نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
جوائز التلفزيون.....جوائز اليابا والتابا
|
جوائز المسابقات.. في التفلزيون....مافيها أي تشجيع عشان الناس تشترك.... ومافيها أي تجديد....نفس جوائز السنة الفاتت تلقاها السنة دي. وجوائز هايفة ساكت.... انا فكرت اطور الجوائز....تتماشى وتواكب تطلعات الشعب السوداني الكريم...مثلا:-
الجائزة الاولى:-
عقد عمل بالسعودية في وظيفة محاسب.... مقدم من سفارة السعودية....مع شهادة بكالريوس محاسبة معتمدة ومختومة مقدمة من جامعة النيلين مجانا.... حتى لو الفائز ساقط شهادة و ما بيعرف كوعو من بوعو
الجائزة الثانية:-
رتبة لواء أركان حرب لمدة عام.....مقدمة من قوات الشعب المسلحة.....مع بدلة عسكرية .... وكسكتة .....ومجموعة دبابير وصقور ومقصات.......وعصاية.......وشنب اتنين متر
الجائزة التالتة:-
رتبة رائد شرطة مع نقطة بوليص.... بي عساكرها....وعدد اربعين محتجز..... الجائزة مقدمة من وزارة الداخلية........وبرضو لمدة عام.... تكون ملك حر للفائز..... يعني يبرطع فيها بي راحتو
الجائزة الرابعة:-
ناموسية مصنوعة من الساكوبيس الأصلي ....زائدا خمستاشر فتيل فاضي.... لاخد عينات الفسحة والبول..... اضافة الي صفيحة بول مفحوص جاهز ....يعني ما حيخسر حق الفحص ولا حاجة....مقدمة من مركز سجيمان الطبي...."مركز سجيمان الطبي يعني العناية الفائقة....والراحة الزائدة ......تدخل ماشي علي كرعيك نطلعك بي عنقريب محمول على كتوف الراحة...."
الجائزة الخامسة:-
شهادة إعفاء من الضرائب والزكاة و المساهمة الإلزامية وإعفاء من الحليفة......مقدمة من جهاز العاملين بالخارج....إضافة إلي شهادة ضمان بعدم النهزرة والشحططة....مع ابتسامة مشرقة من المرا ام نضارات الموظفة في الجهاز... ديك ......الجدير بالذكر انه بالا مكان بيع هذه الجائزة....يعني لو فاز بها واحد من القاعدين في السودان ممكن يبيعها لي أي زول مغترب مشلهت زي كدا....
الجائزة السادسة:-
تلاتة سنون وضُرس من الدهب الخالص.... لزوم الضحك البلا سبب....مقدمة من مجوهرات البوبار.....بسوق امدرمان
الجائزة السابعة:-
مائة جوز سفنجات.ماركة" مشيناها خُطاً"مع مئة كيس صعوط.. و شريط كاسيت... مسجلة عليهو غنية يا صعوط حلتنا زولن كان بسفك يا حليلو.....عشان الفائز يعلق المسجل في كتفو...ويلبس السفنجة...ويحوم في الحلة.... لحدي ما يقطع المائة جوز......هذه الجائزة مقدمة من شركة كداري اخوان
الجائزة التامنة:-
مئة وخمسين متر من شارع بورتسودان الخرتوم.....مع كشك تفتيش...ويمكن للفائز اختيار موقع المائة وخمسين متر والكشك... في أي نقطة تعجبو من الشارع المذكور.....هذه الجائزة مقدمة من الطرق والمواصلات بالتعاون مع الجمارك
الجائزة التاسعة:-
عشرة كيات بالنار..علاج للغيرغان.....مقدمة من وزارة الصحة... قسم الفولكلور الشعبي.....
الجائزة العاشرة:-
خروف سماية....من خرفان التصدير.... من غير جلد....مقدمة مناصفة بين اتحاد رعاة السودان ومصدري الماشية..........والله راحات!!
|
|
|
|
|
|
|
العنوان |
الكاتب |
Date |
جوائز التلفزيون.....جوائز اليابا والتابا | سجيمان | 06-20-04, 06:30 AM |
Re: جوائز التلفزيون.....جوائز اليابا والتابا | ابو فاطمه | 06-20-04, 06:41 AM |
Re: جوائز التلفزيون.....جوائز اليابا والتابا | سجيمان | 06-20-04, 07:02 AM |
Re: جوائز التلفزيون.....جوائز اليابا والتابا | مريم الطيب | 06-20-04, 06:48 AM |
Re: جوائز التلفزيون.....جوائز اليابا والتابا | سجيمان | 06-20-04, 07:27 AM |
Re: جوائز التلفزيون.....جوائز اليابا والتابا | abas | 06-20-04, 07:06 AM |
Re: جوائز التلفزيون.....جوائز اليابا والتابا | سجيمان | 06-21-04, 12:32 PM |
Re: جوائز التلفزيون.....جوائز اليابا والتابا | حبيب نورة | 06-20-04, 02:13 PM |
Re: جوائز التلفزيون.....جوائز اليابا والتابا | سجيمان | 06-21-04, 12:52 PM |
Re: جوائز التلفزيون.....جوائز اليابا والتابا | صديق الموج | 06-20-04, 02:23 PM |
Re: جوائز التلفزيون.....جوائز اليابا والتابا | سجيمان | 06-21-04, 01:21 PM |
Re: جوائز التلفزيون.....جوائز اليابا والتابا | omar_ragab | 06-20-04, 02:33 PM |
Re: جوائز التلفزيون.....جوائز اليابا والتابا | سجيمان | 06-21-04, 01:29 PM |
Re: جوائز التلفزيون.....جوائز اليابا والتابا | alfatih | 06-21-04, 00:23 AM |
Re: جوائز التلفزيون.....جوائز اليابا والتابا | سجيمان | 06-21-04, 06:18 PM |
Re: جوائز التلفزيون.....جوائز اليابا والتابا | almulaomar | 06-21-04, 06:43 AM |
Re: جوائز التلفزيون.....جوائز اليابا والتابا | سجيمان | 06-21-04, 06:29 PM |
Re: جوائز التلفزيون.....جوائز اليابا والتابا | almulaomar | 06-22-04, 05:35 AM |
Re: جوائز التلفزيون.....جوائز اليابا والتابا | سجيمان | 06-22-04, 09:16 AM |
Re: جوائز التلفزيون.....جوائز اليابا والتابا | سجيمان | 06-23-04, 02:57 AM |
Re: جوائز التلفزيون.....جوائز اليابا والتابا | ود الشيخ | 06-23-04, 03:59 AM |
|
|
|