|
|
 مقــارنة... بين... بــدر الين شنــا..و... نســرين سوركــتي
|
نسرين سوركتي..... منقة مقشرة...ومختوته في سرويس في قناة النيل الازرق..... صاحبة الضحكة الرصاصية تنطلق الضحكة لتستقر في جوف المتفرجين وتطلع زيتهم....واول واحد انا......بس هي كيفن تضحك?????..وان شاء الله انا افطس والحق الرقدو....ويفطسو معاي تلاتين مليون نسمة... وعشرة ملاين برا البلد..... والقيامة تقوم والناس الجنب نسرين كلهم يدخلو الجنة عشان خاطرا....نسرين تفاحة قعدوها في كرسي وصنقر جنبها سعد الله.....سعد الله اب خشمن بليلة....ما مخلينا نتهنا....وانا المخصوص مشتري ريسفر ديجتال عشان اشوف بيهو نسرين.....وحلاة نسرين بالتوب المشدر وشناتي انا وقت اصر عويناتي وابحلق في التلفزيون عشان اشوفا عديل... وحلاة نسرين وقت تقدل تتاتي تتاتي زي جنا الوزين..سعد الله بتجيك لوز.... وبيجيك استلهاب في الحلق... اسكت شوية.... وخلي نسرين تنضم كتير وتضحك اكتر عشان انا اتكرفس وابقى كورة شُراب من البسط والكيّف..... وناس النيل اللزرق حقو يسو لها يوم مفتوح...من الدغش لي الدغش التاني...عشان انا اعمى واتكنّدك وادمّس من المعاينة وقشقيش العوينات بي طرف الملاية.... وا خسارتي انا.... الكبرتَ اوانطة.....قول ما كبرت؟... دي ما بلقاها زولن زي انا صيدو ناجع......
صاحبي بدر الدين شنا... كبر وزاد حلا... .... مسمي نفسو شنا سااااكت.... ماخذ مقلب في نفسو وقايل نفسو شين.....احترمو جدا واحترم شناتو... غصبن عنو.. الشنا شناتين شنا مُرة وشنا طاعمة هوالطاعمة...مناي اشوفو يقدم برنامج في التلفزيون جنب نسرين.. عشان هو يتخلع ويفتح خشمو ويقعد يعاين لي نسرين وهي تنضم.....ويشيلوهو مكنكش من الاستديو للعنقريب عند اهلو.....وكل قتيل بينهن شهيد.................
|
|
 
|
|
|
|
|
|
|
|
Re: مقــارنة... بين... بــدر الين شنــا..و... نســرين سوركــتي (Re: سجيمان)
|
صديقي الحميم سجيمان
| Quote: مقــارنة... بين... بــدر الين شنــا..و... نســرين سوركــتي |
يدعوكم بدرالدين شنا لحضور عقد مقارنته مع نسرين سوركتي بقناة النيل الأزرق ... والعاقبة عندكم في المسرات
| Quote: مناي اشوفو يقدم برنامج في التلفزيون جنب نسرين.. عشان هو يتخلع ويفتح خشمو ويقعد يعاين لي نسرين |
يعني هي ما بتتخلع من شناتي؟؟؟ والله تخلعني أكان أقول ليها خالعيني الخلاء
| |
|
|
|
|
|
|
|
|
|
مقارنة (Re: سجيمان)
|
نسرين
سماحة جمل الطين
سعد الدين هو الشايل البرنامج
ما شفتو شتارتا وهى بتقول لى فيصل انت بجيب كلامات عجيبة يتشخب دى شنو قال ليها دى كلمة عربية فصيحة جب سكتت
| |
|
|
|
|
|
|
|
|
|
Re: مقــارنة... بين... بــدر الين شنــا..و... نســرين سوركــتي (Re: سجيمان)
|
.
Quote: مقــارنة... بين... بــدر الين شنــا..و... نســرين
يدعوكم بدرالدين شنا لحضور عقد مقارنته مع نسرين سوركتي بقناة النيل الأزرق ... والعاقبة عندكم في المسرات
طبعا لامقارنة البته بين بدر الدين (سنا) (ونشرين شوركتى)
وذلك للاسباب التالية بدر ذكر...بدر ممثل لامع..بدر يمكن ان يؤم المصلين..بدر كامل عقل ودين..بدر قوام على نسرين بدر تقبل
شهادته..بدر له مثل حظ نسرينتين..بدر وبدر وبدر واخيرا بدر سمح ولا
يجوز مقارنته بكل من هب ودب...ايه رايك يا سمح مش نحن موقعين اتفاقية دفاع مشترك ضد قوى البغى والعدوان بالمنبر
| |
|
|
|
|
|
|
|
|
|
Re: مقــارنة... بين... بــدر الين شنــا..و... نســرين سوركــتي (Re: سجيمان)
|
نيوبي العزيز
| Quote: وبعدين منزلكم الكائن وين؟ |
بحي السجيمانية
الغالي صديق الموج
| Quote: ايه رايك يا سمح مش نحن موقعين اتفاقية دفاع مشترك ضد قوى البغى والعدوان بالمنبر |
حبيب قلبي إنت ... أشكرك على دفاعك المستميت من أجل دحض المؤامرة أقصد المقارنة وصد شبح الشنا عني
وخليهو لو راجل يقارني بي ليلى علوي عشان يشوف إنت تسوي ليهو شنو؟؟؟
الحلاوي إيهاب الطيب
| Quote: ما لاقي غير بدر الدين ود الحلاوين تقارن بيه يا اخي دا من منطقة الحلاوين.. يعني معقولة اكون شيييييييين...!!!! |
ودافع مدافع من أهله
مشتاقييييييييييييييييين ياناس الولي
| |
|
|
|
|
|
|
|
|
|
Re: مقــارنة... بين... بــدر الين شنــا..و... نســرين سوركــتي (Re: سجيمان)
|
واحده جارتنا بتقرأ البورد:
يابنات امى مرة الراجل الاسمو سجيمان ده ربنا يعينا، الراجل اليوم كلو يبحلق فى نسوان التلفزيون ويتغزل فيهن ويا ريت لو بالستره،يا كافى البلا اى مويقع فى اللنترنت يشيل ويكتب و لمن ما كفنو عملو واحدآ الليلو،شوفو جنس كشف الحال، والنبى قالو الناس فى كل بلاد الله من امريكيا و روسيا للعرب وحتى يوغوسلوفاكيا شايلين حالا، ويقولو هى كان سمحه ومجيهه راجلا ما كانت عينو طايره كدي، حال العدو
بدر الدين
ظرافتك بى وسامتى ... تبادل؟؟؟؟
مرفق صوره
| |
|
|
|
|
|
|
|
|
|
Re: مقــارنة... بين... بــدر الين شنــا..و... نســرين سوركــتي (Re: سجيمان)
|
الحبيب سيف مساعد علي
سلام ورمضان كريم
| Quote: وهم كانو حليو وزغيو, حليو جاب الحلاوين ,وزغيو جاب الزغاوة.طيب الحلاوين حلوين ليه ؟ والزغاوة شنين ليه؟ |
إنت قلت يا سجيمان مش؟؟؟ والله حليتني حلة
الرائع جني
سلام ورمضان كريم
وانا جنونك بزيد لذاذتي
ومن الليلة دي بخلي ليك (اللذاذة) في التلاجة اشرب منها زي ما عايز
ومرحب بي إستدراجك وجرجرتك وصديق الموج حبيبي وحبيبك وحبيب الكل
الغالي مراويد
سلام ورمضان كريم
Quote: ظرافتك بى وسامتى ... تبادل؟؟؟؟
مرفق صوره |
ياخوي كان دي وسامتك ما تجدع
حبي وفائق تقديري
| |
|
|
|
|
|
|
| |
سجيمان
فرح
brakat
garjah
Dr. Moiz Bakhiet
بدرالدين شنا
mohmmed said ahmed
willeim andrea
المكاشفي الخضر الطاهر
صديق الموج
Ehab Eltayeb
تولوس
saif massad ali
jini
ياسر مكاوي
mohammed alfadla
Ibrahim Algrefwi
فيس بوك
تويتر
انستقرام
يوتيوب
بنتيريست