|
|
 Re: مصر المؤمنة.. (Re: Mohamed Abdelgaleel)
|
تذكرت اسم البرنامج مع اعادته الآن "كل الجمال"
هذه القصيـدة -مصر المؤمنة للشيخ البرعي- لم تكن تغب عن أذن والدي ..كان يعشها حـقا!
ولأنها قصيدة جميله صادقة..قيلت في حق "مصر الآمنه" فإني عشقتها آيضا..
وزاد عشقي لها بعشق والدي..
نواصل..
مني
| |
 
|
|
|
|
|
|
|
|
Re: لحظة من فضـلك .. ممكن? (Re: nourelhadi awad)
|
صورة حـلوة شـدييييد ..
ربنا يخليك يانورنا
بس انا توبي احلي من تياب اخواتي
نان وينو تمر جـدي الحسين?
ماني شايفاه في الصورة!
وسلام لحلة حسن لامن تصلهم الكهربا ولا نصلهم نحنا
نواصل...
مني
| |
|
|
|
|
|
|
|
|
|
Re: لحظة من فضـلك .. ممكن? (Re: ماجدة عوض خوجلى)
|
أما وقد تم تشليخ بنات الخليفة...
فإننا نرجوا الباسهم "جنيهات دهب"
ربنا يخليك لينا يانور ويخلي ألوانك الجميلة دي..
عايزين بوست كده بتاع أوراد ختمية...علشان ذكري الخليفة وناكل كلنا فيه "فته"
رأيكم شنو?
نواصل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
لكل موضـوع طريقة في النقاش تختلف عن المواضيع الأخري ...
يعتـد ذلك علي عوامل عـديـدة..منها مثلا نوعيةموضـوع النقاش..
هل هو موضوع علمي اكاديمي..وينضوي تحت هذا مواضيع مختلفة..
أم هو موضوع ثقافي اجتماعي يتحمل الآراء المختلفة بدون أدلة توثقه..موضوع يتقبل الدعابة..
ام لا يتقبل..موضوع ترفيهي..أو...أو..
وعند بدأ النقاش في موضوع اكاديمي لا بـد من المامنا التام بداية بموضوع النقاش..
فإن كان موضوع النقاش عن دارفور مثلا..وهو نقاش سعي لأن يوثق نقاشه بعدة طرق علمية مثل
الكتب والمقالات ومناهج البحث المختلفة..فإن النقاش اذا لا يكون الا بالمنطق العلمي أو الدليل المادي..يعني مايجي زول يقول زي ده..
والله الكلام ده غلط ..لأنه ناس خالتي نفيسة كـان جنبهم جار وكان بيقول كلام غير كلامك ده ياأستاذة!!
نواصل مع ناس اللت والعجن
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
هناك اسباب كتيرة ومختلفة تجعل الأعضاء يتـداخلون في بعض البوستات ويتحاشون الأخري..
يدخل تحت هذا شخصية كاتب البوست ..ميوله والتي تحـدد لدرجة كبيرة ماهية المتداخلين..
والميول قـد تكون سياسية وفي هذا اشكال عـديدة ...سياسية "سياسية" عن قناعة..
وأخري يللا مطـرح ماتروح نروح وياك..يعني زي سعيد وسعيدة...وأخري مدفوعة الأجر ..
وربما كان من الأجـدر ان نطلق علي الفئتين الأخيرتين صفة الإدعاء السياسي..
والميول قـد تكون جـادة للغاية ولها أهلها..
وهناك ميول شـرانية تجعل البعض يشارك والبعض الآخرلا يفعل خـوفا من رذاذ الشتائم...
ثم الخوف مما قد يؤدي له ذلك من مكان تسكنه الضفادع في الخريف ...
نواصل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
Quote: لكل موضـوع طريقة في النقاش تختلف عن المواضيع الأخري ...
يعتـد ذلك علي عوامل عـديـدة..منها مثلا نوعيةموضـوع النقاش..
هل هو موضوع علمي اكاديمي..وينضوي تحت هذا مواضيع مختلفة..
أم هو موضوع ثقافي اجتماعي يتحمل الآراء المختلفة بدون أدلة توثقه..موضوع يتقبل الدعابة..
ام لا يتقبل..موضوع ترفيهي..أو...أو.. |
ده موضوع جميل وجدير بان نتناقش فيه وساعود له مرة اخري ببعض التفصيل لو مد الله في العمر.
حسه نواصل مع الاسطي حراجي
| |
|
|
|
|
|
|
|
|
|
Re: لحظة من فضـلك .. ممكن? (Re: Ahmed Hamza)
|
وفي افلام ابيض واسود زمن نقاء تمنيت كثيرا ان اعيشه!
سـأل الصياد الطـماع إبنته بلهجة مستنكرة ..
مالك مش عايزة تتجوزي برعي?
ردت هي بصوت متوسل باكي
مابحبوش يابا ..مش عاجبني!
إزاي يعني راجل زي ده مايعجبكيش ?
ثم أشار الي نفسه بإستغراب وهو يؤكـد بإضافته..
ده إذا كان عاجبني أنا!
نواصل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
صـرخت الأم وهي تنادي بنتيها..
إلحقوني..
حصلوا وشوفوا اللي حصل لعرسانكم (وكان قد تم الإلقاء بهم في الحراسة)
جاءت البنات تجري وأحـداهما تسأل أمها في هلع..
إيه حـصل لهم ايه? ماتوا?
ردت الأم وهي تعلي من صوتها المفزوع
ياريت... ياريت!
صاحت الإبنة الأخري وهي تخبط علي صـدرها..
يا لهوي..اتجـوزوا?
نواصل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
وقفت المعلمة الضخمة بعد أن فرضت ترشيحها وفوزها بمنصب ريس
علي الصيادين المساكين تخطب برنامجها الفشنك..وبعد أن انتهت ولم تجد منهم الا
أفواه مفتوحة.. وتعابير وجوه غريبة..صاحت..
ياللا اهتفوا لمعلمتكم..عايزة اسمع هتاف عام!
تعالت الهتافات..
"يعيش البحر الأحمر المتوسط"
نواصل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
وقفت الزبونة الجميلة الفقيرة في محل الفكهاني..
ثم قالت بصوت منتعش..
إديني بطيخة وشمامة!
رد صاحب الفواكه بلؤم..
يااااه..بطيخة وشمامة مرة واحدة?
يبقي صحيح اللي سـمعناه!
نواصل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: nourelhadi awad)
|
إزيك يانور..
لي يومين كده مستمتعة بأفلام زمان..وحلمانة معاهم اني عايشة في زمنهم..
في زول صـديقي يانور قال لي ده شنو الكلام الفاضي الكاتباه ده..
ده كلام ماعنـده معني!
(قاصـد كلامي الكتبته امس)
قلت ليه كيف ماعنده معني?
اسه أقراه تاني وأبعد من راسك أي توقعات او هموم أو حتي اوهام ..
وصـدقني هاتضحك شـديد وتقعـد تخبط رجلينك من الضحـك البمزاج..
ياخي مافي حاجة ممكن تضحك زي كلامهم ده.. وزي تعاليق الأطـفال..
عاين.. مثلا المعلمة لما اتفلسفت علي الصيادين الغلابة بكلام كبير مامترابط.. وبعدين لما
ما فهموا قالت ليهم ياللا أهتفوا..'هتاف عام'
أسة كلمة هتاف عام دي مش فيها معاني كتيرة.. وكلها ممكن تجيب صور مضحكة?
طـيب صـديقي ده ليه مافهم?
يكون مامن حلة حسن?
وعاين دي كمان مافهمها..لما هتفوا "هتاف عام" وقالوا
'يعيش البحر الأحمر المتوسط'
أنا غايته في حاجتين مابخليهم..
القهوة والضحك !
نواصل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: nourelhadi awad)
|
إزيك يانور..
لي يومين كده مستمتعة بأفلام زمان..وحلمانة معاهم اني عايشة في زمنهم..
في زول صـديقي يانور قال لي ده شنو الكلام الفاضي الكاتباه ده..
ده كلام ماعنـده معني!
(قاصـد كلامي الكتبته امس)
قلت ليه كيف ماعنده معني?
اسه أقراه تاني وأبعد من راسك أي توقعات او هموم أو حتي اوهام ..
وصـدقني هاتضحك شـديد وتقعـد تخبط رجلينك من الضحـك البمزاج..
ياخي مافي حاجة ممكن تضحك زي كلامهم ده.. وزي تعاليق الأطـفال..
عاين.. مثلا المعلمة لما اتفلسفت علي الصيادين الغلابة بكلام كبير مامترابط.. وبعدين لما
ما فهموا قالت ليهم ياللا أهتفوا..'هتاف عام'
أسة كلمة هتاف عام دي مش فيها معاني كتيرة.. وكلها ممكن تجيب صور مضحكة?
طـيب صـديقي ده ليه مافهم?
يكون مامن حلة حسن?
وعاين دي كمان مافهمها..لما هتفوا "هتاف عام" وقالوا
'يعيش البحر الأحمر المتوسط'
أنا غايته في حاجتين مابخليهم..
القهوة والضحك !
نواصل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
| Quote: ده موضوع جميل وجدير بان نتناقش فيه وساعود له مرة اخري ببعض التفصيل لو مد الله في العمر. |
إزيك أحمـد حمزة..
شكرا علي حراجي ..
خطاباته وزوجته فيهم طعم الموية في القلة..
لما تشرب منها... يجيك طـعم النيل وطينه ..وريحةالمطر.. وصوت حبوبتك وجـدك ..وحنية
عجايز الحلة.. وبساطة ناس القري و طيبتهم ..
شوفت جبت لينا جمال قدر شنو?
أنتظر نقاشك الذي وعدت به..أتمني ان يسعفك الزمن ببعض منه قريبا..
نواصل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: nourelhadi awad)
|
نور... أسمع دي مسافة ماتشرب الجبنة ..
اسماعيل يس ده زول لذيد جـدا..بحبه شـديد وبحب كمان سمير غانم
وأفلامهم مضحكة جـدا ..كل ماعليك أن تفعل ساعة عرض الفيلم.. الإسترخاء وتسليم نفسك
للضحك..
الراجل المعلم المتفلسف..مشي يفتش عن عرسان بناته ومالقاهم..
رجع البيت ..المعلمة أم بناته المتفلسفة برضو سألته بصوتها الحاد ونظراتها القوية..
لقيت أحمـد وحميـد?
رد..
لأ مالقيتش لا أحمد ولا حميد..
ثم اضاف اضافة مهمة وهو يستدير بوجهه وكرشه الكبير ناحية بناته المفزوعات من غياب
عرسانهن..
ولا حتي أي كائن كان!
ونواصل...
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Ahmed Hamza)
|
في مسلسل سـوداني دمه خفيف..
أسرعت الجارة بخطاها بسفنجتها المغبرة الي نساء الحي تخبرهن بالخبر المثير..
ما شـفتو كمال ولد (...) رجـع من" باريس عاصمة لندن" ومعاهو عربية بيضا سمحة كيف!
نواصل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
Quote: انت بس قاعـد لي كده..
الناس مشوا لندن ورجعوا بالرفاء والبنين! |
وبعدين زوجها ذاته كان تحفة زيها.. بيرمي كضبات كبيرة بس هو ذاته ماعارفها كضبات..
قال ليها..
ماتزعلي..انا سايقك ان شاءالله اجازة لنـدن..
نمشي الأول هولنـدا وبهناك بالإنترنت نمشي للنـدن!
نواصل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
ذهبت أول امس مساء الي جامعة لندن في احـدي قاعات ها كان الإحتفال بطرح كتاب دكتور
أليكس دو فال Alex De Waal لكتابه الأخـير ن مرض الإيـدز AIDS and POWER..
تحدث أليكس لمدة عشرين دقيقة عن فكرة الكتاب والنقط التي يثيرها هو فيه
وكان عرضا ممتعا تبعه رد علي اسئلة طـرحها الحضور الذي ملأ القاعة حتي جلس بعضه علي
الأرض..
عرض في نفس القاعة كتابين آخـرين..أحدهما قديم نسبيا وهو عن دارفور وهو انتاج بين اليكس
وبين جـولي فلينت الصحفية الشهيرة Julie Flint.. وكنت قد اشتريته العام السابق عند
ترويجه..الكتاب الثالث كتبه تيم Tim Allen آلان وعنوانه Trial Justice يتحـدث عن المحكمة
الجنائية العالمي وجيش الرب في يوغنـدا ..
The International Criminal Court and the Lord's Resistance Army..
إشتريت الكتب وأنا أمني النفس بقراءة جميلة في زمن ارجو ان لا يفسـده "المعكننين" هـداهم الله..خاصة اني قد دفعت ثمنا لا يستهان به كان من الممكن "ان" كنت انتمي لمجموعة المعكننين..
أن استخـدمه حتي في اكل كثير ينتج غباءا يظهر في صورتي ولكن اكثر...في مستوي نقاشي..
ونواصل...
مني
| |
|
|
|
|
|
|
|
|
|
Re: لحظة من فضـلك .. ممكن? (Re: ماجدة عوض خوجلى)
|
| Quote: انتى منو الغبى اكتر من صورتو وصورتو اغبى منه ده انتى اوعك تكونى شفتى كلب البحر |
آه منك انتي يا أروبه عرفتي كيف?!
اسمعي في حلة حسن دى عـندنا مساحة كبيرة بتاعة ضحـك وقهوه..
ودلوقتي نور الهادي طالب قهوة رايقة كـده..نحضرها ونشربها وجنبها بخور التيمان.. ونضحك..
في مسلسل كده جـلست الأم بسيطة التفكير بجانب ابنها الصغير الذي يعالج بالمستشفي من ادمان المخدرات..وكان نائم دائما بسبب ادوية العلاج مما جعل الأم تبكي وتسأل الطـبيب..
يا دكتور..إبني ماله??
مابيتكلمش ودايما نايم!
ابنك في حـالة انسحاب يامدام..ماتقلقيش!
صرخت الأم وولولت..
يالهوي ابني هاينسحب يروح فين?
وذكرني هذا بقريبتنا وكانت ايضا بسيطة التفكير لدرجـة مذهلة!
كانت تنتظر مع الأسرة وصول شقيقها من السفر..
جاءت ابنة اخيها الصغيرة لتخبرها بأنهم اتصلوا بالمطار ليسألوا عن السفرية..
عمتي..اتصلنا بالمطار وقالوا الطيارة هبطت..
فما كان من العمة قريبتنا الا ان صرخت وولولت...
وووب علينا ووووب عليناالطيارة هبطت
كانت تظن ان الطيارة هبطت معناها..الطيارة وقعت!
نواصل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: nourelhadi awad)
|
صباحاتكم جميلة إن شاء الله..
الليلة صباحنا في لندن تلج بس..أي اجة لونها ابيض لأن الثلج يغطيها تماما!
تعطلت المواصلات علي كل المستويات بسبب الجو..عطلت كثير من السفريات
خوفا من المخاطر التي يسببها النزول المستمر للجليد..
علي مستوي الطيران ألغت British Airways العديد من سفرياتها..وبذلك يكون موسم الشتاء
سببا لكثير من الضرر المادي لشركة الطـوط البريطانية..
وصل الجليد الي 10_15 سم في بعد المناطق ومتوقع نزول اكثر للجليد..
ومن ناحية أخري تم نصح الأهالي بعدم إصطحاب الأطفال للمدارس والمكوث بالمنزل..
نواصل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: abubakr)
|
طيب وبعدين ناس االانقاذ ديل بيتدسوا?
اوعانا نتغش بالمظهر المتناقض لبعض المجموعات البتدافع عن اجـندة الانقاذ بطريقة
غبيه... والتانية البتدعي المعارضة
للإنقاذ ..
الاتنين واحـد.. وراقبوا تصرفاتهم واقروا كلامهم!
نواصل...
مني
| |
|
|
|
|
|
|
|
|
|
Re: لحظة من فضـلك .. ممكن? (Re: abubakr)
|
Quote: دي
abubakr
ودي
ماجدة عوض خوجلى
ودي
nourelhadi awad
بس شايف حاجة بتنطط كتييييير................... |
غايتو دى ياصوره كدايس بورسودان وسواكن ذى ماقال زول بعرفو براي الفى الصفحة التانيه ولاتكون قاصد
صورة كلب البحر ودى برضو موجودة بس انا عايزاك تعرفا براك
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
اها يا ماجدة .. دايرة تغشيني .. اها اختك حبيبتك قالت ما عندكم بمبر وانتي عملتي انو ما مشيتي هايدبارك ولا بلاك بول بشان تقعدي فوق البمبر..كيفن تمشي والحال زي ما قالت اختك حبيبتك ( انتي الصور الكتيرة التحت اسمها دي لمنو؟؟ )
| Quote: ومن ناحية أخري تم نصح الأهالي بعدم إصطحاب الأطفال للمدارس والمكوث بالمنزل.. |
| |
|
|
|
|
|
|
|
|
 Re: لحظة من فضـلك .. ممكن? (Re: abubakr)
|
الملكة منى خوجلي
صباحك جميل جمال تسطيرك العذب وروحك الطيبة ، ، ،،،
 ألف حمد لله على السلامة واتمنى بان تكون نتائج الفحوصات مطمئنة ، كنت أود الاتصال بك أمس بس كان لدينا عزاء في أحد معارفنا بالرياض . ساتصل بك اليوم إن شاء الله ، أرجو أن تكوني بخير ، ، ، . البرينسيسة ماجدة عوض خوجلي ، ،، تحية عطرة من نسيمات هذا الصباح البارد تواقون دوماً لقراءة تسطيرك فبنات الخوجلي يحملن في طياتهن أجمل معاني الكلمات . لك التحية والتقدير . البرينسيسة منال عوض خوجلي :يا الغاريك جمالك الزينا نحن ما بستهال تغريهو بدلالك ، غيابك طال . لك تحياتي وأجل احترامي . وسـلام .
| |
|
|
|
|
|
|
|
|
|
Re: لحظة من فضـلك .. ممكن? (Re: عماد محمود علي)
|
سـلام من الله ومن نفس تحبكم..
عند تفكيرنا في كتابة موضوع مهم..يؤثر في المجتمع..له تقييداته الثقافية الإجتماعيه..
ونفوذه السائد ليس لأنه صـحيح بل لأن هناك اغلبيه تعتقـد في صحته..اعتقاد ناتج من موروثات
ثقافية.. الجهل هو اول من يغذيها وعـدم الوعي يجعل ممارستها مستمر..
أقول ان فتح الموضوع ونقاشة.. يتطلب منا ان نكون علي قدر من الوعي في الطريقة التي نعرض
بها الموضوع..في معرفة الوسط الذي نناقش فيه الموضوع وتوقعاتنا منه..في شكل المادة التي
نعرض بها الموضوع..هل تحقق الفائدة المرجوة.. ام هي صرخة غضب لا يهم أين تتردد اصـدائها..
وهل لها دور اكثر من ذلك ام لا...
النية الطيبة فقط لا تكفي...لذلك علينا ان نكون حذرين وحريصين.. فالنتائج قد تأتي بأثر سيئ
إن لم نفعل...
نواصل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
شفتو ياناس لحظة الرجال والنساء زمان كانوا بيعاكسوا بعض كيف?
طـبعا الكلام ده علي حسب الأفلام المصرية القديمة!
المعاكسة ليها أشكال عديدة..مثلا
البطلة تكون قاعدة كده في الحفلة ..آخر جمال..
فستان سهرة قماشه شـويه من فوق.. وطـويل ومنفوش وكتير من الوسط لأسفل..
وبعدين أحمر شفايف مع الوان الأفلام يبقي أسـود شفايف..وكحل ايه..ياما"
بس طـبعا الفيلم مابيديك الفرصة علشان تعرف نوع عطر بطلة الفيلم كان شنو..خسارة!
المهم.. هي ياجماعة بتكون قاعدة في الطربيزة مع اصحابها ولا أهلها..
كلهم فجأة كده يقرروا انه الموسيقي حلوة وعايزين يرقصوا..
إلا هي البطلة..تقرر انه ماعندها نفس ترقص!
طبعا بيكون البطل قاعد في طربيزة تانيه.. ولا واقف في ركن ومدخل ايده في جيب بنطلونه..
حركات قيافه كده.. ومركز نظراته عليها نظام اعجاب!
ساعتها هي بقي تفتح شنطتها السودا..وإحتمال كبير تكون كانت اي لون غامق تاني ..بس الفيلم
أبيض واسـود برضه..المهم تطلع منها علبه معدنية بتاعة سجاير ومعاهاولا عة أعتقد نها دهبيه
لكن بس ماظاهر لأنه الفيلم...
تضع السيجارة بين شفتيها..تضغط علي الزناد..تمد رقبتها قليلا للأمام..وتشعل طرف السيجارة..
تترك الولاعة تسقط ببطء علي الطاولة ثم ترجع للوراء برأسها وترفع رأسها لأعلي ..أثناء ذلك
تأخذ نفسا طويلا من سيجارتها.. نعرف نحن بطوله من كثرةالدخان الصاعـد من زفيرها..
ترجـع البطلة برأسها الي الأمام فتلمحه هناك ينظر لها..
ينتهز هو الفرصة فيقرر تدخين سيجارة يفتح صندوق السجائر يلتقط احداها..ليشعلها لكن
ماعنده ولاعة!
جاته الفرصة من المخرج..طوالي يمشي للبطلة..تسمحيلي بولاعتك?
تعطيه الولاعة دون ان تحادثه..
وهنا يكون قد لفت نظرها..فيرجع الي مكانه وسيجارته مشتعلة وهي تتابعه بنظراتها..
وتبدأ لغة التعارف السجائرية..
نظرة سـريعة يعقبها نفس طويل للسيجارة منه..
ترد عليه هي بنظرة اسرع ونفس أطول..
وهكذا..
نواصل حلة حسن..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: abubakr)
|
للإنقاذ اشكال ومداخل كثيرة في الدفاع عن نفسها وحماية وجودها..
وتصل لدرجة خلق وجـود شكل يدعي انه معارضة تمرر من لاله أجندتها وخطتها اللئيمة في
محاولة اقصاء الغير وخلق صراعات تمنع تقارب وجهات النظر بينهم ليستمر وجـودها الدموي...
ويكون من الخطأ وضعف التقـدير ان يفوت علينا ذلك .. ولابد من الإنتباه
فالغرض ذر الرماد في العيون..وكذلك فرق تسد..
نواصل
مني
| |
|
|
|
|
|
|
|
|
|
Re: لحظة من فضـلك .. ممكن? (Re: عماد محمود علي)
|
وتبقي قضية الهوية كما ذكرنا من قبل هي محور الصراع...
كيف ينظر البعض لهويته ويدافع عنها..وكيف يستقبل البعض هذه النظره..
فإن قلنا مثلا اننا عربلإعتقادنا اننا عرب ..وهذا الإعتقاد نكون قد تبنيناه من منطلق ثقافي
او سياسي أو حتي "عرقي" فإن الآخرين قـد يتفقوا معنا أو يختلفوا في نظرتنا لهويتنا..
فإن قلنا ونحن شديدي السواد وملامحنا افريقية السواد أننا عرب وإرتكزنا في نقاشناالعروبي علي
"نقاء دمنا العربي"..فإن الطرف الآخـر قد يضحك ويعلن سخريته من ادعاءاتنا!
نواصل...
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
وهناك البعض الذي يستحق الشفقة لا الغضب ..
يفقد القدرة علي العطاء لأنه لا يستخـدم قدراته حتي وهي محـدودة فيما يفيد..
فيضايقه مايفعله الآخرين من اشياء مفيدة حتي ولو كانت صغيرة..
هو بعض يستحق الشفقة لأنه مريض بعقدة نقص ..وعقد النقص كثيرة..لا داعي لأن نخوض في
اشكالها... وانا اعلم انكم تدرون ماهي عقد النقص.. وماهي مظاهر سلوك المصاب بها..
وكيف يحاول البعض إخفاءها وراء مايظن ان الآخرين لا يفطنون اليه..
السلوك العدائي الفاضح هو احـد وسائل المصاب بعقدة النقص للهجـوم علي الآخرين..
وخاصة من المتصالحين مع انفسهم...
نواصل...
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
أسه القضية دي يحلوها كيف?
تلقي بعض السودانيين الزرق شديد كارهين نفسهم برضه شديد..
يقوم يكره اي زول لونه ماشديد زيه... ويتبني نظريه مطلقه بان اي انسان لونه افتح منه هو عـدوه..وعقدته فظيعة زي الجايين!
بعدين تجي لواحد لونه اسود اكتر وملامحه افريقية اكتر ..يعاين ليه ويتشاكل معاه..ويقول ليه
انت بتطعن في نقاء دمي العربي?
بعدين يقوم يجي سـوداني لونه أحمر بلغة السودانين..يشتم كل الشماليين وكلهم في رأيه عبيد
وعندهم عقده لأنهم بيفتكروا انهم عرب..
وعلي كل حال دي مشكلة مستعصية..يعني لو كل عينة من ديل ما اتصالحت مع نفسها.. ورضت بواقعها
وعرفت انه الأكرم عند الله هو الأتقي هانعمل شنو احنا يعني?
بس نقعد نتأمل في جهلهم وعقدهم ونضحك!
نواصل
مني
| |
|
|
|
|
|
|
|
|
|
Re: لحظة من فضـلك .. ممكن? (Re: عماد محمود علي)
|
Quote: عزيزتي منـــو
اتمنى بأن تكوني قد بلغت العافية ،
لك تحياتي وأشـواقي .
عمده |
شـكرا ياعمده..الحمدلله وانا بكون كويسة لما كلكم ياحلوين بتسألوا مني..
سلم علي المدام وهأتصل بيكم قريب بإذن الله..
سلام من ماما جارة والباقيين
نواصل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: abubakr)
|
حضرت كرتي كعادتي في الأعياد لنفسي ..
تركته خاليا حتي تتسع المساحة فيه لكلمات اعمق وأجمل..
غـدا اجمل به المكان..بعد استلامه من يدي..
أندهش لإستلامه وافرح..
وأفتح ظرفه بسرعة حريصة حتي لا يتمزق..
أقرأ اسمي عليه وبقلبي أقرأ الإهـداء..
آخـذ نفسا عميقا طـويلا وأجلس علي طـرف المقعد مبتسمة فربما عاد الأمل..
وبيدي المرتبكة التي فتحت المظروف..أتناول قهوتي من يميني..
ومع أول رشفة اغمض عيوني لاستدعي الذكريات السعيدة..
و.......
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
وجـدت فوق الطاولة الصغيرة ظرفا صغيرا أزرق اللون..
من الذي اتي به?
بابا نويل لا يأتي الا في الكريسماس!
تناولته بفضول شـديد...ليس عليه طابع ولا حتي عنوان الراسل..
ولا حتي ختم مكتب الإرسال..
فتحته وقرأت الكلمات السحرية... وكانت مكتوبة بحبر ملائكي تقرأه الأرواح والقلوب ..
قفز من داخله ملاك صغير ملون ..بعصاه السحرية يلمس الكرت فتتلألأ احرف الكلمات ثم ترقص لي ..
أستجيب للرقص بإبتسامة وخفقة في القلب..
واستمر في القراءة ويستمر الملاك والأحرف الراقصة في اسعادي..
كـل فالانتاين وجميعكم في حـب وفرح...
نواصل...
مني
| |
|
|
|
|
|
|
|
|
|
Re: لحظة من فضـلك .. ممكن? (Re: abubakr)
|
صباحكم ورد..ومسائكم خير
عرضت القناة السودانية بالأمس برنامج عن خدمات البوليس ...
ثم قال المتحـدث بأن البوليس في خـدمة الجماهير..
نظريا وبحديث القوانين كلامه صح..لكن واقعيا هذا غير صحيح علي الأقل في مواقف كثيرة..
علي كل حال تفرع الحديث عن خـدمة 999 والتي تهرع للوصول الي من يحتاجها..وكيف 'ستتطور'
هذه الخدمة من استخدام (اعتقد 30 عربة) لإمتلاك 300 قريبا..
سألهم مقدم البرنامج عن اي شلل اصابهم او شكاوي لعدم استجابتهم لتقديم المساعدة للمواطنين?
تلعثم الجميع وارتبك..ثم بعد برهة ملاحظ طـولها.. فتح الله علي احدهم باجابة نوع نفي النفي اثبات..فقال
والله الحقيقة قبل فترة كده في واحد كده سـاكن في الصالحة مرته جاها وجـع الولاده ..وبعدين
مافي طـريقه يمشي المستشفي..وفي الحلة مافي داية..
الزول ده فجأة فكر يضرب للنجده مع انه ماكان واثق من امكانية إمداد الخدمة..
النجـده وصلتهم وأخـدوهم للمستشفي والزولة جابت بنية!
ثم ضحك وهو يضيف...حـتي والله سموها نجـدة...
بتعرفهم يا شاذلي ناس الصاحة اهل نجـده?
طبعا دي خدمه جـيدة وتقع في صميم خدمات الطوارئ التي تقدمها عربات الإسعاف..لكن ماكنت اود
سماعه اكثر حـديث عن خـدمات البوليس في استتاب الأمن وحجز النزاعات وحماية المواطنين..
نواصل...
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
والمشاترة المستمرة..إحـدي وسائل الضعفاء للتعويض
سـؤال ..
اجابته ستؤكد ماجاء في السطر اعلاه..
لماذا يلجأ ضعيف المنطق الي خلق زوبعة من مافي ..شكلة مثلا بدلا من المناقشة المنطقيه
للموضـوع المطروح للنقاش?
متي يتعلم الضعيف انه ضعيف ويجب عليه تقويه منطقه وقبل ذلك عقله?
نواصل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
في واحـد 'بيغني' في التفزيون لحبيبته وبيقول ليها
ماعندي ليك شي..خلاص أمشي اتحركي!
ماعنـدي ليك غير الدموع!
أنا قلت الهبلة دي اساسا مصرة تقعد معاه ليه?
وهو الواضح انه الحاجات انتهت من بدري..لأنه قال ليها
ماله سـلامك بقي كـده?
وزمان كان مقالدة!!
ماهو باين..اما انكم الإتنين غاويين فقر!
نواصل...
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
يامني ...لحظة بلييز
الضعيف ضعيف .. وبس
بعدين يتقالدو كيف وهي ضعيفة وهو اضعف وما عندو غير الدموع؟؟
والبوليس في السودان بتاع كشات وانتي عايزاهو بتاع دايات ..
اما عجيبة ؟ انتي بس شاطرة ع الرطان المسكين ؟؟؟
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
الواحد بقي يجي البورد ده وفي يده الرموت كنترول!
وأساسا إحنا مزاجنا بقي ماياهو في الكتابة.. من الكلام الفاضي والناس الشكالة..
وكمان في"تحفة" كده طالعة لينا في البخت..
عينك للكلام المكتوب عربي لكن برضه ماتفهم فيه حاجه...
والمشكله فاكر نفسه جايب الديب من ديله!
هي التحف دي بيجيبوها من وين?
خلاص انا اتفشيت شـوية... معليش فاض بي
نواصل
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
تعرفى يا منى الخزلان الزى يصيبنى الخلاف من أجل الخلاف . والإتفاق من أجل الإتفاق . تابعت البحث بتاعك لم أستفيد إلا من البحث وقليل جدآ من المتداخلين . الإتفاق كان مجاملة وردية والخلاف كان عداء .
لا أدرى لماذا لا نأخذ النقاش "ورشة عمل" تعم الفائدة ونحرج بالمفيد
أستغرب فى الذى يصر أن تكتب أنت ما يريده هو أو يكسر الأونى ويفسد المنزل
شكرآ على العمل المتكامل أقولها هنا لأمسح عنها الغبار
تحياتى
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
| Quote: خلاص انا اتفشيت شـوية... معليش فاض بي |
كويس .. بس في حاجات كتيرة ما بتسوي الواحد يعكر مزاجو عشانها .. زي البتبول في الشارع تحت اليافطة المكتوب عليها ممنوع التبول ( هو غلطان والكتب اليافطة غلطان) ولذا الواحد يزعل من منو وعلي منو .. احسن نركز في الجميل الموجود نحاول نزيدو نكبرو والناس الحلويين كتار وصغار ولازم نكبرم ...
| |
|
|
|
|
|
|
|
|
|
Re: لحظة من فضـلك .. ممكن? (Re: abubakr)
|
Quote: تعرفى يا منى الخزلان الزى يصيبنى الخلاف من أجل الخلاف . والإتفاق من أجل الإتفاق . تابعت البحث بتاعك لم أستفيد إلا من البحث وقليل جدآ من المتداخلين . الإتفاق كان مجاملة وردية والخلاف كان عداء .
لا أدرى لماذا لا نأخذ النقاش "ورشة عمل" تعم الفائدة ونحرج بالمفيد
أستغرب فى الذى يصر أن تكتب أنت ما يريده هو أو يكسر الأونى ويفسد المنزل
شكرآ على العمل المتكامل أقولها هنا لأمسح عنها الغبار
تحياتى |
سـلام رأفت
عارف المشكلة وين بالضبط...
الناس البتشـاكل دي اساسا ماقرت الموضـوع...ماكان في طـريقة يقروا أو حتي يفكروا
وكان يكفي الوحد العنوان وكلمة جنجويد بدون مايحاول او ينتظر يشـوف من هو الجنجويد
علشان يجي يشتم ويمارس سقوط فكري جـديد!
ويجيك واحـد تاني محرش وظاهرة دي طبعا في مفردات كلامه والإسلوب الغير كريم.. يهاجم ويقول
كلام مافيه غير برضه سقوظ فكري تاني..ولأنه ماعنده حاجة يستند عليها...يقول البحث الأكاديمي
فايدته شنو...المفروض ياتقيف مع كـده ولا مع كـده..طيب انا بس نفسي افهم...ومتأكـده في ناس
كتيره برضه نفسها تفهم...ياتري الموقف الحاد العايزني آخـده ده فيه...هم أخـدوه وين
وكيف ....ومشوا دارفور من اساسه وسمعوا الناس واتفقدوها بعيونهم ولا هو بس ساعة تروح وساعة تيجي..ساعة تروح وساعة تيجي...وساعة ماتيجي يجي و والمحرشينو يفضوا عقدهم وبلاويهم فينا?!
وبعدين مجهودي ده انا مرتاحة ليه جـدا وراضية تماما عنه.. وعلشان كده كان الإهداء لمن افخر
بهم في حياتي طالما انا عايشة في الدنيا افخر ..والماعاجبه يعمل بحث ولا حتي مقاله مترابطة
في فكرتها وتحليلها ولا حتي في تطبيلها ويهديها لمن يحب..كمان هانتدخل في حبه?
نواصل هنا وفي بوست دارفور واي بوست تاني...
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
مشتاقين ياناس لحظة ليكم ووليلمتكم الحلوة
ويانورالهادي توبي اسمحمن توب مني عاين بس الحركات الصعبة في التموجات دي كيف
ماما جارة عجبتا الصورة وقالت بركه الشلخوكم ولبسوكم تياب سمحة وقالت ماشيه تطبعا
وتبروزا وترسلا لأهلنا في الزومه ومروي وكريمه
وانت ياعماد اخونا الله يخليك لنا تسأل علينا ونسأل عليك
وبحاول اجيكم قريب علشان اتونس مع رأفت ومعاكم فردا فردا
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
Quote: الناس البتشـاكل دي اساسا ماقرت الموضـوع...ماكان في طـريقة يقروا أو حتي يفكروا
وكان يكفي الوحد العنوان وكلمة جنجويد بدون مايحاول او ينتظر يشـوف من هو الجنجويد
علشان يجي يشتم ويمارس سقوط فكري جـديد! |
وطيب الفرق شـنو بين الذي بني عداءه من السودانيين علي وجـود كلمة الجنجويد في عنوان
البحث العلمي عن دارفور...وبين الخواجة الذي بني في مخيلته من الإعلام تصور معين للجنوجويد?
لا يوجـد فرق في الاستنتاج او الفرضية الأولي..أو التصور!
لكن الفرق يكمن ان كثير من الخواجات الذين ليس لهم معرفة بالسودان لهم الإستعداد ان يتعلموا ويفهموا وربما ناقشوا..مايصل اليهم من معلومة..بينما الجانب الآخر يفضل الهجوم فقط ..
ولا يحب غير ذلك..
نواصل..
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
| Quote: ويانورالهادي توبي اسمحمن توب مني |
جنس سلبطة .. ياتو توب ؟؟ هي بتاعة الكارو شايفاها هنا بتوب ؟؟ بعديين توبك كان ازرق ليموني مسخسخ ( انا شفتو كدة يوم في التي في ) ؟ بعدين رافت لسه نايم مصيحياهو هسع مالك اصلو ناموسيتو بمبي ؟ ابوعمة بيضا صاحبي كمان شفتو مشغول بلقط في الزهور بشان يعمل الوان بشان ماما جارة تنبسط وتشوف بناتا حدائق ؟ مش..!؟
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
هو في حديقة غيرك ياأبوبكر؟
كدي بس إنت إبتسم عشان ألقط لي كم وردة.. ممكن
منال الدين الشوق بحر ناقصة صورة ماما جارة
عندي ليهاتوب رسالة لندن
سلمي لي عليهاكتير
ربنايديهاالعافية
(آمين)
أكيد
معزتي
نورالهادي
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
اعوديا منى لموضوع الهوية
ادين وبشدة مدرسة الغابة والصحراء
ادين وبشدة مجلة الثقافة السودانية
خمسين سنة ونحن نبحث عن هوية
الهوية هي الانتاج
هل نحن منتجين؟
هل تجذرت ثقافةالانتاج في المجتمع
نحن شعب كلامولوجي
لحظة بالله يا منى
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
Quote: هل نحن منتجين؟
هل تجذرت ثقافةالانتاج في المجتمع |
خلق الله كلهم يولدو وفيهم بذرة الانتاج والعمل .. الانتاج العشوائي وغير المنظم يكون في مصاف لا انتاج .. الاديان والاعراف والقوانيين والارشادات تنظم ادوات انتاج البشر وتعدهم لانتاج منظم .. شعوب كثيرة عرفت في ازمان بعشوائية انتاج ( الصين قبل الثورة مثلا ) بسبب اختلال في النظام والادارة اليوم تاتي في اعلي قائمة المنتجيين ..امثلة كثيرة لشعوب اختل ميزان انتاجها فظهر كثير من انتاج لفظي عتدها وقل انتاج مادي تعدل بانظمة حاكمة شفافة وقادرة علي ادارة مصادر الانتاج .. وشعوب اخري انتجت حين نظمت ثم انتكست حين همشت ( كانت المور وهي قبائل في شمال غرب القارة الافريقية - بعض منها الان في موريتانيا والسنغال والمغرب ...الخ - اكثر قبائل افريقيا انتاجا اذهل اوروبا حينما ذهبو اليها بمعمارهم -كان ذلك اول مرة في عهد قديم قبل دولة الاندلس - وعندما ذهبو اليها مرة اخري منظميين اكثر تحت لواء دين ودولة منظمة اسسو دولة الاندلس وفيها من عجب المعمار ما انتشر كارقي المعمار حتي اليوم في اسبانيا والبرتغال واخذوه هؤلاء معهم الي الدنيا الجديدة وسموه ما ارادو : كالفورنيا ستايل ... الخ ).. اليوم قبائل المور منتكسة مهمشة لاتنتج ماديا ولكن موريتانيا فيها اكبر عدد من الشعراء في بلد واحد في العالم...!!
الانتاج المنظم من خلال حكم عادل وقوانيين عدل هو الذي يجعل من العمل ثقافة موازية لثقافة اللفظ
والله اعلم
ولكم مودتي
| |
|
|
|
|
|
|
|
|
|
Re: لحظة من فضـلك .. ممكن? (Re: abubakr)
|
جيت أقول ليكم سلام ككم أعزائي زوار لحظة من فضلك..
حضرت من السودان أمس ..
قضيت ثمانية أيام بحوادث مستشفى أمدرمان ملازما
لوالدي - شفاه الله - في أحد الأيام .. حاول الطيب
إبراهيم (إبن أختي) أن يتأكد من أن والدي قد
تماثل للشفاء .. فسأله بصوت عال: جدي عرفتني
أنا منو؟ فرد عليه؟ سامع بقولو ليك الطيب لكين
ما عارفك الطيب منو؟ .. فقال: أنا الطيب ود
ابراهيم ود البدري.. كدي عرفتني؟ فأومأ والدي
بالمعرفة بالطيب .. صمت الطيب ثم قال: أها
أمي أسمها منو؟ فرد عليه والدي: أنتا ما عارف
أمك إسمها منو؟.. تسعلني أنا!!
| |
|
|
|
|
|
|
|
|
|
Re: لحظة من فضـلك .. ممكن? (Re: Mohamed Abdelgaleel)
|
مرحب محمـد ود عمنا عبدالجليل
الف سـلامة للوالد والحمدلله علي شفاءه وعلي ضحكاته وضحكاتكم..
الليلة رغم الأجـواء المتنيلة في البورد..عندنا فرحين
فرح بمولود عماد..عبدالله
فرح برجـوعك محمـد...
تعالوا نغني...
نواصل....
مني
| |
|
|
|
|
|
|
|
|
|
Re: لحظة من فضـلك .. ممكن? (Re: Muna Khugali)
|
العرب زمان قبل الإسـلام كانوا غريبين لدرجة لإضحاك..
في زول في الدنيا يجيب طين ويعمله تمثال وبعد كده يعبده?
وكمان شنو يقتل علشانه!!
وكمان شـوف مخ ديل بعـد انتقال الرسول عليه الصلاة والسلام..
مثلا مسيلمة الكـذاب..راجل تحفة صـحيح..بيذكرني كلامه الملصق بواحـد تحفة تاني
معانا في المنبر!
الاتنين مشتركين في الإدعاء .. والاتنين كلامهم كلام الطير في الباقير... والاتنين
زعلوا لما الناس ما اشتغلت بيهم..
نواصل...
مني
نواصل..
مني
| |
|
|
|
|
|
|
| |
Muna Khugali
Manal Awad Khugali
ماجدة عوض خوجلى
abubakr
رأفت ميلاد
د.محمد حسن
Mohamed Abdelgaleel
فيس بوك
تويتر
انستقرام
يوتيوب
بنتيريست