لحظه من فضلك..4

Quote: الف لحظة يا منى

(عدل بواسطة SAMIR IBRAHIM on 03-28-2009, 09:58 AM)

Quote: سلام ليك يا منى ولكل أهل لحظة

نعومتي..
سلام من لندن مشتاق بس مليان تلج..ينفع؟؟
هلاص قربنا نجي الخرطوم نرتاح شويه من برد لندن ونتملي شمس وفرح ونطر لوجوه بنحبها..
الحرطوم الحلوه ملتقي كل السودانيين بدون هيصات من الناس عن العرق ولا جوطات..
نفرح بيها ونفرح بينا ونحتفل بالدنيا وحلاوتها..
البرامج الفيها احترام المواعيد مهمه يا نعومتي..فاهماني؟؟
يعني الجماعه المواعيدهم 10 صباحا ويجونا 12 تنبهيهم..
والا فاليتحملوا ما يحدث لهم..وحادثة عقد الجلاد ليست ببعيده عن الذاكره

نواصل..

منى

Quote: اخني منى سلامي واحترامي لشخصك ترددت كثيرا ان اوقع حضورا في هذا البوست الرائع والراقي وانا من المتابعيين له منذ بدايته ترددت ماذا اكتب وماذا اقول فيه لكن بعد ان علمت ان اهلي واهلك في الزومه المنبع يتابعون هذا البوست بصورة يوميه كان لابد لي ان ابلغلك بهذا كي تواصلي كتابتك وانتي تخاطبيهم وتطمئني انهم معك ختاما تحياتي لكل افراد الاسرة وخاصه الوالدة متعها الله بالصحه والعافية ولكي مودتي وتقديري ودمتي فخرا لزومتنا اولا ولامتدادناثانيا واصلي ونحن متابعين اخوك الاصغر راشد ابنعوف

Quote: وقيل لي بأن الجميع يرفض الدولار ولا يرغب في الاسترليني! اما اليورو قلا يجب التفكير فيه!

Quote: نحن الله ريحانا بقينا نشيل الخروف ونمشى السوق نقايضو بشوالين سكر ونجي مقبلين اهلنا ومرات بالبصل والشعيرية كمان نسينا العملات خالص انتوا شدوا حيلكم يا ناس البندر وشوفوا ليكم طريقة تتخارجوا من الازمات الاقتصادية الطاحنة او ارحلوا تعالوا علينا جيبوا قريشاتكم واشتروها ضان وانتي يا منى باقي ركابة في الجمال نشوف ليك ناقة هدية ورضية خليها تتقدل بيك في البوادي . بس ابقى عشرة على موبايلك عشان اكان رحتي نلم فيك سريييييييع.

Quote: انا بشيل موبايلي وابيعه هناك.وبرضه عندي فستان برتقالي بشيله ابيعه معاه...واشتري بي قروشهم خروف وبي كده أكون إرتحت من المس كولات..ووفرت قروش الخروف..مش فكره سمحه عليك الله؟؟

Quote: طيب يا منى انت كدا متفقة معاى مالك في الاول بتلتي وتعجني ؟ والعجيبة - بس ارخي لي اضانك - لو اشتريت ليك نعجة ولود عيييييييييييييييك انت فالحة بتحمميها وتاكليها السورج وحياتك تلد ليك في السنة مرتيييييييييييين وفي كل ولدة تلد 2 او 3 تخيلي لو بعت غويشاتك الحلوات ديل وبعت تيابك السمحات ديل في سعد قشرة واشتريت ليك 20 نعجة تخيلي يعملن كم في السنة؟ تتعبي سنتك الاولى بس وبعد 4 سنوات تكونى عملت ليك قطيع كامل فيهو الف نعجة ما عليك علا تشوفي ليك عربية لاندروفر وتشحنيهو ضان وتمشى بيهو الاسواق ايام الضحية وحياتك تجي راجعة عربيتك متروسة دولارات . اها لقيتي اخوك كيف؟

Quote: والله يا منى مشتاقين ليك شديد ودايما في سيرتك وسيرة مواعيدك كدى إنتي بس تعالي المواعيد هينة

Quote: الرصاص الكتير البيقتلوا بيه وما بينتهي ده ..بيجيبوه من وين؟؟

Quote: منى انا باقى لي انت مشاكسة الواحد يبجيك بجاى وتراوغي بجاى خليني اصلي واجيك عشان اوريك السلاح ده بيجي من وين

سلام ياود شيقوق..
وعيد سعي باذن الله..
عارف سعي يعني شنو؟؟
يعني مافي مضيبة تجي فيه..وتقدر تضحك من قلبك...

يازول أنا ما براوغ..لكن تستهويني الأحداث والتفاصيل "الخفيه

Quote: سؤال كبير يا مني ؟ عدت لقصاصات كتبتها منذ شهور فيه بعض من تساؤلك المشروع يقتلونا يامني برصاص جلب بعرق جبيننا للأسف . متي تنتهي الحرب مني ؟ متين يا بت خوجلي تحياتي لك

Quote: الرصاص الكتير البيقتلوا بيه وما بينتهي ده ..بيجيبوه من وين؟؟

Quote: الرصاص ده يا اميرة موضوعه ساااااااااااااهل ما تغلقي خليك معاى بس انت مش سمعت قبل ايام في 100 دولة اجتمعت واقرت بالاجماع حظر القنابل العنقودية؟ ومش سمعت انو روسيا والصين عارضت الفكرة ؟ ومش سمعت امريكا اعترضت لكن اضافت انا ضدكم لكن بصنع قنابل عنقودية متطورة لن تمس المدنيين . برضو الدول دى بتحظر السلاح لكن بتحت تحت هيييييييييييييييييييع

Quote: كل لحظة وأنتِ بخير....

أمبده يا صاحب البث المباشر..
أها بنعمل القناة متين؟؟

عيد سعيد باذن الله..وضحية طاعمه

طبعا الخروف هايجيني بدون كبده ولا كلاوي ولا قلب ولا مصارين غليظه ولا التانيه الرفيعه نعمل منها ضفاير...
بدون طحال..بدون رئه وبدون "بشكير" (الكرشه)..وقطعا..بدون الرأس المخيف وأسنانه الصفراء!
يعني جاييني فريم بس

وده كان بناء علي طلبي..

وريني لو قاعد في الخرطوم من نهاية 12 لنص واحد..ضروري..

نواصل..

منى

Quote: منى كل عام وانت بالف خير

Quote: وريني لو قاعد في الخرطوم من نهاية 12 لنص واحد..ضروري..

Quote: وبما نرغب في تحقيقه من سلام وطمأنينه..

Quote: العيد يتبارك عليك منى وان شاء الله من العايدنو ويسهلا عليك بكان ماتقبلي بركة لا اله علا الله وسيدي محمد رسول الله لي ناس البلد جت عليهم من دون فرز سغير وكبير للتمر للجنيات و حبوبة وللنيل السقا الواطة وخدر جوانا حنين لي امحمد ونانسي كمان وللبلد البنت حوشا في جواي وختا الضل وللناس الشايلة طعم الغربة مسيخ مسيوط بي حنضل القيزان متندل وجع مردوم وللجوات البلد راكزين لي بيوت الطين ودومة الدرب الواقفة تالا السام ساسا ارض وسماها نجوم ومتروسة شخاليب دوم وكلكم يالحبان شاحد الكريم طيبين من حد البلد غربي لين شرقي شمالا جنوب يامين

Quote: الملكة بعاصمة الضباب ..الغالية منى والاسرة..عيد سعيد وكل عام وانتم بخير

سلام يا علي..
شوفت الأيام بتجري كيف؟؟
أهديك أغنية ابراهيم عوض البيغني فيها..

بتجري الأيام زي ما بتجري دموعي (طبعا ده علي أساس اني ببكي كتير)

كل سنه وانت زي ما بتحب وتتمني..

..........
..........

الكريسماس علي الأبواب..والاعلام كله عالمي ومحلي يتحدث عن الازمات الاقتصاديه الخانقه..والبطاله المتزايده وأثر ذلك علي الأفراد
وانخفاض القدرات الشرائيه..ثم عن افلاس محلات كبيره واغلاقها بعد ان زادت عليها الديون..
قبل فتره قصيره عرضت مجلات وول وورث للبيه بقيمة جنيه واج استرليني..طبعا البيشتري بيشتريه بالديون!

عندما تستمع وتقرأ كل هذه الاخبار المتعلقه بالأزمه..تظن انه من الواجب شد الحزام أكثر..وان الاسواق قد كسدت فيها التجاره
و نزلت فيها أسعار البضائع الي جد أكبر من أي زمن مضي..
صحبت ظني البسيط هذا معي وتوجهت الي السوق..بدأت من أوكسفورد ستريت حيث الأسعار تتراوح بين المعقول والغالي..بين محلات تحمل ملابسها
ماركات مصممين مشهورين وأخري تحمل أسماء شركات عاديه..وفي الغالب يجد الجميع ما يحتاجه ويناسب ميزانيته هناك..

هالني ما رأيت من أعداد خرافيه من البشر في الشارع الطويل وفي داخل المحلات..أعداد لا تستطيع أن تمشي بينها بارتياح أو سرعه..
أجساد تكاد تكون "متكدسه"..اعداد من النساء والرجال من كل الفئات العمريه والاجناس المختلفه..وشراء منهم مستمر دون توقف..

تسائلت..
سمح يعني الخف شنو؟؟
والناس البتشتري دي... جابت القروش الكتيره دي من وين مع أزمات البنوك والقروض وكروت الحيط والعطاله الجاياهم جاياهم
زي الموت..لا مفر منها؟؟


عندكم الوضع كيف يا على؟؟

نواصل..

مني

Quote: كل عام وإنت ومن معك بألف خير ..

Quote: بت خوجلي لك التحية والاجلال ممكن نستاذن بالدخول بعد دخلنا خلاص؟؟؟؟ سعدت جدا بالبوست الرائق الهادي دا والواحد كاد يصاب بالياس من بوستات المنتدي المعفنة والميان زفارة... لك التحية الواحد شاف فقط الصفحة الاخير واستمتع برائحة السودان الحبيب واهله الطيبين لك ولك المداخلات التحية والتعظيم

مرجب يا حسن ود عبدالله..
عيدك مر كيف؟؟
طبعا انتهينا من عيدنا عيدهم هم عايز يبدا..
قبل 3-4 سنوات تقريبا عيدنا عي الضحيه مع الكريسماس هم أكلوا اليوك..واحنا أكلنا الخرفان!
مش حاجه عريبه أن نعيد جميعا بذبح الذكور من الطيور والحيوان؟؟
اما الغريبه بالنسبه لفهمهم هم..فهو أن أعيادنا متغيرة الميقات..فتأتي في كل عام في تاريخ مغاير بينما عيدهم تابت التاريخ!
الا أن الغرابه في رأيي ليس فقط في "توع" المذبوح..ولا الغرابه في ثبات أو تغير الأعياد..فهو أمر معروفه أسبابه..
ولا الغرابه في اختلاف نهاية رمضان وبداية العيد بين البلاد الاسلاميه فلهذا اسبابه التي بعضها في جوهره سياسي..
لكن الغرابه ان العيد الكبير المرتبط زمنه بالحج وكما نعرف الحج عرفات وهو يوم وقفة الغيد..يكون محل اختلاف..
مش شي غريب تعيد اي بلد العيد الكبير بعد يوم من تعييد العالم الاسلامي؟؟

............
............

عارف يا حسن أخوي..
أنا من فتره توقفت تماما عن أخذ كتابات عالم عديده هنا "علي محل الجد" ومصداقية عديد منهم مهتزه
في ناس بتحب تجي..تفش غلها في الناس..وفي تانيين توابع للأولين..وفي ناس واخده في نفسها مقلب ومليانه وي ما حبوبتي كتمن بتقول
بالنفخة الكذابه..
وفي ناس مساكيين بس محيطين وهوا يجي يوديهم يمين وهوا تاني يوديهم شمال..
سيك منهم ديل كلهم واتعود انك تشوفهم وتعمل نفسك ما شوفتهم وخلاص
وزي مافي الفوق ديل..في الزينين البيفرحوك ويفيدوك بتقافتهم ولطفهم وممكن تحلق معاهم علاقات جميله وطيبه..

شرفتنا بالزياره المشرقه..اها جبنتك كيف؟؟


نواصل..

منى

الوضع هنا والله عموما الناس خايفة ومفّلسة واى زول عندو قروش مكنكش فيها وما عايز يشترى واكيد زى ما متابعة التلاتة الكبار {فورد.كرايسلر وجنرال موتورز مشو واشنطن عايزين {يسجلو اساميهم فى الدفتر بتاع الجرورة لكن شكلهم كده ما حيدينوهم اى قروش واحتمال يعلنو افلاسهم مما سيؤدى الى احالات للمعاش لعدد كبير من البشرية بس هنا الاحالات ليست لاسباب سياسية

(عدل بواسطة Ali Sirelkhatim on 12-12-2008, 08:34 PM)

Quote: مالها "نبرات" حروفك بتقول انك زهجان؟؟

وحااااات الله إنت بتعرفي , قربتي تقوليها ما لها حروف خجلانة كدا ؟! , ولكن والله ما زهجان أبداً ,معقول أزهج منك ؟!
بقدر إني مستحي جاءت حروفي جبانة وخجلانة , عشان لاقيتك في كم بوست ما قدرت أقوليك كل سنة وإنتِ بألف خير الشغلني شنو معارف ؟! , وكمان قدر ما دورت ليك وسيلة إتصال تلفون /هاتف , ما لقيتو عشان أقولها ليك مباشرة , وتسمعها كاملة غير ناقصة , ويسعدني الشرف الوقت داك ..

فقررت أن أدخل البوست ده وأقولها بتلك الطريقة الجبانة , عشان أعذب روحي اللي تأخرت ما قالتها في وقتها المحدد ..

عيدي كأن أحسن من صديقي وأخي أزهر2 , وكنت مدعو في ثلاث بيوت سودانية فاضلة وعزيزة بالرغم من إنو كان خارج (مِني) أو أقلاه لم يكن داخل المدينة المنورة , لكن البشارة (محمداني) , بداية السنة الجديدة إستلمت خطاب الرجوع إلي المدينة المنورة في نفس مكان عملي الأول , وبعد غربة طالت السنة ونصف عنها, فالغربة الحقيقية في نظري هي البعد عن المصطفي عليه أفضل الصلاة والسلام سواء كان حسياً أو معنوياً..

ولكِ العتبي حتي ترضي ولا أبالي أن أموت في سبيل رضاك فإنتِ أخت /أو عمة ..ألخ غالية علي ولكِ المعزة .

وكمان العيد مبروك لشقيقاتكِ وبنتك وبيتها وكل من تعرفين يارب يحفظكم جميعاً ...

وأيضاً متابع بإهتمام شديد بوست (فتح البلاغ) وقرأت كل الحكاية ومعكم إلي نهاية النصر والله سوف يتولاه فعلينا بالصبر فإنه مفتاح الفرج الأتي حتماً ..

بعد ما كتبت هاتفي مسحتو عشان ما أحرجك , شفتي الصراحة دي كيف ؟!


كل سنة وإنت بألف خير وصحة وعافية ..

Quote: وحااااات الله إنت بتعرفي , قربتي تقوليها ما لها حروف خجلانة كدا ؟! , ولكن والله ما زهجان أبداً ,معقول أزهج منك ؟! بقدر إني مستحي جاءت حروفي جبانة وخجلانة , عشان لاقيتك في كم بوست ما قدرت أقوليك كل سنة وإنتِ بألف خير الشغلني شنو معارف ؟! , وكمان قدر ما دورت ليك وسيلة إتصال تلفون /هاتف , ما لقيتو عشان أقولها ليك مباشرة , وتسمعها كاملة غير ناقصة , ويسعدني الشرف الوقت داك .. فقررت أن أدخل البوست ده وأقولها بتلك الطريقة الجبانة , عشان أعذب روحي اللي تأخرت ما قالتها في وقتها المحدد .. عيدي كأن أحسن من صديقي وأخي أزهر2 , وكنت مدعو في ثلاث بيوت سودانية فاضلة وعزيزة بالرغم من إنو كان خارج (مِني) أو أقلاه لم يكن داخل المدينة المنورة , لكن البشارة (محمداني) , بداية السنة الجديدة إستلمت خطاب الرجوع إلي المدينة المنورة في نفس مكان عملي الأول , وبعد غربة طالت السنة ونصف عنها, فالغربة الحقيقية في نظري هي البعد عن المصطفي عليه أفضل الصلاة والسلام سواء كان حسياً أو معنوياً.. ولكِ العتبي حتي ترضي ولا أبالي أن أموت في سبيل رضاك فإنتِ أخت /أو عمة ..ألخ غالية علي ولكِ المعزة . وكمان العيد مبروك لشقيقاتكِ وبنتك وبيتها وكل من تعرفين يارب يحفظكم جميعاً ... وأيضاً متابع بإهتمام شديد بوست (فتح البلاغ) وقرأت كل الحكاية ومعكم إلي نهاية النصر والله سوف يتولاه فعلينا بالصبر فإنه مفتاح الفرج الأتي حتماً .. بعد ما كتبت هاتفي مسحتو عشان ما أحرجك , شفتي الصراحة دي كيف ؟! كل سنة وإنت بألف خير وصحة وعافية ..

والله ياعماد عرفتك زهحان لكن اصله ما فكرت انك زعلان مني..
ولا أنا ذاتي للحظه لمتك..صجيج بحب اشوفك دايما..وبحب مداخلاتك..لكن لو حصل اتأخرت لأي سبب ما بزعل..
انت عارف في ناس كتيره هنا انا بدخل ليها بوستاتها من غير ما انتظر يكتبوا عندي...الناس مرات بتكون زهجانه..ومرات ما بيكون عندها
رغبه تكتب..ومرات بتكون ماعاجبها الموضوع..يعني اسباب كثيره ممكن تكون السبب..ولانه ده بيحصل معاي بكون قاهمه انه ممكن يحصل للتانيين..صح؟؟

أولا مبروك رجوعك للمدينه المنوره..وربنا يجعل صلواتك كلها بمسجد الرسول عليه الصلاة والسلام..وبعدها تدعي لينا معاك وللوطن ربنا يحل
كربته ويرفع عنهو الغمه اللعنه الصابته..
وبعدين في بوست أزهري بتلقاني كتبت عن عيدنا كيف وخروف اول يوم الوهم..غصبا عن عينا ..عيدنا تاني يوم!
ياربي أزهري متجرس لسه؟؟

.......
.......

محمد ناصر وعصابته عايزين يلعبوا علي الحبال كلها..
قايلننا ماممكن نقيف ليهم..لكن بنقيف وبيدفعوا التمن بأذن الله غالي..
والحق مصيره يرجع لأصحابه حتي وان طال الزمن..

وتاني ما تغيب علشان ما تخجل وانا أكشف أمرك

كل سنه وانت طيب..

نواصل..

منى

(عدل بواسطة Muna Khugali on 12-15-2008, 04:32 PM)

Quote: الوضع هنا والله عموما الناس خايفة ومفّلسة واى زول عندو قروش مكنكش فيها وما عايز يشترى واكيد زى ما متابعة التلاتة الكبار {فورد.كرايسلر وجنرال موتورز مشو واشنطن عايزين {يسجلو اساميهم فى الدفتر بتاع الجرورة لكن شكلهم كده ما حيدينوهم اى قروش واحتمال يعلنو افلاسهم مما سيؤدى الى احالات للمعاش لعدد كبير من البشرية بس هنا الاحالات ليست لاسباب سياسية

Quote: حضور ومتابعة لمعرفة مواقع دفن اهلك يا منى

Quote: بت خوجلي لك التحية وكل عام وانت والجميع بخير .. اين ومتى جاهم العيد فهو عيد رغم انف من ينكر... الواحد بامانه بدأ يشعر في المنتدى دا بالقرف... والواحد محل يخت رجله يلقى مشاكل واحسن حاجة انو الواحد يقفل عليه الباب زي ما بقولوا... لو جاتك حالة زهج وقلتي تشوفي الناس التانين بيكتبوا شنو؟؟؟؟؟ بطنك بتقلب وراسك بيدور وتكرهي نفسك!!!! المنتدى ميان عفنة... والمصيبة انو بقي اشهر واهم منتدى ..... بس طبعا برضو في اشراقات وحاجات تفتح النفس بس شوية للاسف الشديد....