منى خوجلى انسانة رائعة تبحث دائما عن الجمال

Quote: دعونى احدثكم انا عن منى خوجلى.. جئنا الى ورشة منظمات المجتمع المدنى ..خواجات ووحدانا ..وجلسنا فى دائرة ..نتلفت "زى الطير" حتى نبدأ التعارف والاجنده والنقاش.. وجلست بقربى بنت جميلة الملامح طويييييييلة الشعر ..وكانت هنالك شابة تحمل كاميرا وتطوف على المجموعات وتصور.. وكانت هذه السيدة ذات الشعر الطويل ..تتأهب للتتخذ وضعا مناسبا للصورة وكذلك فعلت انا ..ومن من حولنا.. وفجأة شعرت بخصلات شعر ضخمة توضع على كتفى ..وسمعتها تقول: عشان ما يكون فى زى زول بى شعر وزول بدون شعر فى الصورة ..هاكم حبة.. وطبعا صرت اهتز من الضحك ..فقد فاجأتنى جارتى بلذاذة فوق العادية ..وصرت انطر اليها واضحك لا كتشف مواطن الظرف التى بها .. وصارت تتبع ذلك الحدث بكلمات صغيره صغيره كلها قنابل مفجرة للضحك..ولم أعد احتمل ..فجاريتها ..وصارت تقرقر وانا اقرقر ..ونتبادل السخرية ..ولم أكن اعرف لها اسما.. وبعد ان قلنا زى مليون حاجة مضحكة صغيرونه لى بعض والناس حولنا يموتون بالضحك.. انتظمنا وبدأت الورشة ..وصارت تلك السيدة فى كمال الهيبة العلمية ..وقدمت نفسها: منى عوض خوجلى ..وسردت بعد الاسم ..تاريخا مشرفا من العمل والدراسة ..بأنجليزية ناصعة السواد.. ومن يومها ..ونحن لا نفترق... هل يجب ان اتحدث عن مشوار نهر الدانوب الى دام اربعه ساعات ونحن متماسكات بالايدى ..ونحكى؟؟ لقد قالته منى فى لحظة من فضلك ..فلا داعى للاعادة.. لكن منى صديقة تلقائية لكل الناس..ومن حسن حظى انها "احبتنى" فعلمت ان الله قد ارسل لى ملاكا ليشبعنى من الحب..وكيف لا احب ملاكا مبعوثا من عند الرب؟ منى تستاهل كل خير.

Quote: الكلام القالو عنك ده كلام شويه خالس؟؟ انتى جديره بالتكريم الحقيقى من ادبك وتفانيك شكرا لك اخى الحبيب على وانت تبادر بهذه المبادره لاكرام بنت الاكرمين وانه لكرم منك عرفتها منتصف العام 94 ونحن نزور انجلترا جلادابا ووحدانا ترافقنا وصديقنا محمد خلف الله تثاقفنا حد التثاقف ما تقولو لى قاصد شنو انا داير اقول كلام بقدر عظمه هذه الانسانه تحب الوطن واكل السمك فى المناطق الشعبيه كان المورده والله ابو روف نهديها شوارع النيل وقليل من الطمى وجرجير من توتى وليمون من شمبات ونبق من بارا وعسل نحل اصلى من الدمازين وسمن بقر من الابيض وعمارى من الفاشر وسجاير مهرب من جوبا ودلاله من مينا بورتسودان المتكدس؟ ليها الود وكثيف المحبه وعارم الشوق انور ودبتول الغناى

Quote: salam Muna (عدل بواسطة Kostawi on 06-03-2006, 01:32 م)

Quote: لم ألتقيها, كلما أطلت بمداخلة هنا أو هناك بحثا و عطاءا للجمال تذكرت رائعة هاشم صديق/م.الأمين ".. و طلة وردة من السور و نغمة تنادي من طنبور و شعلة فرحة في الوادي تشع جذلانة ليها شهور .. تفرحني تخليني أدق صدري و اقيف و سط البلد و اهتـــــــــــف بريـــــــــــــدك " يا بـــت بلـــدي ! " .. " أمنياتـي لي مني و أسرتها بكل الجمال , شكرا علي..

Quote: أم آية، كلامي فيك منقوص ومدحي ليك ما بيوفيه كلام مكتوب ... كل اللي اقدر أقوله : الله يحفظك للي بيحبوك... علي الحسن، كثير من الناس من يرون الجمال ويدركونه، وقلة من يشيرون بأصابعهم ويقولون: الجمال أهو! تسلم ويسلموا زوارك ...

Quote: تحياتي شكرا لصاحب البوست.. لقد لفتت نظرى منذ فترة كتابات الزميلة منى ارجو من الجميع للدخول لهذا الرابط لتعرفوا رأي عن الزميلة منى وعن كتاباتها هنا في هذا الرابط

Quote: مـــنى خــــوجلى شخصية يطول الحديث عنها

Quote: منى رائعة....?? وطيب لو شفتو ماجدة أختهاتقولو شنو .... ?? إنها الروعة تمشي على قدمين تحياتي

Quote: أحبائي الكرام ... لكم جميعاً كل الود والتحية ... عليكم الله أدوني فرقه معاكم عشات أختي منى دي ... .بصراحه كده أنا ما عندي كلام كتير أقولو لكن الزوله دي أنا شايفها كده ... رايكم شنو ؟؟؟؟ عشم الصغيرين ... إنتي يا عشم الصغيرين في الدفا ... عشم البيحلم ديمه بي لحظة صفا ... بالريده .. بالحب .. بالوفا ... بي نجمه في الافق البعيد ... والنور يسارق في السراديب بالخفا ... وقتين يباغت العتمه يسرج للقناديل الوميض ... يربت علي كتف اليتيم يتفقدو ... يواسي دمعات الحزين ويهدهدو .. ويزيل عواقب ساده درب الامنيات ... يلفح متاهات الحزن ويبددو .. مسكين يقاسمك في الوجع .. واحزانو في التيه يدفنه ... ينسلّ في جوف الحريق ... زي غيمه تنضح بالسنا ... وهج البروق وقتين تزلزل في الشفق .. غيمة مطر رطّب جفاف الأمكنه ... زولاً مسافر راح يوزع زادو للناس الحفت ... كفّاها من زادو القليل .. وارتاح على حزنو انكفا .... روعة عيون عشم الصغيرين في الدفا ... عشم البيحلم ديمه في لحظة صفا ... بالريده بالحب والوفا ... إدريس محمــد إبراهيم الرياض 11/04/2006م

Quote: الاخ ادريس فرقة شنو انت نزلت معلقة كاملة وما خليت فرقة لى اى زول تسلم على الكلام الجميل دة

Quote: اللهم آسـالك سؤال المستغيث المستجير ، الوجل المشفق، المقر المعترف بذنبه، وآبتهل اليك ابتهال المذنب الذليل ان تغفر لوالد منى ووالدي وآن تغفر لهم ،ترحمهم وتعفوا عنهم وتوسع مدخلهم وتنقهم من الخطايا كما ينقى الثوب الابيض من الدنس. اللهم اجعلهم برفقة نبيك محمد صلى الله عليه وسلم واظلنا واياهم بظل عرشك يوم لا ظل الاظلك. امين

Quote: التحيه و الود لى اجمل الناس واخلص الناس بقول ليها ... ولو تفلت في البحر والبحر مالحٌ لأصبح ماءُ البحر من ريقها عذبا

Quote: الأخ علي تحاياي التحيّة والوُد للأستادة مُنى ولك ولكلّ لمسة جمال على مساحات هذذ الدّار...

Quote: منى خوجلى تستحق التقدير والأحترام جمعتنى مع شقيتها المحامية ظروف عمل عام فى أنتخابات المحامين وهى شابة قوية ونقابية لايشق لها غبار وبالمناسبة أنا وأنت ومنى..تجمعنا جزور ختمية أصيلة يعنى كلنا أولاد خلفا

شـكـرا حـاتم ..... كـلامك جميـل ومنـال أكـيـد بتكـن ليك نفس الاحـترام
وأنـا متأكـدة ياحـاتم وعلي أنو ابواتنـا الحـلفـاء كـانوا بيعرفـوا بعض
وبيمـدحـوا مـع بعـض...

Quote: منى أخت الشهيد مصطفى.. انضمت للبورد وحا تكون أسيرة الشخصية دي.. وحا تكون دي بطاقة هويتها للدخول لكل البوستات.. الناس حا تتعاطف معاها شوية وبعد كدا كل زول عنده همومه.. حا يصيبها إحباط وتسيب البورد.. دا الكنت متخيله في البداية لما انضمت منى للبورد.. خاب ظني وظهرت شخصية واعية وتقدم وتشارك في بوستات مفيدة أقرب ما تكون لعمل التوعية عند منظمات المجتمع الوطني.. أتخيل منى لما تعجِّز حا ترجع تستقر في السودان وحا تكون مهتمة بالأعمال الخيرية وخدمة المجتمع زي تشجير الحي ونظافته والتوعية وسط النساء والأطفال وخلافه (بعيد عن مماطلات وروتين العمل الحكومي) أتمنى إنها تسمح للعجايز زينا بالانضمام والمساعدة في هذه الأعمال الخيرية. تحية لروح منى الخلاقة في البورد تحية لروح مصطفى في عليائها.

Quote: مني انسانه جميله بسيطه تدخل قلبك بغير استئذان كتاباتها رشيقه ومحرضه علي التفكر امومتها دافئه وعميقه وقريبه للقلب وللروح تحكي عن ابنتها فتدخلك في عالم جديد تشعر بنيع وحنان كانك تتعرف الي امك الان تكتب عن الظلم فتمثله امامك تود ان تقتلعه من الارض تكتب عن الوطن بقلب مليئ بالايمان والتفاؤل والحب مني انسانه جامعه للحس وللجمال وللطيبه مني نخله من نخيل بلاي وطيبتها وعمقها وحنانها حفظك الله وشكرا لك اخي علي في انك اوفيت جزء من حقها علينا

Quote: بنت اسرة الشهداء والخيرين كيف لها ان تكون غير العمل والاخلاص والثقافة والاجتماعية

Quote: الأستاذ علي الحسن التحية لك وللأستاذة منى خوجلي والتحية لبكري أبوبكر مؤسس هذا المنبر الذي جمعنا بالرائعين من الرجال والنساء .. الذين ما كان سيتسنى لنا معرفتهم .. عرفت الأستاذ منى من خلال هذا المنبر .. وهي فعلاً نموذج مشرف .. إنسان مثابر وحقيقي وجاد .. ما أن دخلت على أول بوست وأنا حديث عهد بهذا المنبر حتى أصبحت بوستاتها على رأسة قائمة ما أقرأ متى تيسر لي .. فهي تكتب بإنسياب عفوي مريح .. وهي أهل للتكريم .. Mohamed abdel jaleel

Quote: طلبت منـ الاخ بكرى عدم تحويل هذا البوست حتى لا نحرم من كلماتك الرقيقة المفعمة بى الجمال

Quote: الله يحفظها ويخليها أقرا لها بمهل دائما واجدها رائعه الجمال تحياتى لها

(عدل بواسطة هشام آدم on 05-19-2006, 06:11 AM)