|
Re: يا عايش في دنيا من أوهام خيالك.. (Re: حافظ العشا)
|
Quote: منى معقولة بس زهج وقرف واوهام مع بعض كلهم كتيييييييييييرة لكن اختيار بمزاج لوداير تسيبنا جرب وانت سيبنا دي نكتيها من وين في ايام الزهج دي |
وقعت ليك في زهجه بدل جرح موش؟ اصلها المصائب لا تأتي فرادي.. احسن حاجه عارف شنو يا حافظ؟ تجيك فكره في راسك طوالي تكتبها..ماتتردد.. شوفت لو اترددت في علاقتك ما تتردد في الفكره! اسه الأغنيه دي من شدة التسامح الفيها هو رضيان بأي وضع..قال ليه عايز تسيبنا علي كيفك.. عايز تحب في مكان تاني برضه علي كيفك..اصله مشكله مافي..مش قصتنا دي؟ نحكيها لصغارنا بعدين.. اقول ليك كلام يا حافظ؟ الزول ده غنيته كاواااااايه
| |
|
|
|
|
|
|
Re: يا عايش في دنيا من أوهام خيالك.. (Re: عواطف ادريس اسماعيل)
|
Quote: يا بت يا وهمم !!!
عارفة أحلى حاجة في الدنيا دي يا موني شنو ؟ إنه الواحد يعيش في أوهام خياله ,,, وبعدين يا بتي
كله واحد حر في موزه أقصد وهمو !
التوقيع :
واحدة موهومة |
طوفي ست الوهم..
اريد ان اقارن وهمي مع وهمك..واشوفهم ممكن ينفعوا يعيشوا مع بعض ولا لازم نقطع العلاقه الوهم قلت ليك يا عواطف .. الزول اليضحك ده انا بعد ما اتوهمت اني طبيب جراح ومعروفه في كل الدنيا..قررت أعمل للزول ده عملية لوزات..شوفتيه لما يضحك عامل كيف؟ وبالمره عايزه اقلع ليه سنته دي..ماأنا برضه طبيبة أسنان..وشاطره جدا في شغلي... وزي ما قلتي كل زول حر في وهمه..هو اساسا وهم..يقوموا يتحكموا فيه الناس؟ وناس شنو..هي ذاتها موهومهخلاص ده يخلي ليك انتي تعملي ليه عملية اللوز والسنون الواحده..
| |
|
|
|
|
|
|
Re: يا عايش في دنيا من أوهام خيالك.. (Re: Muna Khugali)
|
.. و برضو يا منى ابراهيم الرشيد كتب لابراهيم عوض واحدة تانية جميلة بقول فيها ... يا زمن ! وقف شوية ، واهدى لي لحظات هنية .. وبعدها .. شيل باقى عمرى ..
يا زمن كان بحبها كتير الراحل المبدع علي صعيد الدراما و الكوميديا الساخرة / الفاضل سعيد .. وفعلا الاغنية بتشبه فكرة حياة الفاضل سعيد
اختيار جميل .. و إفادات ود شيقوق قيمة .. و الكتبو كلهم بحركم فرح غامر .. المهم يا منى تذكرى الاستماع لاغنية (البمبى) في بوست زوارك ناس عثمان و معاوية و محمد عثمان
| |
|
|
|
|
|
|
Re: يا عايش في دنيا من أوهام خيالك.. (Re: أحمد طراوه)
|
Quote: و برضو يا منى ابراهيم الرشيد كتب لابراهيم عوض واحدة تانية جميلة بقول فيها ...
يا زمن ! وقف شوية ، واهدى لي لحظات هنية .. وبعدها .. شيل باقى عمرى ..
يا زمن كان بحبها كتير الراحل المبدع علي صعيد الدراما و الكوميديا الساخرة / الفاضل سعيد .. وفعلا الاغنية بتشبه فكرة حياة الفاضل سعيد |
ياا منى...
عاد بعد نااس دكتور طرااوة ظهروا بـ هنا تاانى بوستك دا يااهو المااشى للسنة الجديدة..
و يا زمن وقف شوية...والله كلااااااام
| |
|
|
|
|
|
|
Re: يا عايش في دنيا من أوهام خيالك.. (Re: أحمد طراوه)
|
Quote: .. و برضو يا منى ابراهيم الرشيد كتب لابراهيم عوض واحدة تانية جميلة بقول فيها ...
يا زمن ! وقف شوية ، واهدى لي لحظات هنية .. وبعدها .. شيل باقى عمرى ..
يا زمن كان بحبها كتير الراحل المبدع علي صعيد الدراما و الكوميديا الساخرة / الفاضل سعيد .. وفعلا الاغنية بتشبه فكرة حياة الفاضل سعيد
اختيار جميل .. و إفادات ود شيقوق قيمة .. و الكتبو كلهم بحركم فرح غامر .. المهم يا منى تذكرى الاستماع لاغنية (البمبى) في بوست زوارك ناس عثمان و معاوية و محمد عثمان |
ياسلام يا أحمد طراوه..جبت اتنين حلوين عزيزين وفنانين..رحمهما الله.. الفاضل سعيد وبت قضيم والعجب أمه ثم الشيخ كرتوك (اتمني اكون كتبته صح)..شخصيه امتعت طفولتنا وحتي كبرنا..نضحك عند حضورها دون توقف..والفاضل سعيد يتقمص كل شخصيه بكامل أبعادها.. ثم ابراهيم عوض بكل فنه يأتي لك بطعم اول حب وأول لقاء بغناء مسعد ووجه فرح.. لا أعرف..لكني لا أصدق موت الشخصيا التي تبعثر المرح والجمال حولها..يخيل لي أنهم كالملائكه لا يموتون! ولذبك عندما أعزي فيهم أعزي بسبب صدمة الفقد الأول..وبعد ذلك سود الأحساس انهم بيننا يرزقون.. وحقيقي أنهم بيننا..هل يمضي وقت دون أن نري أعمالهم ونفرح بها؟؟
عارف ..كان الأتنين بجمالهم بيحنسوا الزمن يوقف جريه المجنون ويترفق بالحال ويرحمه! لكن الزمن لئيم يا احمد.. تعاين ليه كده تلقاه جه..تنزل عينك..ومسافة ماترفعها تاني علشان تملا النظر تلقي هرب! عمرك شوفت لحظه هنيه استمرت طويل بقدر رغبتك فيها؟؟
اذا حصل ..بتبقي دي لحظتك انت..بمعطيات موجوده او غير موجوده بارادتك تعملها انت.. والا فان اللحظه مع العمر تتسرب من حياتك..
شكرا علي حضورك الجميل..
| |
|
|
|
|
|
|
Re: يا عايش في دنيا من أوهام خيالك.. (Re: Muna Khugali)
|
و السودانين لسه بلتقطوا في انفاسم بسبب مشاوير التجديد ، و الجمال ، و التطريب اللي جابو الكاشف !
اصلا الكاشف كان بقول للسودانين في تلك الايام الزاهيات :
شكلك لطيف ! وهم بقولو ليهو : ايوا
و تانى : دمك خفيف .. و برضو يقولو ليهو ايوا
و بعدين بقول ليهم الحبيب وين .. و الناس تقول : قالوا لي سافر !
" قطع نفسم .. برضو باغنية القطر قام برجا قدام " !
.. جاب الكاشف فكرة ال Pass .. : الحِوار مع الجماهير .. شعبى خالص الكاشف
.. فجأة كدا في 1953 اطلّ على السودانين ابراهيم عوض ! رقصم ( عل الواحدة ونص ) ..
لمن عمل جننى و غير حالي .. ومعاها ابيت الناس .. جفيت خِلانى .. وخاصمت الكل علشان حبانى
قصة طويلة بتاعت المدرسة الاوركسترالية التانية ! نواصلا في بوست تاريخ الغنا ..
.. بس يا منى : اتشفعوا لينا عند محمد عثمان ! يبطل حكاية الغياب المُعلن لمدة شهر ...
عندو لينا الشُرد السائرات .. لا يختصصن من الارض دارا ..
| |
|
|
|
|
|
|
Re: يا عايش في دنيا من أوهام خيالك.. (Re: أحمد طراوه)
|
Quote: و السودانين لسه بلتقطوا في انفاسم بسبب مشاوير التجديد ، و الجمال ، و التطريب اللي جابو الكاشف !
اصلا الكاشف كان بقول للسودانين في تلك الايام الزاهيات :
شكلك لطيف ! وهم بقولو ليهو : ايوا
و تانى : دمك خفيف .. و برضو يقولو ليهو ايوا
و بعدين بقول ليهم الحبيب وين .. و الناس تقول : قالوا لي سافر !
" قطع نفسم .. برضو باغنية القطر قام برجا قدام " !
.. جاب الكاشف فكرة ال Pass .. : الحِوار مع الجماهير .. شعبى خالص الكاشف
.. فجأة كدا في 1953 اطلّ على السودانين ابراهيم عوض ! رقصم ( عل الواحدة ونص ) ..
لمن عمل جننى و غير حالي .. ومعاها ابيت الناس .. جفيت خِلانى .. وخاصمت الكل علشان حبانى
قصة طويلة بتاعت المدرسة الاوركسترالية التانية ! نواصلا في بوست تاريخ الغنا ..
.. بس يا منى : اتشفعوا لينا عند محمد عثمان ! يبطل حكاية الغياب المُعلن لمدة شهر ...
عندو لينا الشُرد السائرات .. لا يختصصن من الارض دارا .. |
يا سلام عليك يا دكتور أحمد طراوه.. شوفت بقي الكاشف ده كان حاجه كده ما بتتكرر.. سبحان الله اجيال زمان قدمت فن عميق وخالد..لدرجة مسخوا للأجيال الحاليه اي غنا تاني!
أجمل مافي اغاني ابراهيم عوض بجانب عمقها هو خفة دمها..وايقاعها الخفيف الراقص.. وأعتقد ان تفرد ابراهيم عوض سيعيش سنين طويله جدا قادمه..رحمهما الله.. محمد عثمان مشي وين هو؟ سافر اجازه يعني ولا شنو؟ لاحظت حركته في المنبر خفت! بس شكرا كبيره يا محمد علي الأغنيه وعلي تواجدك معانا..
ونحنا ذاتنا ماشيين نتأرشف في الربع الخالي..بس قبل ما نمشي شوف كلام الوهم ده.. ده بيت بيغنيه الفنان محمد فوزي ربنا يرحمه وهو في حالة حب عجيب..
خد عينيه وبص بيها يا حبيبي.. وانت تعرف غلاوتك عندي أد ايه!
يعني الزول ده بيكون استهلك كلامه كله..وتعابيره بعيونه وايديه..علشان يوري حبيبته هو بيحبها قدر شنو..وفي الآخر شعر انه برضه ما كفايه قام قرر يسلفها عيونه علشان تشوف حاله!
اسه يعني كل ماهي يغلبها تشعر بمقدار حبه هايديها عيونه ولا كيف؟؟ جنس مبالغات في الوهم!
كل سنه وانت طيب يا دكتور..وقطعا وجود هنا زاد البوست ثراء.. وكل سنه وكلكم طيبين قراء وزوار البوست..ولقد اسعدتني قطعا مشاركتكم لي في أوهامي العديده سواء كان ذلك بالقراءه أو بالكتابه..وخاصه مشاركتناالخيال فيها..ونترحم ثم نشكر لروح الجميل ابراهيم عوض تواجدها معنا..تهدينا ترديد للأوهام..
| |
|
|
|
|
|
|
|