|
|
 الفريق النسـائي السوداني.......لكرة القدم
|
هذه سكينة حامداهو...تحيكم من استاد الخرتوم...وتنقل لكم مباراة فريق نسوانا القومي ضد فريق نسوان مصر القومي....الكورة عند فريقنا.... عزيزة سُكسُك... الظهير الايمن ...تشوت شوتة طويله.... تستلم الكورة زينب غنمي.... زينب غنمي طالعة بالكورة...وتباصيها لي مريم الراجل....مريم الراجل طويلة لي سميرة العمارات... سميرة العمارات تشوت في القون... الله الله الله ا... شوته باردة يا سميرة....عاد يا بت امي بالغتي عديل كدي.... ما عندك أي عزر...الوحيدة المطهره طهارة سنه في الفريق دا.....مالك ما بتشوتي زي الناس؟..... شايفه.... سعدية ليمونة...رافعه ايدها للحكم..... ايوا ..ايوا.....الحكم يتكلم مع سعدية..... يهرج معاها شايفاهو..... يا اخواتي الراجل دا فقر خلاس.... مالو بي ينهر في مرة الناس... شايفه واحدة من الادارة شايله شافع وداخله الميدان..... وسلمتو لي سعديةليمونة....سعدية ليمونة تتفرجخ في الواطة....وتمرق شطرها الايمن وترضع الشافع حي يا يمة الشافع قلبو اتقطع من الجوع..... اجي اجي اجي الحكم يرفع كرت احمر لي سعدية..... اجي اجي اجي يا بنات امي المرا قبيل قالت دايرة تمرق ترضع ولدها وترجع...وسمع اضاني الشافع داير يتفقع من البكا..تجي حسي تطردها والله جنس تحكيم.؟غايتو قادر الله في حُكامُو.. سامعه الجماهير تهتف ....تحكيم فاشل تحكيم فاشل.. تستأنف المباراة......الكورة عند الجناح الايمن للفريق المصري.... سوسو العتبة.....والله يا اخواتي حلاتن عليها....سوسو تشوت قدام.... تستلمها فيفي ضراع......فيفي تشوت من بعيد وووووقوووووووووون....قوووووون ليه يا حارس المرمى.... ليه يا نفيسة دفار... نفيسة دفار حارس مرمى فريقنا القومي.....ليه؟ كورة جاياكي في ايدك عديييييييييل؟....لكن انتي ما كنت فاضية ترفعي في سروالك كل مرة ينصل..... انا قبيل اصلي عارفاهو صُلبك دا ما صلب حارس مرمى علا المدربة........ نسوي عليها كيفن يا بنات امي؟غايتو الليله يا نسوان ما عجبتني كلو كلو..... المديدة البتشربن فيها في المعسكر شهر كامل ما نفعت فيكن
الكورة....في السنتر... صفر الحكم......زينب غنمي طالعه بالكورة...تشوتها لي حواء كادقلي....حواء تباصيها لي مريم الراجل الكورة تتقطع من مريم...مريم عملت فاول..... لا لا يا مريم يا بت امي.... انامن هنا شفتك قرصتي بت الناس في وركها....ويا مريم اصلو لعبك خشن انا عارفاكي.....وسعدية لاعبة الموردة لي حسي راقدة مستشفى ... عاد السويتيهو عليها يا يمه تخجلي........انتي...... الحكم يدي مريم الراجل كرت اصفر......مريم تبرطم.....اخلاق اخلاق يا نسوان اخلاق اهم حاجة الاخلاق في الرياضة........وب علي وب علي.... الكورة عند فيفي ضراع فيفي تشوت.....وقوووووون قوووون تاني... تاني قون.... يا جماعة ما معقول غيرو حارس المرمي..... يا تغيروها يا تغيرو لها لباسها المرا تمسك الكورة ولا تمسك اللباس ما يتملص..... يا بنات امي عاد؟.... يانفيسة دفار يا بت امي.... تاني ان دايرة تلعبي مبارة..... واحد في الاتنين... يا انتي...... يا صُلبك........واحد فيكم..... يجي يلعب...وحات الرسول دا ما سروال اللبساهو... ملبسنك عراقي محل السروال يا نفيسة يا اختي.
اها..اها...... اجي يا سعاد جلع.بالغتي والله...عاد في نص الميدان يا بت امي؟.... سعاد مرقت مرايتها وعدة المكياج من سدرها.....وقاعدة تتضرب في شلاليفها.....وتتمنضر.... يا جماعه يا ادارة..... نحن قلنا لكم النسوان ديل..... ما يجن يلعبن بالستيانات....حسي زي سعاد دي... سدرها دا ان دست فيهو زول بي حالو في زول بيعرفها؟... شايله لها سدر اربعة ضلف......
الحكم يصفر نهاية المباراة...... ونسوانا مغلوبات اتنين صفر......ومعليش يا حريم...... تعوضن في مباراة العودة....... الجماهير الوفية زعلانة.......وتهتف .......
يا ادارة.... يا تعيسة
غيرو سروال نفيسة
|
|
 
|
|
|
|
|
| العنوان |
الكاتب |
Date |
| الفريق النسـائي السوداني.......لكرة القدم | سجيمان | 09-05-03, 05:47 AM |
| Re: الفريق النسـائي السوداني.......لكرة القدم | دباش | 09-05-03, 10:30 AM |
| Re: الفريق النسـائي السوداني.......لكرة القدم | سجيمان | 09-05-03, 12:21 PM |
| Re: الفريق النسـائي السوداني.......لكرة القدم | حسن الجزولي | 09-05-03, 10:57 AM |
| Re: الفريق النسـائي السوداني.......لكرة القدم | omer ibrahim | 09-05-03, 11:59 AM |
| Re: الفريق النسـائي السوداني.......لكرة القدم | aba | 09-05-03, 12:15 PM |
| Re: الفريق النسـائي السوداني.......لكرة القدم | سجيمان | 09-05-03, 11:11 PM |
| Re: الفريق النسـائي السوداني.......لكرة القدم | سجيمان | 09-05-03, 06:02 PM |
| Re: الفريق النسـائي السوداني.......لكرة القدم | سجيمان | 09-05-03, 01:19 PM |
| Re: الفريق النسـائي السوداني.......لكرة القدم | Najm | 09-05-03, 06:25 PM |
 Re: الفريق النسـائي السوداني.......لكرة القدم | خالد | 09-05-03, 06:34 PM |
| Re: الفريق النسـائي السوداني.......لكرة القدم | سجيمان | 09-06-03, 11:35 PM |
| Re: الفريق النسـائي السوداني.......لكرة القدم | Najm | 09-05-03, 06:36 PM |
| Re: الفريق النسـائي السوداني.......لكرة القدم | سجيمان | 09-06-03, 09:05 AM |
 Re: الفريق النسـائي السوداني.......لكرة القدم | ترهاقا | 09-06-03, 09:29 AM |
| Re: الفريق النسـائي السوداني.......لكرة القدم | Sakotaweya | 09-06-03, 12:03 PM |
| Re: الفريق النسـائي السوداني.......لكرة القدم | سجيمان | 09-06-03, 12:13 PM |
| Re: الفريق النسـائي السوداني.......لكرة القدم | Sakotaweya | 09-06-03, 12:21 PM |
| Re: الفريق النسـائي السوداني.......لكرة القدم | ترهاقا | 09-06-03, 01:22 PM |
| Re: الفريق النسـائي السوداني.......لكرة القدم | Deng | 09-06-03, 04:53 PM |
| Re: الفريق النسـائي السوداني.......لكرة القدم | سجيمان | 09-06-03, 07:13 PM |
| Re: الفريق النسـائي السوداني.......لكرة القدم | yumna guta | 09-06-03, 05:19 PM |
| Re: الفريق النسـائي السوداني.......لكرة القدم | سجيمان | 09-06-03, 07:54 PM |
| Re: الفريق النسـائي السوداني.......لكرة القدم | بدرالدين شنا | 09-06-03, 08:03 PM |
| Re: الفريق النسـائي السوداني.......لكرة القدم | سجيمان | 09-08-03, 05:10 AM |
 Re: الفريق النسـائي السوداني.......لكرة القدم | sentimental | 09-07-03, 03:56 PM |
| Re: الفريق النسـائي السوداني.......لكرة القدم | سجيمان | 09-09-03, 07:28 AM |
|
| |
سجيمان
فيس بوك
تويتر
انستقرام
يوتيوب
بنتيريست