|
|
 شـــنــــب و دقـــن.........حــــاجة تجــنـــن
|
علي مهدي..... عندو مسلسل....في التلفزيون اسمو العرضحالجي..... علي مهدي..... مربي شنب وتلاتة ارباع دقن.....ولاصقهم في بعض.... وبينن....اختفى الخشم كلو كلو.....لما يجي يتكلم....حرف الضاد.. يمر برحلة مضنية مرهقة... تقصر عمرو .... تخليهو....يتهرد...و يفقد كل مقومات الضاد. ويصل لي اضانك نون...لانو بتلاقيهو احراش وغابات..من الشعر الكثيف.... شلاليف ما في خالص....... وحمدت الله كثيرا...انو ربنا ما قسم لي اتغدى معاهو ويكون الغدا ملوخية.....لاني حاشوف..العجب العجاب..... ولما ينتهي من الغدا بدل ما يغسل ايديهو حيضطر يستحمى.....وبي شامبو كمان.....وانا مندهش كيف بيشرب الموية.؟.... الا كان بيستعمل صبابة.......قعدت اتفرج عليهو....النصيحة ليك يا الله من بداية الحلقة لي نهايتها...انا ما عارف الحلقة عن شنو......لكن بتفرج في شنب وتلاتة ارباع دقن علي مهدي..و ولدي كل دقيقة يسألني دا منو؟ وخشمو وينو؟ قلت للولد دا ما عندو خشم يا ولدي..... دا بياكل بالامتصاص... يعني يملو ليهو الاوضة كلها ملاح لي عينا....وهو يملص ويغتس فيها...ويجي مارق بعد نص ساعة يكون شبع طب...اما ناس الطورطا والجلي..ديل بيتمسح بيهن....... ممكن مطرب يعمل في نفسو كدا.....ممكن رسام يعمل كدا....لكن ممثل..ما جاية عليهو..
زمان اتفرجت عل علي مهدي في مسرحية هو وهي.....كان في قمة الابداع....لكن حسي يخربو.... يمثل كأنو مجبور عليهو.....يمثل بطريقة مفتعلة وبايخة جدا.....وانا بقترح على علي مهدي.. يطلق التمثيل والمسرح.... يمشي يفتح لو دكان في الابيض.....ويربي شنبو ودقنو براحتو...وان شاء الله يصدر منهن لخارج الوطن......
لو اصر على التمثيل..دور واحد بس بينفع معاهو......انو يكون في دور زول مراسي... يعني بتاع مرايس.....يتفرجخ في البنبر...وبعد ما يجغم عبار المريسة.....يقش صوفو المالي وشيهو دا بي طرف عراقيهو.....وبعد عبارين تلاتة يخلف كراعو ويخت ايدو الشمال في اضانو الشمال ويقعد يدوبي.........
ست البنات جات مارة....... بالعصرية
الشعرها هاي وي....وعيونها... كورية
ووووب..و....كُر علي امها...وكُرين عليّ
خلت ...قلبي ... يقسّم...زي مكنة العربية
............................وباااااااااااااااااااااااااااع اووووووووف....ارقد يا عيش انا جرابك!
|
|
 
|
|
|
|
|
| العنوان |
الكاتب |
Date |
| شـــنــــب و دقـــن.........حــــاجة تجــنـــن | سجيمان | 07-30-03, 01:59 PM |
 Re: شـــنــــب و دقـــن.........حــــاجة تجــنـــن | خالد | 07-30-03, 02:36 PM |
| Re: شـــنــــب و دقـــن.........حــــاجة تجــنـــن | سجيمان | 07-31-03, 00:49 AM |
| Re: شـــنــــب و دقـــن.........حــــاجة تجــنـــن | Shao Dorsheed | 07-30-03, 06:49 PM |
| Re: شـــنــــب و دقـــن.........حــــاجة تجــنـــن | سجيمان | 07-31-03, 06:54 PM |
| Re: شـــنــــب و دقـــن.........حــــاجة تجــنـــن | abuguta | 07-31-03, 07:04 PM |
 Re: شـــنــــب و دقـــن.........حــــاجة تجــنـــن | aboalkonfod | 07-31-03, 08:00 PM |
| Re: شـــنــــب و دقـــن.........حــــاجة تجــنـــن | سجيمان | 08-01-03, 07:33 PM |
| Re: شـــنــــب و دقـــن.........حــــاجة تجــنـــن | سجيمان | 08-01-03, 02:12 PM |
| Re: شـــنــــب و دقـــن.........حــــاجة تجــنـــن | مريم بنت الحسين | 08-01-03, 11:06 PM |
| Re: شـــنــــب و دقـــن.........حــــاجة تجــنـــن | سجيمان | 08-02-03, 03:43 PM |
 Re: شـــنــــب و دقـــن.........حــــاجة تجــنـــن | OmDur | 08-02-03, 01:40 AM |
|
| |
سجيمان
فيس بوك
تويتر
انستقرام
يوتيوب
بنتيريست