|
|
 الـــنـجـعـة
|
لقيتو قاعد جنب باب الشقة حقتو...جنبو انبوبة غاز......متفن في واطة الله..... سلمت عليهو....ازيك يا اخينا.....مالك قاعد هنا؟.......عاين لي... وهو ياشر بايدو للشقة....وقال الشقة مقفولة وانا ماعندي مفتاح..... المفتاح جوا......اصلها عواطف قاعدة جوا....لكن متحننه.....وما دايرة تقوم تحوم وتخرب حنتها......قالت لي انتظر لحدي ما الحنة تشيل...واخرتها..وبعدين اجي افتح لك الباب......اهه انا حسي قاعد وراجي الحنة تشيل......لكن يا جنى الحنة بتشيل في كم ساعة؟.............عاينت ليهو....وحقيقة شفقت على هذا الزوج الاليف..الوديع....الذي ابدع الفكي بتاع محاسن..في ان يخلق منه نعجة....وقلت ليهو.....والله يا اخينا شيل الحنة ومدتو بيعتمد على عوامل كتيرة...لكن اهمها...نوع الحنة...نوع المحلبية او الصبغة....واهم حاجة كرعين المرا المتحننة.....كل ما كان ناعمات ..الملمس....كل ما كانت المدة اطول....وبرضو بتعتمد اذا كانت الحنة منقوشة...ولاّ..مفروشة ومجلوطة ساكت.....وبرضو طبقات الحنة...ليها دور...... انتهيت من نضمي وعاينت ليه.....لقيتو الهم باين على وشيهو....وعلى وشك ان يزرف الدمع الثخين..قال لي.... تعرف الحنة نمرة واحد جايانا مخصوص من الدامر....والمحلبية ميسو الاصلية. ما قاعدة تستعمل صبغة عندها حساسية الله يحفظها من عين الناس...و بطن كرعين عواطف صلاتي علي النبي...جضوم ليلي عليوي وداخلات في سفنجة... يعني بي نضمك دا حنتها عشان تشيل دايره لها تلاتة ساعات.....وانا ماشي الشغل.....كيف الحل؟..قلت ليهو ...طيب يا اخي كلمها...وخليها تفرتق الحنة وتقوم تفتح لك الباب......عاين لي وبانزعاج وغضب... نهرني لمن نطيت.... يا زول انت ماك نصيح......؟ داير حنتها تخرب...وتطلع شينة...والنسوان يقعدن يقارصن ويتونسن فيها؟....يا اخوي كل شي ولا زعل عطوفتي دي....ان شاء الله يرفدوني...بس هي حنتها تطلع سمحة..................واتلفت على باب الشقة وقعد يكورك.. يا عواطف...عواطف.... ما شالت؟......وجاء صوت من لداخل..... وكأنو صوت عسكري فس الحركة......وبحدة شديدة ....قالت ليهو.....ما قلنا لك لسه..... كرهتني الحنة زاتها يا اخي.....زولي هنا... قعد يبلع في ريقو..ويضاحك....وعاين لي وقال....والله.... الله يهديها بس.... عصبية خلاص......الا طيبة...... والله.... وحنينة.........
لملمت بعضي.....ونزلت وانا ما مشيت تلاتة خطوات الا واسمع اخونا يغني.......ويدندن
الزول السمح............فات الكبار والقدرو
كان شافوهو ناس نوع دا..... كانو يعزرو
|
|
 
|
|
|
|
|
| العنوان |
الكاتب |
Date |
| الـــنـجـعـة | سجيمان | 07-17-03, 06:17 AM |
 Re: الـــنـجـعـة | انور عمر | 07-17-03, 09:06 AM |
| Re: الـــنـجـعـة | سجيمان | 07-17-03, 09:25 AM |
| Re: الـــنـجـعـة | shiry | 07-17-03, 10:19 AM |
| Re: الـــنـجـعـة | مهاجر | 07-17-03, 10:27 AM |
| Re: الـــنـجـعـة | سجيمان | 07-17-03, 06:18 PM |
| Re: الـــنـجـعـة | سجيمان | 07-17-03, 10:32 AM |
| Re: الـــنـجـعـة | انور عمر | 07-17-03, 11:34 AM |
| Re: الـــنـجـعـة | بدرالدين شنا | 07-17-03, 01:55 PM |
| Re: الـــنـجـعـة | abuguta | 07-17-03, 07:09 PM |
| Re: الـــنـجـعـة | سجيمان | 07-18-03, 08:34 AM |
| Re: الـــنـجـعـة | سجيمان | 07-18-03, 06:41 AM |
| Re: الـــنـجـعـة | woroorrook | 07-17-03, 06:50 PM |
| Re: الـــنـجـعـة | سجيمان | 07-18-03, 04:15 PM |
 Re: الـــنـجـعـة | nasiradin | 07-17-03, 10:58 PM |
 Re: الـــنـجـعـة | aboalkonfod | 07-18-03, 06:39 PM |
| Re: الـــنـجـعـة | سجيمان | 07-19-03, 06:02 AM |
| Re: الـــنـجـعـة | سجيمان | 07-19-03, 00:38 AM |
| Re: الـــنـجـعـة | HOPELESS | 07-19-03, 01:51 AM |
| Re: الـــنـجـعـة | tasneem | 07-19-03, 02:41 AM |
| Re: الـــنـجـعـة | aboalkonfod | 07-19-03, 06:50 AM |
| Re: الـــنـجـعـة | ابو جهينة | 07-19-03, 10:16 AM |
| Re: الـــنـجـعـة | سجيمان | 07-19-03, 09:40 PM |
| Re: الـــنـجـعـة | tasneem | 07-19-03, 02:05 PM |
| Re: الـــنـجـعـة | سجيمان | 07-20-03, 07:40 AM |
| Re: الـــنـجـعـة | سجيمان | 07-19-03, 05:06 PM |
| Re: الـــنـجـعـة | aboalkonfod | 07-20-03, 09:32 AM |
|
| |
سجيمان
فيس بوك
تويتر
انستقرام
يوتيوب
بنتيريست