثر ايمانا بشعبه وامته حسين ملاصي ياهشام المجمر
يتحسس موضعه في المبر ليثير غبارا يلمع من بعد إنجلائه أمثال حسين ملاصي لا يستحقون الرد
عليهم .
...........................................................................حجر.
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
Quote: عليك أن تنتقي ألفاظك و أنت تخاطبني يا هشام؛
فسأصيبك في مقتل إن رددت عليك بمثلها |
وانا اثني ياهشام المجمر ... ملاصي بلا شكـ سيصيبكـ
في مقتل فلاسنه فطم على ذلكـ وما في جوفه أنتن ولكن
ماذا نقول في أمثاله دعه فلن ينال من قامة كالشريف
محجوب شريف.
............................................حجر.
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: kamalabas)
|
| Quote: اخيرا يا حسين انا لا اهاتر هنا و بوستى هذا لم افتحه لكى اشتمك ولكننى فتحته محبة وتكريما لشخص محجوب شريف |
يا هشام انت كرم محجوب شريف وهو اهل لذلك و خلينا نحن بنطوبر ليك 
و نصيحة اخوية كده تكريمك ده افتح ليهو بوست غير ده 
كمال عباس مرحب بيك فى طابور جديد و نحن فى انتظار كيكى
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: Siham Elmugammar)
|
هشام المجمر ..
انا لا من جيلك ولا جيل ملاسي ..
ولا قاعد احترم حاجاتكم البتفرضوها علي الناس ..
محجوب شريف ذيه ذي غيره .. ذي مليون واحد حلم ولقى في النهاية انه احلامه دي احلام زلوط ..
كونه يجي يرفع يافطة يقول انا اتبرأ مما فعلته بكل حواسي وبكامل قناعتي ..
دي سقطة كبيرة .. وبتشككنا في تاريخ الراجل كله ..
..
..
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
ألاخ حميدة
سلام وتحايا
Quote: هشام المجمر ..
انا لا من جيلك ولا جيل ملاسي ..
ولا قاعد احترم حاجاتكم البتفرضوها علي الناس ..
|
هل الاحترام يقترن بالضرورة بالجيل؟!!
بمعني اذا لم يكن الشخص أو الفعل من جيلك لا يجدر بك احترامه؟
Quote: كونه يجي يرفع يافطة يقول انا اتبرأ مما فعلته بكل حواسي وبكامل قناعتي ..
دي سقطة كبيرة .. وبتشككنا في تاريخ الراجل كله ..
|
ألا يوجد بشر يخطئ وإن وجد، هل إعتذاره عن خطأ ارتكبه يصبح سقوطاً.
ــــــــــــ
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
يا حميدة
سلام
Quote: هشام المجمر ..
انا لا من جيلك ولا جيل ملاسي ..
ولا قاعد احترم حاجاتكم البتفرضوها علي الناس ..
محجوب شريف ذيه ذي غيره .. ذي مليون واحد حلم ولقى في النهاية انه احلامه دي احلام زلوط ..
كونه يجي يرفع يافطة يقول انا اتبرأ مما فعلته بكل حواسي وبكامل قناعتي ..
دي سقطة كبيرة .. وبتشككنا في تاريخ الراجل كله .. |
لكن انا بحترم رايك لذلك سوف ارد عليه
من حق اى احد ان يحلم وان يعمل لتحقيق احلامه حتى ولو كانت احلام ظلوط
حمد لله انه قال انه فى طريق تجقيق احلامه ارتكب خطأ و انه يعتذر عنه
والمعتذر له شعب كامل يستحق هذا الاعتذار و هذا الاعتراف
محجوب شريف عمل جاهدا بنزاهة و بتجرد طيلة عمره
وساند جانب البسطاء والمستضعفين قولا و فعلا
بات آلاف الليالى فى السجون
وهو لا يعرف ما اذا كانت زوجته وبنتاه قد اكلن ام بتن القوى
صمد امام كل المغريات
اغراء تكريم رجل الاعمال الشهير وعربته الهدية
والقناة التى عرضت عليه الملايين من اجل كتابة ما يرضيهامن الشعر
اسمح لى يا حميدة ان اقول لك انك جافيت الحق فى حق مناضل التزم جانب الشعب
كما اسمح لى ان اوجهك بمخاطبة من هم اكبر منك سنا وتجربة باحترام
وان تحترم حاجاتهم حتى ولو كنت تختلف معها
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
معليش يا هشام ..
كلامك دا ما بدخل راسي ..
لمن تجي تكتب لي عنوان علي شاكلة اول رد بيكون هو محجوب شريف دا منو ..
نحن لا بنعرف محجوب شريف ولا علي عبد الزنبار ..
الامجاد البتتكلموا عنها دي كانت النتيجة بتاعتها صفر ..
مالي انا ومال اولاد محجوب شريف اكلوا ولا ما و اكلوا ..
عملوا شنو جيل محجوب شريف وجيلك انت عشان تجوا تمجدوا في بعض ..
بالله فكونا من الاسطوانة دي ..
اعملوا حاجاتكم في الخفاء احسن ..
اعتبروا نفسكم ديانة منبوذة ..
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
مرة اخرى يا حميدة
| Quote: نحن لا بنعرف محجوب شريف ولا علي عبد الزنبار .. |
محجوب شريف6 ليس عبد الزنبار
وحتى لو كان عندك رأى بان محصلة عمله صفر
ارجو ان تحترم الرجل
و تحترم خيارات الناس واتجاهاتها حتى ولو اختلفت معك فى الرأى
على المرء ان يجتهد وليس عليه ادراك النجاح
ولا يقلل عدم ادراكه النجاح من حقيقة ان اجتهد
خاصة لو كان اجتهاده مقرونا بالابداع
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: mohamed karib)
|
كل ارث محجوب شريف فى هذه البسيطه..انه يسارى غنى لمايو عندما كان اليسار يلتحف وشاحات مايو الخلاص..ويقاسمها سرير السلطه المخملى
لم يغنى لشهداء الجزيره ابا ولا شهداء ود نوباوى.ولا مقتل الامام الهادى.... اوليسوا همو من اباء الشعب الشودانى الاغبش..؟؟؟ ولم يغنى لضياع الديمقراطيه ..ولم يغنى للحريه...!!
طمس اسمه ولوثه باناشيد مايو..وغناء مايو..والتزام مايو.ورباط مايو...!!
ويا فارسنا يا حارسنا..
يا مايو..الخلاص
كل هذا الضجيج الذى يثار حوله ..نتاج للانتماء اليسارى الملتزم..والذى تسبب فى كل مصائب السودان حتى اللحظه..
كل تاريخه انه يسارى دافع وغنى لمايو..وحين اختلفوا..انقلب على مايو...واعتقل بعد فشل الانقلاب اليسارى...لانه يسارى..ولان حزبه تامر على مايو..
وكل اشعاره قيلت.. فى اليسار...
ونسال ..ماذا قدم محجوب شريف ..للشعب السودانى الذى ظل يسحق تحت اقدام سلطة الانقاذ..؟؟
واين هو من كل ذلك.واين شعره..؟؟
وماذا يعنى .إعتذاره..الان...؟؟ هل هو تملص عن انتمائه الحزبى...واليسارى.؟؟
اوليس الاجدر به ان يثير نخوة اليساريين .كى يثاروا لقادتهم الذين شنقوا على منصة اعدام كوبر.وعلى كوادرهم العسكريه التى مزق الرصاص اجسادهم فى ممرات القياده...!! ومن قتلوهم يتجولوون الان فى شوارع امدرمان والخرطوم.. ..!!
اى عار اكثر من ذلك..!!
ونقول لمحجوب شريف ..مثل ما قال شريكه وردى..
إإعتذارك ما بيفيدك..
والعملتو كان بايدك..
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: عصمت العالم)
|
محجوب رجل شريف
سودانى اخلاقا وبالفطرة
رفض الانكسار
رفض نابع من دواخله
كتب شعرا لا يدانيه غناء الطير او اى جميل اخر
فكان ,........... الاجمل
لم يعشق السجون
لكنه لم يخف دخولها
فدخلها مرات عدة
حولها الى مسارح
سمعنا
حكايات من زامله فى السجن
واتمنيت لو كنت معاهم
ميلاد اشعار
نقاش جاد
واليوم يجو ناس من اجيال قريبة يقولو ما عارفين محجوب
ما عيب انو تكونو ما عارفينو
لكن اقرو عشان تعرفوه
واكيد حتستفيدو كتير
طيب ؟؟
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
| Quote: محجوب شريف ليس عبد الزنبار |
وانت عندك احساس انه عبد الزنبار دا زول ما كويس ..
اها اقول ليك حاجة عبد الزنبار دا بالتحديد بمثل لي قيمة ادبية وفنية ..
عشان كدا قارنت بيهو الاستاذ ..
..
..
ما قلت ليك كل زول عنده القيم والاعراف بتاعته ..
ما تجي تخت لينا قاعدة ان محجوب شريف فوق النقد ..
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
Quote: كل ارث محجوب شريف فى هذه البسيطه..انه يسارى غنى لمايو عندما كان اليسار يلتحف وشاحات مايو الخلاص..ويقاسمها سرير السلطه المخملى
لم يغنى لشهداء الجزيره ابا ولا شهداء ود نوباوى.ولا مقتل الامام الهادى.... اوليسوا همو من اباء الشعب الشودانى الاغبش..؟؟؟ ولم يغنى لضياع الديمقراطيه ..ولم يغنى للحريه...!!
طمس اسمه ولوثه باناشيد مايو..وغناء مايو..والتزام مايو.ورباط مايو...!!
ويا فارسنا يا حارسنا..
يا مايو..الخلاص
كل هذا الضجيج الذى يثار حوله ..نتاج للانتماء اليسارى الملتزم..والذى تسبب فى كل مصائب السودان حتى اللحظه..
كل تاريخه انه يسارى دافع وغنى لمايو..وحين اختلفوا..انقلب على مايو...واعتقل بعد فشل الانقلاب اليسارى...لانه يسارى..ولان حزبه تامر على مايو..
وكل اشعاره قيلت.. فى اليسار...
ونسال ..ماذا قدم محجوب شريف ..للشعب السودانى الذى ظل يسحق تحت اقدام سلطة الانقاذ..؟؟
واين هو من كل ذلك.واين شعره..؟؟
وماذا يعنى .إعتذاره..الان...؟؟ هل هو تملص عن انتمائه الحزبى...واليسارى.؟؟
اوليس الاجدر به ان يثير نخوة اليساريين .كى يثاروا لقادتهم الذين شنقوا على منصة اعدام كوبر.وعلى كوادرهم العسكريه التى مزق الرصاص اجسادهم فى ممرات القياده...!! ومن قتلوهم يتجولوون الان فى شوارع امدرمان والخرطوم.. ..!!
اى عار اكثر من ذلك..!!
ونقول لمحجوب شريف ..مثل ما قال شريكه وردى..
إإعتذارك ما بيفيدك..
والعملتو كان بايدك.. |
يا حارسنا وفارسنا يا بيتنا ومدارسنا.. كنا زمن نفتش ليك وجيتنا الليلة..
الأخ هشام المجمر..
معذرة... ضحايا الجزيرة ابا وودنوباوي ليست لديهم هذه النظرة للشاعر الكبير محجوب شريف..
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: صلاح الفكي)
|
Quote: ونسال ..ماذا قدم محجوب شريف ..للشعب السودانى الذى ظل يسحق تحت اقدام سلطة الانقاذ..؟؟
|
السيد عصمت العالم، مرة اخرى و فى هذا البوست
انت يا زول لاك عالم و لا حاجه، و لا بتعرف محجوب شريف زاتو
الكلام البتقول فيهو دا كلام مكرور و مجوج باين عليك سمعتو سمع
امشى ياخ اسأل من مشاريع محجوب شريف الحالية الليلة دى و معنا
هنا فى المنبر دا الاخ زهير الزناتى ممكن ينورك عن كل المشاريع الخيرية المتبنيها
محجوب شريف. و لو انتا بتابع فى الايام الفاتت كان فى اكتر من بوست بعكس
النشاطات الخيرية للجمعيات التى يرعها محجوب الشريف، امشى اسأل عن مشروع الهكر.
الهكر الذى كتب لى محجوب شريف قصيدة طويلة
يقول فيها:
الهكر و الكبرت على و الفاض عن الحاجه
و المنسى فى الدولاب او جوة تلاجة
اسأل برضو عن الجمعيات التى تسعى الى تأهيل نساء الاسر الفقيرة
و تمليكهن حرف لكسب العيش، اسأل عن مشروع النفاج الثقافى
دى مشاريع يتبنها نبى الله محجوب شريف يستقطع له من وقته و جهده و عرقه
لا يرجو فى ذلك جزاء و لا شكورا.
انتا يا زول ما بتعرف محجوب شريف دا فعليك الله ما تتكلم بجاهلة ساى.
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: abubakr salih)
|
Quote: يا حارسنا وفارسنا يا بيتنا ومدارسنا.. كنا زمن نفتش ليك وجيتنا الليلة..
الأخ هشام المجمر..
معذرة... ضحايا الجزيرة ابا وودنوباوي ليست لديهم هذه النظرة للشاعر الكبير محجوب شريف.. |
السيد صلاح الفكى.
انتا قبل كده شايفك صرحتك انك كنت من ضمن سدنة مايو، بل نشطت فى شنو كدة الثورية
تقول على الكتايب كان ما اخاف الكضب، و لا انا غلطان. و على ما اعتقد انك مايو على اسوأ
ايام مايو و شرورها فى عز السماء، كدى حدثنا بالمناسبة دى عن تجربتك و هل تقدمت باعتذار
للشعب السودانى عن نشاطك المايوى ام لا، اذا لم تتقدم باعتذار اوضح لنا اسبابك؟.
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: abubakr salih)
|
Quote: السيد صلاح الفكى.
انتا قبل كده شايفك صرحتك انك كنت من ضمن سدنة مايو، بل نشطت فى شنو كدة الثورية
تقول على الكتايب كان ما اخاف الكضب، و لا انا غلطان. و على ما اعتقد انك مايو على اسوأ
ايام مايو و شرورها فى عز السماء، كدى حدثنا بالمناسبة دى عن تجربتك و هل تقدمت باعتذار
للشعب السودانى عن نشاطك المايوى ام لا، اذا لم تتقدم باعتذار اوضح لنا اسبابك؟. |
الأخ ابوبكر صالح..
طليعي كتائيبي..نعم .. لكن من السدنة.. ؟ قل لي انت .. اين كان هذا..وفي سنة كام؟.. وأرجو أن تأتي بالرابط.. حتى تذكرني ..
ومع ذلك ..فان محجوب شريف.. لا ننكر حقه كانسان..وأما الحقيقة..فقد ارتبط اسمه بمايو الحمراء.. أما السجون.. فقد تعرض لها الكثير في مايو ..واصبحت صفة توضع لكل المرشحين في عهد الديمقراطية الثالثة.. وحباب الاشتراكية..
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
سلام يا هشام
مع تقديري و تفهمى لكلامك يا هشام و كل من دافع عن محجوب لكن مجرد الدفاع عن محجوب في وجه ركاكة و ابتذال و انحطاط زى ده هى اهانة لمحجوب و ما يمثله محجوب
و ضحك محجوب شريف .... حتى طارت قمرياته
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: esam gabralla)
|
Quote: كل ارث محجوب شريف فى هذه البسيطه..انه يسارى غنى لمايو عندما كان اليسار يلتحف وشاحات مايو الخلاص..ويقاسمها سرير السلطه المخملى
لم يغنى لشهداء الجزيره ابا ولا شهداء ود نوباوى.ولا مقتل الامام الهادى.... اوليسوا همو من اباء الشعب الشودانى الاغبش..؟؟؟ ولم يغنى لضياع الديمقراطيه ..ولم يغنى للحريه...!! |
مبالغة لكن يا عصمت العالم...محجوب شريف كل ارثو أنو يساري غنى لمايو؟؟
محجوب شريف لم يغن للحرية؟؟
غايتو بس نستنى محجوب شريف ده لما يجيك في المنام ..نشوفك بتغير كلامك و للا لا (1)
_________________________________________________________________
اشارة لبوست عصمت العالم عن واحد اسمو شيخ الأمين قام فية بشتم الرجل
على مدى صفحتين..لينهي بعدها البوست بالاعتذار بعد زيارة الشيخ له في المنام.
| |
|
|
|
|
|
|
|
|
 Re: إلا محجوب شريف يا حسين ملاسى.... (Re: هشام المجمر)
|
Quote: نعم ...سيدى الامام..
لقد كنت ولا زلت وستظل ..انت الشعلة ...والمشعل...وانت..القياده .وانت فيلق الركاب..وحادى المسيره..
ووهج .ضيائها..المضى... |
على الاقل ملاسي ماعندو سيد ولا شعلة ولا مشعل لا قيادة لا فيلق لاحادي لا وهج !
الكلام المقتبس ده للانصاري المطيع عصمت العالم حفظ الله مشاعله وقيادته وفيالقه وحاديه !
وتحيا الحرية !!
| |
|
|
|
|
|
|
|
|
 Re: إلا محجوب شريف يا حسين ملاسى.... (Re: خالد العبيد)
|
[B] الباشمهندس ود طه المُجمر
** كيف يتم مُقارنة الثرى بالثريا؟؟؟ كيف يتم مُقارنة من تحوم حوله الشبهات من جميع النواحي والتي يعف اللسان عن ذكرها وبين من نأت عنه الشُبهات إحتراماً وإجلالاً له ولمواقفه المُشرفه التي جعلته مرفوع الرأس عفيف اللسان يحترمه من يختلف معه قبل إحترام من يتفق معه ؟؟؟
*** كيف يتم عقد مُقارنه بين نصير الفقراء والمُشردين ,, وبين من أدت مطامعه الي ان تصير المليون ميل مربع دار فقر وبؤس وشقاء ؟؟
**** لاوجه للمُقارنه ,, ولانحتاج لإعتذار من رئيس العصابه بعد طرده من الوكر ,, مانحتاجه هو مُحاكمته عندما يحين وقت الحساب الدنيوى ,, ولن نرضي بعـفا الله عما سلف فمثل هذه الجرائم لاتسقط بالتقادم.
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
Quote:
معليش يا هشام ..
كلامك دا ما بدخل راسي ..
لمن تجي تكتب لي عنوان علي شاكلة
Quote: إلا محجوب شريف
اول رد بيكون هو محجوب شريف دا منو ..
نحن لا بنعرف محجوب شريف ولا علي عبد الزنبار ..
الامجاد البتتكلموا عنها دي كانت النتيجة بتاعتها صفر ..
مالي انا ومال اولاد محجوب شريف اكلوا ولا ما و اكلوا ..
عملوا شنو جيل محجوب شريف وجيلك انت عشان تجوا تمجدوا في بعض ..
بالله فكونا من الاسطوانة دي ..
اعملوا حاجاتكم في الخفاء احسن ..
اعتبروا نفسكم ديانة منبوذة .. |
كلام الطير في الباقيييير !!!!!!!!!!!!!!!!!!!!!!!!!!!!!!!!!!!!!!!
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: sari_alail)
|
| Quote: لم يغنى لشهداء الجزيره ابا ولا شهداء ود نوباوى.ولا مقتل الامام الهادى |
عملاً بنصيحة تمجيد محجوب شريف امام الترابي تعتبر ظلم، ومقارنة غير عادلة قررت الا اكتب تمجيداً لمحجوب
ولكن ساءني كلام العالم الذي يعتقد ان عدم الكتابة في مواضيع معينة تصادر عن الفرد شاعريته
كما الذي يطالب شاعراً بان يكتب له قصيدة يوم تخرجة او يوم زفافه او يوم وفاته، واما فانه يشك
لا في شاعريته فحسب ولكن تصبح علاقاتهم الانسانية نفسها محل مراجعة ...
ياخي عصت :
الشاعر لا يطالب بالكتابة في حدث ما حتي يكتب مع الشعراء او الوطينين، اذا كنت تتحدث عن موقف
سياسي لليسار عن ضرب الجزيرة ابا وود نوباوي كموقف سياسي لتحاكم علي اثره موقف اليسار او
الشيوعيون بالتحديد فعليك متابعة موقف الحزب من هذه القضية لا محجوب شريف وهذا موضوع اخر ..
اما اذا لم يكتب محجوب شريف عن القضية الفلانية فلسطين مثلاً او جنوب افريقيا او كجبار او
دارفور هذا لا يحاكم به محجوب شريف كشاعر وطني ....فالقصيدة ياخي ليست بيان حزبي ولا هي
تكليف سياسي ولكنها انفعال جمالي خاص .
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: ibrahim alnimma)
|
للذين يكررون هذه العبارة
( كل ارث محجوب شريف فى هذه البسيطه..انه يسارى غنى لمايو عندما كان اليسار يلتحف وشاحات مايو الخلاص)
أقول لهم:
كتب محجوب رائعته.....
يا شعبا تسامى يا هذا الهمام
عن الشهيد الأستاذمحمود محمد طه
واعتقل في نفس يوم نشرها وبسببها, ولدي تفاصيل ذلك.
فهل كان محجوب من الحزب الجمهوري ؟
أتمنى أن من يكنب عن محجوب شريف أن يكون قد عرفه أو قرأة
أما المساس بهذا الإنسان الشفاف , فهي إهانة وإساءة إلى شخصية وطنية نادرة
وأكتب هذا لإحقاق الحق
وحتي لا يذهب تفكير البعض بعيدا, أوضح لكم
ومن يعرفني من ناس البورد يعلمون بأني لست شيوعيا ولست جمهوريا
ولكني أحترم كل إنسان لشخصةوفعله دون التدخل في معتقده.
داود
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: sari_alail)
|
| Quote: كلام الطير في الباقيييير |
ياخي ما تقعد تتفلسف ..
قول انا غبي وحمار وما فهمت الكلام ..
دا كلام بالدارجي وبتاع الشارع .. اي بتاع ورنيش بفهمه ..
ما تعمل لي فيها مثقف كون حال الدنيا اهداك كرفتة زرقا وقميص لبني و بدلة زرقا وجزمة بنية ..
هسع لبستك دي نقول عليها شنو ..
دي الطير زاتو في الباقيير .. ما كلامو ..
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: humida)
|
Quote: ياخي ما تقعد تتفلسف ..
قول انا غبي وحمار وما فهمت الكلام ..
دا كلام بالدارجي وبتاع الشارع .. اي بتاع ورنيش بفهمه ..
ما تعمل لي فيها مثقف كون حال الدنيا اهداك كرفتة زرقا وقميص لبني و بدلة زرقا وجزمة بنية ..
هسع لبستك دي نقول عليها شنو ..
دي الطير زاتو في الباقيير .. ما كلامو .. |
كلامك زاد عن الطير في الباقير شوية
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
Quote: اول رد بيكون هو محجوب شريف دا منو ..
نحن لا بنعرف محجوب شريف ولا علي عبد الزنبار |
حميدة...
انساك من مايو وايلول وجمادي الآخر..وعبد الزنبار
محجوب شريف دة زول بسيط عاااادي متبرع بي نفسو وزمنة وجهدة لي مشروع بسيط لمساعدة الفقراء والمساكين والمرضي...
اها عرفتو ولا ما عرفتو..؟؟
بعد دة بي كل صراحة وتجرد وريني رايك الزول دة بيستاهل تعظيم سلام ولا لا؟؟
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
Quote: ياخي ما تقعد تتفلسف ..
قول انا غبي وحمار وما فهمت الكلام ..
دا كلام بالدارجي وبتاع الشارع .. اي بتاع ورنيش بفهمه ..
ما تعمل لي فيها مثقف كون حال الدنيا اهداك كرفتة زرقا وقميص لبني و بدلة زرقا وجزمة بنية ..
هسع لبستك دي نقول عليها شنو ..
دي الطير زاتو في الباقيير .. ما كلامو .. |
---------------------------------------------------------------------------------------------
Quote: الملف الشخصي ل humida
اللقب: humida
: .
عدد البوستات: 5817
تاريخ التسجيل: 06-11-2003
محل الاقامة: ٌRiyadh - KSA
:
عنوان مكتبتى بسودانيزاونلاين دوت كم : <a href="http://www.sudaneseonline.com/cgi-bin/sdb/2bb.cgi?seq=board&board=161" target="_blank">http://www.sudaneseonline.com/cgi-bin/sdb/2bb.cgi?seq=board&board=161
اكلات مفضلة: Lazania
الاسم الحقيقى: Mohammed Abdulgader El-Hassan
التلفون: 00966500130433 - 00249916754948
الجامعة/المعهد: Computer Man College
الحالة الاجتماعية: Engaged
العنوان الدائم: [email protected]
الفنان المفضل: Steve Wender
اللون السياسى: Umdurman Radio
النوع: Male
الهوايات المفضلة: Film-making
الوظيفة:
تاريخ الميلاد: 12-10-1982
درست المرحلة الابتدائية فى ......و سنة....: مدرسة الحارة العاشرة الابتدائية
درست المرحلة الثانوية فى ......و سنة....: مدرسة امدرمان الاهلية الثانوية
درست المرحلة المتوسطة فى ......و سنة....: مدرسة بكار المتوسطة
شاعرك المفضل: أحمد مطر
عدد الاطفال:
معلومات اضافية:
مكان العمل: الرياض - السعودية
مكان الميلاد فى السودان: امدرمان |
---------------------------------------------------------------------------
كلامك جميييييييل شدييييييييييييد...........................................
لكن انت زول أكبر مني... يعني لازم احترمك .... لكن قبل ما يكون في احترام متبادل ..... اتمنى انك تعرف تتكلم كويس ....لأنو ما ممكن زول في سنك .... يكون في مستوى سطحي بالطريقة دي .....
لكن لو داير تعمل فيها شرامي ... معاك للنهاية
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: sari_alail)
|
وهسع جايب البروفايل بتاعي هنا لشنو ..
دي قلة ادب جديدة ..
و نوع فاخر من العبط ..
شوف يا مان ..
كلامك ما عجبك ولا ما فمتو طوالي تقوم تخليهو ..
ما تدخل في حاجة ما موجهة ليك وتقعد تتفلسف وتقل في ادبك ..
سمح يا شاطر ..
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: humida)
|
يا ساري الليل
البوست دخ بتكلم هن زول محترم جدا
ما تخربو
______________
يا مجمر سلامات
محجوب شريف عملاق انساني سوداني مافي كلام
لكن ما فوق النقد
والزول غلط فبال كده
شخصيا بحبو جدا
لكن لينا زمن نفتش ليك وجيتنا الليلة كايسنا
ما بتتنسي ولا بتتبرر بتبريرات فطيرة جنس الجابوها بعض الناس هنا
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: sari_alail)
|
| Quote: م يغنى لشهداء الجزيره ابا ولا شهداء ود نوباوى.ولا مقتل الامام الهادى |
اذا كان اصحاب الجلد و الراس انفسهم عفوا و صالحوا السفاح القاتل و دخلوا فى حزبه (الاتحاد الاشتراكى) و لم يشترطوا للمصالحة حتى تكوين لجنة تحقيق فى احداث ابا و ودنوباوى, افانت تريد لمحجوب ان يكون ملكيا اكثر من الملك؟
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: عوض محمد احمد)
|
| Quote: اذا كان اصحاب الجلد و الراس انفسهم عفوا و صالحوا السفاح القاتل و دخلوا فى حزبه (الاتحاد الاشتراكى) و لم يشترطوا للمصالحة حتى تكوين لجنة تحقيق فى احداث ابا و ودنوباوى, افانت تريد لمحجوب ان يكون ملكيا اكثر من الملك؟ |
الكلام ده قاعدة
ولا لاستهلاك البوست ده فقط
؟
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: Hussein Mallasi)
|
Quote: أتمنى أن من يكنب عن محجوب شريف أن يكون قد عرفه أو قرأة
أما المساس بهذا الإنسان الشفاف , فهي إهانة وإساءة إلى شخصية وطنية نادرة
وأكتب هذا لإحقاق الحق
|
الاخ داؤود تحية واجلال
حقيقى اوفيت وكفيت
تسلم يا ضو البيت
وكلامك ما بنعقب تب
تسلم من كل بلا وكل سنة وانت طيب
***
صاحب البوست الاخ العزيز هشام المجمر
لك التحايا النواضر وكل الموده الصادقة
وتحية خاصة جدا من شاعر الشعب محجوب شريف
وكل عام وانت بالف خير
تحياتى ومعزتى
اسماء الجنيد/ مسقط
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: Sabri Elshareef)
|
ست البنات .. مهداء الى كل نساء البورد .. بدون فرز
ست البنات إتمالكت اعصابا
بيبانا إتكت...
بكت .. الشبابيك التي
نورا انطفا..
فقدت حنان الهمبريب والإلفة
والشمي البتضحك
وانسياب الدردشة...
نار الكوانين انطفت
الا البتوقد في الحشا..
حق الفطور .. يمه..
العشا...
حق الفطور يمه.. العشا
ما بابا ليكم يا جناي
اصبر كفى...
ادت رضيع الاشهر الاولى
القفا..
ثم انكفت غرقت غرق
في دمعتا ...
عشم العشم نقطة حليباً بسكويتاً
ولا حتى حتة كسره
تسند من مشى ...
ما أهون الدمع الجسور اذا جرى
من عين والدة سعت
بكل ما ملكت يداها وصِحتا..
صِحت هموما الصَحتا ..
مرقت تفتش في الشغل
كم مهنة حامت كاستا..
نكتت شهادات الزمن
ما كان تخلي دراستا ...
رمت اللقيمات الدَغَش
والكِسره قامت عاستا..
كم حاجة عندها باعتا..
كل الاواني بتاعتا..
دبلة زواجا وساعتا ....
ترخص حياتا وكل شي
بس سمعتا .. بس سمعتا ..
يالله ما اطول خميسا وجمعتا ...
احدٌ.. احد
احدٌ.. احد
اليوم يجر التاني
والتالت كما ود الاحد...
احدَ ..احد
احدٌ..احد
حيلا انتهى
حيلا انتهي
حيلا انتهى....
يا منتهى .. الصبر البخلي الستره
غاب قوسين وادنى
من الذي ما بشبها ..
محجوب شريف
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: الوليد محمد الامين)
|
Quote: ست البنات إتمالكت اعصابا
بيبانا إتكت...
بكت .. الشبابيك التي
نورا انطفا..
فقدت حنان الهمبريب والإلفة
والشمي البتضحك
وانسياب الدردشة...
نار الكوانين انطفت
الا البتوقد في الحشا..
حق الفطور .. يمه..
العشا...
حق الفطور يمه.. العشا
ما بابا ليكم يا جناي
اصبر كفى...
ادت رضيع الاشهر الاولى
القفا..
ثم انكفت غرقت غرق
في دمعتا ...
عشم العشم نقطة حليباً بسكويتاً
ولا حتى حتة كسره
تسند من مشى ...
ما أهون الدمع الجسور اذا جرى
من عين والدة سعت
بكل ما ملكت يداها وصِحتا..
صِحت هموما الصَحتا ..
مرقت تفتش في الشغل
كم مهنة حامت كاستا..
نكتت شهادات الزمن
ما كان تخلي دراستا ...
رمت اللقيمات الدَغَش
والكِسره قامت عاستا..
كم حاجة عندها باعتا..
كل الاواني بتاعتا..
دبلة زواجا وساعتا ....
ترخص حياتا وكل شي
بس سمعتا .. بس سمعتا ..
يالله ما اطول خميسا وجمعتا ...
احدٌ.. احد
احدٌ.. احد
اليوم يجر التاني
والتالت كما ود الاحد...
احدَ ..احد
احدٌ..احد
حيلا انتهى
حيلا انتهي
حيلا انتهى....
يا منتهى .. الصبر البخلي الستره
غاب قوسين وادنى
من الذي ما بشبها ..
محجوب شريف |
صلى الله على عبده محجوب شريف و سلّم تسليما.
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: abubakr salih)
|
يا فارسنا ويا حارسنا
يا بيتنا ومدارسنا
كنا زمن نفتش ليك
وجيتنا الليلة كايسنا
يا حارسنا
حبابك ما غريب الدار
وماك لي حقنا الودار
كنا زمن نفتش ليك
وجيتنا الليلة كايسنا
يا حارسنا
جيتنا وفيك ملامحنا
بعد يا مايو ما يئسنا
بنرجع ليك توصينا
بنسمع ليك تحدثنا
بيك يا مايو
يا سيف الفدا المسلول
نشق أعدانا
عرض وطول
حلفنا نقيف ونتحزم
نشد الساعد المفتول
عشان نبدي اشتراكية
ونرفع راية هم خلوها
فوق السارية متكية
دقت ساعة كانت نجمة
في أعماقنا منسية
كنا زمن نفتش ليك
وجيتنا الليلة كايسنا
يا حارسنا
تنويه المقصود بالقصيدة نميري
اها كده حا تختو في الدرك الاسفل مع ابو جهل ولا كيف
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
شاعر الوطن يُكتب عنه الجميل الرائع بصدق ووقار ، تتجليَ الكلمات عنده ونتوقف عند خط أحمر لا يمكن تجاوزه إلاَ بتأدب في القول وإندهاش من المتعة !
محجوب وطن شاعر رهيف
محجوب قلب إنسان عفيف
محجوب حلم للغلابة وللضعيف
محجوبنا يا محجوبنا
يا زولاً شريف
*****
كان ( ردك جميل )
إعتزارك يا أصيل
طريق شعبك طويل
يمشيه خطوه ميل
وتتحقق الأحلام
أحلامنا يا محجوب
لك الود باقي فينا رغم المحن !!
Quote: الدم شلال ..... السد ارواح
الموج اترنح في الحلال اتراح اتراح
شهداء حياتم يا لله تلال .. وظلال
ومعيشة حلال..... وضمير مرتاح
تاح... تاح .... تاح.... تاح |
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: مها عبد الله)
|
Quote: محجوب وطن شاعر رهيف
محجوب قلب إنسان عفيف
محجوب حلم للغلابة وللضعيف
محجوبنا يا محجوبنا
يا زولاً شريف
*****
كان ( ردك جميل )
إعتزارك يا أصيل
طريق شعبك طويل
يمشيه خطوه ميل
وتتحقق الأحلام
أحلامنا يا محجوب |
دا كلام ركيك جداً .. في حضرة محجوب شريف
مفروض أي كلام ينكتب ما يكون أقل شاعرية من:
Quote: بيك يا مايو
يا سيف الفدا المسلول
نشق أعدانا
عرض وطول |
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: Hussein Mallasi)
|
وجهة نظر
انه رجل من زمن السودان
محجوب شريف قامة من قامات الوطن
كونه انسان سودانى
شاعر سودانى
لا دخل لى بفكره السياسى.. يعتقد ما يشاء
فقط قد غنى له الاخرون فاحترمه الاعداء قبل الاصدقاء
اعطى الكلام معنى
والمفردة لونا سودانيا
ساهم فى تتطور الحياة الادبية السودانية
لطشت به الدنيا فكان صابرا
حلم فتغنى بحلمه
وطار حلمه
فتغنى بلغة الامل
وهل,,,,,,,
تلك تجربة,,ذات درجات
كان انصهارها فى ح سه المرهف
انه رجل من زمن السودان
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: Hussein Mallasi)
|
Quote: دا كلام ركيك جداً .. في حضرة محجوب شريف
مفروض أي كلام ينكتب ما يكون أقل شاعرية من:
|
فعلاً أخ ملاسي الحديث عن محجوب شريف يجب أن يكون بقامة الشاعر الوطن الإنسان ولكن!!!
Quote: محجوب شريف قامة وطنية وثقافية لن يطالها عاقري المواهب عاطلي
الفكر محدودي القدرات ولن يمسها لاعقي أحذية فاشست العسكر ومزيني باطل
الشموليات..... دعوا محجوب شريف وخليكم مع رموزكم "الأبداعية": القيقم وشنان وأسحاق
فضل الله !!هم كل بضاعتكم وبضاعة نظامكم الذي فشل في مضمار الابداع والثقافةوالفن لأنه يتبني أيدولوجيا تتنافي مع قيم الابداع وتعادي كل ماهو جميل!!!![/QUOTE]
اتمني أن تنتقد يا ناقدنا الفذ محجوب شريف بما يستحقه من نقد!!!
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
سلام يا شفت
لانك جاى بالفعل تتناقش و عندك وجهة نظر موش مسخرة و مضحكة و تسلية، اقدر وجهة نظرك و ده رايي حولها و نتفاهم.
Quote: محجوب شريف عملاق انساني سوداني مافي كلام
لكن ما فوق النقد
والزول غلط فبال كده
شخصيا بحبو جدا |
اتفق معاك بان لا احد فوق النقد محجوب او غيره، لكن وينو هو النقد؟ هل البعمل فيهو ملاسي ده نقد؟ حتى لو قصدو بس اثارة اعصاب البعض و تسلية اخرين، ببساطة لانو هذه الامور مثلها مثل اشياء اخرى مهمة في حياة الناس ليست موضوع للتسلية و الضحك، و ملاسي البيهدد الناس بلسانو ده ـ للحقيقة يذكرنى بخوف الناس ممن يعرفوا بالفاتيات ـ ملاسي ممكن يوم يلقي روحو في حتة ضيقة خلاص بره النت اذا بفتكر انو القصة ونسة و مضحكة انترنت، و عشان الكلام ما يتلفلف و يتاول، ده ما تهديد لملاسي ده تنبيه ليهو انو ما يفعله هنا بغض النظر عن دوافعه ممكن يعوقو.
نجى لباقي كلامك يا وليد:
Quote: والزول غلط فبال كده
شخصيا بحبو جدا
لكن لينا زمن نفتش ليك وجيتنا الليلة كايسنا
ما بتتنسي ولا بتتبرر بتبريرات فطيرة جنس الجابوها بعض الناس هنا |
ياخى الزول ده فعلا غلط و هو نفسه قالها مرات و مرات انو غلط، واعتذر موش بس بالكلام بل بالفعل والعمل و بتقديم اجمل سنوات عمره في السجون و المعتقلات، والاهم انه لم يكتب بعدها الا للشعب ده، اى قارئ للاشعار بتاعتو بعد مايو بيلاحظ انو موضوعها هو الناس و حقوقهم. انا ما عارف المطلوب منو بعد 37 سنة من الانحياز الكامل و الواضح انه يفعله لكى يمنح العفو؟ انت بتقترح شنو لى محجوب؟ حقو الناس تكون منصفة و حقانية و عادلة.
بعدين ما ملاحظ انو زى ملاسي ده متخصص في محاولات تلطيخ بعض الناس باحداث ليها 40 و 30 سنة و في سنواته لا تجد اثر يذكر للاعوام من 89 وانت جاى الا ما يبسط اهل العين الحمرا، تتخيل كان ممكن يجيب سيرة الترابى لولا انه خارج الحكم؟
غايتو ... فاتية علينا و في الحروب جدادة
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: esam gabralla)
|
شكرا يا سومة على الرد الرقيق
وأرجو أن ينتبه بقية الأخوة لهذه المعلومات
بدلا من المهاترة بدون دليل
وانتهز الفرصة لأطلب من الإخوة والأخوات الأعزاء
أن يلزموا الجابرة
ويهدوا بالله
ويوسعوا صدورهم لرأي الآخر مهما كان مختلفا
ويلتزموا بأصول الحوار والإبتعاد عن الألفاظ النابية
فهي لا تشبهكم يا شباب
ودمتم بخير
داود
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
الساده القطيع ديل نحنا ؟..
يا أ- ملاسي ..
اعنى اعضاء البورد الذين تداخلوا هنا فى هذا البوست ..
كلهم وجمعا تصفهم بالقطيع ..
ياخى ..
حتى التكريم الالهى لهم واصطفائه لهم ونفخه من روحه فيهم .. شلتو كلو بجره قلم بارعه ..
من ذاتك العليه .. ورددتنا اسفل سافلين
حيوانات سااااي كده
تمشي فى قطيع ..
يا أ-ملاسي
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
بلا تدليس بلا قطيع معاك
الاساءة؟ انت فاهم الاساءة انها بس البذاءة؟
المسخرة البتسوى فيها دى معتبرها ما اساءة؟
يعنى الا تكتب ..... محجوب؟
ثم صعلقة اكتر من عمايلك و كتاباتك دى؟
بتفتكر انو التظارف و المساخر و التفكه و التضاحك على حياة الناس ما اساءة؟
مرة تانية ... احسن تعدل طريقتك دى، او اقلو اعملا معانا القطيع ديل القاعدين معاك هنا، و ما كلو زول مستعد يبارى ليك حجوة ملاسي الاسفيري و ملاسي الحقيقي ديك....
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: Hussein Mallasi)
|
يا حسين
بطل الفهلوة و الشيطنة، انت عارف و تفهما طايرة
Quote: الاساءة؟ انت فاهم الاساءة انها بس البذاءة؟
المسخرة البتسوى فيها دى معتبرها ما اساءة؟
يعنى الا تكتب ..... محجوب؟
ثم صعلقة اكتر من عمايلك و كتاباتك دى؟
بتفتكر انو التظارف و المساخر و التفكه و التضاحك على حياة الناس ما اساءة؟ |
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: Hussein Mallasi)
|
وانت تظارفك و مساخرك و تفكهك و تضاحكك ده مالو واقع في محجوب وكمال و عووضة و من شابههم
مرة كده بالغلط ساكت كده اهبش عبدالرحيم حسين و لا المتعافي و لا بالميت كده رامبو .... فاضي لاحداث ليها اكتر من 30 سنة و متغامد من الليلة؟
و لا ....
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: Hussein Mallasi)
|
انا قطيع و اى حاجة ....
انت حتبطل محاولات تدنيس بعض الناس واستهدافهم متين؟
و لو بكرة الترابي ده رجع لى ناسو، بتجيب سيرتو تانى؟
انت بتستاسد و تتفاصح و تتلامض على كل من تعتقد انه لا يستطيع ايذاءك
و تتقاصر وتتضاير و تنزوى امام من يستطيع ايذاءك
وللسبب ده بقول ليك تانى، بتتعوق بي طريقتك و ما تلوم الا نفسك
وليد مشكور على الرد ... بجيك نتفاهم
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
ما مشكله قطيع قطيع وعلى قولك حنكون ايه ؟..
يبقي السؤال .. يا ما قطيع
الدلاله القطعيه دى جبتها من وين انو الاعضاء الذين اتى بهم بوست هشام ده المعنون تدليسا( الا محجوب شريف يا حسين ملاسي )
واتفقوا معه ان ما اتيته بحق الرجل - اصابوا او لا - غير لائق او مسئ جدا او ..
هم مجرد قطيع ليس الا ..
بعدين انت مش عندك بوست تفتقت به عبقريتك فيما ذهبت اليه من رأئ واضح فى اعتذار محجوب شريف ..
وحاججت الناس ان ما اتى به الرجل يماثل ما صدر عن الترابي من اعتذار .. وانه هتافى و مسرحى ودعائي و ..الخ
ياهو ده فهمك ال.. الله قاسمو ليك
ياخى فى ( قطيع) يري ما لا تراه سبحانك ..
عندهم رأئ برضو ..
صعبه دى يا ..
ما قطيع
..
دنيا بت كلب
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
ست البنات إتمالكت اعصابا
بيبانا إتكت...
بكت .. الشبابيك التي
نورا انطفا..
فقدت حنان الهمبريب والإلفة
والشمي البتضحك
وانسياب الدردشة...
نار الكوانين انطفت
الا البتوقد في الحشا..
حق الفطور .. يمه..
العشا...
حق الفطور يمه.. العشا
ما بابا ليكم يا جناي
اصبر كفى...
ادت رضيع الاشهر الاولى
القفا..
ثم انكفت غرقت غرق
في دمعتا ...
عشم العشم نقطة حليباً بسكويتاً
ولا حتى حتة كسره
تسند من مشى ...
ما أهون الدمع الجسور اذا جرى
من عين والدة سعت
بكل ما ملكت يداها وصِحتا..
صِحت هموما الصَحتا ..
مرقت تفتش في الشغل
كم مهنة حامت كاستا..
نكتت شهادات الزمن
ما كان تخلي دراستا ...
رمت اللقيمات الدَغَش
والكِسره قامت عاستا..
كم حاجة عندها باعتا..
كل الاواني بتاعتا..
دبلة زواجا وساعتا ....
ترخص حياتا وكل شي
بس سمعتا .. بس سمعتا ..
يالله ما اطول خميسا وجمعتا ...
احدٌ.. احد
احدٌ.. احد
اليوم يجر التاني
والتالت كما ود الاحد...
احدَ ..احد
احدٌ..احد
حيلا انتهى
حيلا انتهي
حيلا انتهى....
يا منتهى .. الصبر البخلي الستره
غاب قوسين وادنى
من الذي ما بشبها ..
محجوب شريف
شكرا ملاسي علي الاساءة ( القطيع) وكل اناء بما فيه ينضح
عن نفسي اغفر لك اساءة وجهت لشخصي
هداك الله
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: Sabri Elshareef)
|
عصام جبر الله
شخصيا يمكن لامي شعر مجحوب كله
قبل فترة اشتريت النفاج بغلافه السمح داك
المشكلة ما في ملاسي
ما انتوا خلاص قلتو ملاسي ده زول كعب ( مختلفين )
والناس الدخلت هنا كلها عاملة فيها ام المنطق والدمقراطية وما اليه
هسع ده منطق دفاع عن محجوب شريف ؟؟!!!
يا عصام حتى لو قلنا ملاسي قاصد سوء
مفروض يرد عليه كده
الناس لو فعلا هاميها محجوب وتاريخة كان ردوا وافحموا ملاسي
لكن الحقيقة الناس ما قاصدة تدافع عن محجوب قدر ما ساعية لمهاجمة ملاسي
ودي المشكلة
اما موضوع الاعتزار
صدقني المسكلة ما في الكتابة لي مايو
المشكلة اكبر من كده
المشكلة انو كان بايد ويساند في نظام شمولي لانو كانت فيه ريحة شيوعية
وكت ما الريحة طشت الناس قلبت
يعني المشكلة انو الشمولية عند الشيوعين مقبولة لو كانت حقتهم..
وبغنوا ليها كمان
فهمت قصدي شنو ؟\\
___________
كل الود
وانا قاعد في حلتكم تاني
| |
|
|
|
|
|
|
|
|
 Re: إلا محجوب شريف يا حسين ملاسى.... (Re: وليد محمد المبارك)
|
الناس ... ملاسى ...وليد المبارك
كلامكم دهـ ....الذين يتحركون بدافعية الحزب هــم الذين لا يريدون ان يصل الى السادة اعضاء المنبر ...
الغوص فى ثنايا الاشكال التعبيرية للحزب العجوز هــو التحدى للخروج من روح الـ .............. .
الامــر ليس اعتذار شاعر عن قصائد كتبت لنموذج سياسى ...
الامـــر يقرأ فى اطار مؤتمر الحزب الشيوعــى الباحث عن المصالحــة مع الشعب السودانى ...
هــى عبارة عن بألون اختبار لمــدى تقبل الشارع السودانى والسياسى للفكرة ...
وسيعقبها اعتذارات ثقافية واجتماعية وسياسية ...
ثــم موعدنا مؤتمر الحزب القادم الذى سيكون اكبر مفاجاة للمناضلين من الهتيفه ...
ساستهم يبحثون عن التصالح مع الموروث الاجتماعى والثقافى للشعب السودانى ...
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
لا اجيد القراءه بالاذن ..
وهى مرتبه - لو تعلم - اعلي قليلا فى السلسله الحيوانيه من الوصف السابق ( قطيع )
ما علينا .. نمطيه الكتابه هى التى تكتب
المهم .. لا اجيد القراءه بالاذن
وارفض الاساءة للآخرين الذين احترم اختلافهم معى واختلاف مقارباتهم وقراءاتهم واستقرائهم لاية موضوع ما
ولا ادعوهم بالقطيع ..
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: kamalabas)
|
كمال عباس سلامات
صحيح يفترض قراءة الاحداث مع خلفبتها
لكن ده ما ببر للشيوعين انهم يتحالوا ويرحبوا بنظام شمولي يضر بمصلحة الوطن كله
كيتا في الاحزاب
هل يعمل الحزب الشيوعي للوطن ام للاحزاب ؟
ما بي وقفتهم مع الدكتاتورية كده ما بفرقوا من الاحزاب الطردتهم بل العكس
الاحزاب جمبعها طردت واحد ( وده غلط)
فقام الحزب الواحد طرد الاحزاب كلها
!!!!!!!!!!!!!!!
Quote: ...... المهم يا وليد هو أستقراء التاريخ بصورة جيدة وأستخلاص العبر
والدروس منه وعدم الانتقاء فمثلا مالذي يجعل حركة 1976 =المرتزقة عملا بطوليا
علمابأنها لاتعدو أن تكون مغامرة أنقلابية راح ضحيتها أكثر من ثلاث الف
مواطن معظمهم مدنيين وهو عدد يعد أضعاف ما سقط في سنوات مايو الاولي وعلما
بآن تلك الحركة تمت بتمويل أجنبي وأنطلقت من دولة أجنبية ونفذتها الجبهة الاسلامية وحزب الامة ثم عادوا لينخرطوا في الاتحاد الاشتراكي وأجهزة مايو!!
..........ونعود لمحجوب شريف: لم يكتشف محجوب شريف حقيقة مايو بعد سقوطها
وأنما تم ذلك في عز سطوة مايو حيث واجهها محجوب شريف وكتب قصائده في زنازينها !!!!!
كمال |
من يقول ان احداث 76 بطولبة ومبررة واهم
لو كده اي هجوم مسلح للوصول للسلطة مبرر وبطولة
بالنسبة لمحجوب شريف
تحرك ضد مايو بعد سقوط قناع اليسار منها
لو كان تحرك قبل كده كان قلنا باااا سلام
راجع نفسة وهو في مركز سلطة
لكن محجوب والشيوعين ما تحركوا ضد مايو الا بعد ما لفظتهم
كل الود يا كمال
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
التحيه للشاعر الإنسان محجوب شريف...
رمز الوطنيه
رمز الشرف
والصدق
والأمانه
لم يستطع إنسان ان يطعن فى شرفه ونزاهته...
محجوب شريف سيظل مغصه وغصه فى بطن وحلق كل فاسد...وكل ساقط...
ومن صاحبهم...
او من شايعهم
او من-تحت لى تحت- متعاطف معهم
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
سلام يا وليد
مشكور على ردك
الجوطة دى فيها جانبين
الاول: النقد لموقف محجوب شريف و موقف الحزب الشيوعى في مايو
التانى: ما يفعله ملاسي.
في الجانب الاول انا و معظم الناس الهنا و محجوب و الحزب الشيوعى متفقه لحد كبير مع كلامك ده
Quote: المشكلة اكبر من كده
المشكلة انو كان بايد ويساند في نظام شمولي لانو كانت فيه ريحة شيوعية
وكت ما الريحة طشت الناس قلبت
يعني المشكلة انو الشمولية عند الشيوعين مقبولة لو كانت حقتهم..
وبغنوا ليها كمان |
و ده ما كلام اماشيك او كدة، الحزب الشيوعى انتقد علنا و في منابر كثيرة موقفو من انقلاب مايو، بل ذهب ابعد من ذلك لاتخاذ موقف نهائي من الوقوف ضد الانقلابات ايا كان اتجاهها و بالانحياز الكامل للديمقراطية الليبرالية، الحزب الشيوعى عنده ما يعرف بدورة 1977 وعنوانها كان "جبهة عريضة للديمقراطية و انقاذ الوطن", دى كانت القطيعة النهائية مع اى تفكير انقلابي و حسمت موضوع الانحياز للديمقراطية البرلمانية والانتخاب والتعددية بشكل نهائي على مستواها النظرى على الاقل. وفي مشروع البرنامج المقدم للمؤتمر الخامس اعيدت مثل هذه الاراء.
ليس اى حزب شيوعى بالضرورة مع الشمولية ـ ايا كان تعريفهاـ و عندك كثير من الاحزاب الشيوعية الاوروبية كانت منذ البداية مع الديمقراطية بل و حاربت في سبيلها كما حدث اثناء دكتاتورية فرانكو الفاشية في اسبانيا .
نجي لبتاعنا السودانى، وانا عضو من المشاترين فيهو، حزبنا ده قام واتاسس واتبنى متاثر او منتمى لتيار الاتحاد السوفيتى، موقفو النظرى والعملى من الديمقراطية الى ان حدثت مايو 1969 ويوليو 1971 كان مجوبك و ملكلك ، كان متاثر بكل الاراء التى لم تستطع ان تشوف الانجاز الانسانى العظيم في الديمقراطية البرلمانية بكل عيوبها، لو قريت كتاب الماركسية و قضايا الثورة السودانية حتلاحظ بوضوح للارتباك والتذبذب و عدم الوضوح في الموقف من الديمقراطبة. ده اندفع تمنو غالى جدا لما قام انقلاب مايو و لما قام انقلاب يوليو، لانو لو كان عند الحزب الشيوعى موقف واضح و مبدئي حينها لما سارت الامور هكذا، لكن "لو" ما بتفيد. الاهم انو الحزب صحح موقفه النظرى والعملى لاحقا. المشكلة ان البعض لا زال يجنح للتبرير اليوم متحججا بحل الحزب و رفض حكم المحكمة الدستورية حينها، و دى مشكلة تانية.
وبعد ده كلو انا شايف لسه موقف الحزب الشيوعى من مايو عاوز كلام زيادة وانضج من قبل الحزب الشيوعى ، و اكتر من ده محتاج موقفه من انقلاب يوليو 1971
العاوز اقولو لا يمكن ان تظل تدمغ حركة سياسية بموقف او مواقف معينة دون النظر اذا حدثت تحولات في مواقفها ام لأ. الكلام ده مهم لانو عنده صلة بما يدور اليوم و ما قد يحدث مستقبلا، اعنى بالتحديد الحركة الاسلامية لانها ستظل عامل مؤثر في الساحة السياسية، المؤتمر الشعبي مثلا كثر يرتابون فيه لانهم يعتقدون ان نقده و موقفه من تجربتهم ليس قاطع و مبدئي ـ طبعا تختلف الاراء هناـ ، واذا حدث وان ذهبت الانقاذ ماذا سيكون الموقف من المسئولين عما قامت به اذا ارادوا التحول لقوة سياسية؟
موقف محجوب كفرد اراه في السياق ده، في تاريخيته و ليس كلحظة ثابتة وحيدة في الزمن ليس لها ما قبلها او ما بعدها.
الجانب التانى: ملاسي، له اسبابه و دوافعه في التهجم و الاستهزاء و التمسخر ببعض الاشخاص و الجهات، ردود افعال الناس العاطفية و المنفعلة لها صلة باسلوب ملاسي الجارح و المستفز جدا، ملاسي ينتقي خصومه ممن يعتقد انهم لا حول لهم و لا قوة او ممن يعتقد ان هناك اسباب كتيرة تجبرهم على تحمل مسخرته دى، يعنى لو الليلة محجوب ده زاتو زول "احتمال" بسيط جدا انو "يعوق" ملاسي بشكل ما لما تجرا ملاسي بمجرد يجيب سيرتو. يا وليد كلنا بنفرز النقد من المسخرة و قلة الادب، وللحقيقة في ناس كتار جدا مستعدين في محجوب يعوقو، ما محجوب الشيوعى و لا الشاعر ... محجوب الانسان بس.
| Quote: وانا قاعد في حلتكم تاني |
ايامك يا امنجى ... لز النمر خلينا نتونس
تحياتى و شكر على التحاور
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: esam gabralla)
|
عصام
سلام
| Quote: وبعد ده كلو انا شايف لسه موقف الحزب الشيوعى من مايو عاوز كلام زيادة وانضج من قبل الحزب الشيوعى ، و اكتر من ده محتاج موقفه من انقلاب يوليو 1971 |
بس ...
ده الكلام العاوز اصل ليه انا
لو الناس عملت كده حتى في البوست ده
لن يضيرهم سوء القصد اوالتربص
عاوزين كلام زيادة يوضح المواقف ويكون كلام صريح صادق
حتين بعده اعتزار شفاف
بعد داك مافي زول بقدر يقول بغم
لكن الالتفاف حولين المشاكل والتهرب من الاخطاء بالحنكة والسياسة والصوت العالي والهرش
قد يخيف
لكن ما بقنع
والبخاف بجيه وكت ما يخاف وبنكت القديم والجديد
الحوار يا عصام الحوار ...
حوار شفاف وصادق ومباشر بدون غتغيت..
ده المطلوب
والحزب الشيوعي مقدم نفسة كتغير لحال
طيب ما تغيروا الحال وما تجاروا ملاسي
ولو جاريتو حا يكون التعير وين
( مع اني ما شايف ملاسي سوا حاجة مضرة للدرجة دي )
لكن حوار من جنس نحن ما سوينا شي لكن الظروف جبرتنا
او انتو سويتو اكتر مننا
او سوبناه والعجبه عجبه
ما بصنع وطن
كل الود
والتلفون بجيك
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
| Quote: و يجيك زي هشام المجمر يقول ليك إلا محجوب شريف!! |
Quote: التدليس الذي قام به هشام المجمر بافتراع هذا البوست - دون أن يأتي باقتباس
للإساءة المدعاة - أوحى للسادة القطيع بأن ثمة إساءة قد لحقت بمحجوب شريف. |
| Quote: لو جابك هنا تدليس هشام دون أن تعي المكتوب؛ |
تدليس مرة واحدة يا ملاسى
يا اخى اتقى الله
محاولة التذاكى على الناس تجعلك تبدو فى شكل اسوا
لما تحاول النيل من قامة كمحجوب شريف وتصفه بالممثل و الهتافى الذى يحاول استدراج عواطف الناس أركـــز نعم أركز
لأن هدفك من البوست واضح
انا كتبت هذا البوست لآننى قضيت مع الرجل قرابة العشرين شهرا فى مكان واحد
و عرفته جيدا اكثر مما انت تتصور
و يقينى لو قضيت معه انت اسبوع واحد
سوف تندم على ما كتبت
هذا الشخص صادق فى كل ما يفعل
لا يكذب ولا يتجمل
ولا يحتاج لن يهتف او يمثل لأنه يعرف جيدا قدر نفسه و قدره عند الناس
امثال محجوب عندما تعرفهم يجعلونك تخجل مما كنت عليه لأنهم يعرفونك معنى الانسانية الحقة
برقتها ببساطتها بصدقها و تعاليها على الجروح وصمودها و رغبتها فى تقديم نفع حقيقى للانسانية
| |
|
|
|
|
|
|
|
|
|
Re: إلا محجوب شريف يا حسين ملاسى.... (Re: هشام المجمر)
|
الكلس ملاسى
(معناها أن اضطر – أسفاً - للرد عليك بنفس مستوى درك ألفاظك الذي
انحدرت إليه في أولى مداخلاتك؛ فيصيبك ذلك في سويداء قلبك فتخر صريعاً)
وللاسافير شئون...
الناقد الادبى ملاسى
(دا كلام ركيك جداً .. في حضرة محجوب شريف
مفروض أي كلام ينكتب ما يكون أقل شاعرية من:
Quote: بيك يا مايو
يا سيف الفدا المسلول
نشق أعدانا
عرض وطول)
المدافع عن مفاهيم الحرية ملاسى الما بيدلس ملاسى
(بيك يا مايو يا سيف الفدا المسلول
نشق أعدانا عرض وطول
و يجيك زي هشام المجمر يقول ليك إلا محجوب شريف!!)
الله اكبر ولله الحمد
المهذب ملاسى
(التدليس الذي قام به هشام المجمر بافتراع هذا البوست - دون أن يأتي باقتباس
للإساءة المدعاة - أوحى للسادة القطيع بأن ثمة إساءة قد لحقت بمحجوب شريف.
لو سألتهم أن يشيروا و يأتوا باقتباس لإساءة وجهتها لمحجوب شريف لما استطاعوا).
وبعدين معاها فهم شديد
الانيق ملاسى
(لو جابك هنا تدليس هشام دون أن تعي المكتوب؛
حتبقى قطيع وستين قطيع .. امال حتكون شنو يعني.)
حامل درجة الماجستير فى الادارة من الجامعة الما خمج ملاسى
(حياة الناس انتو التدليس دا درسوكم ليهو في مدرسة الكادر وللا شنو !!)
البعرف المبتدى و المنتهى والذكى و المهذب شديدملاسى
(عشان تتأكد انك فرد من قطيع يا عصام جبر الله؛
شوف مداخلاتك بدت كيف و انتهت كيف).
(يا زول يا تكتب كلام مرتب
(يا حتتسفه زي) الباقيين.)
(ظننته فردا من قطيع فإذا به – بالإضافة لذلك - قارئ بأذنيه).
ملاسى الفيزيائى وملاسى الاسفيرى قصة
| |
|
|
|
|
|
|
|
| |
هشام المجمر
الرفاعي عبدالعاطي حجر
Hussein Mallasi
محمد حيدر المشرف
Siham Elmugammar
kamalabas
humida
وائل طه محى الدين
Azzam Taha
Safia Mohamed
mohamed karib
osama dahab
abubakr salih
خالد العبيد
عبدالكريم أحمد الامين
sari_alail
ibrahim alnimma
الزاكى عبد الحميد
سارة علي
مها عبد الله
عبد العظيم احمد
mekki
بدر الدين اسحاق احمد
Omer Abdalla Omer
فيس بوك
تويتر
انستقرام
يوتيوب
بنتيريست