|
دا الـديسكــو ..الجنن الطلبــة....
|
الشماشة اقيفو بي ادبا
دا الديسكو الجنن الطلبه
غنية قديمة.....والوقت داك انا كنت من الطلبة الجننهم الديسكو...والدخلت فيني من الديسكو لي حسي ما مرقت...كنت اردتي بنطلوني البمبي....وامشي اقرب حفلة واقيف في طرف الخيمة....واقعد اعاين في الجكس....... بلغة الرندوك الحديثة... واللقو بلغة الرندوك القديمة......وارجع البيت في غاية الاحباط....... لانو مافي واحدة ساكت عاينت لي.......واقنع نفسي انو ذوق البنات بقت سئ.. و..ردئ........واقيف قدام المرايا....... يمكن القى الشي الكعب فيني شنو؟؟؟؟.......المصيبة كنت لقاوي وجكاسي لا يشق لي غبار.......ولا تلين لي قناة.. اطلع من شاكوش قوي الشكيمة والعزيمة..والاصرار للاستمرار............اتظكر مرة واحد صاحبي جا من امريكا...وقعد يحكي لينا.... عن مغامراتو...وبعدين اتلفت عاين لي وقال لي تعرف الاستايل بتاعك دا في امريكا..... البنات يموتن فيهو..... صراحة اتنفحت واتربعت عديل في الكرسي......وانا احمد الله ان خلقني من استايل... راسو كبير كرعينو رقاق شن سمو؟ سمو العولاق.....الاستايل البيجنن بنات امريكا... و يكسرّن ويدشدشن حتة حتة........وان شاء الله امريكا بي ولايلتها ال51..ما تفضل فيها انتاية حايمة......وبنات السودان ان شاء الله الغبا اليغباهن........ الما بيعرفن.. السمح من الشين....... ...كانت بداية ظهور الشماشة في بداية التمانينات ونهاية السبعينات من القرن الماضي......ظهرو في محطات البنزين... يقيفو في الصف مع العربات عشان يشيلو بنزين يشموهو.......وبعد ما ينسطلو الزارعها الله في الحجر تقوم....... زادو بزيادة الازمات الاقتصادية والسياسية والحروب.......ال ربنا بلانا بيها....... بالمناسبة نحن شماشة الاغتراب.....نقيف في صف الجوازات عشان التاشيرة....وبعد داك الزارعا الله في الحجر تقوم... .بقت تقوم أي اضطرابات..... الجماعة يلفو عمهم ويجو التلفزيون ويقول دا كلو من الشماشة اولاد الكلب المالين البلد دي...كأنو الشماشة زيهم وزي البعوض....او ناس جاين من كوكب تاني..... ما نتيجة للمارسات ساستنا وناسنا القدامنا الكبار..من الاستعمار ولي حسي...كلو داير يحكم ويربي جضومو وينضف هدومو ويضمن بكان نومو..وبلدًا ما بلدي انا مالي بي.......... .ولو مسكت اجعص شماشي وعامل فيها تفتيحة... وسعلتو.....قلت ليهو وزير الخارجية منو........؟؟؟....... هو طبعا ما حيسكت اقصد الشماشي....حتى لو ما عارفو.. ويكون دا مدخل ليهو عشان ينضم معاك....ح يتلفت ويقطع لو أي اسم من راسو ويرزعك بيهو........وممكن يقول لك عشة الفلاتية كيف يا خالي؟............ما تتخلع ما بكون قاصد انو وزير الخارجية عشة الفلاتية... بي يكون داير يشحدك حق العشا او تعشيهو .. ايهما اقرب........ الاحداث المؤسفة الاخيرة...... البعد موت د.قرنق......والله د. قرنق راجل كلس ..وراجل قدامي.....وراجل مو هين..وموتو يدخل علي العدو.....وقدر مافي سوداني وجعو موتو.... لكن نسوي شنو.... قدر الله..ووقع........ قامت الجوطة...... ودي كمان ماتو فيها ناس والله ما ساهلين..... الوجعني.... انو بعض السياسين ..الواحد منهم جا التفلزيون قال دا من الشماشة....... لو قالها عديل ولاّ لفة ودوّر.....منكم انتو..انتو يا ساستنا... منكم بدون استثناء.......قاعدين تكضبو علينا..طواااااااالي تكضبو.......واجهو الحقايق بي شجاعة.,,عشان تعالجوها...ما تزاوقو منها.. المزاوغة ما بتجيب شي........ حتى لو من الشماشة... الشماشة ديل برضو انت مسعولين منهم........لكن ما منهم ..هم عشان ناس مساكين....كفاية عليهم النوم في الخيران والاكل من الكوش....وفضلات المطاعم... فضلاتكم..... كفاية عليهم لو مرض واحد فيهم وجاتو مراريا ساكت... يرقد في أي خور... مافي زول يسعل منو لا اخو ولا اخت ولا ام ولا ابو...... ولو جا زول ماشي بي عندو..ما بيقولو كيف اصبحت من الحمى؟....ولاّ ما طلقتك شوية....... كفاية عليهم الواحد ما عندو ام تسعل منو.....ولا ابو... يشوفو مشى وين ولا جا من وين؟.. كفاية عليهم الطفل فيهم ما بيضوق فرحة الاطفال زي باقي شُفع الناس... اكبر فرحة ليهو لما يلقى ليهو رغيفة كاملة مرمية في كوشة...وانتو فرحة اطفالكم بدلة فل سوت ولعبة جديدة سعرها يشبّع عشرة شماشة....كفاية عليهم الذلة والمهانة الهم فيها...... سابو ليكم البلد بكل ما فيها.....واكتفو بالشمش بس...... وانتو برضو لاحقنهم؟.....دارين تحملوهم اخطاءكم؟...... يا اخي اختشو عيب.........................
|
|
|
|
|
|
|
العنوان |
الكاتب |
Date |
دا الـديسكــو ..الجنن الطلبــة.... | سجيمان | 08-04-05, 03:44 AM |
Re: دا الـديسكــو ..الجنن الطلبــة.... | najma | 08-04-05, 04:49 AM |
Re: دا الـديسكــو ..الجنن الطلبــة.... | سجيمان | 08-04-05, 09:51 AM |
Re: دا الـديسكــو ..الجنن الطلبــة.... | Abdulla Ageed | 08-04-05, 04:50 AM |
Re: دا الـديسكــو ..الجنن الطلبــة.... | سجيمان | 08-05-05, 05:18 AM |
Re: دا الـديسكــو ..الجنن الطلبــة.... | عماد شمت | 08-04-05, 04:57 AM |
Re: دا الـديسكــو ..الجنن الطلبــة.... | سجيمان | 08-04-05, 06:50 AM |
Re: دا الـديسكــو ..الجنن الطلبــة.... | سجيمان | 08-05-05, 12:08 PM |
Re: دا الـديسكــو ..الجنن الطلبــة.... | المكاشفي الخضر الطاهر | 08-04-05, 07:10 AM |
Re: دا الـديسكــو ..الجنن الطلبــة.... | Abureesh | 08-04-05, 10:12 AM |
Re: دا الـديسكــو ..الجنن الطلبــة.... | سجيمان | 08-06-05, 07:49 AM |
Re: دا الـديسكــو ..الجنن الطلبــة.... | Mohamed Doudi | 08-04-05, 10:18 AM |
Re: دا الـديسكــو ..الجنن الطلبــة.... | سجيمان | 08-07-05, 11:12 AM |
Re: دا الـديسكــو ..الجنن الطلبــة.... | سجيمان | 08-05-05, 10:10 PM |
Re: دا الـديسكــو ..الجنن الطلبــة.... | سجيمان | 08-06-05, 11:34 AM |
Re: دا الـديسكــو ..الجنن الطلبــة.... | كمال حسن | 08-04-05, 10:38 AM |
Re: دا الـديسكــو ..الجنن الطلبــة.... | طلال عفيفي | 08-04-05, 12:45 PM |
Re: دا الـديسكــو ..الجنن الطلبــة.... | خضر حسين خليل | 08-04-05, 01:23 PM |
Re: دا الـديسكــو ..الجنن الطلبــة.... | Marouf Sanad | 08-04-05, 03:09 PM |
Re: دا الـديسكــو ..الجنن الطلبــة.... | نادية عثمان | 08-05-05, 06:25 AM |
Re: دا الـديسكــو ..الجنن الطلبــة.... | سجيمان | 08-08-05, 01:43 AM |
Re: دا الـديسكــو ..الجنن الطلبــة.... | سجيمان | 08-07-05, 01:31 PM |
Re: دا الـديسكــو ..الجنن الطلبــة.... | سجيمان | 08-07-05, 06:02 AM |
Re: دا الـديسكــو ..الجنن الطلبــة.... | سجيمان | 08-06-05, 09:42 PM |
Re: دا الـديسكــو ..الجنن الطلبــة.... | Dr.Mohammed Ali Elmusharaf | 08-05-05, 07:33 AM |
Re: دا الـديسكــو ..الجنن الطلبــة.... | سجيمان | 08-08-05, 12:47 PM |
Re: دا الـديسكــو ..الجنن الطلبــة.... | الزنجي | 08-05-05, 11:19 PM |
Re: دا الـديسكــو ..الجنن الطلبــة.... | سجيمان | 08-09-05, 04:40 AM |
Re: دا الـديسكــو ..الجنن الطلبــة.... | Samer Osman | 08-07-05, 06:35 AM |
Re: دا الـديسكــو ..الجنن الطلبــة.... | سجيمان | 08-09-05, 11:01 AM |
Re: دا الـديسكــو ..الجنن الطلبــة.... | Munir | 08-07-05, 02:14 PM |
Re: دا الـديسكــو ..الجنن الطلبــة.... | سجيمان | 08-09-05, 02:34 PM |
Re: دا الـديسكــو ..الجنن الطلبــة.... | Nasser Mousa | 08-07-05, 02:38 PM |
Re: دا الـديسكــو ..الجنن الطلبــة.... | سجيمان | 08-09-05, 09:07 PM |
Re: دا الـديسكــو ..الجنن الطلبــة.... | هشام مدنى | 08-07-05, 04:11 PM |
Re: دا الـديسكــو ..الجنن الطلبــة.... | سجيمان | 08-10-05, 08:37 AM |
Re: دا الـديسكــو ..الجنن الطلبــة.... | بلدى يا حبوب | 08-08-05, 07:41 AM |
Re: دا الـديسكــو ..الجنن الطلبــة.... | waleedi399 | 08-08-05, 01:02 PM |
|
|
|