|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: بامر الشارع علي الاتية اسماءهم تسليم انفسم للميدان الاسفيري هنا. (Re: Bashasha)
|
مرحب بيك يا صديق
دواسك بعلى فينا حس الانسنه
تسعدنا جدا جغجغتك لنقار الوعى المخستق .. دوغرى وعديل
بس اسمع نصيحة وهبه
يا بكرى ساعدنا بتراجى
حسبت إتنين تمريره بينيه تنبئ بعوده قويه
ضقل بالجهال والحرفا او العاملين فيها حرفا ومتع روحك اول
عقبال عودة كل الاقلام الحبيناها ودبرست وإختفت ..ود جبرالله ، خدر،دكين وكبيرنا الذى علمنا التأدب عند الادب والحوار بأدب عثمان محمد صالح.
| |
 
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: فارس موسى)
|
Quote: Wael Bakhiet
يا سلاااااااااااااااااااااااااااااااااام ياخ
القائد العظيم كمال بشاشا شخصياً عاد للكتابة
مرحب بيك كتير وانشالله اقامة طويلة وكتابات اكتر عن هويتنا وتاريخ امتنا الزنجية رجوعك للكتابة حيخليني قاعد استاند باي في المنبر كل خمسة دقائق اعمل ريفريش عشان ما تفوتني ولا مداخلة من مداخلاتك البتضرب في صميم اعماق نظام دويلة النازية ..
رد · · منذ 13 ساعة |
العزيز وائل بخيت تحياتي،
تقديري لمشاعرك النبيلة، ونعم المرة دي جايي بي كوم مواضيع جديدة لنج من الورقة بالنسبة لي انا ذاتي لي روحي، فيما اتصل بي تاريخ ثقافتنا الكوشية.
من ذلك موضوع "الملانين" اي الMelanin اي المادة المسؤولة من سواد بشرتنا!
يا سبحانك، حقيقة كلام قهمني تب او شطب راسي لما قريتو للوهلة الاولي!
هذه المادة اتضح لي واخوك خريج اداب بعيد عنك، تمثل بالفعل سر الله في خلقه!
والاعجب علمت ان هناك حرب ضروس تدور رحها حول خاصية هذه المادة العجيبة البتميزنا احنا كقوم سود، لخطورتا بالنسبة للمحرومين منها، في صراع البقاء، بين الاجناس ونحن لاندري اي من هذا الي اليوم!
والاعجب علاقة هذه المادة اللصيقة بالطبيعة الروحانية للانسان الاسود في مقابل مادية القوقاذيين اي غير السودان، وعلاقتا ايضا بي مفهوم التلقي الكفاحي والمعرفة اللدنية في ارثنا الصوفي!
اخير اقيف هنا، وان شاء امون في الوقت المناسب ستناول هذا الموضوع بالاضافة لي حجر شبكا الموجود في المتحف البريطاني الاصبح كما الحجر الاسود، بتحج ليهو افواج ورا افواج، من امريكا وعبر الاطلسي الي لندن من اجل هذا الحجر!
فقط تخيل هذا!
نعم بقطعو التذاكر والمحيط عشان يتاملو ويدرسو هذا الحجر العجيب لي جدنا شبكة احد اعلام الاسرة 25 الفريدة في تاريخ ابنتنا البكر كمت "مصر"!
معزتي.
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: Bashasha)
|
اميرنا الكوشي
انت النورت فعلا هذا المكان الكان بقي مضلم من غيرك.....
وانت خير من يعلم كم انبح صوتي وانا اناديك.....
المهم يبدو ان خاطر اطفال شوارع بلادنا عندك هو الاقيم وهذا هو المهم.
شكرا لك ان عملت بجد لاجل عودتي
وانك حاولت نفخ الروح فيني مجددا....لانه الحزن كان كبير بحق
ليس حزنا علي غياب الباس ورد ولا خيانة صاحب المنبر واستهتاره بنا وبعطاءنا ومواقفنا الناصعه تجاه شعبنا.
وانما الحزن الحقيقي كان تباطوء المدعين بالعمل من اجل التغيير ان يسرعوا من وتيرة العمل
ايا كانوا (حركات مسلحه) او (قوي اجماع او غيرهم....
اما وقد حسم صغارنا امرهم
وتسلح اهلنا بايمانهم لمواجهة السفاحين القتله الناهبين لقوت شعبنا
فلا خيار امامنا الا ان نلبي النداء.....
ومعا من اجلهم...ولتكن ثورة حتي النصر.....
شكرا اميرنا الكوشي
وشكرا لكل من سال عني.
و اعتقد جميع من سالت عنهم موجودين وباس ورداتهم فاعله فقط ربما هي المشغوليات
الا الرفيق (عمر علي) فهو قد فارقنا بلا امل علي عودته .
نتمناك اخي (عمر علي) ان تعود وتتواصل مع شعبنا من اجل ما شحذت كي بوردك سنينا طويله.
أعود لدعم ثورة الجياع...وانها لثورة حتي النصر!
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: Tragie Mustafa)
|
Quote: Rsheed Alsir · UofK News
استاذ بشاشا: حبابك كثيرا ما الجأ لي مكتبتك للاستزادة من المعلومات عن ارثنا الافريقي في وادي النيل.
المافهمتو ليه توظف تاريخنا وازثنا لاسناد مشاريع سياسية ضد اخري والاتنين (معارضة و نظام) نتجوا من توهاننا عن هويتنا وتاريخنا الحقيقيين؟!!! |
العزيز الرشيد السر تحياتي،
سؤالك اعلاه كبير وملاحظتك دقيقة.
نعم معارضة ونظام نتجو من تيهنا، والاتنين شايلين ذات فيروز مرض فقدان الهوية، ولكن ما بي ذات الدرجة والمفتاح هنا!
حركة التاريخ في اي مجتمع بتكون بالغريزة اي الوعي المركوز في لاشعور افرادا!
يعني احنا من بعد سقوط دنقلا تدحرجنا الي هوة عميقة قاعا كان في 1821م.
مع المهدية بدينا مشوار العودة لي فوق للسطح.
والان المحلي داخل سنار زي ماتقول اي السلطنة الزرقاء.
نعم اتوقع عودة قوية للتصوف علي انقاض ارث المرتد ابن ابي السرح او الاسلام السياسي، بعد ذهاب شيطان الجرة هذا الي الجرة!
ده كلو بالغريزة والوعي المركوز في اللاشعور، تماما زي سواقة العربية والزول سارح في عالم تاني!
اذن المعارضة بالذات الشايلة السلاح وان كانت عميانة ايضا، ولكن بالعكاز شغالة بتدقّش كايسة الطريق يمين شمال!
هذا كلو طبيعي وهو المتوقع في اي مجتمع.
اذن زي كلامنا ده عن ارثنا الحضاري اللي الان اضحي تيار عام جارف علي مستوي العالم الاسود كلو تقريبا، بما في ذلك سود العالم العربي في السعودية، في فلسطين، العراق، واليمن!
لما القا فرصة حاجيب فيديوهات من اليوتوب تؤكد هذا، وحتشوف كيف سوداني اليمن بيهتفو لا ل"التهميش" لسود اليوم هناك في اليمن!
نعم في اليمن بيستخدمو الان ذات ادوات خطاب التحرر في السودان!
نعم هناك قراء من داخل السعودية من بين صفوف سود السعودية بتابعو ما يكتب هنا في سودانيزاونلاين عن تاريخ السودان القديم متابعة لصيقة، باعتبارو يعبر عنهم هم من حيث الهوية وهذا فتح!
ربما ما كان مفروض نخوض في هذه الاشياء ولكن للخوض ايضا مردود عالي جدا!
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: Bashasha)
|
الاخ العزيز بشاشا لك التحية و التقدير و مرحبأ بالعودة في هذا الوقت الدقيق من لحظات الثورة السودانية
شكرأ لك علي هذا النداء النبيل ..بالنسبة لي كان هناك شبه توقف عن المشاركات في المنبر الا قليل
من المشاركات هنا و هناك و هناك بعد الأسباب لهذا الامر و منها العمل و المشغوليات الأسرية
لكن سنظل نرابط معكم هنا في هذه الأيام المجيدة من تأريخ الثورة السودانية ..
و أضم صوتي لعودة كل الأقلام التي ذكرتها و أضيف اليهم انور آدم و عادل خميس
و بكري عبد الله و عثمان دريج و عمر ادريس فجراوي و حسام يوسف و شرف الدين
اسماعيل و بكري الجاك و محمد النقرو و معتز تروتسكي و أخواتي رجاء العباسي
و هدي (تارا) العباسي و عيسي الطاهر و عبد الكريم عبد الله (كريمو) وكل الأقلام
الوطنية الشريفة التي جعلت للنضال معني في هذا المنبر و غابت عن الذاكرة في
هذه اللحظات فتحية لك و تحية للكنداكة تراجي بالعودة المجيدة مرة اخري
فمكانكما لا زال شاغرأ
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: Bashasha)
|
Quote: Aati Badri
كمالنا مرحب بعودتك ......اذكر على ايامك الاولى بهذا المنبر كان لك صديق فردة نسيت الاسم
كثيرا ما كنتما تتحدثان عن المركزية الافريقية بالله حاول رجعه
كما ان فقدي شخصيا لكتابات علي عمر وذكائه لا يعوض
وكذلك الثائرة رودا ورغم ما ثار حولها من لغط لكني افتقدها كل يوم
رد · · 26 سبتمبر، الساعة 02:07 مساءً |
Aati Badri
مرحب بيك،
الاخ المشار اليه كان بكتب هنا بي اسم طناش. يبدو لي رحل منبر ناس بولا ونجاة وهناك بكتب بي اسم ياسر عبيدي او ماشابه.
بالنسبة لي عمر علي، فهو فقد كبير من ما فات تاني ما جا بي جاي.
نعم رودا اثير حولها لقط باعتبارا خالد كودي ذات نفسو!
معزتي
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: Bashasha)
|
| Quote: نكتة اليوم: السودان ، حسب قنوات النظام ، اصبح عاصمة السادة الأشراف العباسيين الهاشميين..(ذكر الكلام في احتفال تدشين كتاب تأريخ ما اهمله التأريخ)...فتأمل..!!! |
قرقرقر!
سلام ياكبر ومشتاقين،
تابعت الفلم ده من الخارج او بكيت لمن ضحكت من الحال الوصلنا ليهو كقوم سود نكره من نحن حد الموت.
حقيقة مؤلم منظر واحد من نوري في اقصي الشمال نواحي مروي ايوا مروي، يرمي الفي يدو او تحت كرعيهو من عز، مجد، وتاريخ، عشان يتسول مجد مستعبديه الاعراب!
وماهو اسهام العباس الحضاري مقارنة بي ملوك الزمان المدفونين في نواحي نوري، حتي يتمسح به هؤلاء بهذه الصورة المذلة، المهينة لادميتنا، المخجلة حد البكا من فرط الضحك؟
كل ماهناك اننا نعايش حالة غيبوبة وفقدان وعي، ابلغ تجلياتو هو النظام الحالي او مشروعو الاستلابي.
الغريب ملوك نوري، الحكمو العدل، في الوري زمنا علي قول العطبراوي، وقد بسطو سلطتم علي اليابسة تقريبا او مرقوها لي جنوب اوربا ومعظم اسيا حينها واعادو مجد اجدادم في "كمت" اي مصر، واشتهرو بالفلاح والتقوي، واعادو الدور الريادي للمرأة كاكبر عصر استنارة في التاريخ، دورم كان هو الاكبر.
التوراة صيغ في الزمن داك وعشان كده تاثيرم الكبير واضح في هذا الكتاب المقدس، او دورم كان اساسي وكبير في وضع لبنة حضارة اليوم الارية، كعامل خارجي وهذا كلام يهود اليوم تحديدا او مش كلامنا.
الناس من امريكا بقطعو المحيط عشان يزورو او يدرسو حجر الملك "شباكا" الموجود بالمتحف البريطاني، واهلنا في نوري يسوو العباس!
نظرية انشتاين بتاعةunified field theory الان اعادوها لهذا الحجر!
بعد ده واحد زي النقروفوبك ع.ع. ابراهيم رئيس الكتاب جميعا، مصر انو جدو العباس، وهو "استاذ" تاريخ افتراضا!
لاحظو في ده كلو المسؤول من ارث شباكا في السودان، كوزير اثار واحد وهابي!!
اه يا بلد!
وقطر هي الحتدرب كوادرنا في هذا المجال!
خلوني ابلع الريق يااخوانا!
يالسخرية الاقدار بحق!
اخير اقيف هنا!
حقيقة عيوني دمعت قصبا عني!
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: Bashasha)
|
Quote: ياخي والله دي فعلاً أيام تاريخية
عودة الصنديد بشاشا وبتباشير انتصار شعبنا
ولو أني وأخد في خاطري شوية لكن ده ما وقته
كل الجهود الآن خلف ثورة شبابنا في كل بقاع بلادي
وبوجود اميرنا حتماً سيشتد إوارها |
العزيز امين علي الشيخ تحياتي،
اها لازم تورينا ليه ماخد في خاطرك، لوعندنا خاطر عنك.
حاكون في الانتظار وما حانسي.
معزتي.
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: Bashasha)
|
Quote: بشاشا،
أولاً قبل ما نسلم عليك نقول ليك العرب دخّلوا أجدادكم في جحر ضب .. أنت جاى تسوى ليك ريش .. أنا بريمة دا مستعد أمعطه ليك في أمريكا هنا .. خليك من ناس السودان. |
قرقرقر!
يا حليلك يابريمة!
مصيبتك في الدنيا دي، مصايب!
علي التعتر ليك اقدارك جابتك امريكا!
نعم كل مايصبح صباح، كل ثانية من كل دقيقة من كل ساعة، في حياتك في الدنيا الجديدة، بتذكرتك بي حقيقتك كذنجي، ايها الكاره لذاته الذنجية!
نعم كل ما ولع او لهلب لهيب، وحيح، فحيح هذا الوعي المطمور في الجوف يا بريمة بحكم وجودك في امريكا، انتا تروح مكنكش في الوهم اكتر واكتر، شغل مكابرة او خوف، بل فوبيا، من الزويل البتاوق ليك كل صباح، في المرايا، وانتا تحلق في الدقينة، قبل ما تمشي الشغل!!
الفوبيا ظاهرة فريدة بحق!
مرة في التلفزيون جابو وحدة بتخاف من الجذر!
ايو وحاتك الجذر او البنجر!
اها لما يجيبو ليها جذر الجن ده، "الولية" لمن يغمي عليها من الرعب!
من شنو؟
من حتة جذراية!
عييييييييك!
اهو ده حال امثالك مع جذراية الذنجية!
والمصيبة انتا في امريكا من دون كل بقاع الارض حيث تاريخ الصراع المرير والطويل مابين البيض واهلنا الذنوج، بما لايتيح لامثالك اي فرصة اطلاقا يضارو فيها متشبثين بي وهم انهم عرب مثلا، كما هو الحال في رهيد البردي، حيث مافي زول زاتو شاف العربي شكلو كيف اصلا!
قاتل الله الفوبيا ياخي وربنا يفك اسرك!
محبتي.
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: Bashasha)
|
| Quote: تعرف يا فقيري ...من كتابات اخينا ده هنا مشيت افتش في كتب التاريخ ... وغزوات الهسكسوس لمصر و ارض النوبه العليا ..عن اصول الزعيم الفيتنامي ابن الابالسه العم هوشــي منــه..لانو جاني احساس شبه اكيد .- في الغالب لا يخيب انو نوبي- |
العزيز Holoy تحياتي،
الاصل السوداني للحضارة ما مزاح وانما حقيقة وواقع معاش.
ناوي اتناول تاريخ كوش في شرق وغرب و جنوب اسيا باذن امون.
تحديدا جنوب الجزيرة الكوشية المسماة عربية، وهذا لما نتناول موضوع الاصل السوداني للاسلام، وكذلك الهند وايضا الصين.
نعم الاباء المؤسسين لهذه الحضارات كانو كوشيين!!
لذا فيتنام الي اليوم فيها سود بيشبهو اهلنا في الجبال!
نعم وحتي القرن ال9ميلادي، بوذا كان بيرسم في فيتنام في هيئة نوبي من جبال النوبة!
لانو بوذا سيد الاسم الاصلي كان كوشيا اي نوبي، فر بدينه مثل الكثيريين بعد سقوط "كمت" كنتيجة لهزيمة ترهاقا اللتي غيرت مجري التاريخ كلو، ليجري من الشمال والي الجنوب للمرة الاولي في تاريخ البشر علي سطح هذا الكوكب!
نعم قبلها مجري التاريخ كان هو ذات مجري النيل، من الجنوب والي الشمال!
زي ما قنا تلك المرحلة اي فترة الاسرة 25 الكوشية السودانية، هي اللي صاغت ووضعت الاساس لعالم اليوم بي شكلو الحالي تقريبا!
نعم كل ديانات اسيا الحالية تبلورت في تلك الفترة، وهي اصلا كلها ماخوذة من ديانة التوحيد المروية.
نعم والتوراة ايضا صيغ في تلك الفترة، وهي ذات الفترة الوصلو فيها قدماء السودانيين لامريكا!
معليش للاسف الناس بفتكرو كل هذه مبالغات واساطير، ولكن هذه حقائق تاريخ من الصعب علي وعينا الحالي يستوعب كلام عجيب كهذا!
الغريبة من دون كل رموز حضارة كوش نحن اليوم نتغني باسماء ورموز تلك الحقبة، كبعانخي وترهاقا، من دون ما نعرف ده كلو عن هؤلاء الاساطير بحق وحقيقة!
انا ذاتي لي روحي كتير بتعجب، هل نحن فعلا المعقدين من اصلنا نتسول هوية الاخرين، احفاد هؤلاء العمالقة، الافذاذ؟
ياالهي!
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: Ahmed Alim)
|
Quote: مرحب بيك يا اخ بشاشا
والله الواحد مختلف معاك 180 درجة
لكن بنحب مكاجرتك وردودك الصادمة للمستلبين والجلابة ومن لف لفهم |
العزيز قسم الفضيل مضوي مرحب بيك.
عارف 180 هو الضبط المطلوب لاقامة الارضية المشتركة، او بي كده "الحوار" بكون ممكن!
نعم 180 هو نصف او قطر الدائرة وهو كل المطلوب لانجاز مشروع الحوار!
اقلا من كده طوالي كقاعدة بيادي للدواس!
اخوك بعدي يومو خنق زي اهلو الجعل، فكرك ليه؟
نعم غياب الارضية المشتركة اي المشترك بيني وبين خصومي اقل من 180 درجة!
طبعا لكل قاعدة شواذ.
نعم البعض وبي اقل من 180 درجة من حيث التوجه او طريقة التفكير، ممكن يكون بينا او بينم "حوار" بدل دوس، لاسباب اخري متعلقة بالتجانس من حيث الشخصيات والطباع وما شابه.
من جانبي ارتاح جدا للناس الدغريين بغض النظر عن التوجه وهذه ممكن تشكل ارضية مشتركة!
واخرين يمتازون بشرف الخصومة، وهي من اخلاق الفرسان، هذه ممكن تكون ارضية نلتقي عليها وهكذا.
معزتي.
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: Bashasha)
|
عزيزي القارئ،
عدد من القراء والمعارف اتصلو يي بخصوص الدرس المستفاد من هذا الخيط، والطبيعة المتسامحة لشخصية السوداني بعيدا عن الاثر الكارثي المدمر، الساحق، والماحق، لدويلة الاسلام الوافد والدخيل.
كثيرين ممن اتصلو بي ابدو اعجابم بترحيب بعضا من الد خصومي في هذا الفضاء، لشخصي، وهذا درس بالنسبة لي اعد ان انهل منه ما استطعت الي ذلك سبيلا.
وهو درس بالنسبة لنا جميعا، عسي ولعل يا انسان السودان تعرف قدرك!
رحم الله امرئيا عرف قدر نفسه، حكمة، دعوة، ومبدأ معرفي، عرفاني كان مكتوب علي جدران معابد اجدادنا منذ الاف السنين، وان وصلنا معبأ في شكل حديث وماشابه، كالكثير جدا من تعاليم اجدادنا، اساس الاعتقاد والدين علي سطح هذا الكوكب.
فعلا لاجديد تحت الشمس، حتي في مجال "العلوم الطبيعية" بي منطوق الفهم الغربي للمعرفة طبعا!
نعم ناسا بجلالة قدرها، اي وكالة الفضاء الامريكية، اجبرت للذهاب الي مالي والجلوس بين يدي اهلنا من الدوقون، اولياء امون-رع الصالحين الزهاد العباد، كاي تلميذ نجيب!
الا رحم الله شعب السودان، والهمه معرفة بارثه المفعم، مترع، ومشبع روحانية، وذلك باعانته علي استعادة وعيه الكوشي الروحي، المغيب تحت ركام رماد وعي الاستلاب الاسلاموي العروبي، المادي، التجثيمي والنصوصي!
امووووووووووووووووووووون!
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: Bashasha)
|
Quote: الأخ الأستاذ / كمال بشاشا
فرحت لعودتك لهذا الموقع الجامع. وأضيف كما قال بعض من سبقوني هنا- أننا نعيش هذه الأيام مرحلة حاسمة في تاريخ أمتنا نحتاج فيها لكل الآراء. ربما تتقاطع آراؤنا هنا وهناك في أطروحة الهوية مثلا.. لكن هذا لا يعطيني الحق ولا يعطي غيري أن نفرح لغياب أحدنا عن هذا الموقع وفي مثل هذه الظروف بالذات. أشهد الله أنني فرحت لعودتك ، لأني أومن بالمقولة التي تذهب إلى أن نصف رأيك عند أخيك. مرحبا بك مرة أخرى ومرحبا بكل ما تقوله فينا وفي غيرنا من مخالفيك الرأي...فهذا في حد ذاته هو ما ينبغي أن يكون عند كل الشعوب المتحضرة.
وألتمس مع آخرين من الأخ المهندس بكري ابوبكر عودة الأخت تراجي (أم حازم) وآخرين بأسرع ما يكون. بشاشا.. طاب المكان بعودتك ..وأهلا بك وسهلا. |
العزيز استاذنا فضيلي جماع،
تقديري واحترامي لمشاعرك النبيلة، وياها المحرية في امثالك.
نعم هي مرحلة مفصلية، ولكن الاغلبية في تقديري لم تقدر ما انجز حتي الان حق تقديره، ولذا هناك من اصيب بالاحباط سلفا وهذا قصر نظر، لانو المواجهين بيهو ماشيتن ساهل اطلاقا.
هذا لايعني ان لنظام القتلة قوة ايا كانت ومن اي نوع، ولكن اعني البرزخ الحالي اي المنزلة ما بين المنزلتين علي مستوي الشارع والفرد العادي وبالذات ما فوق ال30 سنة!
نعم بينما العمر الافتراضي للدويلة ذات نفسها انتهي سلفا وقبلها النظام مشروعو سقط حتي في مكان ميلادو اي ديار الخديوية، سقوط مدوي، فمشروع البديل وان ولد في الايام الماضية، فهو للاسف رضيع او ما قدر الحمل العليهو او الامال المعلقة بهذا الرضيع!
المؤلم في دا كلو هو اداء الجبهة الثورية المخيب للامال ومثبط للهمم حقيقة وهي للاسف ماقدر الطموح!
حتي الان هي لاتملك مجرد منبر اعلامي وقبلها بل مجرد خطاب قوي متماسك للاسف الجبهة ماعندها!
رغم الثمن الفادح المدفوع سلفا، والثمن الافدح المتمثل في تفكيك جمهورية السودان المتوقع لو استمر هذا الفراغ الناجم عن القصور في اداء الجبهة الثورية!
كان الله في عونا حقيقة لاننا حقيقة بلا وجيع لاننا ركلنا اهلنا الافارقة، متشبثين بغزاتنا العرب، وها هم الاتنين ومعاهم الغرب والشرق مكتفين بالفرجة علينا!
والتسوي بي ايدك، فعلا يغلب اجاويدك!
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: Bashasha)
|
Quote: هاك يا محرر العبيد ..
شوف دي تراجي البتنادي فيها .. عاين ليها طلعت اوعى منك كيفنها .. وانت جاي شابكنا العرب والجنجويد .. وعايز كمان تعمل ليك ثورة كم قيقا كدا دا عشان تطلع بيها الناس من السودان ..
والله يا تراجي عفارم عليك .. انا كل مرة بقول انك سابقة بشاشا دا في الفهم بي مليون سنة ضوئية .. |
تمبوشي مرحب بيك. ليك وحشة!
عزيزي القارئ:
هنا عدد من الزملاء مافي بينم او بينم غير الخصومة الفكرية ولكن لما ابعد من هنا، بذكرم ماعارف ليه!
من هؤلاء،
*تمبوشي اكثر عضو بيكتب "بشاشا" في المنبر ده! بالذات لازمة "عزيز بشاشا القارئ"!
*ناذر الخليفة مع اني درشتو درش الجن مرة واحدة فقط!
*عبدالرازق الطالب، رجل عزيز علي مادون ما اعرف ليه!!
ربما لانو انا او هو بنعز خليفة المهدي شديد عليه السلام.
*اساسي، برضو درشتو درش العيش بالمرحاكة مرة. ولكن للرجل قدرة علي السخرية اللاذعة.
*حيدر الزين، احيان كتيرة بنتلاقا في بعض النقاط.
*الظلامية بيان! حقيقة بقرا ليها بالدس، فقط عشان اللغة!
| |
|
|
|
|
|
|
|
|
|
Re: بامر الشارع علي الاتية اسماءهم تسليم انفسم للميدان الاسفيري هنا. (Re: Bashasha)
|
Quote: ههههههههههههههههههههههههههه
ودعناك بابيات أم عمرو ونستقبلك بنفس الحمار .. أقصد بنفس الحماس!! والله ليك وحشة يا بشبش ... الغريبة قبل يومين اتذكرتك لما احتكيت بخالد بوبي الزناجري والمناضل المصلحجي
ياخي بوصيك ... حاول اضبط اعصابك وخليك كووول الزي ناس هباني ديل ناس مونساتية ساي كونو ينجح ويخليك تطلع من طورك دا معناتها انك قاعد ساي ولا تصلح حتى لان تكون فار تجارب في معامل وهبة المهم يا زول بنخليك بومبن تلاتة تجر نفسك وبعد كدا بنجي نعمل ليك التفتيش الدوري المعتاد
خخخخخخخخخخخخخ |
قرقرقر!
سلام ياوهبة ومشتاقين،
اها نسيت اضيفك للقائمة اعلاه بتاعين الناس البكونو في البال والواحد بعيد رغم انو مافي اي قاسم مشترك من حيث الاهتمامات والتفكير.
بالنسبة للاضراب السابق بتاعي السبب كان الادارة وليس هباني، لانو جديد هنا، وهباني ولاشئ بالنسبة للمعارك الخضناها هنا في هذا الفضاء لاكثر من 10 سنوات، ومستوي الخصوم.
شلوم.
| |
|
|
|
|
|
|
| |
ناذر محمد الخليفة
Bashasha
HAYDER GASIM
محمد الجزولي
فارس موسى
Tragie Mustafa
سلافة الصديق أبو ضفيرة
Hashim Badr Eldin
محمدين محمد اسحق
Adel Mohammed Abdulrahman
Zakaria Joseph
Mohamed Foto7li
أمين محمد سليمان
Muhib
Ahmed Alim
فيس بوك
تويتر
انستقرام
يوتيوب
بنتيريست