|
الـــــــــورم...الفضــــــائي
|
لما كانت امال طلسم توقف الحركة.....ووهادية تهد الما بيهدو ار بي جي.....وتلت التلاتة.... تالتتن ..... واب عاج يهوش...ويبشر ...ويتنتر...ويتعنتر.... فوق خلق الله.....ويا دنيا مافيك علا انا....... انت ما مجبور علينا نحن مجبورين عليك...... شفع..... يلملمو فيهم ناس تلفزيونا..... يلمو في الغنية يوروها الما بتورا....ويورمو فشفاش السادة المشاهدين....وكل يوم ضيف.....واي ضيف يخفف في دمو....ويمرضك مرض...وينكت ويحكي قصص لو واقف في الضل برا....تفوت بي وشيك وتخليهو ينضم في نضمو.....ومسابقة بين المذيعين..... يظهر في فايض في المذيعين عشان كدا بقو يخلوهم يقدمو البرنامج... جوز جوز....وهم يقعدو يتشالقو...وكل مذيع داير يقول انا اهو.... عوض ابراهيم عوض.... تلاتة واربعين بدلة.. و...خمسة وستين..... كرفته.....وسبعة انواع من الضحكات.... ضحكات سلم سباعي وضحكات سلم خماسي...وكل دقيقة يحكي لينا لما كان في ماليزيا....وهو قاعد يجبد في كرفتتو.....ويفك البدلة ويزررا تاني....ونحن مساكين... نعاين في عرض الازياء دا....ونبلع في ريقنا....ويا اب بِدل يا النشفت ريقنا....العجيب الاستديو نار الله الموقدة....والناس الفيهو عرقهم جاري...وعوض الله متشنط ومتجبص في بدلتو... فنان شاب..... ما قادر يميز بين الداندرما والمايك...حاشر المايك في خشمو...وخايف بعد الحلقة تنتهي يسلمو ليهم عود...... بنياتنا المذيعات..... الوشي يلصف من الكريمات....والايدين غبش....وحاشاها نسرين..... يا جماعة يا هوي يا انتو.... يا الجننتونا...دي قنوات فضائية...... يعني الدنيا كلها ممكن تشوفك....يعني يا ضيف ناس النيل الازرق...لو قعدت خمسة دقائق وكويت قميصك قبل ما تجي... الله بي يحاسبك؟.......... والله بي يسعلني وما بهتو..... فنان كبير.... يغني وريالتو سايلة....والكميرا مركزة عليهو والمخرج فرحان بي المطرب المريل دا... والمطرب ما كلف نفسو يقش شلوفتو من الرياله.....يغني في غناهو...ويلغف الريالة راجعة.....ونحن ندفع في السفارة حق القناة الفضائية دعوة.... لي حفلة تاني ايام العيد.... يحيها الفنان نميري... نميري عديييييييييييييييييل كدا......شفت البقت عليك يا ابعاج؟... بعد ما كان يغنو لك .... بقيت تغني
|
|
|
|
|
|
|
العنوان |
الكاتب |
Date |
الـــــــــورم...الفضــــــائي | سجيمان | 11-17-03, 12:38 PM |
Re: الـــــــــورم...الفضــــــائي | اساسي | 11-17-03, 12:42 PM |
Re: الـــــــــورم...الفضــــــائي | Mandela | 11-17-03, 04:08 PM |
Re: الـــــــــورم...الفضــــــائي | Hussein Mallasi | 11-17-03, 04:24 PM |
Re: الـــــــــورم...الفضــــــائي | سجيمان | 11-18-03, 06:22 PM |
Re: الـــــــــورم...الفضــــــائي | سجيمان | 11-17-03, 07:33 PM |
Re: الـــــــــورم...الفضــــــائي | الجندرية | 11-17-03, 04:21 PM |
Re: الـــــــــورم...الفضــــــائي | ترهاقا | 11-17-03, 05:10 PM |
Re: الـــــــــورم...الفضــــــائي | سجيمان | 11-18-03, 07:45 PM |
Re: الـــــــــورم...الفضــــــائي | Mohd Mubarak | 11-17-03, 06:25 PM |
Re: الـــــــــورم...الفضــــــائي | aba | 11-17-03, 07:50 PM |
Re: الـــــــــورم...الفضــــــائي | سجيمان | 11-20-03, 00:46 AM |
Re: الـــــــــورم...الفضــــــائي | سجيمان | 11-19-03, 06:34 PM |
Re: الـــــــــورم...الفضــــــائي | ABUHUSSEIN | 11-18-03, 02:09 AM |
Re: الـــــــــورم...الفضــــــائي | nazar hussien | 11-18-03, 08:53 AM |
Re: الـــــــــورم...الفضــــــائي | ود العجمى | 11-18-03, 09:59 AM |
Re: الـــــــــورم...الفضــــــائي | 3omda4 | 11-18-03, 10:30 AM |
|
|
|