|
|
|
 Re: قبل الزواج بشهر..وداعا! (Re: رشا سالم)
|
Quote: مني خوجلي..
عليك الله بطلي الحركات دي...
لو جادة ..ورينا التفاصيل عشان نصلك لو حتي في واق الواق..
ولو ما جادة..قولي..لانو في ناس كتار ماسكاهم حمي من البوست دا..
يلا اعترفي سريع.. |
روشا يا لذيذه..
انتي كمان بقيتي زيهم بتزرزري فيني في شنو انا ماعارفه؟
والله يا ناس الدنيا دي عقدتوني عديل..
هو الموضوع ده منعوه ولا قصروه علي فئه معينه ولا يعني أنا منفعش؟
اشرحي لي يا روشا حبيبتي السبب..
سعاد بت الحسن ود أم أحمد عرسوها البوم داك زول زرزرها مافي..
ولا قالوا ليها احنا شاكين في كلامك..
كلهم دخلوا باركوا وبشروا حتن فاتوا ناموا!
اشمعني انا تعملوا لي كده؟؟
اسه انزل ليكم صور الخطوبه؟
كمان تشوفوا فيها كيف ركبت اظافر صناعيه لأنه ما عندي اظافر..وطلبتهم بالمنكير علشان يليقوا بالمناسبه!
انا بعتبرها دي مبروك..وارد ليك الله يبارك فيك وسلمي لي كتير علي زوجك؟؟
وكمان قبال افوت سلامة اي زول جاته حمي..مع انهم كانوا عايزني اتحنط قبلي!
| |
 
|
|
|
|
|
|
|
|
Re: قبل الزواج بشهر..وداعا! (Re: salma subhi)
|
Quote: مبروك يامنى وسماح على تأخير الرد فقد غبت قليلاً عن البورد
مودتي |
شكرا سلومي..الناس الفي الكرت ديل كلهم فرحانين معاي؟
ربنا يفرحك ويسعدك كتير..
ويبارك ليك في كل حاجه تعمليها..شكرا حبيبتي
| |
|
|
|
|
|
|
|
|
|
Re: قبل الزواج بشهر..وداعا! (Re: abubakr)
|
تعالي هنا زايغه وين ..
رجعي للناس جواباتها وكروتها وباقاتهاعشان تعنونها من جديد لست الحق..
علي فكره رمزية ماجده لفتت إنتباهي..
عارفه فسرتها في سياق الموضوع كيف ؟
مبروك عليك القرد بتاعك ده ..
Quote: مبروك مقدما ..
امنياتي بوافر السعادة والهناء |
| |
|
|
|
|
|
|
|
|
|
Re: قبل الزواج بشهر..وداعا! (Re: فاروق حامد محمد)
|
| Quote: مرحلنك من لندن للزوميييييييييي ؟؟؟؟!!! |
ايوه يا فاروق دي اصلها رغبتي..
قلت ليه نمشي نستمتع كم شهر كده ولا حتي سنه بالطبيعه والفقر!
طبعا الزومه فيها حاجات كتيره لكن مازي المدن..
يعني مابتلقي فيها كوكاكولا علب.فاهم انا بقصد شنو؟
بس ممكن تجيبها تخزنها.
لكن انا عايزه كده أعيش زي الناس هناك..اذا مافي عربيات لأي سبب نركب حمير..
بس لازم نعمل سيرفيي في الأول عن الحمير الأكثر صحه..وهل في مبلغ تأمين عليها ولا لأ..
وبعدين بالمره نشوفها هي أحسن ولا الكارو..
والكارو نفسه مجرور بحصان ولا بحمار..
واحنا بعدين هانكون قدام الكارو ولا وراه..
يعني منو بالضبط البيدفع الأجره..تحديد المكان بيقرر..
عارف كده مغامرات حلوه علي الطبيعه..
تاكل القراصه وتنتندل تنوم..
نشرب القهوه واقوم اكضب بعدها اقرا الفنجان..
والله ده أجمل مشروع بعمل فيه..اقصد الشماليه!
وبعد ده كله مش مافي مصاريف كتيره؟
برضه القروش تكمل..
يبقي بقي هنا يجي دور الأستمتاع بالفقر...
الحياه فناء وضياع ثم سعاده..
دي حكمه زوجيه ان أدفانس!
| |
|
|
|
|
|
|
|
|
|
Re: قبل الزواج بشهر..وداعا! (Re: khaleel)
|
Quote: مني خوجلي
عشان كدة عرستي لاية بسرعة
اتاريك كان عندك اجندة خفية
لكن بيت مال وعيال |
خلي ده شيطان شيطنه!
اسه في ناس ما عرفت الحاجه دي الا بعد كلامك..
غايته انا بعد زواج آيه والعنوان داك بتاع مني خوجلي حبوبه..دخلني ليك يازول رعب عجيب
خلاص!!
الليله ..قلت في نفسي..جالك الموت يا تارك الصلاه!
وبقيت أغني بدون ماأشعر مع البلابل للزمن والظروف..
خلاص يعني نسيت يعني.. مافي طريقه ترجعني!
وبعدين لاحت فكرة العرس كباب للأمل..زي مابيكتبوا في الحملات....
ثم ظهرت وتبلورت.. ثم سيطرت..
واذا بي أنام عليها وأستيقظ بها..
ثم كان ما كان!
واياك ترجع بكره تقول لي..
بكره نقعد تحت الحيطه..ونسمع الزيطه!
اقول ليك كلام؟
حيطه ذاته في البيت مافي!!
عقبال ما تعرس واحده عندها عربيه.. وتكون سمحة وبتحب الغنا والضحك زيك..
| |
|
|
|
|
|
|
|
|
|
Re: قبل الزواج بشهر..وداعا! (Re: عمر سعد)
|
| Quote: الف مبروك بالفرح والافراح والسعادة والالفة ....... |
صباح الخير عمر سعد..
معقوله بس مباركه ومعاها ابتسامه من القلب زي ابتسامتك دي؟
دي أكيد جوازه سعيده وليست تعيسه!
عاين عليك الله تصوير الحروف لحالة الفرح وحالة الضيق في سعيده وتعيسه..مش قويه؟
بس احنا ناخد الأولي ونرمي التانيه!
شكرا عمر أخوي ربنا يحفظك..ممكن لو رجعت النت يوم تعمل لي مع الجماعه حفل؟؟
شكرا
| |
|
|
|
|
|
|
|
|
|
Re: قبل الزواج بشهر..وداعا! (Re: عوض الله الفولانى)
|
الفولاني ما شفت اختك عامله كيف..
انت ما مصدق؟
أنا ذاتي من الفرح ما مصدقه..
بس فترانه شديد من لمليم الأوراق وحوامة السواق وتحضيرات السفر..
الوقت بقي ضيق جدا والسفر قرب..
واختك دايشه من الفرحه ومن الجري..
الحمدلله ربنا كفانا شر المشي للفكي والكتابه والراجل الدلاهه!
العريس جه براهو بكرعينو...
انت ليه بالمناسبه ماقاعد تجي البورد كتير؟
بتغيب مدات طويله خلاص..
بس انا مبسوطه خبر الزواج ده جابك تبارك..
وكان ما مصدقني لسه فكر كده..
ياخبر النهارده بفلوس..
بكره يكون ببلاش..
والله يبارك فيك عوض اخوي..
اسمعها زي ما بتقولها حبوتي فاطمه بت الحسين..
| |
|
|
|
|
|
|
|
|
|
Re: قبل الزواج بشهر..وداعا! (Re: صديق الموج)
|
Quote: منى غايتو تشوكشى الزول عينى عينك وتعلنيها كمان
هسه انا اقول لاهلى شنو بعد كده؟؟
اقول ليهم باعتنى؟؟
ماكان العشم يا منى!!!!!!!! |
سو سوري يا صديقي..
اوريك تقول ليهم شنو..
قول ليهم قالت عايزة تكمل الثانوي وتدرس الجامعه وبعدين تتزوج..
ولا قول ليهم قالت الحب البينا خلاص ولي وراح..
ولا كمان ارميها فيهم..
قول ليهم.. قالت انتو سبب فرتقتنا واعمل زعلان منهم وماتكلمهم لفتره طويله!
افكاري مش كويسه؟
ومعليش هاردلك يا صديقي ..
الزول ده قال مابيخليني أزعل في الدنيا دي تاني.. لاني زعلت فيها كتير كفاني..
وانت ما قلت لي كده!
يللا بارك لي بدل تلومني...هو اصله ذاتو البينا كان كيس تسالي وقزازة بيبسي..
براك اتخيلت ده كان مشروع خطبه وحركات!!
| |
|
|
|
|
|
|
|
|
|
Re: قبل الزواج بشهر..وداعا! (Re: Amira Osman)
|
Quote: مبروك مقدما للفرح ايا كان الشكل
و يا رب تكتر بوستات الفرح
و تقلل الاحزان |
ازيك اميرة حبي انا..
فاكره يلم سعاد حسني ده؟
في قدرتنا ان نصنع الفرح..حتي لو لم يكن عميقا ومستمرا..
حتي لو كان قليلا..
في قدرتنا ان نصنعه..
فقط نرمي بعيد منا القناعات الخشبيه..
والمفاهيم الخاطئه للحدود المرسومه..
ونجعل الموده تقود خطانا..
شكرا يا اميره سعيده بمباركتك الفرح..
| |
|
|
|
|
|
|
|
|
|
Re: قبل الزواج بشهر..وداعا! (Re: حسن الجيلى سعيد)
|
Quote: منى الغالية,الغالية منى
الف الف الف مبروك وربنا إسعد أيامك وأيام من تحبين....
لكن الوداع دا لزومو شنو الله لاجاب فراق..
كمية من المحبة |
شوفت يا حسن كمية المحبه الصافيه الرسلتها لي دي؟
ليك أضعافها..
ومعاها شكر وامنيات بتبركات كتيره..
والفراق مكتوب ان كان حصل..
وان ما حصل يكون ما مكتوب..
وفي كل الحالات أدعي لي ان حصل يكون ما طويل..
علشان أرجع بينكم اختكم البتحبكم..
| |
|
|
|
|
|
|
|
|
 Re: قبل الزواج بشهر..وداعا! (Re: نهال الطيب)
|
| Quote: إيد مبسوطة تقابل الحنة |
شكراً للعزيزة نهال الطيب على ذكر الحنة.
الحنة طبعا عليً يا مُنى، مافي كلام.
بس على شرط لما نعرف إسم العريس في الأول 
هذه محاولة وعربون حنة!
سعاد
| |
|
|
|
|
|
|
|
|
|
Re: قبل الزواج بشهر..وداعا! (Re: Souad Taj-Elsir)
|
Quote: شكراً للعزيزة نهال الطيب على ذكر الحنة.
الحنة طبعا عليً يا مُنى، مافي كلام.
بس على شرط لما نعرف إسم العريس في الأول
هذه محاولة وعربون حنة!
سعاد |
سوسو..انا بخاف أجيب اسمه الهوا.. بعدين الهوا يقسمه
وهو براهو اسمه صغير!
سمح اذا الحنه عليك..
يبقي المحلبيه علي منو؟
انتي قايله الحنه بيتحننوها بالمويه؟
طيب لو شاطره وريني الفرق بين المحلبيه والسرتيه..
بتعرفي؟
خلاص لو وريتيني بوريك اسم العريس..
| |
|
|
|
|
|
|
|
|
|
Re: قبل الزواج بشهر..وداعا! (Re: نهال الطيب)
|
Quote: إيد مبسوطة تقابل الحنة
نغم الليل السال شبال
نسمة تغازل في عيون طفلة
طفلة وحفلة ورقصة فال
منوية ياحبيبة
ألف مبروك
وربنا يتمم على خير
وبيت مال وعيال
وما تطولي علينا
محبتي |
ده كلام كبير شديد..
شوفتي مره زمان كده قلت أتحنن..
المصيبه الحنانه رسمت لي طاووس قدر الضربه في ساقي!
والمشكله ايدها سريعه جدا وكمان وبترسم بالصبغه...ولما انتبهت كانت رسمت آخر ريشه في
الطاووس!!
قلت ليك نهال حبيبتي..
هم لسه بيرسموا طيور في الرجلين؟
لو كده تبقي مصيبه ..يكون الزول بيرقص ومعاه برضه طيور بترقص!
شكرا نهال حبيبتي علي كلامك السمح ودعواتك الطيبه..
ربنا يسعدك.. وفرحانه بيك انا اخت وزميله لطيفه وودوده ومهذبه..
| |
|
|
|
|
|
|
|
|
|
Re: قبل الزواج بشهر..وداعا! (Re: Mekki M Alhassan)
|
Quote: الاستاذة مني عوض خوجلي
الف مبروك وبالهناء والسعادة
من كل قلوب السودان لك |
شكرا أخي مكي..
يهنيك ربنا ويسعدك..
عارف الدعوات زي حقتك السمحه دي مهمه جدا..
خاصه في موضوع زي موضوعنا ده..
ده موضوع مرات بيكون عايز تدخل قوات التحالف السيه والأصدقائيه والجيرانيه..
طيب لما ديل كلهم يتدخلوا فضل شنو لناس الموضوع يعيشوا بيه؟
علشان كده أحسن بس الدعوات والله يصلح الحال..قول آمين!
| |
|
|
|
|
|
|
|
|
|
Re: قبل الزواج بشهر..وداعا! (Re: kamalabas)
|
يامنى بالله دقيقة
ماهى حكايتك مع نفسك بالضبط!!!
من قبل عملت حوارا مع نفسك ومررناها
قلنا عندها ازمة اشتهار
والان تغنين لنفسك.... هل موضوع الزواج ايضا ....مع نفسك ؟
للناس فى انفسهم شؤون
طيب ماهو المطلوب الان ؟
يعنى نبارك ولا نعزى ولا نتدردق با########## ولا نعمل شنو بالضبط ... البورد دة مامضمون وكدة
منعم الجزولى
| |
|
|
|
|
|
|
|
|
|
Re: قبل الزواج بشهر..وداعا! (Re: Gazaloat)
|
Quote: يامنى بالله دقيقة
ماهى حكايتك مع نفسك بالضبط!!!
من قبل عملت حوارا مع نفسك ومررناها
قلنا عندها ازمة اشتهار
والان تغنين لنفسك.... هل موضوع الزواج ايضا ....مع نفسك ؟
للناس فى انفسهم شؤون
طيب ماهو المطلوب الان ؟
يعنى نبارك ولا نعزى ولا نتدردق با########## ولا نعمل شنو بالضبط ... البورد دة مامضمون وكدة
منعم الجزولى |
يا منعم سالتني سؤال استغرب ليه..تقول ل ايه حكايتي "مع" نفسي؟
واسه انا نفسي هي ذاتها انا..كيف اقدر افصل حكاياتهم ب "مع" دي؟
اسه انت بتقدر تفارق نفسك؟
كان قدرت بيكون بقي عندك شخصيه تانيه وطواااااالي بيودوك مستشفي المجانين!
و يقولوا المجنون أهه!
والحمدلله يا منعم ياخ أنا كافية الناس شر نفسي..
مصاحباها ليل ونهار هي بس..
لا بتشاكلني لا بتغلط علي..
وحتي لما يحصل نقاش بيني وبينها بيكون نقاش مواجهه حقيقيه..
مش زي نقاش الأجتماعات الواحد يقيف كيف في الأجتماع ويقعد يقول..
انا افتكر انه الموضوع يكون كده..لكن مافي مانع..
وقبل ما يكمل كلامه يقعد يهرش في شعره ولا صلعته ..ويسرح بنظره بعيد متل أكنه بيفكر صح..
وبعدين يكمل كلامه ويقول..
بافتكر انه كلام الزميل....كلام منطقي وموضوعي و....
اهه انا كفيتكم كلكم شر نقاش الأجندات الزي دي ..وجيتكم متوحده مع نفسي ومرات مختلفه معاها في أدب..والأختلاف في أدب مهم جدا..
أما بالنسبه لموضوع الزواج فالمأذون قال ماشوفنا زول اتزوج نفسه..وكلامه منطقي علشان كده
الزواج هايكون مع غير نفسي..بس الأمل موجود في انه النفوس الأربعه تكون متصالحه مع بعضها...موش؟
والمطلوب كما جاء في العنوان ان نتوادع بالكلمه الطيبه..وبس..
أها با منعم لا تتدردق ...ولا تعزي..ممكن تبارك وتقول لي ماتتأخري زي اخواتي وأخواني الحلوين التانيين..
والله يبارك فيك..انا اقول ليك..
وتاني ازيد عليها..
ربنا يسعدك ويفرح ايامك يا منعم يا ود الجزولي..
وما تمشي بعيد..سمح اخوي؟
| |
|
|
|
|
|
|
|
|
|
Re: قبل الزواج بشهر..وداعا! (Re: kamalabas)
|
Quote: ألف مبروك وبيت مال عيال ورب يتمه علي خير يا مني .....
ولكن العائز يتزوج منو? بوستك دا ذكرني ببوستك الزمان دااك!!!!!
كمال |
انا لو عارفاك بتجي كان من زمااااان عملت البوست ده..
بوست توديع البوستات كان بوست لذيذ جدا..
وقربني كتير منكم..
ياريت البوست ده لو كان زيه في الفكره..
كنا ضحكنا كتير خالص..
شكرا لوجودك هنا ومباركتك..وخليك قريب يا كمال..
| |
|
|
|
|
|
|
|
|
|
Re: قبل الزواج بشهر..وداعا! (Re: elhilayla)
|
ألف مبروك يا منى ..
طبعاً الفرح ح يبدأ في لندن ، مروراً بالقاهرة ، وصولاً الى الإمتداد ، إنتهاءاً (بالشماليي)!!
غايتو يا (السناجك) عليكم مفاجآت ..
وبعدين ليه ( وداعاً) في الشمالية (اللابتوبات) ما تديك الدرب ..
إلا يكون (سعيدالحظ) صعب شوية ، وما ح يديك فرصة تتاوقي على حوش بكري ده ..
مبروك مليون ..
| |
|
|
|
|
|
|
|
|
|
Re: قبل الزواج بشهر..وداعا! (Re: Salah Abdulla)
|
Quote: ألف مبروك يا منى ..
طبعاً الفرح ح يبدأ في لندن ، مروراً بالقاهرة ، وصولاً الى الإمتداد ، إنتهاءاً (بالشماليي)!!
غايتو يا (السناجك) عليكم مفاجآت ..
وبعدين ليه ( وداعاً) في الشمالية (اللابتوبات) ما تديك الدرب ..
إلا يكون (سعيدالحظ) صعب شوية ، وما ح يديك فرصة تتاوقي على حوش بكري ده ..
مبروك مليون .. |
صلاح انت جاي لندن متين؟
علشان وانت راجع تمشي معانا السيره..
والله يستر من السيره!
شوفت سنة 88 مشينا شندي سيره وقلنا نرجع تاني يوم..
بس بلا رجعنا بعد اربعه ايام!
كانت الفياضانات اياها تتذكرها؟
اسه المخوفني من السيره دي ما فيضانات المويه...لكن فيضانات المسامير البتجي طايره من القنابل..
وا شقاوة المسافرين الأيام دي..محل ماتدخل في صالات المطار يراقبوك ..وبدون ما يسالوك تلقي نفسك خايف..
حقوا ناجل العرس ده لغاية الظروف هنا ما تتصلح..موش؟
لكن كان أجلنا الليله كمان مافي ضمان بكره الحال ينعدل..
واحتمال العريس كمان يزوغ ولا اي اي حاجه تحصل وألف بعد الشر علينا كلنا..
أها كيف يكون الوضع بعدين؟؟
يعني الزول يا يكون محاصر بالقنابل والخوف منها يا بالخوف من ضياع العريس..
لالالالالا..أخير نمسك في العريس قوووووووي!
منتظراك بالمباركه في لندن أو القاهره أو الخرطوم..سمح؟
| |
|
|
|
|
|
|
|
|
|
Re: قبل الزواج بشهر..وداعا! (Re: elhilayla)
|
Quote: ألف مبروك وبيت مال عيال ورب يتمه علي خير يا مني .....
ولكن العائز يتزوج منو? بوستك دا ذكرني ببوستك الزمان دااك!!!!!
زين العابدين |
الزنزون ...يا حليلك أخوي..
انت كمان ما مصدق زي الجماعه؟
لا حولا..اسه أنا بس بقول ليك..
بكره براك تشوف وتتأكد..
وتقول أريييييتني كان قلت ليها كلمه تشجعها في مشروعها المفاجيء!
والله يدينا خير المفاجآت ويبعد عننا شرهم..
قول آمين..
مبسوطه بمباركتك العملتا ليها حركات شك دي!
سلم علي الأسره..
كنت عايزه أزركم الصيف ده في كندا.زلكن سبحان الخالق..
غير المسار تماما!
| |
|
|
|
|
|
|
|
|
|
Re: قبل الزواج بشهر..وداعا! (Re: خالد العبيد)
|
منى والله انا خايفة يكون في الموضوع مقلب..
عموما مبروك كان ليك كان لغيرك..
وبما انو الحبيبة سعاد تاج السر سبقتنى واتبرعت بالحنة ، عليه انا متبرعة
بما قبل الحنة..
اسمعيني سمممممممممح: موجبي ليك(خلي واحدة تشرح ليك معنى كلمة موجب)
بتعرفي قيمتها براك..
اسمعوا يا جماعة الحاضر يكلم الغائب.. وخليكم شاهدين..
انا مساهمتى في عرس منى ولا صاحبتها: شوال طلح وقزازة كركار..
الدلكة، تَحْجَب، لانو دا ما وَكِتَا..
| |
|
|
|
|
|
|
|
|
|
Re: قبل الزواج بشهر..وداعا! (Re: حليمة محمد عبد الرحمن)
|
| Quote: منى والله انا خايفة يكون في الموضوع مقلب.. |
مقلب كيف يعني ليما حبيبتي؟
اطردي الخوف من قلبك وقولي ليه أمشي بعيد يا خوف يا شين!
| Quote: عموما مبروك كان ليك كان لغيرك.. |
ايوه كده دي الدعوات التفتح النفس وتريح البال..رحلة الجهاد دي دايره دعم شديد!
Quote: وبما انو الحبيبة سعاد تاج السر سبقتنى واتبرعت بالحنة ، عليه انا متبرعة
بما قبل الحنة.. |
اولا سوسو اتبرعت بالحنه وبس..
نست المحلبيه..وكمان ماقالت بتجيب الحنانه ولا أجيبها أنا..
وما ورتنا لو انا جبت الحنانه البيدفع قروشها منو؟
شوفتي مره زمان واحدي صاحبتي جابت حنانه طلعت جوكر!
كانت برضه بتغني بالدلوكه مع "التحنين".
ياربي زي دي في لسه ولا مافي؟
عارفه الزي دي بتكون مليانه نشاط وحماس وبعدين تقعد بعد الحنه ترتاح تونسك والناس التانيه جنس ونسه..
وبعدين شوفتي شنو.زتلقي الناس القاعده كلها اخدت نمرتها لشغل.ز
بعد شويه بتبقي ظريفه وتخلص في الغنا..لأنها بتكون كمان عايزه تعمل دعايه لنفسها!
Quote: اسمعيني سمممممممممح: موجبي ليك(خلي واحدة تشرح ليك معنى كلمة موجب)
بتعرفي قيمتها براك..
اسمعوا يا جماعة الحاضر يكلم الغائب.. وخليكم شاهدين..
انا مساهمتى في عرس منى ولا صاحبتها: شوال طلح وقزازة كركار..
الدلكة، تَحْجَب، لانو دا ما وَكِتَا.. |
بس لكن الطلح والكركار ده يجي لندن كيف؟
انتي أحسن تموجيبيني بحاجه ممكن تترسل بالبوسته او بالبنك..
وخلي الخشب لعمتي ست نور وحبوبتي القسمه بت خوجلي..راقد عندهم وأظنه زارعاتنه في حوشهم!
والأهم من ده كلو..خليك معانا هنا
عشان امكن اتسخط وأقول دايره فستان رقيص..ودايراك ترسليه لي مع توب سمح من عندكم..كويس؟
وربنا يقدرني بت أمي علي مواجبتك في فرح..
قولي آمين..
شكرا ليما حبيبتي
| |
|
|
|
|
|
|
|
|
|
Re: قبل الزواج بشهر..وداعا! (Re: عصمت العالم)
|
Quote: منى خوجلى..
شفتى البوست .عنك .عمل ليك ايه.....!!
زغاريد الفرح..
وليلة زفاف..
وقطع رحط...!!
مبروووووووووووووووووووووووووووووووووووووووووووووووووووك |
منال قالت دايره تطلب منك تعمل ليها بوست ..
ما علشان يجيها عريس لأنها هي متزوجه..لكن بس عشان تجيها قروش كتيييييره..بتقدر؟؟
قلت ليك يا عصمت...
انت قطع الرحط ده لازم العروس تكون بترقص؟
علشان انا اسه طلبت من حليمه ترسل توب الرقص مع الفستان..
ومش كمان العريس المفروض يدفع قروش؟
بسال بس لأنه العريس قال ماعارف.. والناس الأيام دي في رحله استنزافيه رهيبه..قالوا يا
الأيام دي...يا تاني مافي!
بلاقيك بعدين في البوست التاني مع القمره والنجوم..كويس؟
| |
|
|
|
|
|
|
|
|
|
Re: قبل الزواج بشهر..وداعا! (Re: شرير والبرتقاله)
|
Quote: العزيزة منى خوجلي
الف الف مليون مبروك وربنا يجعل كل ايامك سعادة يا رب |
آمين..وانت وكل البتحبهم كمان..
شفت اترددت لحظه..
قلت زول حلوه مباركته زيك كده..
كيف اقول ليه الله يبارك فيك شرير أخوي؟
اسعدني حضورك ومباركتك خالص..
تسلم وخليم معانا بعد نجيب الصور..
| |
|
|
|
|
|
|
|
|
|
Re: قبل الزواج بشهر..وداعا! (Re: عامر تيتاوى)
|
Quote: العزيزة منى خوجلى
مليون مبروك
تستاهلى السعادة
وكل الخير
تحايا خالصة من ناس الامتداد |
شكرا عامر أخوي..
جيتك دي براها خير..
تتبارك ايامك وايام ناس الأمتداد..
ديل اهلي وعمري..
| |
|
|
|
|
|
|
|
|
|
Re: قبل الزواج بشهر..وداعا! (Re: yasir Abdelgadir)
|
| Quote: congratulations, although I did not understand anything, but anyhow congratulations |
المهم النيه يا ياسر..
علشان كده بقول ليك الله يبارك فيك وشكرا علي التهاني القلبيه..
انت لسه في واشنطون؟؟
| |
|
|
|
|
|
|
|
|
|
Re: قبل الزواج بشهر..وداعا! (Re: عفاف أبو حريرة)
|
عفه حبيبتي..
انا من شفت طرحة الزفاف علي الكتكوت الحلو ده وانا نفسي أشيلها من راسها الصغير ده..
شوفتي الأبتسامات حلوه كيف في منقاراتهم..كوتموتو خلاص!
شكرا حبيبتي ربنا يسعدك باسرتك..
| |
|
|
|
|
|
|
|
|
|
Re: قبل الزواج بشهر..وداعا! (Re: jini)
|
Quote: منى بت عوض عمى وجارة خالتى
تمنياتى(بيت القرنفل قاع منزله البهار وسقفه الغيم الحنون)
مصطفى سند
جنى |
ان شاء الله صفصف اخوي..
شفت اخيرا أنا عرفت كيف "صفصف"؟
تمنياتك جميله وعطرت البوست كله وقبله القلوب..
شكرا أخوي..
| |
|
|
|
|
|
|
|
|
|
Re: قبل الزواج بشهر..وداعا! (Re: عبد الغفار عبد الله المهدى)
|
Quote: منى
خوجلى
الف مليووووووووووووون مبروك
العرس ده سمعنا من خال العروس انو فى القاهرة يعنى حاضرين ورابين باذن الله |
يعني فره مرتين..
فرح بالعرس وفرح بمشاركة الأحباء..
يا ناس هوووووي انا ما متعوده علي الأفراح الكتيره دي..
صلوا علي النبي معاي..
شكرا يا عبد الغفار..ربنا يسعدك ويهني ايامك..
وسلم علي خالي لغاية ما اصلكم يوم السبت ان شاء الله..
| |
|
|
|
|
|
|
|
|
|
Re: قبل الزواج بشهر..وداعا! (Re: عواطف ادريس اسماعيل)
|
Quote: منو !!!
مليار مبروك لكن لو طلعتي ما أنت العروس حأخليهم مليون وبس !! |
وفي الحالتين انا ال....
بس انتي شاكه غيني ليه يا توفي؟
شكرا حبيبتي...بس أدعي لينا بالسعاده نحنا تعبنا من التعاسه..
شايفه بكتب شعر حلو كيف؟
لكن بيني وبينك ينفع هتاف في شوارع الخرطوم!
| |
|
|
|
|
|
|
|
|
|
Re: قبل الزواج بشهر..وداعا! (Re: hamid brgo)
|
Quote: تعقدوا بدون شعيرية لكن
مليار مبروك - والله فرحنا ليك رغم الاحساس بالشاكوش
حامد |
اسوي شنو انتظرتك كتير..
يوم تقول لي لسه لما اخلص القرايه..وانا اشي وانتظر..
ومره لما القي شغل..الفلس كاتلني..وانا انتظر..
آخرة الموضوع كمان بقيت تقول لي امي رافضه!
انتظرك اكتر من 5 سنوات كيف يعني.
انا عمري ماشي علي الخمسه وعشرين..داير تفوتني قطر الزواج؟؟
ومش الشعريه دي؟
اها وحاتك بقيت اسويها براي هي والفطير..
وشكرا لمباركتك ومسامحاك علي عمري الضاع منتظره لي كضبه..
شكرا حامد وربنا يخليك ونفرح بيك ان شاء الله
| |
|
|
|
|
|
|
|
|
|
Re: قبل الزواج بشهر..وداعا! (Re: حسن النور محمد)
|
الف مبروك من الأعماق
رغم أني شايف حكاية التهاني دي ما بتأكل عيش
يعني بدل الواحد يقول مبروك كان مفروض نعمل كشف
وكل واحد يخت الفيها النصيب
ان شاء الله 100 دولار من كل واحد
لو العرس في شهر 9 ممكن يتوافق مع الاجازة
وحانقدم دعوة لنفسنا قبل ماتقدمي لينا الدعوة
لأننا نحن اصحاب الحوش وأهل مكة والشمالية والجزيرة والسودان كلو
لكن على قول ود الأمين الفنان المخضرم
مرة كان قاعد في اتحاد الفنانين
وكان حسين شندي عندو سماية
اها قال لمحمد الأمين معزوم معانا بكره غداء
قال ليهو في شنو
رد عليه والله جابو لي ولد
اها وقام حسين شندي مشى كلم كل الفنانين
وجاء تاني لمحمد الأمين ونسى انو سبق كلمو
اها قال لمحمد الأمين ياخي معزوم معانا بكره غداء
قال ليهو في شنو
رد عليه والله جابو لي ولد
قام محمد الأمين قال ليهو : تااااااااااااااااااني جابو ليك ولد !!!!
اها تانننننننننننني ؟؟؟
لا اعتقد !!!
اتمنى أن تكون الفرحة ل { آآآآآآآآآآآآآآآآية }
| |
|
|
|
|
|
|
|
|
|
Re: قبل الزواج بشهر..وداعا! (Re: ابوحراز)
|
Quote: الف مبروك من الأعماق
رغم أني شايف حكاية التهاني دي ما بتأكل عيش
يعني بدل الواحد يقول مبروك كان مفروض نعمل كشف
وكل واحد يخت الفيها النصيب
ان شاء الله 100 دولار من كل واحد
لو العرس في شهر 9 ممكن يتوافق مع الاجازة
وحانقدم دعوة لنفسنا قبل ماتقدمي لينا الدعوة
لأننا نحن اصحاب الحوش وأهل مكة والشمالية والجزيرة والسودان كلو |
بس جبت التايهه ووضعت يدك علي مكمن الموضوع!
هو في مبروك بتبقي حلوه شديد بدون الذي منه؟
انت جميلك ده لو نجح ما بنساه ليك خالص خالص...حتي بعد ما أموت!
وبعدين لو الجماعه ما بيقدروا يدفعوا مائه دولار مع انها مبلغ بسيط جدا..عارف ممكن
يعملو شنو؟
يعملوا صندوق وكلهم يصرفوه في الأول ويدوني ليه..موش فالحه؟
وانت بالذات وناس الحنه والخشب ومعاهم ناس الورد تجوا كده من غير عزومه..
يا سلام!
واحنا في ديك الساعه؟
منتظراك علي احر من الجمر ..مع فرحي الشديد لمباركتك ابو حراز يا جميل..
| |
|
|
|
|
|
|
|
|
|
Re: قبل الزواج بشهر..وداعا! (Re: الطاهر عثمان)
|
| Quote: الأخت منى والله الف الف مبروك وفرحته ليك شديد وربنا يوفقك ويسعدك والتحايا لسعيد الحظ وقوليه الف مبروك ويخلي بالو منك |
عليك الله الطاهر اخوي تكلمه انت..انا كان اتكلمت بيقول لي طبعا حبيبتي.. وبعد العرس صباح الخير
في تلتلهززوبس يقعد قدام التلفزيون يقلب في القنوات!
قول ليه يخلي باله مني وما يكون غتيت ولا بخيل..
يعني ما يجي يوم يقول لي..
كنت عايز اعزمك فسحه لكن قروشي ضاعت..ولا يقول لي عايزه فستان جديد ليه؟ اسه السنه الفاتت ما اشتريت ليك اتنين..
عليك الله كلمه كله الا البخل..
وشكرا يالطاهر علي الورد الجميل..وعلي كلماتك البتشبه الورد..وعلي طيبتك معاي..
تسلم اخوي
| |
|
|
|
|
|
|
|
|
|
Re: قبل الزواج بشهر..وداعا! (Re: abubakr)
|
يا أبابكر أنا عليّ العشا .. لكن البت دي حتمشي الزومة
والزومة ما فيها كهربا وعليه أنا مستعد أرسل ليها جنريتر
مع العشا بس الأوله شرط آخره نور .. يعني العشا علينا والجنريتر
عليكم .. الجنريتر الكبير تمنه 2500 استرليني !! يللا حوّّّّّّّلي ...
على العنوان التالي : فاروق حامد أبوظبي بواسطة أبوبكر ......
بيصل طوالي !!!!!!!!
| |
|
|
|
|
|
|
|
|
|
Re: قبل الزواج بشهر..وداعا! (Re: فاروق حامد محمد)
|
Quote: يا أبابكر أنا عليّ العشا .. لكن البت دي حتمشي الزومة
والزومة ما فيها كهربا وعليه أنا مستعد أرسل ليها جنريتر
مع العشا بس الأوله شرط آخره نور .. يعني العشا علينا والجنريتر
عليكم .. الجنريتر الكبير تمنه 2500 استرليني !! يللا حوّّّّّّّلي ...
على العنوان التالي : فاروق حامد أبوظبي بواسطة أبوبكر ......
بيصل طوالي !!!!!!!! |
فاروق..
أماني ما تلومت!
الناس يلموا لي في القروش وانت داير تشيلهن مني؟
عيب الشوم!
المهم هو ذاته مافي جنريتر اكتر من البوست ده..
عارف ليه؟
فيه نور كتيييير وطاقته عاليه..
| |
|
|
|
|
|
|
|
|
|
Re: قبل الزواج بشهر..وداعا! (Re: طارق جبريل)
|
Quote: منى يا بتنا
ما فهمت حاجة
لكن انا سعيد ليك من كل قلبي |
ايوه يا طارق كده كلام تمام..
سعيد لي من قلبك!
عارف الدنيا دي كلها بتلف وترجع علشان تلقي كلمه وفعل زي ده..
الزواج والمباركه وكله نيه خيره..
تسلم طارق أخوي
| |
|
|
|
|
|
|
|
|
|
Re: قبل الزواج بشهر..وداعا! (Re: عبد الدائم سيد أحمد)
|
Quote: انا برضو يا طارق ما فهمت حاجة
عموما" كشك الـتـلـج بتاعى فى محطة 7 تحت آمرك
والعاقبة عندكم فى المسرات ... |
اسه نمشي نحجز ونجي يوم المناسبه نشيله..
يقولوا لينا المصنع كهربته كانت قاطعه...
لالالالالا ..أخير لينا مصر لا الناس بتكمل فيها لا الحاجات ما بتتلقي..
مره تانيه يا عبد الدايم يكفينا النيه السمحه وجيتك دي..
| |
|
|
|
|
|
|
| |
Souad Taj-Elsir
Muna Khugali
رشا سالم
salma subhi
ياسر ميرغنى عبدالرحمن
محمد على طه الملك
khaleel
فاروق حامد محمد
عمر سعد
على محمد على بشير
صديق الموج
عوض الله الفولانى
حسن الجيلى سعيد
abubakr
Mekki M Alhassan
نهال الطيب
kamalabas
Gazaloat
elhilayla
محمد عبدالرحمن
خالد العبيد
حليمة محمد عبد الرحمن
عامر تيتاوى
حسام يوسف
jini
ود محجوب
عفاف أبو حريرة
Abdelrahman Elegeil
حسن النور محمد
عواطف ادريس اسماعيل
ابوحراز
الطاهر عثمان
طارق جبريل
عبد الدائم سيد أحمد
فيس بوك
تويتر
انستقرام
يوتيوب
بنتيريست