|
Re: بعوض من غير طيار ينهش جسد الصغار (Re: هشام المجمر)
|
مشكلتنا في صحة البيئة ، الملاريا مرض معروف ينقله الباعوض وحتى الباعوض غير الناقل للمرض يسبب إزعاج أقله الطنين في الإضنين إلى أن يحميك النوم وتفكر تقول النوم جافاني ولأن جيرانك برضو يعانون من ذات المشكلة عشان كده ما حا تقدر تقسم ليهم سهر المنام وتأكلها في حنانك ده غير العض والحك والكاروشة. الباعوض ما عندو ذنب في إزعاج الشعب السوداني ولا هو سبب مباشر في أمراض مثل الملاريا ، ولو حاولتو تعملو فيها مفتحين ورشيتو الباعوض الناس حا يصيبها عطاس حاد وتقعد تقحقح والباعوض يتنفض بل ربما يخرج ليك من تحت دخان المبيدات الحشرية من غير سؤ. علاج الملاريا يكمن في إصحاح البيئة ، وإصحاح البيئة عملية ما صعبه لكين تقول شنو لي منو ، المطره صبت في الخرطوم ساعه واحده خلت البلد أعفن من جيفه والمويه في الشوارع يا تتسرب وتشربها التربه يا تتبخر بحرارة الشمس وما في أى حل تالت مع شديد الأسف ، ما في تصريف وعشان كده الوضع بخلق بيئه صحية للبعوض ليتكاثر ويتوالد وبعد داك يفتش أرزاقو في كرعين الشفع وإضنين الكبار . أها الحكومة أصلو ما منها رجاء عشان كده حقو عملية إصحاح البيئة دي يتعاون فيها الناس مع بعض يعني حكاية ردم الحفر والبرك الفي الشوارع ومحاولة تصريف المويه بالجهد الذاتي والنفير الشعبي وكشيح موية الغسيل والبالوعات ورشتها. المؤسف في خريف العام الحالي ظهرت أنواع من الذباب الذي يهوي السهر فالضبانة في أيام قد خلت كانت تنوم ويقل نشاطها عند الغروب ، لكين والله كان عندنا ضبان في الأيام الفاتت دي يساهر عديل كده وما يحلك منو غير الضلمه يعني أى نور إن شاء الله مس كول في موبايلك تلقاهو طار وتحرك وأنا شخصيا كنت بقتل بالمقشاشه في اليوم حوالي مائتين ضبانه في الفترة الصباحية فقط ونفس العدد أو يزيد بعد الغدا وأيضا كمية ضبابين عندما يحين موعد شاي المغرب والويل كل الويل لنا إن فتح الله علينا بباسطه أو لقيمات أو بكسويت في ذلك الوقت. الملاريا مرض خبيث وقد تم تصنيفه على أنه القاتل رقم واحد في العالم وضحاياه يفوقون ضحايا الحروب ولا علاج له إلا في إستصائله والذي لا يكون إلا من خلال إصحاح البيئة.
|
|
|
|
|
|
|
العنوان |
الكاتب |
Date |
بعوض من غير طيار ينهش جسد الصغار | هشام المجمر | 09-04-07, 06:13 AM |
Re: بعوض من غير طيار ينهش جسد الصغار | هشام المجمر | 09-04-07, 06:23 AM |
Re: بعوض من غير طيار ينهش جسد الصغار | هشام المجمر | 09-04-07, 06:29 AM |
Re: بعوض من غير طيار ينهش جسد الصغار | هشام المجمر | 09-04-07, 06:34 AM |
Re: بعوض من غير طيار ينهش جسد الصغار | هشام المجمر | 09-04-07, 06:59 AM |
Re: بعوض من غير طيار ينهش جسد الصغار | اسعد الريفى | 09-14-07, 11:53 AM |
Re: بعوض من غير طيار ينهش جسد الصغار | هشام المجمر | 09-17-07, 07:05 AM |
Re: بعوض من غير طيار ينهش جسد الصغار | haroon diyab | 09-17-07, 07:53 AM |
Re: بعوض من غير طيار ينهش جسد الصغار | بشير حسـن بشـير | 09-17-07, 07:33 AM |
Re: بعوض من غير طيار ينهش جسد الصغار | هشام المجمر | 09-17-07, 07:56 AM |
Re: بعوض من غير طيار ينهش جسد الصغار | gamal elsadig | 09-17-07, 08:23 AM |
Re: بعوض من غير طيار ينهش جسد الصغار | almulaomar | 09-17-07, 09:19 AM |
Re: بعوض من غير طيار ينهش جسد الصغار | gamal elsadig | 09-17-07, 10:46 AM |
Re: بعوض من غير طيار ينهش جسد الصغار | هشام المجمر | 09-17-07, 10:46 AM |
Re: بعوض من غير طيار ينهش جسد الصغار | هشام المجمر | 09-17-07, 11:23 AM |
Re: بعوض من غير طيار ينهش جسد الصغار | اسعد الريفى | 09-17-07, 07:43 PM |
Re: بعوض من غير طيار ينهش جسد الصغار | هشام المجمر | 09-18-07, 06:44 AM |
|
|
|