|
Re: قاموس" اللؤم" عند السودانيين (Re: هشام المجمر)
|
سلام يا هشام وضيوفه / ضيفاته
قبل كم يوم كنت بشرح لاولادي في المثل السوداني
(تبقى ليك لحسة كوع )
شفت ليك لائمة وكسير مقاديف اكتر من لحسة كوع دي ؟!!
الذ شي حمودي ولدي ( 9 سنوات ) قالي لي : يا ماما لحسة الكوع ما مستحيلة الزول المصر على لحسة كوعه يعمل تعديل جيني ويختو ليه الجين البطول السان زي بتاع السحلية ، ويلحس كوعو؟
عجبني ليكم يا السودانيين ، امانة ما جيايكم جيل يقطع ليكم لائمتكم دي في راس ثقافتكم المدوقس دا
| |
|
|
|
|
|
|
Re: قاموس" اللؤم" عند السودانيين (Re: هشام المجمر)
|
الزعلان يقع الخزان الفلهمة العورة وشيل البطارية في القمرة. الجمل ما بشوف عوجة رقبتو. التسوي كريت في القرض تلقى في جلدها. السواي ما حداث.
وللبقارة كلام عجيب شويه:
مالك يا شيلك الحراب ولا ملا خشمك تراب يا أم عنقرة مملوطة شن جابكي للبوطة.
بوستكم زريف يا أخواني ... والله عجباني بلهين.
| |
|
|
|
|
|
|
Re: قاموس" اللؤم" عند السودانيين (Re: Mohammed Haroun)
|
Quote: الجن بداوه كعبه الاندراوه |
الجن هو معروف مس من الشيطان وهذا علاجه معروف بالقرآن أما الأندراوة فهي حالة نفسية واحباط يصيب الأنسان نتاج مشاكل تتعقد في داخله ويصعب علاجه والإنسان المصاب بالأندراوة دائم السرحان وكان قعد في الواطه تلقى يشخبط ويمسخ
وزي ما قال الشاعر سماعين ود حسن في وصف حالة وليد بت ودخير في مصر
وأنا قعد زي فاقدّن مزوزو وأجرجر في التراب ودر حجابي
ولكم مودتي وتحياتي
خالد محجوب
| |
|
|
|
|
|
|
Re: قاموس" اللؤم" عند السودانيين (Re: هشام المجمر)
|
يا ناذر سلام
"تور الله فى بلد الله" معناها ... ولا اقول ليك أحسن أقرب ليك المعنى
"تور الله فى منبر بكرى".. عرفتو ده منو؟
بس خليك ساكت..هس ولا كلمة
شكرا هجو الأقرع و سعد الدين إبراهيم على المشاركة وما تنقطعوا
حسن الجيلى
سلام
وشكرا المنسى على شرح كلمة الإندراوة
الجندرية
تحياتى
والله ولدك عجبنى شديد ما دام بيقدر يلحس الكوع .. ما عندنا كلام ما ود الجندرية
| |
|
|
|
|
|
|
Re: قاموس" اللؤم" عند السودانيين (Re: هشام المجمر)
|
العزيز خالد محجوب
شكرا جزيلا على الشرح وطبعا الناس البتكتب وتمسح فى الواطه ما ناس الاندراوه براهم ناس الصقعة تلاقيهم اكتبو وامسحو برضو ههههههه
والله يا هشام فى مثل ما قاطعو من راسى
الناس غنم والباشا خروف
السمع بيهو اعمل لينا confirm
| |
|
|
|
|
|
|
Re: قاموس" اللؤم" عند السودانيين (Re: حسن الجيلى سعيد)
|
العزيز هشام و ضيوفه الكرام في هذا البوست لكم تحياتي و امنياتي بعام سعيد للجميع ان تفسير أي مثل يتجاهل أو يتناسي الظوف التي قيل فيها يغرغة من مدلوله أو معناه. مثل الأخ ناذر الذي كاد أن يعطيه الكرت الأحمر سمعت انه أول ما ورد علي لسان أحد الشيوعيين في السبعينات من القرن المنصرم ((يا عجايز)) عندما كان يتحدث عن مايو و علاقة الشيوعيون بها حيث قال مايو بقت زي العروس ال ببخروا فيها و هي بت..........) و ربما كان هذا المثل قبل ذلك التاريخ. ((أنا ما عجوز للدرجة دي)). و هاكم دي الما دارك ما لامك .... الما دارك (بمعني الريدة) ما لامك(بمعني اللوم)- بتشديد اللام- وهذا المثل يجمع بين نقيضين دارك... رادك...استلطفك...أحبك....الخ من قاموس الحب و المودة ... و لامك أي أكثر من اللوم عليك عددالمواقف التي لم تحسن فيها التصرف ((غض النظر عن أن ذلك تم عن حسن نيه أم لا)) - مع افتراض أن عدم حسن النية هو الغالب - من قاموس الكراهية و البغض... فكيف نبرر هذا بذاك .... و نكون متصالحين مع دواخلنا؟؟؟؟
| |
|
|
|
|
|
|
Re: قاموس" اللؤم" عند السودانيين (Re: هشام المجمر)
|
خالد علي..
Quote: الحبيب ناذر مسّاك الله بالخبر والله حيرتني عديل قدرّته تلقى الطريقة المعبرة جد
لك التهاني على ابدّاعك الرائع
خالد محجوب |
ولسع الجايات كتير ..
حا اديك كبسولة واحدة عند اللزوم
أمال نحن قاعدين في المنبر دا لييييه !!!
| |
|
|
|
|
|
|
Re: قاموس" اللؤم" عند السودانيين (Re: هشام المجمر)
|
المسافر
تحياتى
واكرر تعازى الحارة فى وفاة والدكم رحمة الله عليه
شكرا على المساهمة
هارون
سلام
شكرا على المشاركة المميزة بالأمثال الكردفانية أرجو إيراد المزيد منها
حسن الجيلى سعيد
سلام
الناس غنم والباشا خروف؟؟؟؟؟؟؟؟؟؟؟؟؟؟؟؟
بس واصل
| |
|
|
|
|
|
|
Re: قاموس" اللؤم" عند السودانيين (Re: هشام المجمر)
|
الأخ هشام المجمر
السلام عليكم ورحمة الله تعالي وبركاته والتحايا لكل مشاركي هذا البورت
اراكم جميعا قد انحرفتم وخرمتم خارج الموضوع وهو اللوم عند السودانيين وقلبتوا موضوع البورت لامثال سودانية وهذا مفترض ان يكون موضوع قائم بذاته حتي صاحب الموضوع لم ينتبه نفسه انه خرج عن نطاق ولب الموضوع
عموما الشعب السوداني شعب طيب وبسيط وحنين ومترابط والما دارك ما لامك يعني اذا هناك شخص عاتبك بيكون قاصد بزيل الجفا الحاصل بينك وبينه لا اكثر او ينبهك بعدم اهتمامك به بس طريقة الوم بتختلف من شخص الي اخر فاحيانا يكون اسلوب اللوم لاذع قاسي وغير مرضي يودي الي نتائج عكسية
واتمني للجميع خارج وداخل الوطن دوام التواصل والمحبة وان يزول الجفاواللوم والعتاب ودمتم
| |
|
|
|
|
|
|
Re: قاموس" اللؤم" عند السودانيين (Re: هشام المجمر)
|
ود المجمر وبقية العقد الفريد سلام
ناذر اخونا دا بتكلم معانا بالشفرات وحات خوتكم ما فهمتو قاصد شنو بالناقة الفى الصورة دى مزيد من التوضيح والشفافية.....
--------------------------------------------
واهلنا بقولو
شهر ما عندك فيهو نفقة ما تعد ايامو
| |
|
|
|
|
|
|
Re: قاموس" اللؤم" عند السودانيين (Re: هشام المجمر)
|
وجدت هذا المثل الغريب في بوست لمعاذ حسن مرفق معه الشرح :
الفره التودر الجمل ولا العقله أم بوم
ومعنى هذا المثل انه بدلا من أن تجلس هكذا مثل البومة مصاقرا الكمبيوتر أو مصاقرا زوجتك فانه يجدر بك أن تسرج بعيرك وتخرج لتلتقي بالناس, حتى لو أدى هذا الخروج لان تضيع بعيرك وتعود راجلا ليس هذا أمراً ذي بال المهم انك خرجت.
| |
|
|
|
|
|
|
Re: قاموس" اللؤم" عند السودانيين (Re: هشام المجمر)
|
سلام شباب
الما عندها بنية مدفونة حية
تطلقها النساء علي المراة البيتها كله اولاد لمن تجي داخل البيت تلقي السراير بالمراتب والبطاطين في الحوش و الاولاد قاعدين في ضل الشجرة وامهم جوة تعبانة وكان جيت ليها ما عندها زمن تتونس لان الوقت كله تقضي في ضيافتك عكس ام البنات البيت مرتب وفيه لمسات جمالية والام متحكرة للشمار وتنادي يا سلوي تعالي اخلطي البن وسخني الشاي يا تسنيم تعالي عصري لخالتك سعدية دي عندها وجع كرعين والرطوبة متعباها وخالتك مريم عاوزاك تكتبي لها جواب لولدها الفي السعودية القطع القريشات دا
تعرفوا ما المقصود بهذه العبارة(وش الدستة) اكيد نازر يعرف
| |
|
|
|
|
|
|
Re: قاموس" اللؤم" عند السودانيين (Re: هشام المجمر)
|
هناك مثل سمعته كثيرا من أحد الجدات بالدناقلة ولكن لا أذكر الكلمات بالضبط وهو مثل لئيم جدا فى حق المرأة المطلقة بمعنى أنها لو كانت زينة ما كانت بتفارق مراحها.
لو تذكر أحدكم هذا المثل فليورده.
| |
|
|
|
|
|
|
Re: قاموس" اللؤم" عند السودانيين (Re: هشام المجمر)
|
Quote: محمد البشرى واحد عاوز يسجل موقف للتاريخ Quote: بهذا أعلن توقفي عن الكتابة هنا وجاكات من النوع دا قوموا الجماعة بنفس واحد: Quote: قطر عجيب Quote: قشة ما تعتر ليك و حاجات زي دي. عليك الله في لؤم أكتر من كدا |
طبعا صاحب الموقف ده بيكون مؤمل الجماعة يحنسوهو ... لكن جروا بيهو هوا
Quote: سعد الدين ناس يدوها الكرت الاحمر و لما ترجع (بعفو عام) يقولوا والله انتو من غيرنا ما تسووا بصلة !
|
و الله لئامة شديدة و قوة عين
Quote: ناذر هاك دي : يبخرو فيها وهي بتضرط !!
|
Quote: معاوية العندو القروش بحنن أضانو النار تخــ....... الرماد |
Quote: ناذر علا عندي واحد قريب ليهو حا اكتبو ليك في المداخلة الجاية وأعملو حساب الخور |
Quote: معاوية طالع السماء بجـ....... دليل علي التكبر والقرضمة زي عريان ولابس صديرية طيـ........ في لباس دليل علي الخوة والصداقة كان غلبك سدها وسع قـ ....... دليل علي اليأس والاستسلام زي عايره وأدوها سوط
|
Quote: ناذر ولما سألوه لما تركتها قال لهم وهو (يكرع) : الأخيرة دي مُرَة !! |
يا ناذر كان انت كان معاوية الإتنين مستهبليييين معاوية مستهبل و ناذر مستهبل أكتر منو و بالطريقة دي أنتو حتخلوا يوم شكري قريب لأني من الضحك ما قدار أقوم على حيلي ....و عشان إستهبالكم انتو الإتنيين كدي هاكم المثل ده شبهينا و إتلاقينا
| |
|
|
|
|
|
|
Re: قاموس" اللؤم" عند السودانيين (Re: هشام المجمر)
|
غباشي ..
تعرف يا حبيب عندنا واحد معانا هنا في المنبر بيشوت ضفاري في المناقشات السياسية وعندو مثل بيستعملو طوالي وما عندو غيرو (عبد الواحد وكدة) لمن تغلبو الفكرة بيكتب (الطول طول النخلة والعقل عقل السخلة)
صنفرة :
الشي المحيرني زولنا دا عرف كيف داك طويل زي النخلة وهو لا شافو لا شاف صورة بروفايلو !!
| |
|
|
|
|
|
|
Re: قاموس" اللؤم" عند السودانيين (Re: هشام المجمر)
|
Quote: ناذر الشي المحيرني زولنا دا عرف كيف داك طويل زي النخلة وهو لا شافو لا شاف صورة بروفايلو !! |
ما يمكن علاقتو كويسة بالسخلة ... تكون حكت ليهو عنو
Quote: معاوية يعني يا ناذر داير يقول لينا اتلم المتعوس علي خائب الرجاء |
يا حبينا يا ود الصحافة دايرينك في الحلة بيغادي في ضيوفك منتظرنك .... و عندهم ونسة كتيرة معاك ..... ناذر ده دما تقعد معاهو كتير وعشان ما تبقى ظاهرة إستأذن منو و تعال D مع السلامة يا ناذر
| |
|
|
|
|
|
|
Re: قاموس" اللؤم" عند السودانيين (Re: غباشي)
|
واحدة لئيمة ركبت المواصلات . و ما لقت كرسي
في واحد لئيم قاعد في كرسي , عاينت ليه شديد في عينه
طنشها, جات وقفت جنبو , برضو طنشها
قالت " يا حليل الرجال البيقوموا للنسوان"
بكل لئامة قال " و يا حليل النسوان البيقعدوا قي بيوتن"
| |
|
|
|
|
|
|
Re: قاموس" اللؤم" عند السودانيين (Re: هشام المجمر)
|
و د البشرى يديك العافية .... وهاك دي قال ليك عمك سواق تاكسي راجع بيتهم عشان يتغدى و شايل معاهو عيش الغدا ... أها في السكة قام لقى ليهو بنتين ساكنات في نفس حلتهم ... وقف ليهم طبعا إتحرج من يقاولهم , و البنات داقين الطناش ... بعد ما ركبوا قبل عليهم و مد ليهم كيس العيش و قال ليهم هاكم يا بناتي أكلو عشان يبقى بيناتنا عيش ملح ... قامت واحدة لئيمة قطعت ليها قعر عيشة و ردت عليهو و الله يا عمو العيش و شلناهو لكن وينو الملح ... عمك إتضايق منها ونزل من الشارع و قال ليها أمال انتي هسع راكبا بقروشك ما راكبة ملح
| |
|
|
|
|
|
|
Re: قاموس" اللؤم" عند السودانيين (Re: هشام المجمر)
|
شكرا يا جماعة إنتو الظاهر قلبتوا على النكت وكده مسموحة شرطا نكت ما تودينا الخور
من الأمثال المسيخة ذات الأصول المصرية
" يا خبر الليلة بفلوس بكرة ببلاش"
" إقلب القدر على فمها تطلع البنت لأمها"
| |
|
|
|
|
|
|
Re: قاموس" اللؤم" عند السودانيين (Re: غباشي)
|
Quote: يا جماعة إنتو الظاهر قلبتوا على النكت وكده
|
يا معلم الحكاية الفي الباص دي ما نكتة و حصلت بالجد
أها هاك واحدة تانية
الجماعة في الكوتشينة, واحد شحد التاني سجارة أداها ليه , قاليه "ولعة" أداها ليه
بعد شوية قاليه " سفة بالله"
اللئيم مدا ليه الكيس و قاليه " ما داير ليك شلوفة"
| |
|
|
|
|
|
|
Re: قاموس" اللؤم" عند السودانيين (Re: أبوالزفت)
|
Quote: ذكرتنى واحد صاحبنا كان عندو موهبة فى التنكيت
و كان لمن يقول ليك نكتة قوية وتضحك شديد
يقول حصلت..حصلت |
يا معلم مصر ما تصدق
بالذات بتاعة الكوتشينة دي أنا حاضرها
و بطلها من سكان الصحافة 38 - يمكن غباشي يعرفو
ما علينا...
أديك مثال تاني على اللؤم السوداني
و احد يحكي ليه موقف لئيم - يكتبه في بوست عن اللئامة
يقوم سيد البوست يغالطو في روحو و يبقى ليه في رقبته
و يقول ليه دي نكته و أنا خاشيها قبل كدا
أها قابلتك لئامة زي دي
بتاع.... عليك الله قول لي دي نكتة كمان لا عليك الله قول لا قول...
| |
|
|
|
|
|
|
Re: قاموس" اللؤم" عند السودانيين (Re: هشام المجمر)
|
محمد البشرى خضر
سلام
يظهر عليك دقست يا فردة
ده ما لؤم
دى غلاط وعنقدة
زمان كان عندنا واحد صاحبنا عنقود جدا. مرة كان راكب مع واح برضو صاحبنا فى عربيتو ماشين مشوار مع بعض. صاحبنا السايق السيارة طلع صندوق سجاير شال واحدة وأده التانى الصندوق عشان يشيل سجارة. صاحبنا العنقود شال سجارة من الصندوق و رماه من شباك العربية قام داك سألو يا فلان رامى الصندوق لييه؟ قام صاحبنا رد عليهو وقال ليهو رميتو عشان فاضى. قام صاحب الصندوق قال ليهو الصندوق ده بتاعى أنا وكان فيهو تلاتة سجاير شلت انا واحدة وانت شلت واحدة وفضل فيهو واحدة تقوم ترميهو. صاحبنا قال ليهو :لالالا مافضل فيهو واحدة أنا بعد ماشلت السجارة دخلت أصبعى جواهو كدة وفتشت وما لقيت أى سجارة عشان كدة رميتو. والجماعة دخلو فى غلاط شديد جدا وفى النهاية قرروا فضا للنزاع يرجعو محلة الصندوق.
أها لمن رجعو لقو الصندوق فى نفس محلو. وقفوا العربية وصاحبنا صاحب الصندوق نزل و إلتقطو و فتحوا وطلع منو سجارة وراها لصاحبنا الرمى الصندوق واصر انو فاضى. قام عاين كدة وقال ليهو : ده ما نفس الصندوق.
والله حصلت..
| |
|
|
|
|
|
|
Re: قاموس" اللؤم" عند السودانيين (Re: حسن الجيلى سعيد)
|
أهـــــــا يا عمك, براك قلبت إتجاه البوست - بيني و بينك أحسن البوست كلو لؤم
مادام جيت للعنقدة , هاك دي - الغريبة حكاها لي زولك بتاع 38 : قاليك يا معلم في واحد عنقاد صعب خلاص ما بيفوت أي حاجة - زي الحبشي- و الأحداث دي في جبال النوبة و الدنيا خريف و الطريق عادة بينقطع ستة شهور الجماعة بيتونسوا واحد كان في الخرطوم قبل الخريف داير يقشر و يطلع بالجماعة العالي قال : " ناس الخرطوم جابو سجاير جديد إسمو زنوبة الواحدة طول كدا" , و معاها تمثيل بيدو للطول المفترض للسجارة يجي بتاع 40 سم كدا طوالي عمك العنقاد داك إتناول قطعة دبارة من أقرب شوال و قاليهو :"قلت قدر كيف؟" و قعدوا يعبروا فيها, لما قطعها قاليهوا قدر دي داك وافقو , عمك العنقاد قال تمام و طبق الدبارة ختاها في جزلانه.
إن شاء الله بعد ستة شهور الخريف إنتهى, و الطريق فتح, عمك ركب جا الخرطوم و على نمرة إتنين طوالي إشترى علبة زنوبيا. رجع البلد قبل مايغشى بيتو, مشى على الزول بتاع السجارة .دق الباب, فتح ليه زولو , بدون سلام طوالي خش فيه " إنت و احد كضاب, دي ما ياها الدوبارة , و دي ياها زنوبتك .أسي في زمتك دي قدر دي؟"
أها يا معلم رايك شنو في العنقدة دي
و برضو حصلت
| |
|
|
|
|
|
|
Re: قاموس" اللؤم" عند السودانيين (Re: هشام المجمر)
|
محمد البشرى
تحياتى لك و للعنقود الأصيل من جبال النوبة
ما دايرين نغير اتجاه البوست لكن أشهر ما قيل فى العنقدة أن أثنين من اكبر العناقيد تم إختيارهم لمسابقة أكبر عنقود. قام واحد منهم مشى للتانى فى البيت و دق على الباب العنقود الجوه قال ليهو ده منو قام البره قال ليهو ده أنا. رد الجوة قائلا ده ما إنت.
أها قاومو طوالى نصبو شيخ العناقيد.
خلينا منهم ديل موضوعهم طويل وحكاياتهم أطول. نرجع لموضوع البوست:
مثلين لئيمين
سودانى:
" القرد فى عين أمو غزال"
مصرى:
" يا ماخد القرد على مالو بكرة يروح المال ويصبح القرد على حالو"
| |
|
|
|
|
|
|
Re: قاموس" اللؤم" عند السودانيين (Re: غباشي)
|
(يا معلم بعد إذنك ما عاوز أغير الإتجاه ,لكن دي غلبني أفوتها.)
بالنسبة لشيخ العنقادين ماشين بعيد ليه؟ عندك بقال, كيكي ناس العدل و المساواة خالتو تراجي و نص البورد قايمين قاعدين يقولوا ليه الحكاية تشابه أسماء و مفروض يعتذر و هو راسه و الف سيف إنو كلامه صاح لما الجماعة زنقوه , وجابو ليه البيان قاليهم" طيب, كيكي ليه يمشى أديس أبابا في البرد دا و الدنيا عيد؟."
رأيك شنو ؟ مش شيخ العنقادين آسفين مرة تانية لتحويل أتجاه بوستك العاجبك دا
| |
|
|
|
|
|
|
|