|
|
 الأيحاء..والأشاعه..
|
ببساطه.. الايحاء هو ان نتصرف تصرفا أو نفعل فعلا معين أمام الآخرين.. يسمح بتفسير الفعل او القول لاتجاهات مختلفه يستقبلها البعض منهم في اتجاه واحد معين.. علي الرغم من عدم وجود كلمه قا طعه في الفعل او القول تحسم ما "صدقناه" في عقولنا..
وفي نفس الوقت نجد أن البعض الآخر يستقبل الفعل او القول بشكل مفتوح متعدد الأحتمالات والفهم..وسمح لعقله بأن يتحرر من اي فكره غير قاطعه في الحديث أو الفعل..
..................
.................
نرجع للاشاعه
|
|
 
|
|
|
|
|
|
|
|
Re: الأيحاء..والأشاعه.. (Re: Fadl Karrar)
|
Quote: الاستاذة مني
سلامات
زمن طويل ، لعلها المشغوليات والتسفار
قبل الإشاعة
الإيحاء لسه ما وقع لي
يا ريت أمثلة عشان المعني يوضح أكثر
معليش ح نتعبك معانا |
مرحي يا فضل..كيف حالك؟
كمثال لما أقول عن الأيحاء..استخدم هذا البوست ففيه الكثير من شرح ذلك..
الأيحاء..والأشاعه..
نرجع لشرح كيف تم الايحاء في هذا البوست كبدايه..وارجو ان يشارك الجميع في النقاش هنا ان
أعجبتكم فكره البوست...
| |
|
|
|
|
|
|
|
|
|
Re: الأيحاء..والأشاعه.. (Re: هاشم أحمد خلف الله)
|
| Quote: مني خوجلي الحبيبة مشتاقين كتير ونحنا في الإنتظار !! |
مرحب يا هاشم كيف حالك أخوي؟
الاشاعه هو أن نفبرك خبر ونطبخه بطريقة التسبيك..ثم نمرره لغيرنا ليقوم بالباقي فينشره..
وصناعة الاشاعه تحتاج الي هدف واحد..محدد واضح قد نصل عن طريق نجاحه الي اهداف أخري كثيره..
ويحتاج عقل مدبر.. وكذلك لامكانيات مساعده عديده ومختلفه أخري..
تحتاج مثلا الي مجال قابل لتصديق الاشاعه..مجموعه من الناس قابله لتصديقها..وسائل اقناع قويه
عند من يمرر الاشاعه..
والأشاعه لها طرق تدريسها..ربما لا يطلق عليها اشاعه بالمعني البسيط..وقد يطلق عليها خبر علي
سبيل المثال..
نرجع..
| |
|
|
|
|
|
|
|
|
|
Re: الأيحاء..والأشاعه.. (Re: محمد على طه الملك)
|
Quote: يا أستاذه..
مالك عايزه تشككينا بعد ما صدقناوبقينا نعد الباقي من أيام الشهر ..
اوعك تكوني خامانا وكنتى بتطبقي علينا الدراسة القلتيها فوق دي .. |
اهلا محمد علي اخوي..
أولا لازم تكون محدد جدا في تعبيرك "نصدق" علشان ما يحصل ايحاء
يعني توريني صدقت شنو باضبط..وايه الخلاك تصدقه؟
في كلام معين اتقال كان دليلك؟
والكلام القاله منو؟
شوفت كيف أنا ما عايزه اقع في شرك ايحائك..نجيضه انا موش؟
نرجع..
| |
|
|
|
|
|
|
|
|
 Re: الأيحاء..والأشاعه.. (Re: محمد المرتضى حامد)
|
Quote: ياخ الناس ديل شدة ما بريدوا ليك الخير فسّروا العنوان بلغة قلوبهم
المليانه محبه .. بس. |
سلامات يا منى.
سلامات يا محمد..وينك هاجر الحب في المنبر؟
ماعارفنا كلنا متعلقين بيه؟
بالكوتيشن ده بتكون كده شرحت العوامل التي تجعل من عمليه الأيحاء سهلة المهام..وخاصه في المثال أعلاه..
أنا بحب اي زول هنا..حب اسفيري لكن حقيقي..وافتكر هم كمان بيحبوني بنفس الطريقه .. بس علشان أكون صادقه... احدد وأقول "ماعدا قله"..
ولأنه الزواج يعد عند الأغلبيه غاية المني فانهم تمنوه لي بقلوبهم المحبه...والقلوب المحبه تصدق كل ما يأتي من طرف الأحبه..
صدقوا أول من قادهم في هذا البوست للأيحاء بزواجي..طبعا لا أنكر ان العنوان كان أحد العوامل القويه في الأيحاء علي الرغم من أنني لم اقصده "بالضبط"..لكن شوفوا منو من المتدخلين قاد الباقين لهذا الأمر..ولا شنو؟؟
نرجع ومعانا حب كبير ..يعني مشروع تحانيس ليكم علشان لا تزعلوا مني لا تشاكلوني.. خاصه اني يحبكم جدا!
| |
|
|
|
|
|
|
|
|
|
Re: الأيحاء..والأشاعه.. (Re: nourelhadi awad)
|
الحبيبه مني
إيحاء وإيماء كلاهما تعابير تصدر من القلب وترسل عبرها إشارات رادارية
قوية التردد فتصادف إيريال لاقط لذبذبات موقد قلب صبي يلفه إيماءات ويوحي
لنا بمايضمخ فيه وبذا تروج الأشاعه سلبا كانت أم إيجابا ونجيبك في ما رميتي
وسهمك منا في النحر .
والقول يتبعه الصدق دائما لأن المؤمن صديق والتكذيب له لابد من وجود مبرر له
ونحن عهدناكي صديقه وصديقه لنا جميعا قبل أن تكون جمعتنا جيره في حي كل أفراده
مبدعين سوي في الإيحاء أو الإيماء ويشاع بيننا الصدق في الحديث والقول وبقية من
الزمن أن يصدق الزواج المزمع عقده جامع الجماع حلالآ لكي ولكل الأحباب في ذلك التمني
بالمني .
الأشاعه دي بتعريف اليوم الشمارات وما الإيحاء إلا كزبرته!!!
،،،،أبوقصي،،،،
| |
|
|
|
|
|
|
|
|
|
Re: الأيحاء..والأشاعه.. (Re: مجدي عبدالرحيم فضل)
|
Quote: الحبيبه مني
إيحاء وإيماء كلاهما تعابير تصدر من القلب وترسل عبرها إشارات رادارية
قوية التردد فتصادف إيريال لاقط لذبذبات موقد قلب صبي يلفه إيماءات ويوحي
لنا بمايضمخ فيه وبذا تروج الأشاعه سلبا كانت أم إيجابا ونجيبك في ما رميتي
وسهمك منا في النحر .
والقول يتبعه الصدق دائما لأن المؤمن صديق والتكذيب له لابد من وجود مبرر له
ونحن عهدناكي صديقه وصديقه لنا جميعا قبل أن تكون جمعتنا جيره في حي كل أفراده
مبدعين سوي في الإيحاء أو الإيماء ويشاع بيننا الصدق في الحديث والقول وبقية من
الزمن أن يصدق الزواج المزمع عقده جامع الجماع حلالآ لكي ولكل الأحباب في ذلك التمني
بالمني .
الأشاعه دي بتعريف اليوم الشمارات وما الإيحاء إلا كزبرته!!!
،،،،أبوقصي،،،، |
كيفك ابو قصي وكيف الأولاد؟
غايته قريت كلامك كده زي اربعه مرات..وبقيت ما قادره احدد انت زعلان مني علشان البوست اياه
ولا بس بتحلل؟
ولا الاتنين؟ ولا انت قاصد تخلي الحاجه دي ما واضحه؟
يعني بطريقةما انت عملت ل ايحاءات بتفسيرات مختلفه..موش؟
اذا اليحاء ممكن يكون في كلام اي انسان ما تكون عباراته واضحه تماما..أما اذا كانت واضحه ولسه مافهمناها بيبقي عليناتحمل نتيجة عدم الفهم..او "الوهم"
يعني كلامك بانكم اتعودتوا اني أكون صادقه معاكم...كلام صادق لأنه دي حقيقه ومازالت حقيقه..لأنك لو رجعت للقرايه الكويسه او المتأنيه للبوست تاني..هاتلقي اني ماقلت اصله انا ماشيه اتزوج..في افتراض من الغير اني ماشيه اعمل كده..طيب ليه انا مانفيت؟
لغرض في نفس يعقوب تنامي مع استمرار البوست..وبصراحه كل مشاركه منكم كانت بتزيد فيني الرغبه في الاستمرار وبرضه الخوف من الأستمرار في نفس الأيحاء..
الغرض ده شنو؟
والخوف اصله شنو؟
برجع
أولا حب الضحك والمقالب
| |
|
|
|
|
|
|
|
|
|
Re: الأيحاء..والأشاعه.. (Re: Muna Khugali)
|
Quote: غايته قريت كلامك كده زي اربعه مرات..وبقيت ما قادره احدد انت زعلان مني علشان البوست اياه
ولا بس بتحلل؟
|
الأخيرة دي صاح
مني مافي في الدنيا دي حد بزعل منك ومابالك نحن المقربين لك وعشنا في بلاط الخوجلاب ردحا من الزمن بتبالغي عديل والله وشخصي الضَعيف لا يملك بدواخله ولا حتي شعيرة من زعل
| Quote: يعني كلامك بانكم اتعودتوا اني أكون صادقه معاكم...كلام صادق لأنه دي حقيقه ومازالت حقيقه |
دي مابيختلف فيها أتنين
والله البوست داك بأتصال مع عماد قال لي أنت زعلانه وأنا عارف إنك مازعلانه ولا حاجه
وكل كتاباتك شيقه وفيها مافيها من المعاني والجمالين الروح والطلَه معا وأنا بعرفكم
أكتر من أي شخص آخر لأنني عشت بقربكم وتربطني بالخوجلية علائق عظيمة وأكثرها قربا مع
الشفيف محمد عوض خوجلي أرد الله قربته بقربنا جميعا.
Quote: لغرض في نفس يعقوب تنامي مع استمرار البوست..وبصراحه كل مشاركه منكم كانت بتزيد فيني الرغبه في الاستمرار وبرضه الخوف من الأستمرار في نفس الأيحاء..
|
مافي النفوس لا ندخله بل نشعر بمشاعر القبطه لأخبار الفرح ونتعس لأخبار الترح
ونترح علي صفحات القلب مايملء علينا حوش الفرح أفراح ولكل أنسان إيحاء وإيما كماقلتي
ونرجو منك أن تعزريني إذاأسأ قلمي وأخطأت حروفه لك بل كلي ثقه بأن الصفحات البيضاء
تظل بيضاء من غير سوء .
برضو كلامي الذي قرأته أكثر من مره مافيه إلا كل خير لك وبنفس روح المداعبه نداعب غصَنك الرطيب .
| Quote: أولا حب الضحك والمقالب |
وهذة حقيقه
وبذات الروح نروح ونقضي الجميل من الأوقات في ضيافتكم الظليلة.
وسلالالالالالالالالام بعدد مربعات الأمتداد من قصي وأمه ولك ولآيه كل الحب والأسرة الممتدة خوجلاياتها المتجلية جنوبا هواها وشمالأ أصولها الطيبة زومها في ديار الزومة وأمتداد
في أمتدادتنا المتفرده.
،،،،أبوقصي،،،،
| |
|
|
|
|
|
|
|
|
|
Re: الأيحاء..والأشاعه.. (Re: مجدي عبدالرحيم فضل)
|
ويا مجدي اخوي واخو محمد.. انا بحب الأمتداد ده حب شديد خلاص..بتذكر بدري خالص لما عمري امكن
كان سته سنين ..وكنت العب مع العيال علي أكوام الرمله وفي الميدان وبعدها آخد شكله علي منظري المغبر يليها حمام جامد..
ويحبه لما المطره تصب وتلقي الناس كلها تكرر نفس المنظر ونفس الكلام قدام البيوت وهم بيفتحوا جداول في الشارع..مش المنظر مكرر؟ لكن كان طعمه جميل وحبيب علي النفس!
وبحب الأمتداد علشان عواميد نوره المكسره في اغلب الأوقات.. والدكاكين فيه زمان كانت بتبيع طعميه مع السعوط..وانت أصلك ماعندك مشكله في انك تاكل طعميه ماعارفه جايه من وين..ولا تناولها ليك
ايدين كانت بتعبي في سعوط وفحم!
وكنت بحب اشوف قريبنا سعيد الحرزاوي ربنا يرحمه وهو واقف ورا الطربيزه في الدكان..بيذكرني بسيدنا اسماعيل بحجمه الكبير..كان ضخم جدا عم سعيد...يعني في حياتي ما شفت زول في حجمه..
كان بيوحي لي كده انه من دنيا تانيه غير دنيتنا..وبيتهيالي كان انه ما بينوم لأنه شكله كان جبار..من ناحية حجم يعني..لما كبرت الفهم الفي راسي اتغير كتير لأنه كان راجل طيب خالص..طبعا الطيبه والحجم الضخم في مخيلة الطفال لا يجتمعان!
ايه الجاب الكلام ده هنا في بوست الايحاء والآشاعه؟
الخيال مرات ما بيبعد كتير من التجارب..وبيبني نفسه علي تفاصيل هنا وهناك..
وانت يا مجدي عندي زي محمد برضه..ومحمد الطفنا وأطيبنا وأجملنا..ربنا يحفظه ويحفظك..
| |
|
|
|
|
|
|
|
|
|
Re: الأيحاء..والأشاعه.. (Re: nourelhadi awad)
|
Quote: "..لكن شوفوا منو من المتدخلين قاد الباقين لهذا الأمر..ولا شنو؟؟
شـنــــــــــــــــو؟ |
صباحك خير يا نور..
اولا بالتبادي..ممكن تديني ولدك ده العب معاه شويه..المره الفاتت طلبت منك كده وما اشتغلت بي..
لو اسه برضه ما اشتغلت بطلبي تاني ما بطلبه..بس!!
الاشاعه لها فنونها ودراساتها العلميه..ويعتبر انتهاز الفرصه المناسبه لأطلاقها من أهم عوامل نجاحها..
الأشاعه لها حروبها ودراساتها النفسيه.مثلا نفسية المتلقي للأشاعه..وكيفيه ومقدار تقبله لها..
درجة تصديقه لها..وهذه مهمه للغايه.. فبينما يكون الشخص متلقي لها..يكون أيضا مرسلا أو مروجا لها بمعرفه أو بدون معرفه..
وكلنا نعرف كيف تستخدم النظم السياسيه وسيلة "الأشاعة" لتبلبل الصفوف..أو لتدعم سياسه تتبناها وتخاف رفضها..او لأسباب أخري مختلفه..مثل تيار وسياسه تدعمها..
ومع الاشاعه ظهرت ايضا الأشاعه المضاده..واصبحت للأشاعه فن واسلوب يتزايد في قوته علي حسب قدرات
من يطلقها..
في اغلب الاحيان وخاصه في حالة الأشاعه الناجحه..نجد أن الاشاعه تعتمد علي استخدام معلومه صادقه قويه واساسيه في حبكتها ..ثم من بعد ذلك تحشو جوانب الأشاعه بمعلومات غير حقيقه لكنها "توحي" بالتصديق وتساعد علي انتشارها..اي عوامل داعمه بدونها ينهار كل المشروع من خلف الأشاعه..هذه العوامل تعتمد ايضا علي قدر من الأثاره .. مع احتوائها بالنسبه لطالقها علي أهمية استمرارها
قويه في عقول المستقبلين ومره أخري علي قدرتهم علي تمريرها للغير بنفس الحماس والأحساس..
وفي نفس الوقت..عند تمرير الشاعه للغير نستخدم دون أن ندري تعبيرات تخصنا ونزيد بها علي ما سمعناه من الآخرين..
أذكر اننا درسنا يوما كيف يمكن ان تقول جمله محدده في أذن احد الاشخاص.. لترجع لنا بعد فتره قصيره للغايه جمله مختلفه تماما.. فمثلا نخبر من جاورنا في اذنه بخبر محدد ..ثم نطلب منه أن ينقلها لمن يليه في الصف ..وكان هناك عشره اشخاص في الصف..كل ينقل الجمله للآخر في اذنه دون ان يسمع الآخرين..
ثم يرجع الخبر لمصدره الاساسي..
النتيجه تغيير تام في الخبر.. بسبب اختلاف استقبال الفهم للخبر بين كل الأشخاص..تغيير التعبيرات
التي استخدمت من شخص الي آخر..الجو النفسي عند كل شخص مما جعل درجة ونوع الاستعداد له مختلف
من شخص لآخر..
نرجع..
| |
|
|
|
|
|
|
|
|
|
Re: الأيحاء..والأشاعه.. (Re: عبده عبدا لحميد جاد الله)
|
Quote: العزيز منى
تحية طيبة
عذراً العزيزة منى وضيوفها الكرام
|
مرحب اخي عبده كيف حالك..
مع وسائل الاتصلات العديده المختلفه والمتقدمه..اصبحت للاشاعه سرعه تشبه سرعة الصوت الذي اطلقها..
تقوي الاشاعه وسط من لهم قابليه علي تصديقها...فالاشاعه تعتمد ايضا بجانب ضمها لمعلومه حقيقيه..
علي معلومات مثيره..تثير عند البعض المستهدف كعناصر للنشر الرغبه في ايصالها للغير بسرعة وبحماس من يمتلك المعلومه بمفرده..وفي هذا ارضاء لغرور الشخص!
ونعم عبده..ارجع لحديثك بالأمس..اجهزة الامن تعتمد تماما علي الاشاعه لتثير البلبله بين المجموعات وايضا لاستهلاك طاقة المجموعات ومضايقتهم..
وكمثال لهذا.. اشاعة مقتل المجرم ابراهيم شمس الدين بعد عام من مذبحة ضباط ابريل رمضان..اطلقت بيننا نحن اسر الشهداء لفتره يوم او اكثر.. بالطبع لم تكن حقيقيه فاصابنا الأحباط لفتره..وكانت الاشاعه قد استهلكت قوانا العاطفيه من حزن وفرح ثمرمتنا داخل قلب الأحباط!
وأرجو أن يكون مثال "الأمن" قد قدم شرحا معقولا لك. .
تحياتي..
| |
|
|
|
|
|
|
|
|
|
Re: الأيحاء..والأشاعه.. (Re: محمد على طه الملك)
|
مرات .. واحد يكتب ليك في البوست كلام
غير مناسب .. تندهش .. تقرب تزعل .. تتراجع
لأنك عارفو زولا طيب ولا يقصد إلا إسعادك بهـذا
الكلام .. لكين هذا ما أسعفته به معرفتو ..
في إنتظار فتوى عاجلة في هذا الشأن:
موقع مثل هذا الكلام الــ بايخ .. والذي
ورد بحسن نيه .. هل يدخل في باب
الإيحاء اللا إرادي .. أم ماذا؟ وهل يعاقب
قائله أم يسامح؟ إستنادا على (الأعمال
بالنيات) وقد إستوثقنا من سلامة نية القائل
وللحديث بقية..
| |
|
|
|
|
|
|
|
|
|
Re: الأيحاء..والأشاعه.. (Re: Mohamed Abdelgaleel)
|
Quote: مرات .. واحد يكتب ليك في البوست كلام
غير مناسب .. تندهش .. تقرب تزعل .. تتراجع
لأنك عارفو زولا طيب ولا يقصد إلا إسعادك بهـذا
الكلام .. لكين هذا ما أسعفته به معرفتو ..
في إنتظار فتوى عاجلة في هذا الشأن:
موقع مثل هذا الكلام الــ بايخ .. والذي
ورد بحسن نيه .. هل يدخل في باب
الإيحاء اللا إرادي .. أم ماذا؟ وهل يعاقب
قائله أم يسامح؟ إستنادا على (الأعمال
بالنيات) وقد إستوثقنا من سلامة نية القائل
وللحديث بقية.. |
وساشاركك محمد عبدالجليل اخي فعلا الذي اثق في وعيه الي مالا نهايه..بقية الحديث!
| |
|
|
|
|
|
|
|
|
|
Re: الأيحاء..والأشاعه.. (Re: Muna Khugali)
|
Quote: مرات .. واحد يكتب ليك في البوست كلام
غير مناسب .. تندهش .. تقرب تزعل .. تتراجع
لأنك عارفو زولا طيب ولا يقصد إلا إسعادك بهـذا
الكلام .. لكين هذا ما أسعفته به معرفتو .. |
نحتاج لكثر من الحرص وقدر عالي من القدره علي التفكير في الغير ووقع حديثنا عليه عندما
نكتب ما نكتب..حسن النيه مع انها مغفوره في النهايه علي حسب الشخص ..الا انها صعبة النسيان..لأن الكلام الغير حساس ..لا يذهب باثره بل يتركه وراءه مرا وثقيلا علي النفس...
لذلك احرص ككثيرين جدا غيري علي "عمل حسابي" اثناء تبادل الحوار او المجامله أو الونسه بابسط صورها..حتي لا اجرح الاخرين!
Quote: في إنتظار فتوى عاجلة في هذا الشأن:
موقع مثل هذا الكلام الــ بايخ .. والذي
ورد بحسن نيه .. هل يدخل في باب
الإيحاء اللا إرادي .. أم ماذا؟ وهل يعاقب
قائله أم يسامح؟ إستنادا على (الأعمال
بالنيات) وقد إستوثقنا من سلامة نية القائل
وللحديث بقية.. |
دلوقتي العلاقه بين الكلام البايخ..ونيته السليمه أو غير السليمه في خلق ايحاءات ليست كريمه..
كيف نتعامل معه؟
اما بالتجاهل..اما بلفت النظر ان كنا قد وثقنا في حسن النيه واما بالصدام العنيف الناتج من
الغضب الشديد..
انا لا اري في رد الفعل العنيف فعلا "نافع" ..فقط اراه مهدرا للطاقه ومضيع للفكره الهدف..ويفقدنا ايضا التعاطف من الآخرين..كما اننا لا نضمن حدود انتهاءه.. فكل فعل غير رشيد علي الأغلب يقابله فعل غير رشيد آخر..فاين يتوقف هذا؟
الأمساك بلحظة الأيحاء في حديثنا وافعالنا تحتاج الي تيقظ كامل..والا يفقد موقف الدفاع الذي يقابل رد الفعل منطقه ويضيعه..
التجاهل احدي الوشائل المهمه في التلقين..وتعليم الاخر انه قد اخطأ..الا انه احيانا يكون تعليما قاصرا علي الشخص المخطيء فقط..أو ان أثره يمتد الي البعض وليس الكل..فهذا يعتمد علي قدرة الغير علي الملاحظه..
من ناحيه أخري ..الحوارات مثل هذه قد تكون الأمثل في مثل هذه الحالات..فهي أعم واشمل..ولأنها لا تتحدث صراحه عن مصدر ما ازعجنا بقدر ما تتحدث عن الحديث البايخ..
الحديث البايخ يوحي للغير بحديث معين..هذا الغير ان تقبله بنفس معني الكلمات وكثيرا ما يحدث..فان خياله ايضا يكون خصبا لأبعاد كثبره تضمنتها حروف الكلمه حتي دون قصد قائلها..وبهذا و"بسبب سبهللية الكلام" نكون قد عرضنا الغير لتقييمات غير كريمه وجارحه..
أرجو أن يتواصل الحوار..وربما تمكنا من ربط هذا بالجندر علي ثبيل المثال..
| |
|
|
|
|
|
|
|
|
|
Re: الأيحاء..والأشاعه.. (Re: Muna Khugali)
|
Quote: انا لا اري في رد الفعل العنيف فعلا "نافع"
..فقط اراه مهدرا للطاقه ومضيع للفكره الهدف..
ويفقدنا ايضا التعاطف من الآخرين..كما اننا لا نضمن
حدود انتهاءه.. فكل فعل غير رشيد علي الأغلب يقابله
فعل غير رشيد آخر..فاين يتوقف هذا؟ |
يهمنا أن تتراجع اللغة الجارحة في المنبر .. حتى
يكون التواصل مفيدا .. سواء اتفق الناس أو لـــم
يتفقوا .. مجرد الحوار الذكي الهاديء يعطي (إيحاء)
إيجابي ويؤشر في إتجاه يشرف المتحاورين .. واتفق
تماماً على أن العنف اللفظي هو إهدار طاقة وخربشة
لا تكون مبررة في غالب أحوالها .. إنما شحنات غضب
تفرغ من أحد الأطراف تجاه آخر أو آخرين ويصبــــح
الكلام دائرياً يضر ولا ينفع .. ونواصل..
| |
|
|
|
|
|
|
|
|
|
Re: الأيحاء..والأشاعه.. (Re: Mohamed Abdelgaleel)
|
التجاهل .. أو
الله يديك العافية رفعت لينا البوست
أو
*
أو
عفيتك من إجابتي
أو
كل شكل يبعدك من سقط القول يعتبر
إيحاء إيجابياً ..
وكثيراً ما نرى ألفاظاً أشبه باللكمات
وبعضها بالطعنات .. وبعضها بالغزل
الذي يوحي بالإساءة أكثر منه بالمزاح
الظريف .. وإذا كانت الآنية تنضح بمـا
فيها فما العمل؟!
ينبغي أن يستمر التواصل .. فلعل علاته
ستتراجع تدريجياً وإن ببطء وإن بأثمان
باهظة تجعل كثير من الأقلام الجادة
الجيدة تقرر الإنسحاب من القراية
أم دق.. ونواصل ..
| |
|
|
|
|
|
|
|
|
|
Re: الأيحاء..والأشاعه.. (Re: Mohamed Abdelgaleel)
|
| Quote: لذلك احرص ككثيرين جدا غيري علي "عمل حسابي" اثناء تبادل الحوار او المجامله أو الونسه بابسط صورها..حتي لا اجرح الاخرين! |
أختي العزيزة أم آية
هذه هي اللغة التي نبحث عنها ونتمنى أن تسود معاملاتنا
كلها ، ولعلك هنا تجيبي بنفسك عمن يتساءل بل ويندهش مستكثراً
حب الناس لشخصية معينة .. لماذا هذا الشخص محبوب بالذات ؟
نعم من يكون لماحا وذكيا ويعرف بل يحسن لغة ومعنى وكيفية التخاطب
والتواصل مع الآخرين لابد أن يكون محبوبا .. حتى وإن إختلفنا معه
في بعض الآراء .. لا أشك في حسن نية الكثيرين وربما سعيهم لترطيب
الأجواء وإضفاء روح الفكاهة ونثرها عبر منابر المنبر العديدة ،،
ولكن لابد من تغليب مراعاة من تخاطب وكيف تخاطبه ..
أعرج على حديث الإيحاء والإشاعة موضوع البوست ولعلي أول من يعترف علنا
بالمساعدة والمعاونة على نشرها 00 وللحديث بقية ...
| |
|
|
|
|
|
|
|
|
|
Re: الأيحاء..والأشاعه.. (Re: هبة الحسين)
|
Quote: بالجد...
ابتسامتك تطمن القلب
ياجميلة بتجيبي الافكار دي من وين ؟ |
هبه يا حلوه ازيك..
اقعدي معانا وجمالك تلقيه طغي علي اي جمال..
شوفتي اليحاء والشاعه ديل خطرين كيف؟
حصل قبل كده عملتي ايحاء لأي زول؟
عارفه..
لما نبدا نتونس بموضوع احنا ما بنعرف أبعاده كلها..أو قولي معلوماتنا فيه ضعيفه..نقوم في
الونسه نستخدم جزئية المعلومه البنعرفها..ونقولها بثقه..الناس التانيه البتسمعنا بتظن اننا فاهمين الموضوع كويس..
يعني عملنا ليهم ايحاء بفهم كامل عندنا في وقت هو ما عندنا..
في اللحظه ديك ممكن هم يكون عندهم معلومه أكبر مننا..طوالي يقوموا يتبرعوا بيها..
هنا ايحائك الأول ساعدك علي حاجتين..
الأولي الأيحاء لهم بمعرفتك..اي انك ملمه بما يحدث في الدنيا..
التانية زيادة معرفتك من معلوماتهم هم الأكثر ثراءا من معلوماتك..
شوفتي كيف؟
خليك معانا
| |
|
|
|
|
|
|
|
|
|
Re: الأيحاء..والأشاعه.. (Re: Muna Khugali)
|
حأقول حاجة غريبة...يا منى
لكن It makes sense
الأيحاء والإشاعة وجهان لعملة واحدة
الفرق
وجه من العملة يراه شخص واحد مستهدف
والوجه الآخر.. موجه للجميع وبخاصة أبو أضان خفيفة
وماكينة تايواني..
Now, does that make sense?
يعني الأثنين زي ما قلتي يا منى طبخة.. بس المستهدف مرة
Singular ومرة Plural
مش بالمعني العددي لكن بالمعنى الأنتليكشولي
| |
|
|
|
|
|
|
|
|
|
Re: الأيحاء..والأشاعه.. (Re: عادل جبارة)
|
Quote: وأنا عارف التاني 00 وبما أنو مضيع
الباسوورد حأتكفل أنا شخصيا بالأعتراف
نيابة عنه !!!!
تخريمة:
هم كلهم كم يامنى ؟؟ |
بالله عماد ميع الباسوورد بتاعه ؟
لا حولا !
طيب دي مافرصه نتفسح فيهو ؟
المهم خد عندك ..
1ز ....
2........
3.....
4......
5.................
6........
7..........
8..............
9..........
10........ وبصراحه الزول ده عرف في نص المشوار
11..........
12........
14. عرفت قريب لألآخر
15. عرفت بالتلفون
بجيك راجعه. يالكاشف..
تتذكر ياعادل الزول داك القبضوه في المحاوله الأنقلابيه في افتكر 1992؟
أفتكر اسمه قنات..واعتذر ان كنت مخطئه في الأسم..
المهم الزول ده في المحاكمات.. كان كل ما يسألوه سؤال عن المشتركين..يقوم يكر كل الأسماء..
ومرات يتطوع زياده..
يقيف مزرزر كده ويقول للمحكمه دقيقه ..ويعصر راسه علشان يتذكر..وفجأه يصرخ..
دقيقه ايوه..اتذكرت..فلان داك كان ماشي بالعربيه وقابل ليه زول جنب الكوبري واداه ورق..
وتاني يقول دقيقه اتذكر اسمه..وفجأه تاني يصرخ..ايوه ايوه اسمه فلان وافتكر ساكن في الحته الفلانيه..
اهه سيد قنات ده ما خلي اسم في الدنيا ماجابه ورماه..براه كده يسألوه فد سؤال ..يجرجر
الباقيين معاه!
انا الليله زيه!!
محمد المرتضي محامي شاطر أول ماعرف حمي ضهرو ووراكم ..لكن انتو ما قريتوا كلامه كويس!
| |
|
|
|
|
|
|
|
|
|
Re: الأيحاء..والأشاعه.. (Re: Muna Khugali)
|
منى كيفنك منك طولة
انت عارفة يا المنى نحن في البورصات مافي حاجة مجننانا غير الاشاعات وهاجس العاملين في البورصات في كل الدنيا هو محاربة الاشاعات التى تؤثر في اسعار الاسهم اما ارتفاعا او انخفاضا . وفي ناس شواطين جدا الواحد يفك اشاعة انو الشركة الفلانية في الاتجاة الى التفليسة والناس بناءا على تلك الاشاعة يقوموا يعرضوا ليك اسهمهم كلها للبيع وبالتالي ينخفض سعر السهم وزولك بتاع الاشاعة يكون مكدس ليهو اموال كتيرة يروح يشترى بيها هذه الاسهم الرخيصة وبعد ايام تاني يعمل اشاعة بانو كلامو الزمااااااااااان اشاعة ساااااااى وبالتالي تزيد قيمة الاسهم تاني ويروح فاكي ليك اسهمه الاشتراها للبيع تاني .
شفتى اللعب كيف
| |
|
|
|
|
|
|
|
|
|
Re: الأيحاء..والأشاعه.. (Re: الطيب شيقوق)
|
وبالأمس سمعت اشاعه عجيبه..أقولها ليكم؟
لالالا خلي زول تاني يقولها..
الحقيقه مافي أي اشاعه الا انها احدي الطرق لرفع هذا البوست الي أعلي!!
وطبعا رفع البوست ليس الا طريقه لجذب الآخرين ليكتبوا ويساهموا فيه..
فليس عندي في هذه اللحظه ما أكتبه...لأسباب تتعلق بامكانية الكتابه نفسها في هذه الظروف..
يعني أنا سارقه الوقت وكده..
نشوفكم وقت تاني للناقش معا ان امكن الأيحاء والأشاعه..
| |
|
|
|
|
|
|
| |
Muna Khugali
هاشم أحمد خلف الله
Fadl Karrar
محمد على طه الملك
محمد المرتضى حامد
مجدي عبدالرحيم فضل
د.محمد حسن
Mohamed Abdelgaleel
Kamal Karrar
الطيب شيقوق
khaleel
فيس بوك
تويتر
انستقرام
يوتيوب
بنتيريست