|
|
 رســـالة الي...حكومـــة الخرتوم
|
شفتو كندا دي.... ما تشوفوها كدي؟...... امانة مو صواطة ولخباتة.....وبعدين تصوط.. وتلبد.....وحسي شفتو ان طقصتو في قرارات مجاس الامني دا... تلقوها هي الحرشتهم.........عليكم الله اكان بقيتو علي الكتال والنضم الكعب..اول حاجة انا دايركم كندا تسجموها وترمدوها.. وتوروها المكشّن بلا بصل.....سمع اضاني دي في الازاعة قالت .. انتو ارهابين وكعبين....وكنتو داسين اسامة بن لادن.. واكلتو قريشاتو وفكيتوهو عكس الهوا....نان ما كضابة....اسامة بن لادن دا من الله خلقو قاعد في افغانستان....وبعدين اسامة من وين عندو قروش لمن نحن ناكلن؟.......خسمتكم بالرسول ما تخلوها.......
اها... بس......
عشان تاني يابو يدوني فيزا...هم قايلين انا الغتاتة ما بعرف لها؟.........
السنة الفاتت.. مشيت قلت اقدم لي فيزا وامشي كندا.....جدعت وهملت وليداتي وراي وسافرت.. و..مشيت السفارة.. وسعلت ووروني الحاجات الاجيبا....وجهزت اوراقي كلها....وقدمت... قالو لي.. تجي تقابل القنصل يوم الاتنين......انا من يوم السبت حايم في السوق ..اشتريت لي بدلة بي 450 ريال....وجزمة بي 150 ريال وفتيل ريحة ب30 ريال......سكنت في الفندق.. والعوضة فيها دولاب بي مرايات... انا البس البدلة...واقابل المرايا واقعد انضم....كاني بنضم مع القنصل في الانترفيو..... شوفتو الناس ديل قربو يجننوني كيفن؟. وبقى يتوارى لي سممممممح اني حايم في مونتريال....اشتريت الحاجات دي..... لانو في واحد اخوي ما افضلو عليكم......قال لي الخواجات ديل بيدورو الزول البي يلبس فل سوت......اها قلت لو تديني المسجل حقك....ومشيت اشتريت شريط الكابلي...الفيهو غنية السيل بوبا....عشان تحمسني. وتخليني اقابل القنصل الكندي بي قلب قوي......وعصرت علي الحتة الفي الغنية البي تقول......
تغني ليك ظبية الخُدُر
الما بينبلع بي طعمو.... مُر
السيل بوبا يا الفوتك مو دحين
ال لا بيزح... ولا بيتُر
قدام العينهم.... خُدُر
السيل بوبا يا الفوتك مو دحين
اسمع في الغنية.. وانا لابس الفل سوت... اكبكب في فتيل الريحة فوقي... واعرض...واقول" هيع"... اشدع في نفسي....غايتو ليل الاحد انا لي الصباح ما نمت.....الدغش مشيت لي صاحبي دا عند اهلو....ونهزتو من النوم.... عشان يربط لي الكرفتة........وبارك الله فيهو هو اريتو ود السرور... اصلو لا طنطن ولا نقنق....وربطا لي ربطة سمحة خلاص.....شلت شريط الكابلي في جيبي.....وبقيت اوقف التاكسي .....اول حاجة اسعلو عندو مسجل في العربية ولاّ.. لا؟......بعدين لقيت لي ليموزين سواقو باكستاني.. عنو مسجل..... وركبت معاهو...... قلت لو بي وشيك وعلي حي السفارات.....ودخلت الشريط.في مسجل العربية.....والكابلي يغني في السيل بوبا.....وانا اقول للباكستاني.. ابشر .. ابشر يا زول بالخير... هيع.....والباكستاني يقول ابسر بالخير هيع برضو.....وصلت السفارة......ونسيت اقول لكم اشتيرت لي برضو شنطة سامسونايت....دخلت السفارة....غايتو عاينت لي روحي ....ونفسي عجبتني خلاص. وخاصة لما وقفت عاينت لي روحي في الباب الفيهو قزاز زي المريات داك.....قلت والله الليلة الخواجات ديل يتخلعو جنس خُلعة يقول الزول القيافة دا.. علا يكون السفير السوداني.....دفعت الرسوم... اظنها كانت 140 ريال .... تدخل عليهم بالساحق والماحق والبلا المتلاحق ان شاء الله.....تبقى لهم اربحا وعقاب شهر.... ان شاء الله ما تنفعهم..انش اء الله يبلعوها حنضل ريال ريال.... وبعد شوية قابلت الخواجة.....وفي سري اغني في اللابيزح ولا بيتر قدام العينهم خُدُر.......وسعلني كتير... غايتو يمكن ساعة وهو يسعل..... معاهو واحدة ما بعرفا كان سورية كان لبنانية...... قالت لي اقعد عشان تستلم الفيزا حقتك.....شايف لي سودانية حايمة...... قلت يمكن تنضم معاي.... لكن اصلو ما هببتو لي......قعدت زي ساعة كدي....وكوركت ليّ السودانية.. في المكرفون.....انا قلت خلاص امانة يا كندا ما ورطتي ورطة.... لما فيكي سجيمان الله قال بي قولك.. والله يصوطك فوق تحت.....ومشيت علي الشباك وانا اقدل....ناولتني البظبورطي.....وقالت لي الزول دا ما اقتنع بي نضمك ورفض يديك فيزا.....شيلت بظبورطيّ وانا ماشي علي خشم الباب وانقنق...انا اصلي عرفتك من جبتي البظبورطي انتي مسوية قدومك دا.....ما بتجيبي خبر خير..... قالت ما اقتنع بي نضمي....... هو اقتنع وشغلك انتي...معاهم .. وما داير يقتنع بي نضمي... نضمي اشنا منك؟,, وبعدين كندا دي ظااااااطا قالو كعبة..وكلها صقط.وبرد.....اريتهم بالصقط اليعدمهم نفاخ النار.....واها كمان كية ليهم تاني انا بضاعة من كندا ما بشتريها ولا اقبل أي هدية من كندا......وفي الخريتة دي..... ما بيقيف فوقا.........
|
|
 
|
|
|
|
|
| العنوان |
الكاتب |
Date |
| رســـالة الي...حكومـــة الخرتوم | سجيمان | 04-04-05, 02:00 PM |
| Re: رســـالة الي...حكومـــة الخرتوم | سجيمان | 04-04-05, 08:24 PM |
| Re: رســـالة الي...حكومـــة الخرتوم | فريد ودالمسيد | 04-04-05, 10:35 PM |
| Re: رســـالة الي...حكومـــة الخرتوم | rani | 04-04-05, 11:04 PM |
| Re: رســـالة الي...حكومـــة الخرتوم | Marouf Sanad | 04-04-05, 11:14 PM |
| Re: رســـالة الي...حكومـــة الخرتوم | Habib_bldo | 04-05-05, 02:01 AM |
| Re: رســـالة الي...حكومـــة الخرتوم | Elawad Eltayeb | 04-05-05, 03:00 AM |
| Re: رســـالة الي...حكومـــة الخرتوم | سجيمان | 04-06-05, 05:33 AM |
| Re: رســـالة الي...حكومـــة الخرتوم | tasneem | 04-06-05, 07:44 AM |
| Re: رســـالة الي...حكومـــة الخرتوم | سجيمان | 04-06-05, 04:06 AM |
| Re: رســـالة الي...حكومـــة الخرتوم | سجيمان | 04-06-05, 02:05 AM |
| Re: رســـالة الي...حكومـــة الخرتوم | سجيمان | 04-05-05, 11:06 PM |
| Re: رســـالة الي...حكومـــة الخرتوم | سجيمان | 04-05-05, 03:45 PM |
| Re: رســـالة الي...حكومـــة الخرتوم | Ahmed Khalil | 04-05-05, 08:59 AM |
| Re: رســـالة الي...حكومـــة الخرتوم | سجيمان | 04-06-05, 03:08 PM |
| Re: رســـالة الي...حكومـــة الخرتوم | abdalla BABIKER | 04-05-05, 09:07 AM |
| Re: رســـالة الي...حكومـــة الخرتوم | سجيمان | 04-06-05, 07:14 PM |
| Re: رســـالة الي...حكومـــة الخرتوم | ست البنات | 04-05-05, 11:05 AM |
| Re: رســـالة الي...حكومـــة الخرتوم | انا بنت النيل | 04-05-05, 12:19 PM |
| Re: رســـالة الي...حكومـــة الخرتوم | عماد شمت | 04-05-05, 12:29 PM |
 Re: رســـالة الي...حكومـــة الخرتوم | طه حسن عبدالله | 04-05-05, 04:26 PM |
| Re: رســـالة الي...حكومـــة الخرتوم | سجيمان | 04-07-05, 05:58 PM |
| Re: رســـالة الي...حكومـــة الخرتوم | سجيمان | 04-07-05, 02:29 PM |
| Re: رســـالة الي...حكومـــة الخرتوم | سجيمان | 04-07-05, 03:38 AM |
| Re: رســـالة الي...حكومـــة الخرتوم | سجيمان | 04-07-05, 01:03 AM |
| Re: رســـالة الي...حكومـــة الخرتوم | صديق الموج | 04-05-05, 04:00 PM |
| Re: رســـالة الي...حكومـــة الخرتوم | ابنوس | 04-05-05, 07:17 PM |
| Re: رســـالة الي...حكومـــة الخرتوم | هاشم نوريت | 04-05-05, 07:42 PM |
| Re: رســـالة الي...حكومـــة الخرتوم | سجيمان | 04-08-05, 03:29 PM |
| Re: رســـالة الي...حكومـــة الخرتوم | سجيمان | 04-08-05, 01:44 PM |
| Re: رســـالة الي...حكومـــة الخرتوم | سجيمان | 04-07-05, 10:33 PM |
| Re: رســـالة الي...حكومـــة الخرتوم | فريد ودالمسيد | 04-05-05, 10:11 PM |
| Re: رســـالة الي...حكومـــة الخرتوم | شريف درار شريف | 04-06-05, 06:09 AM |
| Re: رســـالة الي...حكومـــة الخرتوم | سجيمان | 04-08-05, 05:07 PM |
| Re: رســـالة الي...حكومـــة الخرتوم | Yasir Elsharif | 04-07-05, 01:38 AM |
| Re: رســـالة الي...حكومـــة الخرتوم | manubia | 04-08-05, 08:16 AM |
| Re: رســـالة الي...حكومـــة الخرتوم | سجيمان | 04-08-05, 05:15 PM |
| Re: رســـالة الي...حكومـــة الخرتوم | سجيمان | 04-08-05, 10:54 PM |
| Re: رســـالة الي...حكومـــة الخرتوم | سجيمان | 04-09-05, 00:28 AM |
| Re: رســـالة الي...حكومـــة الخرتوم | Tragie Mustafa | 04-08-05, 02:39 PM |
| Re: رســـالة الي...حكومـــة الخرتوم | سجيمان | 04-08-05, 05:04 PM |
| Re: رســـالة الي...حكومـــة الخرتوم | Tragie Mustafa | 04-08-05, 02:55 PM |
| Re: رســـالة الي...حكومـــة الخرتوم | عماد عثمان | 04-08-05, 06:21 PM |
| Re: رســـالة الي...حكومـــة الخرتوم | سجيمان | 04-09-05, 04:19 AM |
| Re: رســـالة الي...حكومـــة الخرتوم | Yasir Elsharif | 04-09-05, 01:50 AM |
| Re: رســـالة الي...حكومـــة الخرتوم | سجيمان | 04-09-05, 06:00 AM |
| Re: رســـالة الي...حكومـــة الخرتوم | بلدى يا حبوب | 04-09-05, 07:44 AM |
| Re: رســـالة الي...حكومـــة الخرتوم | سجيمان | 04-09-05, 09:19 AM |
| Re: رســـالة الي...حكومـــة الخرتوم | سجيمان | 04-09-05, 11:44 PM |
 Re: رســـالة الي...حكومـــة الخرتوم | Yasir Elsharif | 04-09-05, 11:50 PM |
|
| |
سجيمان
فيس بوك
تويتر
انستقرام
يوتيوب
بنتيريست