|
|
 المـا فيــها شــق.....ما بتقــول طـــق
|
زول مجنن وابلّم....وتربالي.....والسقافة في الشرق وانا في الغرب.... مكجن السياسة والكورة والنطيط الاسمو الاوبرا....وخاصة لما يجي زول كلو حلاقيم ويفتح خشمو....ويقعد يكورك....والكورال برضو مكجنو....وباقي لي اصل الكلمة كوراك....وانقلبت الكاف لام لزوم الفلهمة....مكجن الكورة في القبل الاربعة....وشحدت الله يجي فكي ويقول الكورة حرااام....استغرب في زول يلعب كورة ويقيف قون......والله انا العب كورة ما اقيف قواني اصلو... نهارت باكر يقولو بيضها بيضها....ويسمو وليداتي ولاد البيضها...ومرتي تبقى مرت البيضها....ويسو محطة باظات جنب بيتنا ويسموها محطة البيضها...والكمساري يكورك البيضها..... في زول نازل؟...وان بقت في مرا نازلة علا تتبلم بي توبا حتين تنزل عشان ما يعرفوها.....وانا ان جيت ماشي بالشارع أي زول يقعد يعاين تحت بين كرعي ويتنسى متين ابيضها.......محنني حكم الكورة اكتر زول بيجري ويجارا في الميدان ومضطهد... المذيع مضطهدو ما بيقول اسمو علا وقت يدور يقول الحكم غلتان والجمهور برضو....نان هو يستاهل القالو اشتغل حكم منو؟...ما بيشوف في الولاد القاعدين يلعبو ديل ويجيبو في القينان.. القون بالشي الفلاني.. يا اخوانا دا حسي ماهيتو كم؟....تلقى حسي بعد جريهو دا ما لاقي ياكل.....
انا راجل زي وزي الرجال ..بريد النسوان..عديل كدي لا لف لا دوران.... الراجل الما بيريد النسوان يراجع نفسو؟..... والمرا الما بتريد الرجال؟ تراجع نفسها...الحياة كدي....
نضم السقافة ما بعرف لو....وان لقيت لي كلمة هنا في المنبر حقت سقافة واول مرة اسمع بها....اقيف قبل الكلمة دي واتمحن....زيييييييين.....واقفل الكمبيوتر اقول ادخل الكلمة دي في جملة مفيدة.... يقلبني...تب....كلمة"ينداح"....قدر ما سجيّت ولجيّت...ما قدرت....في النهاية غايتو الجملة المفيدة القدرت ادخل كلمة ينداح فيها هي" انداحت المرأة علي اختها عشان تباكيها في راجلها...وقعدن ينداحن لمن الله غفر لهن"....
قصدت في بوست استقبال زميلاتنا بالعجائز الناس القدام في المنبر..... مش القُدام بايولوجيا..... يعني القُدام قدم المكان و الزمان المنبري..يا قول المعتزلة....انا باقي معتزلي وخاصة في البتيخ اعرف البتيخة الحمرا من رقدتا في الواطا من غير ما المسها..... حتى كانو يوقلو لي اب بتيختن حمرا وشرارة.... دا ما عوضور.....وانا ما سويت شي اتعضر لو.. لكن عشان لو في واحدة شكّت في رقبتا ما ابقى مسعول منها لو قامت ركبت راسا ومشت تشد جلد وشيها....تقوم تمشي لي دكتور ماهو عارف شي..ويقعد يشد في الوشي ويشد لحدي ما كررررررر يشقو النص....ويجي يلم الشق عشان يخيتو تاني يقوم يشقو من ورا النص برضو....ولحدي ما يدخل نُقولتي فاهم وتفتيحة..ويقولو يا معلم خيّت الجلد واعمل لو عمود زي الجلابية..عشان ما يتفتق تاني....ويعمل العمود عمود بي ورا وعمود بي قدام....وتكون بت الحلال شايله لها وشي فيهو عمودين من ورا ومن قدام ...وشي جناح امجكو...وتقعد تجك في الحلة..والجكة دي لله.....
والسمحة المسرحا ضنب العتود
ام وشين مفصّل.. وشاقيهو عمود
والمافيها شق....ما بتقول طق
والبتقول طق قطع شك فيها شق
|
|
 
|
|
|
|
|
| العنوان |
الكاتب |
Date |
| المـا فيــها شــق.....ما بتقــول طـــق | سجيمان | 12-07-04, 02:19 AM |
 Re: المـا فيــها شــق.....ما بتقــول طـــق | ebrahim_ali | 12-07-04, 02:33 AM |
| Re: المـا فيــها شــق.....ما بتقــول طـــق | سجيمان | 12-07-04, 07:24 AM |
| Re: المـا فيــها شــق.....ما بتقــول طـــق | abas | 12-07-04, 02:43 AM |
| Re: المـا فيــها شــق.....ما بتقــول طـــق | سجيمان | 12-08-04, 01:45 AM |
| Re: المـا فيــها شــق.....ما بتقــول طـــق | ود الشيخ | 12-07-04, 02:47 AM |
| Re: المـا فيــها شــق.....ما بتقــول طـــق | سجيمان | 12-08-04, 05:06 AM |
| Re: المـا فيــها شــق.....ما بتقــول طـــق | أحمد الشايقي | 12-07-04, 02:53 AM |
| Re: المـا فيــها شــق.....ما بتقــول طـــق | سجيمان | 12-07-04, 10:08 AM |
| Re: المـا فيــها شــق.....ما بتقــول طـــق | شريف درار شريف | 12-07-04, 03:05 AM |
| Re: المـا فيــها شــق.....ما بتقــول طـــق | سجيمان | 12-08-04, 09:44 AM |
| Re: المـا فيــها شــق.....ما بتقــول طـــق | willeim andrea | 12-07-04, 03:17 AM |
| Re: المـا فيــها شــق.....ما بتقــول طـــق | سجيمان | 12-08-04, 11:25 AM |
| Re: المـا فيــها شــق.....ما بتقــول طـــق | حمزاوي | 12-07-04, 03:19 AM |
| Re: المـا فيــها شــق.....ما بتقــول طـــق | خالد أحمد عمر | 12-07-04, 03:25 AM |
| Re: المـا فيــها شــق.....ما بتقــول طـــق | سجيمان | 12-09-04, 10:50 AM |
| Re: المـا فيــها شــق.....ما بتقــول طـــق | سجيمان | 12-09-04, 00:54 AM |
| Re: المـا فيــها شــق.....ما بتقــول طـــق | جمال السنوسي | 12-07-04, 05:22 AM |
| Re: المـا فيــها شــق.....ما بتقــول طـــق | سجيمان | 12-09-04, 06:10 AM |
| Re: المـا فيــها شــق.....ما بتقــول طـــق | علي محمد علي | 12-07-04, 05:44 AM |
| Re: المـا فيــها شــق.....ما بتقــول طـــق | hamam | 12-07-04, 08:09 AM |
| Re: المـا فيــها شــق.....ما بتقــول طـــق | سجيمان | 12-10-04, 07:15 AM |
| Re: المـا فيــها شــق.....ما بتقــول طـــق | سجيمان | 12-09-04, 08:11 PM |
| Re: المـا فيــها شــق.....ما بتقــول طـــق | willeim andrea | 12-07-04, 08:40 AM |
| Re: المـا فيــها شــق.....ما بتقــول طـــق | سجيمان | 12-10-04, 10:07 AM |
| Re: المـا فيــها شــق.....ما بتقــول طـــق | Ehab Eltayeb | 12-07-04, 09:48 AM |
 Re: المـا فيــها شــق.....ما بتقــول طـــق | aboalkonfod | 12-08-04, 04:23 AM |
| Re: المـا فيــها شــق.....ما بتقــول طـــق | سجيمان | 12-11-04, 02:50 AM |
| Re: المـا فيــها شــق.....ما بتقــول طـــق | سجيمان | 12-11-04, 01:54 AM |
| Re: المـا فيــها شــق.....ما بتقــول طـــق | المكاشفي الخضر الطاهر | 12-08-04, 04:15 AM |
| Re: المـا فيــها شــق.....ما بتقــول طـــق | سجيمان | 12-11-04, 03:25 AM |
| Re: المـا فيــها شــق.....ما بتقــول طـــق | almulaomar | 12-08-04, 07:27 AM |
| Re: المـا فيــها شــق.....ما بتقــول طـــق | newbie | 12-09-04, 11:44 PM |
| Re: المـا فيــها شــق.....ما بتقــول طـــق | المسافر | 12-10-04, 00:27 AM |
| Re: المـا فيــها شــق.....ما بتقــول طـــق | سجيمان | 12-11-04, 12:52 PM |
| Re: المـا فيــها شــق.....ما بتقــول طـــق | سجيمان | 12-11-04, 11:27 AM |
| Re: المـا فيــها شــق.....ما بتقــول طـــق | سجيمان | 12-11-04, 04:20 AM |
| Re: المـا فيــها شــق.....ما بتقــول طـــق | almulaomar | 12-11-04, 06:17 AM |
| Re: المـا فيــها شــق.....ما بتقــول طـــق | المسافر | 12-11-04, 07:19 AM |
| Re: المـا فيــها شــق.....ما بتقــول طـــق | Emam Hassan | 12-11-04, 12:50 PM |
|
| |
سجيمان
فيس بوك
تويتر
انستقرام
يوتيوب
بنتيريست