|
الطـــريّفـــي.....و...جمــــــلو
|
ادارة المنبر.... عادل عبدالعاطي.... قبال ما انضم.... داير اعبر عن احترامي وتقديري لكم....صاحب الموقع بكري ابوبكر... مكابر من لم يقدر ويثمن لك اتاحة الفرصة له لكي يكتب ...وينطط ويتعنطظ.... وانت لم تطالب باي تمن... بالرغم من انو انت...واعضاء الادارة..وامين الموقع.... سايبين شغلتكم... ومشغولياتكم..ووليداتكم... ومقابلين وليدات و"مشارط" البورد...وتحنسو في دا.. وتجيبو لي دا بزة.... وتغيرو حفاض الللامي فيهو اسهال....وكلو فوق كم؟.... ساكت لله....بعد دا كلو.... يجو الوليدات ويلبدو لكم ..ويقعدو يجدعو فيكم بالحجار.......ويشتمو فيكم ويسبو ويلعنو..... بكري ابوبكر صاحب الموقع.و سيد "الجلد والراس".... اختار عادل عبدالعاطي..... واختار لجنة التحكيم..... بكري بيدفع حق الموقع من جيبو... ومافي ولا زول من الحريّّدة.... والحمير.... القاعدة تهنق بي برة دي... بتدفع حاجة..حقو اي زول يقبل بقرارات لجنة التحكيم.....ويلم شلاليفو الما بتشبه شلاليف الناس عليهو..والما عجبو الباب يفوت "جمل"....حتى لو كان جمل ابو سنامين... زي ما "جُمال" كتيرة فاتت......وناس الطريفي قعدو يبكو عليها.....ولو الباب قصيّر.... نقطع للجمل سنامو..... اما الزول يجي ضيف في بيت الناس..........ويقعد يقول لهم سرايركم مكسرة ولحمتكم لحمة "جمل".... وعناقريبكم مجلّدة بي جلود.." فئران"......ومفروض تجلدوها بي جلد" اصله" وتدونا نحن "القُفف"...و"الجلابة" تدوهم الشنط السامسونايت....ولا تلفو لهم عدتهم في ورق جرايد؟....وناس تودوهم المستبشيات وناس.. ترقدوهم في نص الحوش وتعفصوهم...وتسجموهم وترمدوهم.....؟ ايها الجعارين...... العاجبو كدي يقعد...والما عاجبو...يمشي يسوي له موقع....ويسرح ويمرح فيهو زي ما داير... ايها الهنابيك.... دا موقع خاص.... بتاع زول...والزول يسوي فيهو الدايرو..... انا....لو لجنة التحكيم...او امين المنبر.....او صاحب الموقع... رفتني ولا اداني انذار.... ولاّ... "سلخني"...... ما بعترض... لانو دا بيتو وهو حر فيهو......ارجو ان تفهم السحالي...واخوانهم من الصارقيلات.............
قال الطريفي صاحب الجمل:-
ان حردتي قايلاني ببكي عليكي
وانط من الحيطة ورقبتي تتقص؟
يا ام كريعاتن ركبن في عضم
الشيطان.. يا ام وشين معفص
متشلَخة فوقنا فوق كم؟انتي قايله
براكي في الدنيا دي العندها"...."؟
|
|
|
|
|
|
|
العنوان |
الكاتب |
Date |
الطـــريّفـــي.....و...جمــــــلو | سجيمان | 10-01-04, 03:25 AM |
Re: الطـــريّفـــي.....و...جمــــــلو | Hussein Mallasi | 10-01-04, 04:39 AM |
Re: الطـــريّفـــي.....و...جمــــــلو | شمهروش | 10-01-04, 04:57 AM |
Re: الطـــريّفـــي.....و...جمــــــلو | سجيمان | 10-01-04, 07:50 AM |
Re: الطـــريّفـــي.....و...جمــــــلو | mohamed osman bakry | 10-01-04, 11:43 AM |
Re: الطـــريّفـــي.....و...جمــــــلو | سجيمان | 10-07-04, 00:37 AM |
Re: الطـــريّفـــي.....و...جمــــــلو | سجيمان | 10-01-04, 05:40 AM |
Re: الطـــريّفـــي.....و...جمــــــلو | Ana Zaty Omdur | 10-01-04, 05:54 AM |
Re: الطـــريّفـــي.....و...جمــــــلو | abdalla BABIKER | 10-01-04, 12:32 PM |
Re: الطـــريّفـــي.....و...جمــــــلو | abas | 10-01-04, 10:21 PM |
Re: الطـــريّفـــي.....و...جمــــــلو | aosman | 10-01-04, 11:41 PM |
Re: الطـــريّفـــي.....و...جمــــــلو | حمزاوي | 10-02-04, 00:59 AM |
Re: الطـــريّفـــي.....و...جمــــــلو | محمد سر الختم | 10-02-04, 01:12 AM |
Re: الطـــريّفـــي.....و...جمــــــلو | abas | 10-02-04, 02:04 AM |
|
|
|