|
|
 الضكـــر.... الخــايب.."توجد صورة"
|
برنامج تهجين... بين السلالات المحلية من الاغنام السعودية....والسلالات المستوردة.....ونسبة لثقتي المفرطة في الفحل السوداني..من الحمار..مرورًا.... بالضكر البشري.....وانتهاءًا بالديك وبي ود ابرك.....حلفت بالتكسرني علا نجيب خروف مستورد سوداني ......وندخلو في برنامج التهجين دا..... واصريت اصرارًا منقطع النظير..... انو يهجن الاناتي النعجات الاسترالية....لانو انا اصلي مكجّن استراليا دي من زماااااان...... من زمني الصقطت في الجغرافيا... عشان كتبت العاصمة بتاعتها سدني...وهي طلعت ما سدني....اها حسي كيه ليهم اطلق الفحل دا وسط نعجاتهم .....ويلدن منو ويجيبن ... عشان تقعد لهم فضيحة لي جنا الجنا..........جبت الضكر الفحل الخروف السوداني وسميتو "ابدومات"... اسم رجالة ساااااااااكت....ودخلتو في برنامج تعليف... مكثف....وبقيت اطعن فيهو في التستيستيرون..... لكن دي بالدس.....وقدر ما جا سعودي اسوقو اوريهو ليهو..وكيف نحن فحولنا ...من تالا ضكارة..ورجالة ..ما مخلية شي.........وحلفت مافي خروف تاني يدخل معاهو علي النعجات ديل.......خايف ان دخل معاهو خروف تاني ابدومات يزعل ويتحرق وينطحو ويكتلو سااكت..........
يوم التهجين... وانا ماشي علي زريبة الاناتي الاستراليات..... والخروف قدامي.....وانا وراهو وادندن في غنية الشيخ سيرو.....واذكرو انو نحن صرفنا عليهو اكل وعلف.... وما خلينا لو فرضن ناقص.......
تلاتة ارادب عشا
اب دومات سيرو
تلاتة ارادب غدا
اب دومات سيرو
اب دومات راجل الهنا
.....وهو ماشي قدامي يتضرع سااااااكت.......وكل مرة انا اعاين ليهو ..واقولو ..هيع... هلا هلا اب دومات... والله الليلة يا نعجات الخواجات يمرقكن الله دا..... الله دا شفتنو؟ يمرقكن....جاكن الليلة البي يوريكن المكشن بلا بصل.....وبرضو ادندن في الشيخ سيرو
يومو الدخل الزريبة جالا
وبشتن نعجات النصارى
وعشان اشدعو..واخليهو يحس بحجم المسئولية الملقاة على عاتقه...وانو ما يشمّت علينا الناس... اتم الغنية
غنت ليك البنية
اب دومات سيرو
قالت ابدومات شغلتو نجيضة ماها نية
اب دومات سيرو
قالت ما بخون القضية
اب دومات سيرو
ياكا ابقرونا ملوية
ابدومات سيرو
وشمّر ما شمت عليّ
وسرّع جيب الشكّرة ليّ
ابدومات سيرو
...... قلت للعمال... يا جنوّن هوي..... قفلو ابواب المشروع دي كلها.... ما تخلو ولا باب فاتح...... الخروف الكلس دا .. هيع...... ان لحق اتفكا وجرى....ونزل الحلة دي؟..... علي اليمين ما يخلي لا ثيب لا بِكر......دخلنا الخروف علي النعجات.... وقعد يقدل وسطن....... عفيت منك...هيع... يا التمساح العشاري.. ايا..ايا..... اقدل.... مو فوق عديلك.... والليلة يوم حوبتك......ان ما قدلتا انت اليقدل منو؟؟؟؟....... ويمشي بعييييد.....ويقيف في ضليل....وبعد شوية يبرك ويقعد في الواطا.....قلت يمكن يكون خجلان..... يمكن ما لقى طلبو......والنعجات يحومن بي عندو..وكل مرة تجي واحدة تعاين لو.....وتشاغلو..غايتو نعجات الخواجات عليهن جنس انطلاقة وجنس قوة عين وقلة ادبن.....تجي الواحدة تقيف وتسوي حركات زي الاستربتيز .....وهو راقد في رقادو...... قلت يمكن تقله و تغا منو..... لكن دا وقت تغا؟.... قلت يا ربي يكون متوضي وخايف علي وضوهو؟...كدي نصبر شوية..... ساعتين وابدومات راقد ويلوك في لبانتو......اهااااااا انت مرقت اللبانة وقعدت تلوك فيها؟.... عاد كان كدي .. الرماد كال حماد...و الفضيحة جاية جاية.....حسيت بالاحباط يتسرب الي اوصالي.....قلت للناس كدي نمشي منو يمكن ما داير يسوي شي قدام الناس.... مشينا وانا جيت براي..... ولقيت خريّف الجن في رقادو ويلوك في لبانتو....مشيت عليهو وقلت كدي نناغمو وننضم معاهو ونشدعو شوية...... افو..... آآآآ.... ابدومات.. افو....نحن خاتين مستقبلنا واملنا كلو فيك..وتخذلنا؟...... انت يا ابدومات يا عاجبلك ماك ساهل.... انت امة كاملة خاتا املها فيك......يا زول عليك الله ما تتلوم اللوم دا......ابدًا في رقدتو ويلوك في لبانتو..... الشمش غابت.... جيت في الليل وجبت معاي عامل وربطنا ابدومات في حديدة علي الزريبة....واجيب لي خرتوش موية و...وادقو دقة .... بت كلب....وفشيت غبينتي فيهو كويس...... الصباح.. قلت للجماعة اضبحوهو اصلو ما منو فايدة..... ضبحوهو وانا حلفت... حتيتة لحيمة من الخروف الخايب الباطل دا....ما تدخل خشمي..........
"صورة تذكارية.. لي اب دومات... يوم الحنة.. وهو مادي ايدو عشان يحننوهو"
|
|
 
|
|
|
|
|
| العنوان |
الكاتب |
Date |
| الضكـــر.... الخــايب.."توجد صورة" | سجيمان | 06-17-05, 10:24 PM |
| Re: الضكـــر.... الخــايب.."توجد صورة" | ودقاسم | 06-18-05, 00:50 AM |
| Re: الضكـــر.... الخــايب.."توجد صورة" | سجيمان | 06-18-05, 04:01 AM |
| Re: الضكـــر.... الخــايب.."توجد صورة" | سجيمان | 06-18-05, 05:45 AM |
 Re: الضكـــر.... الخــايب.."توجد صورة" | almohndis | 06-18-05, 01:12 AM |
| Re: الضكـــر.... الخــايب.."توجد صورة" | سجيمان | 06-18-05, 08:31 AM |
| Re: الضكـــر.... الخــايب.."توجد صورة" | سجيمان | 06-19-05, 04:51 AM |
| Re: الضكـــر.... الخــايب.."توجد صورة" | Osman M Salih | 06-18-05, 04:07 AM |
| Re: الضكـــر.... الخــايب.."توجد صورة" | Osman M Salih | 06-18-05, 05:47 AM |
 Re: الضكـــر.... الخــايب.."توجد صورة" | عمر محمد عبد القادر | 06-18-05, 11:29 AM |
| Re: الضكـــر.... الخــايب.."توجد صورة" | برير اسماعيل يوسف | 06-18-05, 12:12 PM |
| Re: الضكـــر.... الخــايب.."توجد صورة" | سجيمان | 06-20-05, 10:08 AM |
| Re: الضكـــر.... الخــايب.."توجد صورة" | سجيمان | 06-20-05, 07:21 AM |
| Re: الضكـــر.... الخــايب.."توجد صورة" | سجيمان | 06-20-05, 01:44 AM |
| Re: الضكـــر.... الخــايب.."توجد صورة" | سجيمان | 06-19-05, 10:34 AM |
| Re: الضكـــر.... الخــايب.."توجد صورة" | waleedi399 | 06-21-05, 01:02 AM |
| Re: الضكـــر.... الخــايب.."توجد صورة" | سجيمان | 06-22-05, 11:43 AM |
| Re: الضكـــر.... الخــايب.."توجد صورة" | الزوول | 06-18-05, 12:45 PM |
| Re: الضكـــر.... الخــايب.."توجد صورة" | سجيمان | 06-20-05, 09:37 PM |
| Re: الضكـــر.... الخــايب.."توجد صورة" | صديق الموج | 06-18-05, 01:53 PM |
| Re: الضكـــر.... الخــايب.."توجد صورة" | Abureesh | 06-18-05, 03:05 PM |
| Re: الضكـــر.... الخــايب.."توجد صورة" | عمر محمد عبد القادر | 06-18-05, 03:17 PM |
| Re: الضكـــر.... الخــايب.."توجد صورة" | سجيمان | 06-21-05, 09:27 AM |
| Re: الضكـــر.... الخــايب.."توجد صورة" | سجيمان | 06-21-05, 07:43 AM |
| Re: الضكـــر.... الخــايب.."توجد صورة" | سجيمان | 06-21-05, 02:59 AM |
| Re: الضكـــر.... الخــايب.."توجد صورة" | نزار باشري ابراهيم | 06-18-05, 04:51 PM |
| Re: الضكـــر.... الخــايب.."توجد صورة" | سجيمان | 06-21-05, 11:00 PM |
| Re: الضكـــر.... الخــايب.."توجد صورة" | سجيمان | 06-18-05, 09:19 PM |
| Re: الضكـــر.... الخــايب.."توجد صورة" | ابو جهينة | 06-19-05, 00:47 AM |
| Re: الضكـــر.... الخــايب.."توجد صورة" | سجيمان | 06-22-05, 01:50 AM |
| Re: الضكـــر.... الخــايب.."توجد صورة" | Elsamani A.Malik | 06-21-05, 00:58 AM |
| Re: الضكـــر.... الخــايب.."توجد صورة" | سجيمان | 06-22-05, 03:41 AM |
| Re: الضكـــر.... الخــايب.."توجد صورة" | Elsamani A.Malik | 06-22-05, 04:41 AM |
| Re: الضكـــر.... الخــايب.."توجد صورة" | سجيمان | 06-23-05, 05:32 AM |
| Re: الضكـــر.... الخــايب.."توجد صورة" | سجيمان | 06-25-05, 04:29 AM |
| Re: الضكـــر.... الخــايب.."توجد صورة" | بلدى يا حبوب | 06-19-05, 07:00 AM |
| Re: الضكـــر.... الخــايب.."توجد صورة" | برير اسماعيل يوسف | 06-19-05, 06:51 PM |
| Re: الضكـــر.... الخــايب.."توجد صورة" | saif massad ali | 06-21-05, 02:23 AM |
| Re: الضكـــر.... الخــايب.."توجد صورة" | سجيمان | 06-23-05, 02:45 AM |
| Re: الضكـــر.... الخــايب.."توجد صورة" | سجيمان | 06-22-05, 09:40 AM |
| Re: الضكـــر.... الخــايب.."توجد صورة" | سجيمان | 06-22-05, 07:31 AM |
| Re: الضكـــر.... الخــايب.."توجد صورة" | جمال السنوسي | 06-23-05, 02:37 AM |
| Re: الضكـــر.... الخــايب.."توجد صورة" | سجيمان | 06-23-05, 06:58 AM |
| Re: الضكـــر.... الخــايب.."توجد صورة" | mekki | 06-23-05, 03:51 AM |
| Re: الضكـــر.... الخــايب.."توجد صورة" | سجيمان | 06-23-05, 09:54 AM |
| Re: الضكـــر.... الخــايب.."توجد صورة" | سجيمان | 06-23-05, 09:55 AM |
|
| |
سجيمان
فيس بوك
تويتر
انستقرام
يوتيوب
بنتيريست