|
|
 الحـب..... الكلـــــكي
|
طالما في جن كلكي لابد يكون في حب كلكي......واي واحد فينا لازم يكون مرا بحالة الحب الكلكي دي.....مثلا تلقى واحد شين جدا..... يروح لا يحرا لا يدرا.... يلقى نفسو اتورط في حب واحدة جميلة جدا...و تلقاهو قاعد في البيت .....في ركن بعيد....و سارح ومارح معاها بخيالو طبعا....ويرسم في المستقبل.....والوليدات....و البامبرز.... والمخاخيت....وبعد شوية فجأة تلقاهو قعد يغني... في ..حبيب يا الاسمر..... يا القاعد في البنبر....وليدنا متين يكبر....ويمرق الشارع ويتمنى متين تجي.... البنية مارقة....ويقعد يعاين ليها بطرف عينو.... ناس زي ديل مما شك فيه انهم حيجينو...وشواكيشهم جاهزه لا محال.... نوع تاني من الحب الكلكلي....واحد يحب واحدة متزوجه....وبي راجلا.... وقاعدة في بيتا في امان الله... وفجأة يظهر اخونا دا....ويقلب حياتا فوق تحت...... ويقعد يجري وراها لمن كرعينو يتكسرو..... والنهاية دائما في حالات زي دي....مأساوية...... يا طلاق.... يا موت.... يا جن......نوع اخر من الحب الكلكي... واحدة تكون عمرها 20 سنة....وتحب واحد عمرو فوق الاربعين سنة....وتصر وتلح انها تحبو.... كان رضا كان ابي..وتقعد تتغزل في صلعتو الاربعينية.... شعراتو المظعمطات وشايبات....ونضارتو قعر الكباية يخلوهن ليهو....و خايلة القدلة فوق عثمان.....وعثمان ان قام يطقطق وان قعد يطقطق......وان سألوها دايرة منو شنو؟..... تقول عاوزة الراجل صاحب التجارب في الحياة..والذي يتناول الفياقرا بانتظام..و الشفع ديل ما منهم فايدة.....وما عندهم تجارب.....
.نوع اخر من الحب الكلكي الحديث... حب الماسنجر.....واحد يحب واحدة لا شافا...ولا بيعرفا ولا بتعرفو...ولا امشي ولا تعالي.. ويقعد يونس فيها.. هو يشكي وهي تشرح.... ويمنيها الاماني ... بالزواج.... ويقعد يوصف نفسو ليها.... انو جبهتو عريضة...وعيونو كبار وعسلية....وعضلاتو تبش...وحواجبو مقرونة.... وعندو دكتوراة في الاداب... ودكتوراة في الطب ....ودكتوراة في الهندسة... ودكتوراة في الفقه...وابوهو يمتلك... ستاشر عمارة..... وتلاتة وعشرين عربية اخر موديل.... ومائة تلاتة وخمسين حمارة لزوم التسلية.....وفي النهاية تطلع راجل....وممكن يطلع اخوهو شقيقو....والنهاية الحتمية مأساة من الدرجة الاولى..........
دي عينات حبكانية كلكلية.....والله يكفينا ويكفيكم شرها.
حبيبتي يا ام جمالا فلكي
حبي ليك.... حب كلكي
_________________
|
|
 
|
|
|
|
|
| العنوان |
الكاتب |
Date |
| الحـب..... الكلـــــكي | سجيمان | 10-04-03, 06:48 AM |
 Re: الحـب..... الكلـــــكي | Dr. NassurEldeen | 10-04-03, 07:29 AM |
| Re: الحـب..... الكلـــــكي | سجيمان | 10-04-03, 03:39 PM |
| Re: الحـب..... الكلـــــكي | Ahlalawad | 10-04-03, 08:58 AM |
| Re: الحـب..... الكلـــــكي | انا بنت النيل | 10-04-03, 11:16 AM |
| Re: الحـب..... الكلـــــكي | سجيمان | 10-05-03, 06:43 AM |
| Re: الحـب..... الكلـــــكي | سجيمان | 10-05-03, 06:39 AM |
| Re: الحـب..... الكلـــــكي | Maged | 10-04-03, 03:59 PM |
| Re: الحـب..... الكلـــــكي | سجيمان | 10-05-03, 06:58 AM |
| Re: الحـب..... الكلـــــكي | ملكة سبأ | 10-05-03, 11:48 AM |
| Re: الحـب..... الكلـــــكي | سجيمان | 10-05-03, 05:06 PM |
|
| |
سجيمان
فيس بوك
تويتر
انستقرام
يوتيوب
بنتيريست