نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
ليــلى.... كيــف اصبحــتي عـاهـــرة؟
|
طاشمة طينة........ مصنقرة في بنبر..... جنب واحدة بتسوي الاكل في سعد قشرة.... لابسا توب احمر مخطط بي لون...كبدي....التوب باين عليهو واحد مافي غيرو مهري ومهرود من كترت اللبس والغسيل... خاته محفضتا في حكرها..... تشوفا تديها ستين سنة..وهي عمرا الحقيقي في نص الاربعينات......تقابض في الناس الجاين والماشين.... الطمشة خلتا تنضم برا من راسا.....قالت انا خلاص زماني فات وغنايي مات..... الموت ان خلاك الكبر ما بخليك...الله يازاك يا ابراهيم كلو منك.....علمتني الشغلة وفكيتني عكس الهواء.....انا الكنت اخجل من ضُلي... جيتني انت زي الشيطان... كانت اكبر اخواتا.... ابوها ولادتو كلها اناتي...... عمرها سبعتاشر سنة..... فايرة...... في الشارع ما بترفع راسا تعاين لي زول.......كل شباب الحلة عيونهم عليها... يرجوها لما تجي من المدرسة..... واقفين في راس الشارع.... كل واحد داير ينضم معاها....والما بتنضم معاهو ان شاء الله تعاين ليهو بس....ابراهيم جا من السعودية... زمن البيجي من السعودية... البلد تقيف لو على فد كراع......كايس عروس....دلوهو عليها.....اهلها ما صدقو.... جدعوها ليهو من كراعا...... ... شهر العسل..... ابراهيم اصحابو يجوهو كل يوم في الفندق...... قزازة وقازازتين ويسكي.... وهي قاعدة معاهم في كرسي بعيد....يسكرو..... اصحابو يمشو اهلم وهو يدخل معاها علي الاوضة....... اسبوع في الفندق..... الباقي تموهو في بيت اهل ابراهيم.....نفس الحكاية..... لكن المرة دي بقت ليلى تحضر الكبابي والتلج للقعدة وتمرق الكراسي.....والسراير...شوية شوية بقت تكب لهم الكاسات......ابراهيم قال لها ايوا خليك مرا.... متحررة.....وسيبك من نضم ناس حمبرة ديل......سافر ابراهيم..... بعد تلاتة شهور رسل يجيبا السعودية.... جات السعودية...... قفلة الشقة...ومصاقرة تلفزيون.....وافلام الفيديو..... بكل انواعها..... وابراهيم برضو عندو اصحابو ....وكل خميس القعدة في شقة ايراهيم..... وليلى تجهز الكبابي والتلج وتقعد تتونس مع الجماعة.....سكر ابراهيم سكر كعب.... مكنتو خفت بقى من الكاس الخامس وينوم في الكرسي..... يشيلوهو يدرجوهو لمن يرقدوهو في سريرو..... اصحابو مسوين البساط احمدي.... هو في هو مافي يجو البيت....ليلى بقت تضوق عقاب كبابي العرقي..... جُغمة ....جُغمتين.....وابراهيم عارف.....ومبسوط..... مرتو بقت مرا متحررة.....ابراهيم يسكر ويتسجم ويترمد...وليلى تسكر...... والاصحاب يسكرو...... السكر قالو زغاريد النضم اللعوج......جربت تنوم مع اصحابو .... كلهم...... يدرجو ابراهيم ويدخلوهو اوضة النوم...وينوموهو.... ويهيصو وهو نايم......ابراهيم كان عارف... وما كان الحكاية مزعلاهو... لكن المزعلو انو ليلى ترقد مع الجماعة مجاني.....انتي جاية هنا عشان القروش...... دايرة الدهب ودايرة الهدوم السمحة...... وانا ما بقدر علي النضم دا....الماهية يا دوب تكفي ايجار الشقة .....والاكل والشراب...اتلحلحي شوية....وخليكي تفتيحة.....اشتغلت كويس..نشاطها اتوسع....بقى سعودين ومصرين وهنود وبنغال واي زول يدفع.... السعر ما ضروري من عشرة ريال لي مائة ريال...... اتعرفت... اتقبضت... رحلوها...وهي في الترحيل ابراهيم جاب لها ورقة طلاقها من غير ما يشوفا.... قال دي مرا ما محافظه عليهو .......وجابت ليهو العار....نزلت في مطار الخرتوم ..مرحلا ومطلقه..... في الخرتوم ما بتعرف أي شغل تشتغلو.. وبقى عندها خبرة في الرجال......وجاهزة نفسيا.... نزلت الشارع..... امدرمان صينية ازهري....كان مركز نشاطها....كل يوم تمرق وتمشي تلقط القاسمها ليها الله...من اسياد العربات....الكايسين لي نسوان الشوارع.....وترجع اهلها....اتقدمت السنين وفترت.. بقت تمشي البيوت..... بيوت معروفة....... في سعد قشرة...... كبرت..... بقى همها كلو كيف تجيب حق نص العرقي.....وتسكر وتسكر لحدي ما تبقى قرد.....وتسب تلعن في ابراهيم..وفي الايام الما خلتا شباب طوالي.....
قصة حقيقة باختصار......وبتصرف..... ..وشوية توم وشمار
|
|
|
|
|
|
|
العنوان |
الكاتب |
Date |
ليــلى.... كيــف اصبحــتي عـاهـــرة؟ | سجيمان | 03-30-05, 00:02 AM |
Re: ليــلى.... كيــف اصبحــتي عـاهـــرة؟ | المسافر | 03-30-05, 00:14 AM |
Re: ليــلى.... كيــف اصبحــتي عـاهـــرة؟ | سجيمان | 03-30-05, 10:27 AM |
Re: ليــلى.... كيــف اصبحــتي عـاهـــرة؟ | ابو جهينة | 03-30-05, 00:17 AM |
Re: ليــلى.... كيــف اصبحــتي عـاهـــرة؟ | ترهاقا | 03-30-05, 00:24 AM |
Re: ليــلى.... كيــف اصبحــتي عـاهـــرة؟ | سجيمان | 03-31-05, 03:05 AM |
Re: ليــلى.... كيــف اصبحــتي عـاهـــرة؟ | سجيمان | 03-30-05, 02:52 PM |
Re: ليــلى.... كيــف اصبحــتي عـاهـــرة؟ | Nasser Mousa | 03-31-05, 00:24 AM |
Re: ليــلى.... كيــف اصبحــتي عـاهـــرة؟ | سجيمان | 03-31-05, 06:22 PM |
Re: ليــلى.... كيــف اصبحــتي عـاهـــرة؟ | أبوالزفت | 03-30-05, 00:26 AM |
Re: ليــلى.... كيــف اصبحــتي عـاهـــرة؟ | زول ساكت | 03-30-05, 01:27 AM |
Re: ليــلى.... كيــف اصبحــتي عـاهـــرة؟ | سجيمان | 03-31-05, 02:49 PM |
Re: ليــلى.... كيــف اصبحــتي عـاهـــرة؟ | سجيمان | 03-31-05, 12:14 PM |
Re: ليــلى.... كيــف اصبحــتي عـاهـــرة؟ | مريم بنت الحسين | 03-30-05, 01:45 AM |
Re: ليــلى.... كيــف اصبحــتي عـاهـــرة؟ | nour tawir | 03-30-05, 03:13 PM |
Re: ليــلى.... كيــف اصبحــتي عـاهـــرة؟ | سجيمان | 03-31-05, 05:29 PM |
Re: ليــلى.... كيــف اصبحــتي عـاهـــرة؟ | سجيمان | 03-31-05, 04:42 PM |
Re: ليــلى.... كيــف اصبحــتي عـاهـــرة؟ | samwal ebrahiem | 03-30-05, 02:01 AM |
Re: ليــلى.... كيــف اصبحــتي عـاهـــرة؟ | Habib_bldo | 03-30-05, 04:06 PM |
Re: ليــلى.... كيــف اصبحــتي عـاهـــرة؟ | سجيمان | 04-01-05, 04:38 AM |
Re: ليــلى.... كيــف اصبحــتي عـاهـــرة؟ | فيصل عثمان الحسن | 03-30-05, 05:04 PM |
Re: ليــلى.... كيــف اصبحــتي عـاهـــرة؟ | سجيمان | 04-01-05, 02:11 PM |
Re: ليــلى.... كيــف اصبحــتي عـاهـــرة؟ | سجيمان | 03-31-05, 10:43 PM |
Re: ليــلى.... كيــف اصبحــتي عـاهـــرة؟ | طه حسن عبدالله | 04-01-05, 07:00 AM |
Re: ليــلى.... كيــف اصبحــتي عـاهـــرة؟ | سجيمان | 04-02-05, 02:57 AM |
Re: ليــلى.... كيــف اصبحــتي عـاهـــرة؟ | Yahia Abd El Kareem | 04-01-05, 08:48 AM |
Re: ليــلى.... كيــف اصبحــتي عـاهـــرة؟ | سجيمان | 04-02-05, 05:49 AM |
Re: ليــلى.... كيــف اصبحــتي عـاهـــرة؟ | فريد ودالمسيد | 04-02-05, 04:27 AM |
Re: ليــلى.... كيــف اصبحــتي عـاهـــرة؟ | سجيمان | 04-02-05, 09:58 AM |
Re: ليــلى.... كيــف اصبحــتي عـاهـــرة؟ | بلدى يا حبوب | 04-02-05, 07:10 AM |
Re: ليــلى.... كيــف اصبحــتي عـاهـــرة؟ | سجيمان | 04-02-05, 07:41 PM |
Re: ليــلى.... كيــف اصبحــتي عـاهـــرة؟ | بلدى يا حبوب | 04-02-05, 07:17 AM |
Re: ليــلى.... كيــف اصبحــتي عـاهـــرة؟ | فيصل عثمان الحسن | 04-09-05, 06:40 PM |
Re: ليــلى.... كيــف اصبحــتي عـاهـــرة؟ | سجيمان | 04-10-05, 01:47 PM |
|
|
|