|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: صرف بزخي في عقد قران بت البشير (صور ليست للنشر) (Re: Abdelmuhsin Said)
|
Quote: اخ تجانى مع الاحترام لكن هذا راي اعوج اذا كان الناس عارفة نظام
الانقاذ فاسد وسيئ تبتعد عنه والا تشارك فيه واذا كان المعارضة
محبطة لعدم (الجدية)فهذا مبرر الي الارتماء في احضان نظام
فاسد فايهما بالله عليك اخف وطأة متابعة معارضة غير جادة ام نظام فاسد
هذا فهم مقلوب فاذا كان المعارضة الممثلة في احزابنا الشايفنها دي
غير جادة والناس المامنضوية تحت لواء اي حزب رات ذلك وكمان
شايفة فساد الانقاذ اليشقو ليهم طريق تالت اذا كانو ماعايزين يقوموا
الاحزاب الخاملة دي ويكونوا هم اهل التغيير والخلاص..
|
الاخ الجبلابى لك التحية بس دة كلام مثالى للاسف غير موجود على ارض الواقع
المصيبة العوجة جات من صفوتنا وليس من المواطن العادى فالكل الا من رحم
ربى تسارع فى الهرولة نحو الانقاذ من قبل وبعد نيفاشا وحقيقة خسر الشعب
السودانى الرهان على النخبة السياسية المتمثلة فى التجمع الوطنى الذى انفرط عقده
بعد انفراد الحركة بالتوقيع على انفراد مع الانقاذ ثم تلته بعد ذلك الانقسامات الاميبية
داخل الاحزاب نفسها لاسباب ليس لها علاقة بالوطنية او الشئون الحزبية وانما كانت
لمصالح ومطامح شخصية جعلتهم بين عشية وضحاها ملكيين اكثر من الملك فما بالك
بالمواطن البسيط الذى انهكته الحوجة وتعب من الوعود وانتظار غد قد لا ياتى والمواطن
يعلم قبل السياسى حجم الفساد واستحواذ الانقاذيون على مقاليد اى حاجة فى البلاد لذا تجد
الجميع الان مومنا بنظرية اللحاق بالسوق
اما مسالة طريق تالث وتقويم احزاب فهذا امر يتطلب جهة ما تتولى قيادة هذه الجماهير
والقيادات التى من الممكن ان تجلب التغيير طوتها الانقاذ بشتى الوسائل
| |
 
|
|
|
|
|
|
|
 Re: صرف بزخي في عقد قران بت البشير (صور ليست للنشر) (Re: احمد التجانى احمد)
|
..
.
والله بوست تحفة ..
الواحد يادوب يشوفوا ويتسلى بيهو
عموما ياالجبلابي عندى ليك حل ..
انسى نص الفرخة وامسك فى بت الشهيد ابراهيم
وتصر على تدخل جمعيات حقوق المراة والحقوق الانسانيى
حيث ان البت دى صغيرة على الزواج
يعنى ممكن تكون قاصر وما اتجاوزت 18 سنة ويعقدوا ليها ..
دى يمكن تحلك ..!!
--------
بلح الاردن دا غايتو بالغت فيها
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: احمد التجانى احمد)
|
Quote: الاخ الجبلابى لك التحية بس دة كلام مثالى للاسف غير موجود على ارض الواقع
المصيبة العوجة جات من صفوتنا وليس من المواطن العادى فالكل الا من رحم
ربى تسارع فى الهرولة نحو الانقاذ من قبل وبعد نيفاشا وحقيقة خسر الشعب
السودانى الرهان على النخبة السياسية المتمثلة فى التجمع الوطنى الذى انفرط عقده
بعد انفراد الحركة بالتوقيع على انفراد مع الانقاذ ثم تلته بعد ذلك الانقسامات الاميبية
داخل الاحزاب نفسها لاسباب ليس لها علاقة بالوطنية او الشئون الحزبية وانما كانت
لمصالح ومطامح شخصية جعلتهم بين عشية وضحاها ملكيين اكثر من الملك فما بالك
بالمواطن البسيط الذى انهكته الحوجة وتعب من الوعود وانتظار غد قد لا ياتى |
الاخ ود التجانى سلامات..
انا اتفق انه احزابنا فيها كثير من الخلل الذي يحتاج الى معالجة وداخل اروقة هذه الاحزاب في اصوت بتنادي
بالاصلاح والتقوييم.. وده ممكن يأتى بمزيدا من الضغط والجدية وفي حركات اصحاح كبيرة في كل الاحزاب السودانية
وبالنسبة للانقسامات التى حدثت فى الاحزاب كانت نتاج للخلل الموجود في مؤسساتها .. وكذلك الحكومة لعبت دورا
كبيرا في تقسييم وشرزمة الاحزاب بوسائلها المختلفة المالية والاعلامية واللااخلاقية .. واذكر انه في حديث
لصاحب جريدة سودانية راحل قال انه بصحيفته هذه استطاع ان (يفرتق 8احزاب) وفعلت الحكومة هذا حتى تستطيع
أن تهيمن هي علي الامور في ظل وجود احزاب مضعفة والغريب حتى هي لم تسلم من داء الانقسامات وخرجت عدة مجموعات
منهم وكونوا احزاب اخري ومنهم من حمل السلاح عليها.. وللاسف الحكومة بتتباهي بالكلام ده وتفتخر.. وتدري
اولا تدري فانها افرزت مصائب عليها اكثر من ترك الاحزاب موحدة..فالناس في ظل غياب الاحزاب او المواعيين التى تعبر عنهم
وتخدم وتدافع عن مصالحهم لجأوا لتوفير مواعين اضيق واضر وتمترس الناس حول قبائلهم ومناطهم لاخذ حقوقهم
وظهرت الفتنة بين الناس والصراع والاقتتال بين القبائل وظهرت النعرات القبلية والعنصرية وتهدد او تبدد السلام
الاجتماعي في المجتمع.. وبأت بعض الجهات تتسلح للدفاع عن نفسها واخذ الحقهم والما حقهم بقوة السلاح..
الاحزاب بتجمع الناس برابط الوطن والمصلحة المشتركة .. واضرب ليك مثال في حزب الامة مثلا بتلقي الشمالى وبتلقي الغرباوي
والمن الوسط وكذلك في الاحزاب الاخري الاتحادى الشيوعي وغيرهم .. لكن عندما تبرز روح القبلية والوجهوية تلقي
الناس رجعوا لمكونات اضيق وبتفقد بالتالي القاسم المشترك البيجمع الناس ويتأزم الموقف..
الحكومة لما جات اول ايامها حلت الاحزاب وقالت ان الاحزاب والحزبية كفر في باستخدام سيئ للدين والان بعد
عشرين سنة ترجع وتعترف بالاحزاب وتكون ليها مفوضية وهي نفسها تصير حزب .. وتقيم انتخابات بمشاركة الاحزاب
نفسها القبل الانتخابات وزيادة .
اما بالنسبة لمشاركة الاحزاب في الحكومة الحالية فانا بفترض حسن النية لكثير من الاحزاب المشاركة وقد يكون هنالك
بعض من دخلوا لمآرب خاصة ..بس يبقي انه المشاركة في حد ذاته ماعيب فكثير من شاركوا كان بنية حقن الدماء
وامتثالا ل (اذا جنحوا للسلم فاجنح له).وهو الاقتتال ماغاية بل وسيلة والاحزاب استخدمتها بعد ان تعنت النظام
في التفاوض وصرح مسئوليه في اكثر من مره العايز السلطة فعليه بالبندقية وقال البشير الداير السلطة فالدم
يصل الركب فعقلية الانقاذ في بداية سنينها واستخدامها للعنف هو الذي افرز العنف المضاد حتى اجبر النظام
للرضوخ لمبدأ التفاوض والناس بعد داك قالت ارضا سلاح ودخلت احزاب كثيرة في التفاوض مع الحكومة فرادا وجماعات
علي ضوءه جات المشاركة وكانت فلسفة البعض في المشاركه انه الناس تحقق السلام و بعده تأتى الديمقراطية ودي
تحديدا فلسفة او رؤية مبارك الفاضل عندما شارك في الحكومة ومن جانب عقلي فموقفه كان صحيح واتحقق السلام
وكان لمبارك دور كبير جدا في تذليل كثر من العقبات بين المتفاوضين حينها والشريكين حاليا باعتباره يتميز
بعلاقة جيدة مع الراحل قرنق والحركة ولوجوده في الحكومة ..لكن للاسف الحكومة نواياها غير سليمة تجاه كل الاتفاقات التى
ابرمتها والحكوم بتفعل ذلك كسبا للوكت ومخارجة من الضغوط المفروضة عليها بشكل آنى ومن ثم تسعي الي اختراق هذا الاتفاق
ونجحت فعلا في استقطاب جزء من كوادر بعض الاحزاب ودفعتهم لاحداث انقسامات وانسلاخات داخل اروقة احزابهم..
عموما اقطع الحديث هنا علي ان اواصل فى المره القادمة عن جزئية الفساد ولماذا وكيف نحاربه
مع ودي
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: بشير أحمد)
|
لا حول ولا قوة الا بالله ، لم تقع عيناى على هذا البوست الا اليوم ، رحمك الله يا ابراهيم شمس الدين ، رجل من انقى الرجال ، واشجعهم ، بالله عليكم كفوا عن المزاح او الجد فى هذا البوست ، وليته يسحب ، الجبلابى اخطأت والله ، فلا تكابر ، ولا تخلط عدواتك للانقاذ باشياء اخرى خارج التغطية ...رجاء
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: Faisal Al Zubeir)
|
AL-habeeb/ Al-Jabalabi
Salaaaaaaam
To all brother(s) who participated in this POST( Specially those who comments regularly) Mark my WORDS
If you think, I repeat again and again
that"Al-Jabalabi to QUIT this Post you are Mistaken"
he will not and will never do this
Iknow Mutasim al-Jabalabi
he is straight shooter and direct out spoken Habeeb
he has no black and white when it comes to the issue(s) of Corruptions
Thanks
El hadi
NB: No one is qualified to question his tribe,, he is from well known tribe in Sudan.
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: معتصم مصطفي الجبلابي)
|
يا الهادى يا اخوى ، زولك لو تحدث عن فساد بعيدا عن هذه البنية ، ما كان قلنا شىء ، بعدين القالك منو نحن عاوزين يتراجع ، نحن عاوز نكشفو ونقول للناس بئس المعارضة التى تكذب فى حق بنية يتيمة ، وبعدين الجبلابى دى ود عمنا عشان كدع زعلنا ، هذه البوست عملنا عليهو وردية طوعية ، انا شخصيا قاعد ليهو قعدة .
يا جبلابى كلنا حزانى على فقد لاعبنا الخلوق ولكن رحل نبى هذه الامة عليه افضل الصلاة و السلام .
اتمنى استخدامك للغة اولاد جون يا الهادى لعدم كى بورد به العربية فقط ، اهاقول لى صاحب المابتراجع الينكرب ساكت . ينكرب دى بلغة اولاد جون معناها ، اولاد القبائل على قولتك المعروفة مفروض يكون قدر اسم اسرهم ولله شنو .؟
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: هجو الأقرع)
|
Quote: بالمناسبة اين ذهب نافخ الكير
المدعو كوستاوي |
vدة انسوهو هسي بالع ليهو بوست شحمان ليهو يومين كدة بهضم فيهو ....
علا الماداير يهضم ولا داير يجيب الصور دة ولا داير يركز في حتة واحدة عاد نقول عليهو شنو ..
نشاطرك الاحزان في اللاعب الخلوق ايداهور ....
علا بقولك ابلع بالهتا والشفا..
قال شنو قال احتلال ...
قوم لف بالله ...........
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: طلال جبير جابر)
|
he has no black and white when it comes to the issue(s) of Corruptions
يا ربى الكوربشن ......... ومعرفته و عدم المجاملة فيهو ، ما بتخلى الزول يتحرى الدقة ، لكن عندو اسود و ابيض حينما يلقى الكذبة بدون تردد ، و عندو اسود و ابيض لانو ما بعرف حديث الرسول صلى الله عليه و سلم الذى يقول ، كفي بالمرء إثما بان يحدث بكل ما يسمع ، او كمال قال المصدق علية افضل السلاة و التسليم
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: هجو الأقرع)
|
اولا النسالك ياهجو يا اخوي الحكومة دي فيها Corruptions والا لا
ثانيا ماتقعدوا تلوكوا لي في مسألة يتيمة وابوها شهيد وغيره
من الاحاديث الاستعطافية انا البنت ما اتعرضت ليها ولا لابوها ورغم خلافى
او اختلافي معاه طلبت له الرحمة وللعروس المباركة والحديث عشان ما
يصبح مكرر قلت انه الحديث مركز عن النقطة القالها الحبيب الهادي
فوق ومحاربته وتصديق الكلام من عدمو انا بتحراها منك ولا انا بفتري
الكذب وانت كان لصيق امشي أسأل او ممكن ما تسأل خليكم ( في غيكم تعمهون)
والحاجة الدائر اقولها ليك فاستخدامك وتكرارك لكلمة يتيمة لن يجدى في
إلانتى او التراجع عن التصدي لفساد الطغمة الحاكمة واستغلالهم لموارد
الشعب .. وللتصحيح اليتيمة او اليتيم بتطلق علي الذي لم يبلغ
اوالجارية فهي يتيمة حتى يبنى بهاولغة تعنى الانفرادوهي من دلائل
اللغة التى تطلق علي فاقد الاب ..فالشرطين ما بنطبقوا عليها (فيما اظن)
ولو بي كلامك انا ذاتى يتيم..
والحاجة التانية مسألة اطلاق شهيد علي الراحل شمس الدين دي حاجة
بتخصكم .. فاذا كنتم بتوزعوا لناسكم صكوك غفران فهذا شأنكم..
الحاجة الاخيرة ماتحشر الخطاب الجهوي هنا انت من ياتو قبيلة او من
ياتو منطقة فدي حاجة لاتعنيك في شئ وانا انسان قائم بذاتى وليس
حتى لشقيقي دخل فيما اكتب..
مع تحيات
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: طلال جبير جابر)
|
Quote:
دة انسوهو هسي بالع ليهو بوست شحمان ليهو يومين كدة بهضم فيهو ....
علا الماداير يهضم ولا داير يجيب الصور دة ولا داير يركز في حتة واحدة عاد نقول عليهو شنو ..
نشاطرك الاحزان في اللاعب الخلوق ايداهور ....
علا بقولك ابلع بالهتا والشفا..
قال شنو قال احتلال ...
قوم لف بالله ........... |
طلال جبير جابر
شكيتك على الله قطعت مصاريني من الضحك
لي فرختين ماضحكت هي اقصد لى شهرين
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: معتصم مصطفي الجبلابي)
|
فيصل الزبير
اثبت مهنية عالية
في هذا البوست النتن
لك التقدير
مشكلة الجبلابي انه انصاري لذلك لم يقدر على اخراج الكذبة بالشكل المطلوب
ولو كان شيوعيا مدربا لفعلها باحتراف
الم تلاحظوا التمريرات الحلوة الذكية لبعض اهل اليسار والتي طاشت في النهاية
وبالذات قصة الصورة التي تصدى لها فيصل الزبير
ياجبلابي الواحد مابعمل عشرة كذبات دفعة واحدة ركز على حاجة صغيرة وانطلق
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: عبد الملك يوسف الملك)
|
Quote: مشكلة الجبلابي انه انصاري لذلك لم يقدر على اخراج الكذبة بالشكل المطلوب
ولو كان شيوعيا مدربا لفعلها باحتراف
الم تلاحظوا التمريرات الحلوة الذكية لبعض اهل اليسار والتي طاشت في النهاية
وبالذات قصة الصورة التي تصدى لها فيصل الزبير
ياجبلابي الواحد مابعمل عشرة كذبات دفعة واحدة ركز على حاجة صغيرة وانطلق |
عبد الملك
والله انك لخطير
-------------------
ترمة
عبد الملك دهـ يا جماعة راقبوهو كويس
سيكون له شأن كبير في المنبر ده
-------------------
وينك من زمان ياخي
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: الشفيع وراق عبد الرحمن)
|
يا معتصم يا خوى ، افتح بوست و تكلم عن الفساد ذى ما داير شوف فى زول يعتير ليك ساكت ، انت يا شيخنا لفحت ليك كلام ساكت وجيت تكبو لينا هنا. الكلام ده ما بمر ساكت ، فساد الحكومة سبقناك فى الحديث عنه ، اعتذر وخلى امورك تسلك . يا اخى فعلا البنت يتيمة وانت شهرت بها ، ولما كوستاوى نزل صورة الصحفية انتفخت اوداجك وهللت .
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: معتصم مصطفي الجبلابي)
|
لو عايزو إمشي أكتر من كدا قول لي
طالما إنك مُصر و الله نمطو ليك لم البوست زاتو يآمين (كان الله مد في عمر الباسوورد بتاعتنا)
أغرب شئ إنك لسه مُصر إصرار شديد على إنك ما غلطان رغم إنو أغلب المتداخلين قالو ليك إنت غلطان
و الغلطوك ما كلاب الأمن و غلمان المؤتمر الوطني بس لكن كل الناس بمختلف إنتماءاتهم السياسية و الحزبية
و الله إنت فعلاً إنسان غريب
أها نسوق معاك البوست لأني شايف الركاب بقو كتيرين
قول يا لطيف
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: هجو الأقرع)
|
هجو
الجبلابي دهـ ، وزيو كتار في المنبر ، بعض الجهات بتحاول استغلالهم في كتابة كلام يعجزوا عن كتابته يعني الكلام العايزين يقولوهو وما بقدروا
المشكلة انهم بحاولوا يدعموهو في البداية ولامن يتورط ينسحبوا منه ويخلوهو في الصقيعة يتلفت براهو، لا يعرف يبلع ولا يقدر يواصل
-----------
إقرأ مداخلة المبدع عبد الملك
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: معتصم مصطفي الجبلابي)
|
معليش يا جبلابى فى دى طلعت عديل كضاب ، اتحداك ان تثبت اننى قلت دى صورة تخرج للعروسة ، انا قلت عندما نزل كوستاوى الصور لم استطيع ان اقول انها العروسة لاننى رايتها من مدة . وفى نفس الوقت لم انفى بسب عدم مشاهدتها من مدة.
مازلت مصر على ان لا بلح مميز من الاردن عشان يستوردهو للزواج وقلت ليك البلح رطب ام جاف .
الشتيت ما ما بفيدك ، انسحب بس من البوست ونحن بنقول ودعمنا قال كفاية ، معتصم ورب الكعبة عيب ان تتشفى فى غلامة عروسة و تقول انك بتهاجم فساد الانقاذ يا اخى اهلك بقولوا ود العرب او بت العرب عزهم يوم العرس .
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: حبيب نورة)
|
| Quote: ..رغم الاختلاف ماقاعد اغلط علي زول في المنبر |
الانسان انسان ان كان في المنبر او كان في اي فضاء اخر
بنفس الضمير احترم خصوصية الاخرين ولاترتكب مثل هذه الجريرة
عصرت كل مشاعرك واختلافاتك لتفتعل قصة من هذا الطراز الجارح المؤذي ،،
هل تقبل ان يفترى مثل هذا الكذب على بنتك مثلا
او هل تقبل ان يقال مثل ذلك عن زواج الاميرات من ال المهدي الذين كم سار الركبان بقصص حياتهم وتطفل على خصوصيتهم
لااقول ذلك للاساءة لآل المهدي لكن وجود صورهم في البروفايل يربطهم مباشرة بهذه القطيعة او على الاقل باعتبارهم مرجعية اخلاقية لك
واذا كنت حريص وضنين على ال المهدي فهناك من هو احرص منك على ال البشير وال ابراهيم شمس الدين
سودانيون ولهم اطيان ولهم خلان
انا لااقبل لاولئك ولا لهولاء واعتقد ان هذه قنبلة قذرة وسلاح محرم على الشرفاء ويمكن ان يرتد اليك ولايضيف رصيدا انتخابيا
ولاينقص رصيد..........
اعتقد ان السلاح الافضل يامعتصم هو سلاح الصدق وسلاح القيم يمكن ان تهزم بهم خصومك بدلا من تهزم نفسك كما يحدث في هذا البوست
وحلك الوحيد ليس في المكابرة ومحاولة التفلت من اثار هذا الكلام وتاليبه لللاخرين عليك والسخرية التي اضطررت لبلعها في هذا البوست الاسود
ولاول مرة يجتمع الناس كلهم على شخص واحد رغم اختلافاتهم السياسية ذلك لانك نشطت فيهم جهاز المناعة الاخلاقي الموجود في ضمير اي سوداني
هنالك حلان
الاول : قاسي جدا ويحتاج الى قامة عالية وثقة في النفس ولااظنك تفتقد واحدة من الاثنين
الثاني :ان تهرب ببطء من هذا البوست وتبدا بكتابة بعض التبريرات المهضومة حول فكرتك من اساسها
فالفكرة فطيرة وسطحية ومهلهلة وساذجة بدأت بنصف فرخة وصور مفبركة ومساس بخصوصيات وانتهت بضحك اسود وسخرية كان لك من نصيب الاسد
الانسحاب والاعتذار شرف وموقف لاتسمع فيهم كلام البضحكك ،،،،تحياتي
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: عبد الملك يوسف الملك)
|
| Quote: الانسان انسان ان كان في المنبر او كان في اي فضاء اخر |
وكذلك أنا .. ولكن هناك تمييز مابين الاحترام وما بين مكافحة الفساد ومقاومته
وخصوصا اذا انتهك احد المال العام وسخر ممتلكات الدولة لاغراضه الخاصة
اضافة الي ان الخطاب الموجه هنا يأتى ردا علي ادعاءات البشير بانهم ماسكين درب
الله ولم يظلموا احد ولم يعتدوا علي مال عام وقال البشير عندما أتى اذا (شفتونى
بنيت لي عمارة تعالوا اسألونى) والكل يعلم المساكن التى بنيت والشركات التى اسست
وقرب اخوانه واهله وانعم عليهم من خير البلد.. وفساد الشير ونظامه تحدث عنه
حتى الذي أتى به الي السلطة في عدة محافل والفساد لم يتوقف علي المال فقط
بل تعداها الي انتهاك ارواح الناس وقتلهم وتصفيتهم..
مشكلة النظام غير فساده انه لابس جلابية الدين و يسخر الدين لصالحة ويصدر الفتاوي
التى تتماشي مع مصلحته وحسب الضرورة فما يحلله اليوم قد يأتى ليحرمه غدا..
لقد احد المتداخلين ان ما تيت به هنا كذب وتلفيق وقال لانى أنصاري لم احسن او اجيد
باخة واخراج الكذبة علي حسب قوله وهو قد يعلم في قرارة نفسه أنى لست في حوجة
لتلفيق التهم والاحاجى علي النظام فرايحة فساد النظام فائحة يستنشق نانتها
من هوداخل السودان او خارجه.. ولكن الذين يوالون النظام لايتوانوا في الدفاع
عن نظامهم الفاسد والمتهالك في الحق والباطل .. ويعلم الموالين للنظام أن الانصار
أكثر الناس تصديا لجكومة الانقاذ والجبهة الاسلامية في عنفوان أيامها وهم الذين
تصدوا لمشروعها الحضاري حتى هزم وكان منبر الانصار بودنباوي بقيادة الحبيب
عبدالمحمود أبو يتصدي للتشويهات التي يلصقها اهل الانقاذ بالدين ..
الاخوه الذين تداخلوا هنا جميعا لهم الاحترام والتقدير
وللحديث بقية
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: Abdelmuhsin Said)
|
| Quote: ياابوحسين باقلك لو خلينه الشي دا يحتل مش اخير ونقوم نشوف لينا جنازه ثانيه ندفنه |
عبدالمحسن يا صديق
صاحب البوست قال حدو الأرشفة
عايزنا كمان نـقـصـر معاو
الراجل بشيل حالنا شوف بت الناس دي ما عملت أي شئ عمل معاها شنو ؟؟؟
الناس ديل خطيرين أحسن نتكافا شرهم
خلينا ماشين كدا جنب الحيط
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: ABUHUSSEIN)
|
Quote: اضافة الي ان الخطاب الموجه هنا يأتى ردا علي ادعاءات البشير بانهم ماسكين درب
الله ولم يظلموا احد ولم يعتدوا علي مال عام وقال البشير عندما أتى اذا (شفتونى
بنيت لي عمارة تعالوا اسألونى) والكل يعلم المساكن التى بنيت والشركات التى اسست
وقرب اخوانه واهله وانعم عليهم من خير البلد.. وفساد الشير ونظامه تحدث عنه
حتى الذي أتى به الي السلطة في عدة محافل والفساد لم يتوقف علي المال فقط
بل تعداها الي انتهاك ارواح الناس وقتلهم وتصفيتهم |
ياجلابي كتر خيرك على الرد
لكن ياخي لماذا ادخلت امرا على امر هل تفتكر ان البهنسة في الزواج دليل او قرينة فساد
كل السودانيين يتزوجون ويتباهون بالفي والمافي في مثل هذه المحطات
وكم تحدث الناس عن زواج فاخر لاناس عاديين انا حضرت قبل شهرين في الخرطوم زواج لشاب مغمور وميسور
لم يكن الاكل مجرد نص فرخة كما عند رئيس الجمهورية ولكن كان عند كل طاولة بوفيه بتلك السخانات الفضية اللامعة التي لاتتوفر الافي الفادق الفاخرة
ثم ياخي هل يسلم حزب الامة من انواع ذلك الترف خاصة في اطار اسرته الحاكمة
مثلا انت الان تتحدث عن فساد البشير وتعلق صورة مبارك الفاضل!!!!
فهل ناخذ على محمل الجد كلماجاء في صحف ابراهيم وموسى عن فساد مبارك
من اليورانيوم الى شركة الاطارات الى اغتيال الشهود
الى ماكتب عنه في الخطايا العشر بواسطة الامام الصادق المهدي الذي كان يسميه زول سوبا
لقد كانت صورة مبارك الاعلامية هي صورة الغول المتنطع في الفسادوها انت الان تتبرك به وتهاجم خصوصية الاخرين بعين قوية
لانهم يتناكحون ويتناسلون ويمشون في الاسواق وتأبى عليهم حتى ان يفرحوا كغيرهم
بل ناخذ كل ثروات ال المهدي من اين اتت لشاب يتيم كما قال شوقي بدري كان يتنقل بالحمار في جزيرة الفيل
ليصبح بقدرة قادر مالك لجزيرة كاملة بسكانها الذين مارس فيهم السخرة والغواية والرق في ابشع صورهومثل فيهم دور الاله الذي يمنح البركة والولد
وسقاهم الفقر والجهل بينما هو يتوهط في قصر ابيض ويجلس عل كذبة كبيرة لازال بعضهم يصدقها بل ويتعبدها
ام حلال الاغواء والفساد للامراء حرام على عامة الشعب ،،،هل عرفت حياتهم وكيف ينعمون هل رايت اعراسهم وكيف يترفون
ام هم الملاماتية الجدد يفعلون مايشاءون وعلى انصارهم التبرك بهموبصورهم حتى لو كانوا على جنابة
ولماذا حرمت القصور في كافور وحللتها على شارع البحر في ام درمان او بين البلدية والنيل الازرق
كيف توفرت لهولاء حمر النعم والخيرات والاراضي والعقارات والجواري الخنس ؟؟؟؟؟؟؟؟؟
بعضلاتم بتخطيطهم وفكرهم وتعليمهم ام بالدور المرسوم لهم وصناعة الالهة الصغيرة والاصنام التي ابدع فيها الانجليز
اما عن نضال حزب الامة فهذه اسطورة قديمةابتلعها السذج الذين كانوا يعتقدون ان جثمان السيد الصديق يشع بالنور لان فلاشات التصوير
كانت تنعكس عليه اثناء التشييع في قلب امدرمان حيث نجح عبد الرحمن المهدي في اختطاف وخنق حركة الخريجين مع خصيمه ورفيق دربه علي الميرغني
ثم تلقيحها بانتهازيتهم البديعة لتنجب احزابا مدجنة وتعيسة مثل حزب الامة الذي يحتاج للنضال لا يحارب الاخرين بل ليغسل امعاءه اولا ويتقيأالاحتكار والحاكمية العائلية ويجد منفذا للديموقارطية يعبر من خلالها انصاره ومحازبوه
يامعتصم غلواء العداوة يعمي احياناويعتم الرؤية،،،، لكن بكل هداوة يمكن ان توصل رسالتك وتكسب قضيتك
مع خالص التحية
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: Abdelmuhsin Said)
|
Quote: طلال و ابوحسين والمجموعه (( كيف قيلتو ))
|
حبابك عبد المحسن والله ترانا مقيلين راجين مجهزين بامدلدوم
عشان الزول ما يخنق لمن يبلع اصلها بقت كبيرة 
استلم بعد كدة انا طالع لي مشوار وبجيكم صادي ...
وصية والوصية امانة الزول دة براحة عليهو ام دلدوم حنينة ما تمشي تفقهو لينا الزول زبون 
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: معتصم مصطفي الجبلابي)
|
وقفت في المرة السابقة عند قولي أن الانصار ممثلة في هيئتها بقيادة الشيخ عبدالمحمود أبو
تصدوا لكل العبث الذي كان يفعله أهل السلطة بالدين والاسلام والتلاعب باسمه حتى انهزم مشروعهم
وقد كان هذا المنبر(منبر ودنوباوي) لهم بالمرصاد في كل الفتاوي التى يفصلونها حسب هواهم ومع الامر الذي يتماشي
مع مصالحم.. وقد ضاق النظام بهذا المنبر زرعا حتى اصدر فتوي ضده قالوا ان هذا مسجد ضرار وسعوا لاغلاقه
كما اغلقواوصادروا مساجد من قبل (ومن أظلم ممن منع مساجد الله أن يذكر فيها اسمه وسعي في خرابها)
ولفقت التهم لائمته وزج بهم بالسجون وكل هذا لم يثنيهم من الدفاع عن الحق ومهاجمة فساد وظلم السلظة اينما
وجد ..ونواصل هنا في فضح وتعرية النظام في اي عملا يأتى مغايرا للشعارات الزائفة التى يرفعونها
ومن نفش شاكلة الخطاب الذي يقدموه والفرق ان هذا طريقه قويم وفق ما جاء في الشرع ..
النظام يقول أنهم لا لدنيا قد عملنا ولكن واقع امرهم يخالف مايدعون ويقول هي لله بل
بل ما ياتون به هي للشيطان الاية () وفي آية قرآنية عن الإسراف (وَلا تُبَذِّرْ تَبْذِيراً * إِنَّ الْمُبَذِّرِينَ كَانُوا
إِخْوَانَ الشَّيَاطِينِ وَكَانَ الشَّيْطَانُ لِرَبِّهِ كَفُوراً) صدق الحق ..فالماسك درب الله بتبع تعليماته مايبقي
نفيخ كلام ..وخصوصا من تولي أمر المسلمين حتى يبعد الشبهات عنه ويكون قدوه لرعيته ولغيره
كان عمر بن عبدالعزير الخليفة العادلقبل ان يتولي الولاية يعيش في حياة ترف ونعيم وعندا صار واليا
او خليفة علي المسلمين جرد نفسه من كل النعم التى كان يعيش فيها وعاش حياة تغشف وزهد
لانه يعلم المسئولية التى اوكلت له مسئولية عظيمة امام الله سيسأل عن كل امر فعله في شأن رعيته
تولى عمر بن عبد العزيز الخلافة وقف بنا خطيبا فحمد الله ثم أثنى عليه، وقال في جملة ما قال :
يا رب إني كنت أميراً فطمعت بالخلافة فنلتها، يا رب إني أطمع بالجنة، اللهم بلغني الجنة. قال
رجاء..
فكان رضي الله يعيش حياة كفاف وجفاف لاترف فيها ولا اسراف ..
قال أبو أمية الخصمي غلام عمر : دخلت يوماً على مولاتي فغدّتني عدساً ، فقلت : كل يوم عدس ؟ قالت :
يا بني هذا طعام مولاك أمير المؤمنين
وهذه قصة مع خادم له :رأى أمير المؤمنين خادماً له يسحب برذونه ، فسأله : كيف حال الناس ؟ فأجابه :
كل الناس في راحة إلا أنت وأنا ..
هذه القدوة التى يكون عليها الحاكم أو الوالى المسلم حقافاذا صلح الراعي صلحت الرعية واذا فسد فسدوا.
والحديت تتمة
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: معتصم مصطفي الجبلابي)
|
مواصلة لما انقطع من حديث قلنا انا الوالي او الحاكم في ظل دولة تدعي اسلاميتها يجب ان يناأ بنفسه عن الشبهات وأن لا
يركن للدعة ورقد العيش وضربنا مثلا بامير المؤمنين الذي لقب بخامس الخلفاء الراشين عمر بن عبدالعزيز وكيف أنه لفظ
ترف العيش ونعيم الدنيا عندما تولي الخلافة وهو الذي كان في حياة مترفة ومنعمة من قبل..وقيل ان الناس في زمانه
وصلوا لحال حتى انه اذا خرج الرجل بزكاة ماله لا يجد من ينفقها عليه..قال الحسن القصاب : رأيت الذئاب ترعى مع
الغنم البادية في خلافة عمر بن عبد العزيز فقلت : سبحان الله ذئب مع غنم لا يضرها ؟ فقال الراعي : إذا صلح الرأس
فليس على الجسد بأس
ونعرج للحديث عن سيرة رجل اشتهر باقامة العدل والقسط بين الناس وضرب أروع الامثال في حياة التغشف والا خشوشان ..
في زمن وصلت فيه الفتوحات الاسلامية مشارق الارض ومغاربها وخضعت تحت ملكه بلاد الفرس والروم أكبر وأغنى دولتين في ذاك
الزمان انهم رجال كانوا فريدين في عصرهم لم تغرهم الدنيا بما اتتهم ولم يستكينوا اليها انه الفاروق عمر الذي فرق بين
الحق والباطل رجل حباه الله بكل هذا الملك ولكنه كان اروع واعدل من حكم في الارض حتى قال عنه المجوسي عدلت فنمت ياعمر
عندما وجدة نائما مستلقيا علي شجرة.. نورد بعض من سيرة عمر بن الخطاب عندما كان واليا حتى يأخذ منها ولاتنا في الحاضر
والمستقبل بعض الدروس والعبر.. فقد كان عمر الفاروق رضي الله عنه متشددا في صرف وانفاق أموال المسلمين ولا ينفقها الا بالحق
وفي اوجهها الصحيحة وكان اكثر تشددا في هذا الامر علي نفسه واهله وآل بيته.. حتى في مأكله ومشربه وملبسه وهذه رواية تبين ذلك
ذكر في سيرة الفاروق انه ذات يوم كان حفص بن العاصى في مجلس الفاروق عمر رضي الله عنه لما جاءه طعامه فطلب من الناس ان ياكلوا فامتنع حفص عن الاكل فقال له عمر مايمنعك من طعامنا (كان يأكل خبز غير مطحون مع بعض الزيت )فقال حفص ان طعامك جشب غليظ وأنى راجع
لطعام لين قد صنع لي فاصيب منه..فقال عمر أترانى أعجز أن آمر بصغار المعزة فيلقي عنها شعرها (تسلخ)وآمر بلباب
البر (خلاصة القمح)ثم آمر به فيخبز خبزا رقاقا وآمر بصعاع من زبيب فيقذف في اناء حتى اذا صار مثل عين الحجن وصب عليه
الماء فآكل من هذا وأشرب هذا.(طبعا ده في زمنهم كان من طيب الأكل )فتعجب حفص وقال اني لاراك عالما بطيب العيش ..
فقال والذي نفسي بيده لولا أن تنتقص حسناتى لشاركتكم في لين عيشكم ولكنى استبقي طيباتى لانى سمعت الله تعالي يقول عن
اقوام :أذهبتم طيباتكم في حياتكم الدنيا واستمتعتم بها. ونحن اعلم بلين الطعام من كثير من آكليه ولكنا ندعه ليوم
تزهل فيه كل مرضعة عنما ارضعت وتضع كل ذات حمل حملها ..
ونواصل في سيرة الفاروق حتى نقف علي الفارق مابين حكم الاسلام في ايامه ومابين الحال الذي صار عليه ولاتنا اليوم
واستغلالهم لممتلكات وأموال الدولة مع ادعائهم لاحكام شرع الله واقامة حكم الاسلام .. وهذه القصة تعكس لنا مدى حرص
عمر علي ان لا يستغل حتى دابة من اجل راحته واشباعا لشهواته :
كان لعمر خادم اسمه يرفأ وكان عمر ذات يوم يشتهى سمكا قيرفأ رق لحاله واستأذن عمر وسافر ليلتين ذهابا وليلتين ايابا
الي أن جاء البحر واشتري سمكا ووصل وأخذ يغسل الدابة من العرق فراه عمر فقال له ماشأنك قال له سمعتك تشتهي سمكا فذهبت
واشتريت لك سمكا..فقال عمر عذبت بهيمة من البهائم في شهوة عمر والله لايذوق عمر ذلك ..
وذات يوم دخل عمر علي زوجته وقد أصابه الجوع الشديد فقال لزوجته أعندك شئ فقالت زوجته تحت السرير فجر تحت السرب فاذا
به تمر وماء فأكل من التمر وشرب من الماء ومسح بطنه وقال ويح لمن أدخله بطنه النار ..وكان عمر حريصا أن لايأخذ من أموال
أهل الذمة شئ فمر علي دهقان حاكم قرية من قري النصاري كانت تحت حكم المسلمين فلما رآه دهقان بقميصه المرقع جاءه بقميص
فقال لعمر البس هذا فقال له عمر أهذا من مالك فقال نعم من مالي فقال عمر هل خالطه شئ من أموال الناس فقال لا كله من
اموالى الا الخياطة أعطيته أحد رعيتى فخاطه لي فقال عمر أعذب آتونى بقميصي ..فخاف من الخيط الفي القميص لانه أخذ بغير حق ..
كان عمر كما اسلفنا شديد علي اهله فكان اذا نهي الناس عن شئ يجمع أهله وقال لهم أنى قد نهيت الناس عن كذا وكذا وان
الناس ينظرون اليكم كما ينظر الطير الي اللحمفان وقعتم وقعوا واذا هبتم هابوا يعنى اذا تجراءتم تجراءوا هم
واذا خفتم خافوا وانى والله لا اتى برجل منكم فيما نهيت الناس عنه لضاعفت لكم العذاب لمكانه من فمن شاء فاليتقدم ومن شاء
فاليتأخر.يعنى الداير يجرب حظو معاي (كدي اليخالفنى في مانهيتكم عنه )
ونواصل
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: بشير أحمد)
|
يا جماعة إنتو زعلانين ليه ؟؟؟؟
أول بوست ليهو إجيب دخل زي دا و قال عايزو إستمر لغاية 30 مارس يعني الراجل عايز كدا إنتو زعلانين ليه ؟؟؟
رغم إنو الناس كذبو العنوان كلو
بزخي طلعت كذبة
بت البشير طلع إنو البشير ذاتو ما ولد
الصور طبعاً طلعت مافي صور ( رغم إنو في واحد رمى ليهو صورة لكن إتضح إنها كذبة برضو)
| |
|
|
|
|
|
|
|
|
|
Re: صرف بزخي في عقد قران بت البشير (صور ليست للنشر) (Re: هجو الأقرع)
|
الاخوة الكرام ارجو الا تساعدوا عليه الشيطان
فصاحب البوست هجره ضمنا ومواربة
وملاحقته في غير طائل لاتجوز
وهورجل له ضمير وله منظور سياسي
واحيانا المنظور السياسي يغرق الضمير في ركامه واحيانا العكس
فلنتبل الى الله ان يقفز الجبلابي فوق كل ذلك من اجل الحق والحقيقة
| |
|
|
|
|
|
|
| |
Abdelmuhsin Said
احمد التجانى احمد
الشفيع وراق عبد الرحمن
هاشم محمد الحسن عبدالله
هجو الأقرع
معتصم مصطفي الجبلابي
osman abdala
ABUHUSSEIN
بشير أحمد
محمد حامد جمعه
Faisal Al Zubeir
El hadi A.bashir
طلال جبير جابر
Mubarak kunna
حبيب نورة
عبدالمجيد المقابل
فيس بوك
تويتر
انستقرام
يوتيوب
بنتيريست