|
|
|
 Re: الزميلة منى عوض خوجلي أصيبت بوعكة / دعواتكم لها بالشفاء العاجل (Re: الطيب شيقوق)
|
Quote: خليل
محمدين محمد اسحق
ام وضاح
مامون أحمد إبراهيم
عاطف عمر |
تحيات عطره من بلد ذكرها القرآن الكريم..
مصر حاره جدا جدا..والرطوبه عاليه..والخروج من البيت صعب جدا!
الحمدلله تم زواج ابنة أختي وفرحنا ونططنا معاها وحفلتنا استمرت لغاية 5 صباحا..ومافي واحد جه قالينا حداشر جات..زي الفقاري الفي الخرطوم!
واحشني جدا..وأواوصل معكم بشكل منتظم أكثر قريبا بأذن الله..
لكم شكر بدون حدود علي اهتمامكم بي..وهكذا أحب أن أبقي قي قلوبكم..
مودتي لكم بحجم الكون..
| |
 
|
|
|
|
|
|
|
|
Re: الزميلة منى عوض خوجلي أصيبت بوعكة / دعواتكم لها بالشفاء العاجل (Re: ياسر ميرغنى عبدالرحمن)
|
Quote: عبد الدائم سيد أحمد
عادل عوض بلال
دكتور أحمد امين
ابو بكر أحمد
احمد يوسف بو حريره |
تحيات ملونه زي لون الخضار والفواكه في مصر المؤمنه..
ألوان تملآ القلوب حياه..
موجة الحر الشديده قالوا المفروض كانت تنتهي أمس..ولو انتهت بيكون لسه في حر ورطوبه بس
أخف شويه..
وانا مازلت متحاشيه لما يسبب الأمراض.. علي الرغم من انه صحتي كويسه خالص..
شكرا لكم وعلي شدكم لأزري..
كيف يعني الزول يشد أزر الزول التاني؟
ماعارفه!
أنا بس قريتها كده زمان وعجبتني وقررت أستخدمها هنا من باب التغيير يعني.. ولا يخلو الأمر من
حركات قرعه!
لاف كتير..
| |
|
|
|
|
|
|
|
|
|
Re: الزميلة منى عوض خوجلي أصيبت بوعكة / دعواتكم لها بالشفاء العاجل (Re: ياسر ميرغنى عبدالرحمن)
|
Quote: انعام عبد الحفيظ
علوبه
منعم مالك
عبده عبدا لحميد جاد الله
محمد على طه الملك |
الزول لما يمرض بيتدلع صح؟
انا ما كا في زول يدلعني..علشان ماما جاره ما كانت معاي وكمان كنت علي وشك السفر..
لكن تلفوناتكم وقبلها دعواتكم والبوست البيرد الروح ده عوضني عن الدلع!
شوفتوا دلع الكبار متدلع كيف؟
أشوفكم بكره باذن الله وأنتم كما أنتم..بعيدون عن الشجار والعراك بدون سبب,,
ومجتمعين علي الموده والأحترام..
حبي لكم حلو زيكم..
| |
|
|
|
|
|
|
|
|
|
Re: الزميلة منى عوض خوجلي أصيبت بوعكة / دعواتكم لها بالشفاء العاجل (Re: ياسر ميرغنى عبدالرحمن)
|
Quote: النذير حجازي
الفاتح ميرغني
غريبه
محمد أبوجودة
الرفاعي عبدالعاطي حجر |
سلامات من مصر أم الدنيا وابوها كمان!
يا سلام بس لو كان الجو حلو شويه!
بكره باذن الله نسافي طنطا في أول النهار ونرجع بالليل..
ماشيين نزور السيد البدوي ونملا قلوبنا بركه..أجرنا حافله مكندشه..موش فالحين؟؟
بدعي ليكم بكره دعوات تكون مقبوله بأذن الله ..
اها عايزين أدعي ليكم بايه غير يديكم الصحه والفرحه؟؟
أوعوا تقولوا القروش لأنها موضوع صعب شويه
شكرا ليكم كلكم ولأنه معدتي تعبانه أقول..
بالحب وحده يعيش لأنسان
| |
|
|
|
|
|
|
|
|
|
Re: الزميلة منى عوض خوجلي أصيبت بوعكة / دعواتكم لها بالشفاء العاجل (Re: الطيب شيقوق)
|
Quote: عبدالمنعم الرزوقي
هاشم أحمد خلف الله
حسام يوسف
حاتم ابراهيم
صلاح واسبه |
سلام كبير..
الليله طلعت مشيت السوق..وكان تهور مني!
بمجرد مانزلت من التاكسي في سوق روكسي..دخلت أول محل والتاني وبعد التالت مباشره رجعنا..أنا ومنال وأسلام!
رطوبه قاتله..انا تاني ما بمرق..وما بسافر من لندن في الصيف..
لأنه في مصر بنتقفل في البيت من الرطوبه..وفي الخرطوم بنتسمم!!
سلام وحب كبير ليكم..
وزي مابيكتبا أهلنا البسطاء في جواباتهم..عندما يتحدثون عن أشواقهم..
لا ينقصنا الا عدم رؤياكم الغاليه!
ربنا يحفظكم..
| |
|
|
|
|
|
|
|
|
|
Re: الزميلة منى عوض خوجلي أصيبت بوعكة / دعواتكم لها بالشفاء العاجل (Re: الطيب شيقوق)
|
Quote: طارق جبريل
الطيب عبدالرازق النقر
محمد على طه الملك
حسن الطيب يس
رأفت ميلاد |
في الخرطوم قلت لأصحابي..
والله لو جاتني ملاريا بيكون كويس علشان وزني ينزل شويه..(لأ ما شويه..كتييير)
وبعدين زدت علي كلامي شروط..
تجيني ملاريا ما كعبه شديد..وماترقدني مستشفي..عشان المستشفيات ما نضيفه
وما يشخصوها غلط ويقوموا يدوني دوا يقتلني!
ماجاتني الملاريا..لكن الحصل لي أصعب منها!
في زول يتمني المرض؟؟
درس لي علشان أحمد ربنا علي كل نعمه..
وأولها الصحه..
ثم نعمة الحب..
والقدره علي أن نكسب حب الآخرين ونبادلهم حب أكبر..
شوق كبير ليكم..وشكرا علي كلماتكم اللطيفه..
| |
|
|
|
|
|
|
|
|
|
Re: الزميلة منى عوض خوجلي أصيبت بوعكة / دعواتكم لها بالشفاء العاجل (Re: Muna Khugali)
|
Quote: اميره عثمان
أحمد معتصم الطيب
الطاهر-ضياء
ياسر ميرغنى عبدالرحمن
معتصم دفع الله |
شكرا لوجودكم هنا ولصالح دعواتكم..
عايزه أعزمكم علي حاجات هنا في مصر..
مثلا نمشي السينما المفتوحه في دار القوات المسلحه..
المفتوحه يعني مافي صالات مغلقه زي سينماتنا زمان في السودان..
في مرجان لعادل امام وفي أفلام تانيه..
طيب بلاش سنما..
اعزمكم كنتديات؟
ولا بس أحسن نقعد نتونس علي النيل..
انا قاصده أقوليكم انكم في البال دايما..
ونكتب لبكري كده..
شكرا علي لمنا علي بعض من بعد ضياع..
وفي زمن أغبر من المغبرين..
وماننسي جملة علي اتاحة الفرصه..لانها من الجمل الأساسيه..
واسه اكان ما كنتوا انتو..انا كان بقيت كويسه سريع كده؟
Love you all
| |
|
|
|
|
|
|
|
|
|
Re: الزميلة منى عوض خوجلي أصيبت بوعكة / دعواتكم لها بالشفاء العاجل (Re: Muna Khugali)
|
Quote: نادر الفضلى
خالد العبيد
عمر عبدالسلام
عبد المنعم سيد احمد |
تحايا كده قدر السودان كله..
قدره من غير بلاويه..
ومن هنا..
وتحايا أزهريه..فاطميه..ناصريه..ومن ضرايح الصالحين
وشوارع القاهره الحديثه والقديمه..ومن عند بائعي الخضروات والفواكه والجبنه
التلاجه عشان بحبها!
شكرا لبكم كلكم ونتلاقي باذن الله في بوست آخر لو كتب الله لنا العمر..
وتأكدوا أنكم عندي حقيقه وموده كبيره..
فقط اتمني ان التقي بكل منكم في الخرطوم أوفي أي من أراضي الدنيا الواسعه..
| |
|
|
|
|
|
|
|
|
|
Re: الزميلة منى عوض خوجلي أصيبت بوعكة / دعواتكم لها بالشفاء العاجل (Re: د.محمد حسن)
|
صلاح عبدالله
فاروق حامد
كوستاوي
د. محمد الحسن
تحيات أكتوبريه من التاريخ ومن خيالي..
لكن الحق كمان يتقال..
من وحي غناء الأستاد محمد الأمين بالأوبرا بالقاهره..
والماسمعنا فيها بتتعلم من الأيام!
معقوله يا أستاد محمد الأمين؟؟
وانتو واحشني كيف!
قلت ليكم شنو..
أنا تاني كان مرانه ما بحدثكم..علشان ماتتعبوا قدر كده..
كويس؟
ربنا يجمعنا دائما علي الخير والحب..
| |
|
|
|
|
|
|
| |
الطيب شيقوق
Muna Khugali
معتصم دفع الله
نادر الفضلى
خالد العبيد
omer abdelsalam
عبد المنعم سيد احمد
فاروق حامد محمد
Kostawi
د.محمد حسن
فيس بوك
تويتر
انستقرام
يوتيوب
بنتيريست