|
|
 ميم الزكمة
|
أناأفهم في اللغة ولا التجويد يقول ليك لو جاء حرف علة ماشي بي جاي ولقى ليهو ميم ونون قاعدين مع بعض يمسك ليك النون دي يمرغها بالتراب لمن تقول الرووووووب وتدخل جوة بطن الميم
وممكن يقول ليك إذا التقى ساكنين في (نيفاشا) ما عارف يحصل إيه لكن المحيرني لمن الزول يكون عندو زكام تلقى الميم عندو غتست وبقت باء وتحلف ما ترجع إلاّ بعد إستعمال أدوية وعلاجات يعني تسألوا تقول ليه كيف حالك يقول ليك
والله الليلة عندي (زكبة) فتلقى الميم غلبت باء
وأذكر مرة كنت واقف مع صديق إسمو معاوية وجات أختو عندها زكمة والواطة ليل قالت ليهو
بعاوية البعاك دا بنو؟؟؟
يعني دي لو كانت معانا في البورد دا وعايزة تعلق على بوست بتاع تماضر
الببدعة تباضر
أو تقول
والله فعلاً يا الرحبابي حسين بلاسي دا جبيل جبال شديد
فياريت أي واحد عنده زكام خاصة وأن الجو اليومين دي بارد يدخل ويخاطبنا في هذا البوست بي (جبلة كابلة بفيدة) ولكب تحياتي
|
|
 
|
|
|
|
|
|
|
|
Re: ميم الزكمة (Re: بدرالدين شنا)
|
يابدر الدين وينك انت ... تذكر لما كنا نقدم دروس في السيميولوجيا وانت طالب في المعهد في ندوات تجاوز وكنت بتشيل السبورة وتقول نحن السميولوجيا دي في خدمتها... هسع القلب ده يغلبك شرحو...
| |
|
|
|
|
|
|
|
|
|
Re: ميم الزكمة (Re: بدرالدين شنا)
|
هوي يا بدر الدين يا أخوي أوعك تمشي تهابش في اللغة العربية دي ، والله دي لغة من شدة ما حلوه لمن الواحد يقول كلام ولمن تزرو يقول ليك لا المقصود غير كده ، يا أبوي مالك ومال الإدغام بغنة أو جاءت الواو ساكنة بعد مش عارف إيه فحكمها سنه سجن أو شوالين دنانير غرامة أو العقوبتان معاً ، وأنا في الحالة دي الدنانير عندي لكين أجيب ليهم شوال من وين.
حلوة اللغة العربية يا البدري وحلو إنت برغم الشناة الظاهرة على آخرك ومسيخ السكر وحلو زولك الماشي كداري وغلبو يقيف لأنو ما عندو فرامل.
| |
|
|
|
|
|
|
|
|
|
Re: ميم الزكمة (Re: almulaomar)
|
بدر الدين أيها العزيز
هذا لعمري أدب يمكن أن نطلق عليه ( أدب الزكام ) و هو أدب مؤقت حتى ينجلي السبب.
كدي يا بدر ترجم لى دي بنفس أدب الزكام ( جامعة علوم الكمبيوتر و النظم المتقدمة )
و تسلم يا أبو البدور
| |
|
|
|
|
|
|
|
|
|
Re: ميم الزكمة (Re: بدرالدين شنا)
|
بدر الدين
اذا التقى ساكنان مش ساكنين
لانه مثنى يرفع بالالف وهو فى الجملة فاعل
اما ساكنين فهى منصوبة
كفانا الله واياك شر النصب
| |
|
|
|
|
|
|
|
|
|
Re: ميم الزكمة (Re: بدرالدين شنا)
|
بدر الدين
وقع ليك كلابي
مش قلت ليك بجوك ناس فلان وفلان الحلوين
بس عشان تعرف ود اختك ختيييير
يا ناس فوق الحلوين سلام
بس يا خال لو عايز أقول:
- جنون قرنق
- ياسر عرمان
- منصور خالد
كيف الدبارة
رحمابي
| |
|
|
|
|
|
|
|
|
|
Re: ميم الزكمة (Re: AlRa7mabi)
|
العزيز الرحمابي
أرى بين السطور وميض نار ، وأقف هنا موقف المدافع عن الفنان الإنسان الكوميديان المسرحي العبقري الفقري الشين شديييييييييييييييييييد أبو ربي وأواب ذلكم الغاطس في صحاري صحار وظفار بسلطنة قابوس بن سعيد المعظم والعظمة في نهاية الجملة صنعت خصيصا للبدري لا للسلطان.
الراجل يا أخي ما له وما كل هذه المتاهات ، كان يقصد ميم الزكمة ونون النسوة وواو الجماعة ولا علاقة لكلماته بالمعارضة أو السياسة سواء إتفقوا أم لم يتفقوا أم إتفقوا على أن لا يتفقوا أو نقضوا إتفاقهم بالمناسبة يا الرحمابي هنا فريق كرة قدم إسمه الإتفاقية برابطة دويم بحري وهذا الفريق مستثنى من قواعد وشروط ضم اللاعبين ومعظم أعضاء الفريق يعملون بسوق سعد قشره في تفصيل الملابس أوعك تقول لي جلابيه ولا عراقي بنطالين وكده. وأجمل ما في الفريق أنه يمثل أبناء الجنوب وبعض المتعاطفين من أبناء الشمال ورغم إنه جميع الإتفاق قد إنفضت ونقضت حتى قبل أن يجف مداد بعضها إلا أن الفريق ما زال موجود والكابتن جنابو ما زال موجود وفي نفس المنزل المقابل لميدان الرابطه. مش كده يا قرجه.
كالعهد بي دائما أغرد خارج النص لذلك أطلب من الحكام وقت مستقطع كما يفعل لاعبي كرة الطائرة والسلة وأظن أن كرة القدم عندنا في حاجة إلى تايم آوت لأن الهاف تايم لم يعد يغير من الوضع شيئا.
| |
|
|
|
|
|
|
|
|
|
Re: ميم الزكمة (Re: بدرالدين شنا)
|
يعني لو كانت مثلاً مذيعة سودانية،، مصابة بنزلة غير الجيوب الأنفية المزمنة المصابة بيها،، كانت النشرة الأخبارية جاءتنا كالتالي
توجه الفريغ الزيد عبر أحبد البشير إلى بطار الخرتوب الدولي،، وذلك ازتغبالاً لوزير خارجية جبهورية بصر العربية،، الذي اتى برفغة السيد بطرس قالي،، وذلك في إتار التوجه المابعرف شنو الحداري داك
عليك الله يا بدر الدين ما تطلعها ليهم في راسهم بكرة تبقى موضة
الرحمابي
الملا عمر قاصد يقول ليك (أخير ليك)
| |
|
|
|
|
|
|
|
|
|
Re: ميم الزكمة (Re: بدرالدين شنا)
|
الملا عمر
ففهمناها سليمان؟؟
يا خي انت فكيت الزول دا من الزنقة ، حسي يجي يقول ليك ، ونكتفي برد شيخنا الملا عمر ..
بت قضيم
الملا عمر عاوز اديني العين الحمرة
لكن اليومين ديل شايف سوق انتقال ( اللعيبة ) السودانيين مولع نار
فكت تسجيلات تقيل ، من ( الميرغني ) كسلا الي مريخ جوبا
المهم الفريق القومي يكون قوي ، والباقي كلو هين
الواحد اصلو ما يحاول يتحرفن معاكم
تسلموا
رحمابي
| |
|
|
|
|
|
|
|
|
|
Re: ميم الزكمة (Re: البعيو)
|
Quote: الكلاب الداير اقولوا ختفو البوصلى من خشبى
بع السلابه |
البعيو
يعني الزكبة فكتك لحظة قلت الكلبة البعد البوصلي دي
| |
|
|
|
|
|
|
|
|
|
Re: ميم الزكمة (Re: بدرالدين شنا)
|
الأخت بت قضيم
دع الغين والقاف والشين والكاف فما زال في الكوش كميات من الغنم والكلاب والكدايس وما زال الضبان يحوم ويحوم ويحوم ويقاوم كل انواع المبيدات وهناك البعوض الذي أصبح مصفحاً ويتكيف مع جميع الظروف وتقلبات الطقس التي عادة ما تصيب الإنسان الغلبان الكحيان في مقتل ولا تفعل له شيئاً تصوري يا بت قضيم هناك ضبان شتوي وباعوض شتوي زيهم وزي أى بدله ، معليش قمت على شلاقتي وخربت لي بدر الدين الشين موضوعو وخرجنا من القواعد والبلاغة إلى الكوش والبلاعه.
المهم بركة الجيتي يا بت قضيم
| |
|
|
|
|
|
|
|
|
|
Re: ميم الزكمة (Re: Tumadir)
|
الأخت تماضر
النون هنا تم حذفها حتى لا تنطق وبذلك تكون لغتنا أو نطقنا يشابه نطق الكلمة الإنجليزية Island فحرف الإس كما تعرفي سايلنت وهنا حرف النون مش سايلنت وبس ده ما في خالص وطلعنا أذكي من الخواجات في الحته دي ودقسانهم يعني لزومو شنو أكتب حرف وما أنطقو ينطقم الحمار والجو حار. ونطقة الحمار للحناكيش هي عبارة عن دبل كليك بس بي رجلين الحمار الخلفيتين ولا مانع في أن تكون بانتيوم دنقلا سته شنكل.
أما بشكله بافي فيمكن تشبيها بي حرف البي إتش في فارماسي الإتقلب إف - ونحمد الله كثيرا أنها لم تحمل رقما مثل المقاتلات الحربية التي تحوم فوق رؤوس الأشهاد قاذفة بالموت والدمار والهلاك أو حرف السي إتش في إسكوول الإتقلب كاف عشان خواجات ولو عملناها نحن كان قلبوا علينا الدنيا.
| |
|
|
|
|
|
|
|
|
|
Re: ميم الزكمة (Re: بدرالدين شنا)
|
فى المداخلة الفائتة وضحنا الاخطاء النحوية عند بدر الدين شنا
وفى هذه المداخلة نوضح الاخطاء الذكمية عنه
1- العنوان المفروض يكون بيب الزكبة وليس ميم الزكبة
2- ثانيا لم يتطرق الراوى الى قضية النون عند المزكوم فى مراحل الزكمة المتاخرة اذ انها ايضا تقلب الى لام
فيكون السودان السودال
وازيكم ازيكل
بضم الكاف قبل اللاب - اللام
بدر الديل اعد كتابة البوست لا سيبيوه سيتبلبل فى قبره
| |
|
|
|
|
|
|
|
|
|
Re: ميم الزكمة (Re: بدرالدين شنا)
|
بنوت بيسلب عليكب سلاب ليبوني
بره البخرجه في إذاعة أبدر بان ( سلبى الشيخ سلابه) بسكها زكاب ، و لبا لاقت بحبد بصطفى بحبد أحبد أخو عثبان تراث ، سلبت عليهو : وكلبتو إنو بحجوب بحبد صالح بن الأياب عايزك تلاقيهو في جابعة الخرطوب ...
بنوت الليبوني الغائب في ربضان
| |
|
|
|
|
|
|
|
|
|
Re: ميم الزكمة (Re: منوت)
|
| Quote: بعاوية البعاك دا بنو؟؟؟ |
لووووووووول يابدر الدين
اسى دى اخته ولا البعاتى
بصراحة كدى انت وقفت ولا قبت جارى  انا كان فى بحلك بعاوية دا بن الابسية ديك ماكان شافنى نهائي
البهم هسى ادونا بنديل ...
| |
|
|
|
|
|
|
|
|
|
Re: ميم الزكمة (Re: بدرالدين شنا)
|
أووووووووووه الفكي
عليك الله أطلع في راس البيت دا صلح السميولوجيا دي بقت تخرخر بي جوة خربت اللون
أبو بهيار سلاب
كلابي صاح بش؟؟؟
تحياتي لبهيار وأبّها وجبيع أهلكب
أهل العوض
أنا بعاك بافي بشكلة لكن لبن تحصل
حبيبي البلا عبر
هسع الباعندو فرابل بنو زولي ولا إنت؟؟؟
أبا جهينة والأدب معاً
سلاب وإكراب
جابعة علوب الكبيوتر والنظب البتقدبة
ود العجبي بالك ياخوي
ساكنان ولا ساكنين إنت بسكنن بعاك ولا بتدفع ليهب الإيجار؟؟؟
والله يا الرحبابي باك ساهل تب
أبّا بخصوص الدبارة كان غيرك أشطر
وعليكب السلاب أخي تبِّس
البلا عبر تاني برحب
كالعهد بي دائما أغرد خارج النص
عليك الله غرد لي في ود العجبي دا
قال ساكنان قال
بت قضيب براحب
لكن البذيعة بتاعتك دي حالتها بتأخرة خالص دي بع الزكبة عندها أبراض بزبنة
حبيب عبري بوصلي
إنت أستاذ بوسيقى ولا إبلاء؟؟؟
الرحبابي
أنا غايتو بسجل في (البهدية) أبدربان عشان دي رغبة الوالد الله يرحمو (يرحبو) أها شن قولك
مش عايزانا نآبن أها آبنَّا يا بت قضيب
الغالي البعيو
سوبا وبحبد الفاتح ورابي كلهب بسلبوا عليك
البلا عبر
إنت با عندك زكبة ولا حاجة إنت بتصنع (دي كان بكتبها لي الحكيب زبان في الإبتدائي) لأني شايف حروفك كلها سليبة (سليبة بائعة اللبن) هاهاها
الكريبة تباضر
| Quote: النون دى نون منو...؟؟؟ |
كدي فيها وسب؟؟؟
النون دي جبتيها لي من وين الله يجازي محنك كان محنتيني وساهرت بي بالله شايلها الليل كلو وهي تبكي دايرا أمها
حنبينة الحنينة
زكبتك أخطر بن زكبتي
البلا عبر
عافي بنك وراضي عنك إنت الكلاب السبح دا بتجيبو بن وين؟؟؟
ود العجبي
برحلة النون تبقى لاب دي أنا باوصلتها
ربنا يشفيك لكن حقو بع الكبسولات تاخد بنسلين مائي برضو
بنوت الليبوني
ياخي إنت رائع وحلو وطاعب
بلكة سبأ وبلكة الببمر الحر
لوووووووووووول إنتي دي
ولووووووول على سبايط تبرك
| |
|
|
|
|
|
|
|
|
|
Re: ميم الزكمة (Re: بدرالدين شنا)
|
يا سلاب يا سلاب على بشاغلاتك
ببنوع تباباً الكلاب يا بتاع البسرح و البوسيقى ، يا جبيل ..
يا بتاع عبان ، أعبل حسابك ، بنوت بن البعجبين بالليبون البروي !!! سابع الكلاب ده ...؟
| |
|
|
|
|
|
|
|
|
|
Re: ميم الزكمة (Re: بدرالدين شنا)
|
الأخ بدرالدين
بعليش سابحنى .. دى أول برة أدخل عندك هنا .. تخيل لو فى برة ضعيفة واسبها " مدينة " مع الزكبة حتكون بدينة .. يعنى عكس تكوين جسبها
تحياتى
أخوك " بارد"
| |
|
|
|
|
|
|
|
|
|
Re: ميم الزكمة (Re: بدرالدين شنا)
|
Quote: انت با عارف ان انا
استاذ ابلاء شرودبقبركه؟ |
الكلبة التحتها خط دي شرو يا بوصلي؟؟؟
بارد الحبيب (بن الحبيبية وكان دايرها بن البحبة كبان ببكن) رايك شنو؟؟؟
سعدت بهذه البداخلة
لك بحبتي
| |
|
|
|
|
|
|
|
|
 Re: ميم الزكمة (Re: بدرالدين شنا)
|
بدر الدين السبح
انا دخلت البوست دة تلاتة برات وبا قدرت اكبله بن الضحك
وبالليل وانا نايب حلبت انه جاني زكان000
بس بافي اي احساس بس اعراض عضوية كل الاعراض كانت لفظية00
وتسلب ياحبوب
| |
|
|
|
|
|
|
|
|
|
Re: ميم الزكمة (Re: بدرالدين شنا)
|
الشفيف سوركتي
سلاب يحبل كلاب بضبونو حبي
وبليون براحب (شوف الزكبة جات في صالحك عبلتها ليك بليون)
ترهاقا
لك عبيق حبي وبودتي
بيّا الغالية
جنبكب بافي بركز صحي؟؟؟
أنا كان عطست هرا (النون قلبت راء) ناس الببر الحر ببوتو
| |
|
|
|
|
|
|
|
������� ��������� � ������ �������� �� ������� ������ ������� �� ������
�������
�� ���� �������� ����� ������ ����� ������ �� ������� ��� ���� �� ���� ���� ��� ������
|
� Copyright 2001-02
Sudanese
Online All rights
reserved.
| |
بدرالدين شنا
Abomihyar
Ahlalawad
almulaomar
ابو جهينة
ود العجمى
AlRa7mabi
tmbis
بت قضيم
Elmosley
الطيب بشير
Tumadir
haneena
منوت
ملكة سبأ
Rawia
7abib_alkul
aba
الجندرية
Abd-Elrhman sorkati
ترهاقا
فيس بوك
تويتر
انستقرام
يوتيوب
بنتيريست