القبض على عصابة نساء سودانيات بالامارات

Quote: يا أخ حسين معليش شوف ناس دولة الإمارات ديل عاملين ليهم قوانين محددة ومن حقهم ودي بلدهم ومفترض على أي شخص رضى وجا عندهم يخضع لقانونيهم دي حتى لو كانت جائرة والما عجبوا ما يجي مافي زول جبروه وأي شخص يخالف قوانينهم يتحمل عواقب كدا من قوانينهم أي أي شخص عاوز يدخل الدولة يكون عنده جهه تكفله والجهه البتكفله دي هي البتوفر ليه السكن والماؤى وتذاكر السفر ومسؤوله عن أحتياجاته طالما هو في الدوله والجهه البتكفله سواء كانت شخص أو مؤسسة لازم توافق على كدا قبل استقدام الشخص دا وما بسمحوا لشخص ما متوفرة ليه الحاجات والضروريات للعيش في الدولة بالقدوم ودا من حقهم وعندهم كتير من القوانين البتحكم تواجد الوافدين في دولتهم وهو ملزم بيها طالما هو موجود وهم بتعاملوا معاك بموجب قوانينهم دي بمنتهي الدقة بتحصل حاجات كتيرة وظروف لكل الناس مفترض عشان الشخص يراعي أنه يكون في وضع سليم أو يغادر الدولة وحصلت حاجات كتيرة السودانين ما قصروا وأهل الخير كتار وعارف حالات لجأءت للسفارة وتم مساعدتهم للعودة للسودان ، ومرات كتيرة السلطات في الإمارات بتتجاوز عن القوانين دي لو شافت أعذار مقبولة للشخص ووضعه لانو برضه وضعوا مرونه في صلاحيات منفذين القوانين دي وغير دا السودانين أهل الخير كتار وما بقصروا ويمكن اللجوء ليهم وبرضه من أهل البلد ناس الخير على قفا من يشيل وبرضه هناك جهات زي الهلال الأحمر بتقدم مساعدات وموظفيها متفهمين جداً وطريقة الحصول على المساعدات منهم سهلة وبسيطة يعني قبل اللجوء للسرقة هناك الف طريقة لحل ما قد يتعرض ليه الشخص وما أظن على حسب ما أعرفه أنه في شخص في الإمارات يسرق عشان ياكل أو ياكل اطفاله برضه لو افترضنا أنو ممكن شخص يسرق عشان ياكل وأو يحل مشكلة ما لقى ليها حل نقول شنو في البعربدو وبهلسوا وبمارسوا الصعلكة والتهتك

(عدل بواسطة حسين نوباتيا on 06-02-2010, 04:27 AM)