عندما تصرُّ قناة (النيل الأزرق) ..!! كتبها : د. عارف عوض الركابي

Quote: الجزء 10 من ندوة مفتوحة في أصول الفكرة بمنزل علي لطفي بأربجي تقديم الأستاذ محمود محمد طه الخميس 25 نوفمبر 1971م الساعة 18:00 عمر جون: هل دا بيعني أنو السيد الأستاذ، بجي الوقت اللي بيناقش فيهو أو يطرح فيهو ممارساته الخاصة في العبادة على الجماعة؟ الأستاذ: الواحد بشوف أنو العلم الموجود كلو، لابد أنو بيطرح.. لكن قد يطرح على ناس معينين من المجموعة الجمهورية، ولا يطرح على العامة.. لأنو الجمهوريين بزيدو كل مرة و الجداد بجو، و دي تمنع من طرح كل شئ هسع على المجموعة الحاضرة و بتمنع في المستقبل.. لكن من المؤكد أنو بكون في خلاصة من الناس قد يعرفوا النقطة دي، لأنهم بستفيدوا منها. أتذكر بأن هناك رواية بأن زوار من شبشة سألوا الاستاذ محمود عن الصلاة فسألهم: انتوا من وين؟ فلما قالوا من شبشة قال ليهم دحين مادحكم ما بقول: الشيخ البرير الخلا الصلاة أم دنقير!! مداخلة في الصالون. في بداية السبعينات انا اقتنعت بكل ما في الفكرة .. بس موضوع الصلاة دا ما وقع لي قال قمت جيت للاستاذ منتصف النهار .. وجدته في الغرفة لوحده .. قال سلم علي واكرمني قال بعد فترة صمت سألته يا استاذ هسه انت بتصلي زي صلاتنا دي ؟ قال الاستاذ قال لي زيها وما زيها ثم واصل الحديث قال لي شوف يا الطيب انا لمن ماشي للاعتقال في كوبر .. قمت اخذت معي ( القرآن ..والأنجيل.. واحياء علوم الدين للامام الغزالي ) قال لمن دخلت السجن اول من استقبلني النبي الكريم وبدأ النبي يصحح لي طريقة الوضوء .. ويصحح لي الصلاة. واستمريت في الصلاة .. صلوات طوييييلة .. اصلي الصبح اطلع منو قريب الظهر .. اصلي الظهر اطلع منو قريب العصر ... الخ حتي خوطبت وامرت بصلاة الاصالة وترك التقليد قال في البداية حاولت ارجع لصلاة التقليد .. وكلما ارجع لها يجدعوني بالحجر والمدر اواجه برفض صلاة التقليد الي ان استقر الامر لي للاصالة ثم قال الاستاذ بعد دا يا الطيب حقو تشيل الكتب وتطلع مع اخوانك واخواتك في حمل الكتاب. قال فطلعت حملة الكتاب .. ومن يومها وانا جمهوري .، ووقع لي موضوع الاصالة أضف إلى ذلك قول راجل الزريبة الشيخ عبد الرحيم البرعي ، سأله أحد الأخوان الجمهوريين عن رأيه في الأستاذ محمود ، بعد المحكمة المهزلة والفداء الأعظم ، فأجابه البرعي : قبل التنفيذ كنت أحسبه صاحب الوقت ، ولكن بعد التنفيذ دخلني شيئا من الشك ، فجائني النبي عليه الصلاة والسلام في النوم وقال لي لاتشك في الأستاذ محمود ......