|
اريتـو شِعِـر اليـابا والتـابا
|
الشنّاف.... شيال الحال.. هو الناقد.... نقد ينقد.... شنّف يشنِّف....شغلانة ساهلة ومريحة....ودايرة زول لسانو طويل....ودمو تقيل.... ومايهمو اليزعل من اليرضى.....وبعد دراسة متأنية لنفسي لقيت انو كل الصفات دي تنطبق علي......وعلشان كدا لازم اشتغل الشغلانة دي....واقعد للناس في حلوقهم....واليقول بغم..... طوالي اشنّفو....... وبداية ناوي اشنّف الميتين قبال الحيّن......وبما انني من انصار المدرسة التشنِّفية التجريببة.... لازم اجرب في الميتين.... اولا الشاعر.. المتشوعر...... قيس بن الملوح.... هذا الشاعر الجِلدة... البخيل...... حشاش بي دقنو...... قاعد شابكنا انا اسوي واسوي.... لمن ليلى عرسوها وتمو حِلوها....وبقى هو لافي في صواني بغداد... شايل سروالو في ايدو ويخيط فيهو....لننظر مثلا الي هذا البيت الركيك..... الذي لا طعم له ولا رائحة...ويثبت عدم ثقة بن الملوح في نفسه
يقولون ليلى بالعراق مريضةٌ ليتني كنت الطبيب المداويَ
اولا هذا الشويعر... مفروض يبدا البيت.... بي.... الله يكفينا شر قالو وقلنا....و عشان تعرفو انو الشاعر دا زول بتاع ونسة وقوالات.... واشاعات...... قال يقولون... كدا... من غير ما يحلف...عشان يثبت صحة قولو....اكان راجل كان يقول الكلام دا في السفارة و لاّ جهاز المغتربين لو ما حلفوهو.... والاصح... انو يقول
يقولون في ضمتهم ليلى بالعراق مريضةٌ ..... او عشان يقطع الشك.... يبدأ البيت بحلفان بالطلاق............ وبلاش يقولون......يصبح البيت اقوى....ومافي زول يغالتو والله يشكك فيهو....ويقرا البيت كالاتي
علي بالطلاق.... ليلى بالعراق مريضة.
وبي نظرة سريعة لللشطر التاني من البيت.....نجد ان الشاعر... حشاش بي دقنو قولا وفعلا.....وكذلك... به روح اجرامية للانتحال...والتزوير والدليل ليتني كنت الطبيب المداوي.... بن الملوح نسبتو في الشهادة السودانية 50%....ادبي وعاوز يكون دكتور. نوع من الهوس اللاواقعي..... وبخيل بخل شديد..... يتمنى هذا الشويعر ان يكون الطبيب ..... بدل ان يسرج.. حصانه...ويكربو بدون سرج حتى ويصل ليلى يشوفها... قاعد في القهوة ويلم في الناس ويقول لهم يا ريت يا ريت.....او يمشي اقرب بنك ويحول حق الدكتور والعلاج...طيب يا قيس الجن.... انت هنا تبكي وليلى هناك عيانة.... نان ما بتفطس وتموت...اتصرف يا اخي....مفروض هذا الشطر من البيت... يكون بالقوة.. بحيث لا يثير الشبهات حول عدم مصداقية بن الملوح...... يكون كالاتي وحرم... انا من يجيب الطبيب المداويّ
وبهذا يكون البيت كاملا ...... يُقرأ كالاتي:
علي الطلاق ... ليلى بالعراق مريضةٌ.........وحرم انا من يجيب الطبيب المداويّ
..... قومو بلا ابن الملوح.... بلا لمة
|
|
|
|
|
|
|
العنوان |
الكاتب |
Date |
اريتـو شِعِـر اليـابا والتـابا | سجيمان | 10-22-03, 10:36 PM |
Re: اريتـو شِعِـر اليـابا والتـابا | kamalabas | 10-22-03, 10:43 PM |
Re: اريتـو شِعِـر اليـابا والتـابا | ود محجوب | 10-23-03, 02:07 AM |
Re: اريتـو شِعِـر اليـابا والتـابا | SAMIR IBRAHIM | 10-23-03, 02:45 AM |
Re: اريتـو شِعِـر اليـابا والتـابا | سجيمان | 10-23-03, 04:35 PM |
Re: اريتـو شِعِـر اليـابا والتـابا | سجيمان | 10-23-03, 04:07 PM |
Re: اريتـو شِعِـر اليـابا والتـابا | سجيمان | 10-23-03, 02:50 AM |
Re: اريتـو شِعِـر اليـابا والتـابا | bayan | 10-23-03, 05:02 AM |
Re: اريتـو شِعِـر اليـابا والتـابا | سجيمان | 10-24-03, 00:24 AM |
Re: اريتـو شِعِـر اليـابا والتـابا | Maged | 10-23-03, 05:59 AM |
Re: اريتـو شِعِـر اليـابا والتـابا | سجيمان | 10-24-03, 01:15 AM |
Re: اريتـو شِعِـر اليـابا والتـابا | 3mak Hasabo | 10-23-03, 02:58 PM |
Re: اريتـو شِعِـر اليـابا والتـابا | انا بنت النيل | 10-23-03, 08:01 PM |
Re: اريتـو شِعِـر اليـابا والتـابا | سجيمان | 10-24-03, 01:34 AM |
Re: اريتـو شِعِـر اليـابا والتـابا | سجيمان | 10-24-03, 01:26 AM |
Re: اريتـو شِعِـر اليـابا والتـابا | wd al geran | 10-23-03, 08:17 PM |
Re: اريتـو شِعِـر اليـابا والتـابا | سجيمان | 10-24-03, 02:25 PM |
Re: اريتـو شِعِـر اليـابا والتـابا | جمال السنوسي | 10-24-03, 09:29 AM |
Re: اريتـو شِعِـر اليـابا والتـابا | bayan | 10-24-03, 09:48 AM |
Re: اريتـو شِعِـر اليـابا والتـابا | bayan | 10-24-03, 03:34 PM |
Re: اريتـو شِعِـر اليـابا والتـابا | سجيمان | 10-24-03, 03:50 PM |
Re: اريتـو شِعِـر اليـابا والتـابا | سجيمان | 10-24-03, 02:42 PM |
Re: اريتـو شِعِـر اليـابا والتـابا | aba | 10-24-03, 05:26 PM |
Re: اريتـو شِعِـر اليـابا والتـابا | سجيمان | 10-27-03, 01:11 AM |
Re: اريتـو شِعِـر اليـابا والتـابا | noha_g | 10-24-03, 07:36 PM |
Re: اريتـو شِعِـر اليـابا والتـابا | Amin Elsayed | 10-24-03, 09:48 PM |
Re: اريتـو شِعِـر اليـابا والتـابا | سجيمان | 10-27-03, 01:17 AM |
|
|
|