تبرى انتى من طيران العيشة و يخليكى للبحبوكى - يا ستى طولى بالك و مافى حاجة بتستاهل
عارفة يا منى امس بتكلم مع زولة بعرفا غير عضو مقيمة فى ايرلندا و جات سيرة المنبر فقالت لى انا
بخش المنبر عشان اقرى لى منى خوجلى فاصريت انقل ليكى الكلام ده عشان تكونى رايقة و مروقة دايما
و تكتبى بى مزاج للناس المتغربين و بلقوا راحتم و سلوتم فى كتاباتك .
و الله ما يطير عيشتك
نهله أم قلب ابيض وايادي لا تأت ابدا بسوء.. تابعت برامج العيد وعمل الخير وتمنيت لو كنت معكم ..
شكرا با نهله علي الدعم المعنوي..وقولي لصاحبتك انا فرحانه جدا انها بتحب كلامي وانه كتاباتي ما بتزعجها.. وقولي ليها عمري ما هاخيب ظنك فيني و ابطل اجيب قرود زي دي ولا زي دي لكن احتمال اجيب زي دي
تحياتي وحبي..
11-03-2007, 04:48 PM
abubakr
abubakr
تاريخ التسجيل: 04-22-2002
مجموع المشاركات: 16044
اللخبتة دي شنو ؟؟ كيف يعني انا مدير الحملة الانتخابية وانتي شغالة اعلانات عن المرشح ؟؟ بعدين نبطل الانتخابات مدام دايرة تطير عيشتك ؟ انا اقول للناخبيين انو عيشتها طارت وبعدين يخافو علي عيشتهم وما في اصوات ولا اية حاجة ؟؟
11-03-2007, 04:59 PM
Muna Khugali
Muna Khugali
تاريخ التسجيل: 11-27-2004
مجموع المشاركات: 22503
اللخبتة دي شنو ؟؟ كيف يعني انا مدير الحملة الانتخابية وانتي شغالة اعلانات عن المرشح ؟؟ بعدين نبطل الانتخابات مدام دايرة تطير عيشتك ؟ انا اقول للناخبيين انو عيشتها طارت وبعدين يخافو علي عيشتهم وما في اصوات ولا اية حاجة ؟؟
ده كلام ده يا ابو بكر؟ طمنهم في الحمله انهم ما يخافوا..احنا في مرحلة الطيران بالأصوات الكتيره..الكتيره جدا.. لاحظ انت مدير الحمله..لكن أنا بقي سياسيه كبيره..وشوف براك لحظه من فضلك..3 سياسيه ما حصلت قبل كده!
ولو ما مصدق اقرا انتاجي وانتشاري..
اهو كده دلوقتي جبت لي عنوان كتاب ناويه أكتبه عن حياتي الغنيه بالأدب والثقافه..وفنون السياسه ضعت والله يا منصور خالد..
يا سلام يا ابوبكر..واخد بالك من العنوان؟
"انتاجي وأنتشاري"
الحمدلله يا أخي مفيش مني اتنين!
11-03-2007, 05:09 PM
abubakr
abubakr
تاريخ التسجيل: 04-22-2002
مجموع المشاركات: 16044
تقصد موضوع عيشة الطلبه؟ ما انت سويتا لينا كلها وصلت فتران وجعان..خليتني انا ذاتي كسلانه.. كل ما اجي أكتب أجوع وأنعس!
ايوه.. الشكل هنا ورديات..واسه لو عاينت في البوست بتشوف الخراطيش النازله فينا.. يللا خلينا في المهم.. انت ليه مكسل من كتابة ذكريات أيام الدراسه؟ دي اجمل تجربه في الدنيا..ده الوقت الواحد بيكون مليان فيه بالحياه والرغبه في أثبات الذات أكثر..ولا ماكده؟ يعني تفاصيل قاعة المحاضرات..المكتبه..المحاضرين..الزملاء والزميلات من كل بقاع الدنيا.. ولغة التواصل بينهم.. المشوار للبنك علشان تشوف أهلك رسلوا ليك القروش ولا لسه.. وبعدين لما تلقاها ما جات واعصابك تبوظ وتقعد تضرب في التلفونات الغاليه.. يا سلام..دي ايام جميله جدا يا ياسر لازم تواصل فيها..
تحياتي ومودتي..
الراقية مني
ماهو كسلك دا الكسلني
اشوفك بهناك
11-06-2007, 11:07 AM
Muna Khugali
Muna Khugali
تاريخ التسجيل: 11-27-2004
مجموع المشاركات: 22503
Quote: منى خوجلى لتبقى دائما عالية كالنخلة وقوية كما الريح تكنس كل الخواء لك المحبة يا شامخة
ازيك يا سلمي..
زي كلامك ده يا سلمي بيزيدنا قوه في اننا نستمر هنا..
لا استطيع أن استوعب تماما ليه الناس "دي" استبدلت الحب بالكراهيه؟ ليه السلوك السيء أصبح الطريق الطبيعي عندهم؟ ليس من هناك معرفه شخصيه بهم.. ليس في أفعالنا مايجلب لنا الكراهيه.. وليس فيما نكتب عداء كالذي يسود كتاباتهم.. لا نتبادل العراك اللفظي واغتيال الشخصيه ولا نراه طريقه متمدنه للحوار.. ليس بيننا تار ولم نتقابل ونتعارف في ارض الواقع..
فلما كل هذا القبح والعداء؟؟
علي كل حال..نقول الله يكون في العون!
ولكي ايضا سلمي كل المحبه والأعزاز,,
11-06-2007, 02:06 AM
Muna Khugali
Muna Khugali
تاريخ التسجيل: 11-27-2004
مجموع المشاركات: 22503
Quote: امبارح انا شفت عمك مدبولي بتاع المكتبة في التلفزيون بيتحسر علي زمن الكتب اها احسن الحقو بكتابك دة ونطلع لينا بقرشيين في الزمن الاغبر دة ؟؟
يا سلام علي عم مدبولي واولاد عم مدبولي..تمشي عندهم ماتعرف تطلع..ويجيبوا ليك الكتاب من تحت الأرض.. عارف عم مدبولي ومكتبته ديل جزء مهم جدا في تاريخ مصر الحديثه!
وبالمناسبة دي أنا كسياسيه كبيره..عندي كتاب تاني تحت الطبع..اسمه..
شخصيات تبحث عن مؤلف
كتاب في مجمله عن سودانيزاونلاين مع شخصيات أخري بتلقاهم في أوجه الحياه المختلفه.. مثلا بتلقي واحد كان في الشغل معك..راكب في القطر..أو في سنين الدراسه..او حتي مرمي في مخزن! متاكده كتاب بيكون البست سيللر ان شاء الله..خاصه انه الشخصيه الاساسيه حاجه كده ماحصلت.. والله العظيم ماحصلت..لدرجة اني استشرت عدد من الأطباء النفسيين والبياطره والباحثين الأجتماعيين في تشخيصهم للشخصيه علشان أقدر أكتب عنها بفهم أوسع..شد حيلك معانا يا مدير الأنتاج..وان شاء الله ترجع بعد اغتراب 30 سنه بقروش كتيره تبني ليك بيت جالوص!
Quote: هو ما فيش ما فيش .. كدة كويس
عارف..اقول ليك كلام..والله لو في مني اتنين كان.... ولا بلاش!
عارف..اقول ليك كلام..والله لو في مني اتنين كان.... أنتي جمع مؤنث سالم وفعل يمنعه من الصرف الإبتسام شكرن أنك هاهن دا كلام نورالهادي وأنا بسني القلة المويتا باردة أخبارا شنو؟؟؟؟؟
Quote: عارف..اقول ليك كلام..والله لو في مني اتنين كان.... أنتي جمع مؤنث سالم وفعل يمنعه من الصرف الإبتسام شكرن أنك هاهن دا كلام نورالهادي وأنا بسني القلة المويتا باردة أخبارا شنو؟؟؟؟؟
القله ختيتا فريب لخيتا القله الجبتها من مصر.. عايزه اعمل وحده بين القلل..اسمها وحدة القلل المنيله.. القله الاولي من "مصر حبيبتي" والقله التانيه من الخرطوم "أمي" واذا في ريحة النيل عندنا.. يبقي لازم يكون في ابتسامات.. وبعدين قول لنور الهادي انا لسه محارباك..مش ابيت تديني معاك من ساندوتش الطعميه؟
عمرك ياالسني شفت زول بياكل الموز بالعرض؟
نور الهادي عمل كده يوم كنا ماشيين قندهار..
11-13-2007, 06:13 AM
طارق عمر مكاوي
طارق عمر مكاوي
تاريخ التسجيل: 10-16-2007
مجموع المشاركات: 738
العزيزة مني في أحدي الحفلات الغنائية الامدرمانية الرائعة كان يغني فيها الفنان صلاح مصطفي والفنان الابنوسي إبن الشلك رمضان زايد .. صلاح مصطفي وفي قمة الطرب كان يغني : انا غرقان انا غرقان في بحر غرامك .. فقام أحد ظرفاء امدرمان وبالصوت العالي وعلي جهاز المايكرفون قائلا : تبرأ انت من الغرق.. يغرق رمضان زايد الشين ده .
فيا ستي مني .. تبري انت من طيرة العيشة .. تطير عيشة فلانة ديك ولا اسمي .
11-21-2007, 05:01 AM
Muna Khugali
Muna Khugali
تاريخ التسجيل: 11-27-2004
مجموع المشاركات: 22503
Quote: العزيزة مني في أحدي الحفلات الغنائية الامدرمانية الرائعة كان يغني فيها الفنان صلاح مصطفي والفنان الابنوسي إبن الشلك رمضان زايد .. صلاح مصطفي وفي قمة الطرب كان يغني : انا غرقان انا غرقان في بحر غرامك .. فقام أحد ظرفاء امدرمان وبالصوت العالي وعلي جهاز المايكرفون قائلا : تبرأ انت من الغرق.. يغرق رمضان زايد الشين ده .
فيا ستي مني .. تبري انت من طيرة العيشة .. تطير عيشة فلانة ديك ولا اسمي
كيفك يا طارق... شكرا علي ذكر الموقف الطريف..عارف الحفلات دي بيكون فيها مواقف مضحكه كتيره...ياريت يوم نقرا عنها في بوست....انتو الرجال طبعا بيكون عندكم ذخيره منها..
أعتقد اسوأ منظر ممكن يكون عليه الأنسان..هو منظر الشر وهو يتطاير من عيونه ومسام جلده وكلماته...والشر احساس وفعل مدمر..ليس للآخرين فقط بل للأنسان نفسه.. فيه اهدار لطاقه كان يمكن "لو في أمل اصلاح" توجيهها الي ما هو مفيد للأنسانيه وأقله تجنيبهم لشروره..
شكرا يا طارق علي مشاركتك في هذا البوست الداعم للمعنويات..واتمني ان نكون جميعا قادرين علي ان نساعد بعضنا بالكلمه الطيبه والسلوك الملتزم بحقوق الآخرين..
11-21-2007, 05:48 AM
طارق عمر مكاوي
طارق عمر مكاوي
تاريخ التسجيل: 10-16-2007
مجموع المشاركات: 738
اذا جيتي لندن ياريت تدونا خبر يا مني .. اديني شرف اللقاء بكم .
طارق شفت البوست اسه بس..خساره والله..عارف محمد المين كمان كان معاه تذكره زايده وراحت ساكت.. لأنه ماكان في حجز في الباب كل التذاكر اشتروها يالأنترنت.. فاتتك عروض حلوه وبيع لتسجيلاتهم سي دي ودي في دي.. او محمد الأمين لقي وقت امكن ينزل الدي في دي كله..هو نزل جزء في البوست بتاعه.. علي كل حال لندن بتجي فيها مناسبات كثيره..غير كده احنا ممكن نخلق مناسباتنا.. مافي مسنجر..لكن عنواني الألكتروني في البروفايل رسل لي فيه تلفونك..
تسلم طارق..وعلي فكره انا موجوده في لندن...
11-23-2007, 06:57 PM
Muna Khugali
Muna Khugali
تاريخ التسجيل: 11-27-2004
مجموع المشاركات: 22503
شكرا لكل من مر واسمعنا جميل الدعاء والمشاركه الطيبه.. وأعتذر لما مسكم في حضوركم عندي من حديث سخيف.. وأعلمكم انني أحبكم كثيرا واخترمكم كثيرا لأنكم أهل لذلك.. فأنتم تردون الكلمه الطيبه بكلمات أطيب..
ادام الله الموده بيننا..
سأطلب من بكري ان يرسل هذا البوست الي المكتبه..
11-23-2007, 08:26 PM
الطيب شيقوق
الطيب شيقوق
تاريخ التسجيل: 01-31-2005
مجموع المشاركات: 28804
قد ينعم الله بالبلوى وان عظمت ويبتلي الله بعض القوم بالنعم
هسع يامنى اكان خلقوك شينة اكان ارتحت ساى لربك ده - يعني كان شينة و عملت بوست زول يهببك ليك مافي او يجوك حبة مجاملين زى كده وتردى عليهم سريع وتشوفي عشاك وتنومى لكن هسع كده هيييييييييييييييع تشربي ما تروى .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة