عادل أمين ممكن تجي بي جاي و معاك سودانك الجديد؟

Quote: اما حديثك ان انجازات وهمية في الارض والانسان او ان هناك ديموقراطية كانت في السودان فهذا ضرب من الخيال..حدد لي اي انجاز اخلاقي في الانسان او تنموي في الارض انجزته الجبهة الوطنية او احزاب السودان القديم كلها..منذ الاستقلال.. الانجازات التنموية-الانجليز-عبود ثم نميري(السبعينات فقط - البشيرالالفية(2001-2005)(والتنمية ارقام وليس اوهام) اما الاخلاق فهي نزلت بمنحدر بلغت الف قدم تحت سطح البحر...زمان في دارفور الزول البرتكب جريمة بسلم نفسو لناظر القبيلة(الادارة الاهلية) وده بقول ليه امشي سلم نفسك في الفاشر..وودي القروش دي لفلان..يقوم طوالي الزول بالالتزام بتوصيل القروش وتسليم نفسه للبوليس،،، وفي الدامر كنت ساكن جنب المحكمة كان الواحد ايضا البرتكب جريمة بسلم نفسه وشفت لي واحد كان كتل ضابط صحة في سوق الدامر تحت حالةغضب مؤسف وحكم عليه بالاعدام وعندما تم ترحيله بالقطار ليعدم في الخرطوم كانت النسوان يزغردن وهو يرفع يديه بالاغلال بكل شجاعة...هذا هو السودان والمسؤلية والحرية المسؤلة والوزاع الفطري والورع..لم تكن هناك جرائم جنسية بالبشاعة الحالية والصورة الكبيرة والواسعة...والانكار المفضوح لها الذى يحسسنا بالعار كل يوم اننا سودانيين وتذكر امثال المنطقة التي تدل على لشجاعة(الصقر كان وقع كترت البتابت عيب)