|
|
|
 Re: المـــذيع الشيــن......و..... الحمــار حمدو في بطنو (Re: حمزاوي)
|
أعجبني في قناة النيل الأزرق خروج مذيعيها عن المألوف
خاصة وأننا في السودان تعودنا على أن المذيع حينما يقف خلف الكاميرا كأنه قادم للتو من المقابر 00 تجهم أكثر من اللازم ويصر وجهه لدرجة أنك تشك هل أنت مشاهد أم محصل ضرائب ؟؟
خروج المذيع عن النص شيء رائع وجميل جداً ويضفى لمسة سحريه على الحلقة التي يقدمها ويخلق مساحة من الأريحية ما بين المشاهد ومقدم البرنامج
أذكر أن مذيعة في إحدى القنوات الإنجليزية كان الجميع ينتظرونها لتقديم فوز أو سقوط المراة الحديدية كأول خبر ينتظره جميع المشاهدين وقتها على القناة الرابعة في بريطانيا 0
بت اللذين دي أول خبر قدمته للمشاهدين كان كالتالي : " أناشدك حبيبي العزيز بأن تتقدم للزواج مني فأنا قد مملت الإنتظار " !!! وتسمر المشاهدين لحظتها في مقاعدهم ما بين الدهشة والإنبهار ورغم ذلك للأسف لم تفز مارجريت ورجعت مرة أخرى للمطبخ !!! لتساعد زوجها تاتشر الذي ملّ هو الآخر إنتظارها ورحلاتها الكثيرة 0
بالطبع لايمكن أن تتجرا مذيعاتنا لهذه الدرجة ولكن بدأن يخرجن من العباية السوداء والشرنقة الضيقة التي كن يتحصن داخلها 0 بل وخرج قطار المذيعة السودانية عن الخط الحديدي الذي كان يضعه بعض المخرجين في طريق مقدمي برامجهم !! دون أن يؤدي ذلك لحدوث أضرار 0
لو استمرت قناة النيل الأزرق على هذا الخط وهذا اللون الممزوج بالأريحية والحب والدفء فإنها حتماً ستكون ضرة للفضائية السودانية 0
ولكن رغم ذلك ففي رأيي المتواضع أن القناة إضافة جيدة للمشاهد السوداني وتقدم وجبه رغم دسامتها فإنها خالية من الكلوسترول كما تسيطر عليها الروح الشبابية وهي حتماً ستضخ فيها دماء حارة ستجعلها تنهض وتقف على قدميها وتعطي أكلها كل حين !!!
آخر الكلام : طبعاً مشاركاتنا قليلة في شهر رمضان ففي هذا الشهر نتفرغ للعبادة والصوم والصلاة والعمرة 00 فإذا كانت الأيام العادية نحن هنا في السعودية على وضوء 24 ساعة فما بالك برمضان 00 أخشى أن نصحو يوماً ما ونجد أنفسنا وقد لبسنا الحجاب ؟؟
000
طبعاً دي مشاركة جدية شوية كنت قد شاركت بها سابقاً
ومشكلة بعض المذيعات عندنا للأسف الشديد هو تجهمها الكثير جداً
يعني حتى في الأخبار الطريفة لاتضحك مع الخبر
بالأمس كنت اسمع في مونتي كارلو
والله كان البرنامج شيق جدا تقدمه مذيعة لبنانية اسمها نعمات
يعني تفاعل غير عادي مع الجمهور
لدرجة أنها طلبت من أحد المتصلين ان يبوس زوجته على الهواء
ففعلها ابن اللذين !!!
| |
 
|
|
|
|
|
|
|
|
Re: شلاليف المذيعين (Re: طيفور)
|
يا اخوى سجيمان
كلامك صاح .. لكن بس اقولك ليه مذيعينا شلاليفهم كبيرة وطراريمهم الواحدة تسوى حلة كمونية .. ليه ما نعمل عماية تجميل للشلاليف ونصغرها ولا نتبرع بعض الشلاليف لجهات اخرى لعلها تستفيد منها فى عمليات تجميل الشلاليف
شاك
| |
|
|
|
|
|
|
|
|
|
Re: شلاليف المذيعين (Re: shak)
|
شاك
| Quote: كلامك صاح .. لكن بس اقولك ليه مذيعينا شلاليفهم كبيرة وطراريمهم الواحدة تسوى حلة كمونية |
هههههه... بس ما كلهم يا شاك...واحيانا برضو ممكن تكون شلاليف كبيرة...لكن سمحة
| |
|
|
|
|
|
|
|
|
 Re: المـــذيع الشيــن......و..... الحمــار حمدو في بطنو (Re: سجيمان)
|
الحالة يا سجيمان انا وصاحباتي مشينا سوق السبت في لندن واشترينا سفنجات خدر وقلنا نقطع التزاكر ونجي مارين بي شارع ناس سجيمان ونكشت عشان يقول فينا شعر. البي سي شنو
رسلوا لينا وحنسونا وقالوا لينا عليكم الله تعالوا اشتغلوا معانا وجيبوا لينا من سفنجاتكم الخدر دي مجموعة لكي ترتقي ناسي ... وغيرها من الناس الساي .... قلنا ليهم ال بي بس شنو البنشتغل فيها نحن .....هي هي
نحن امات سفنجات خدر ...
كاشين في الفريق من الصباح حدي العصر
وماشين لي سجيمان يقول فينا الشعر
ها ها
الان التحانيس شغالة والوساطات قايمة وقاعدة . وعدناهم بدورة تدريبية لمزيعاتهم.
اها قصرنا يلا قول فينا شعر .
| |
|
|
|
|
|
|
|
|
|
Re: المـــذيع الشيــن......و..... الحمــار حمدو في بطنو (Re: سجيمان)
|
دكتور سجيمان
الرايع اللذيذ ...
شلاليفنا ؟
مره في بنطون توتي وكان شايل الناس وحمير الخضار من توتي للخرطوم .. دفسه حمير علي ناس .. عز قلاية الضهر ديك و أخونا عمر قرش - الله يطراهو بالخير - زهجان و قرفان من البلاوي دي .. أها كان واقف بين حمارين .. بيتكلم معاي وأنا في طرف البنطون .. فجأة اتلفت لقى زول شلاليفو مدلدلات ( هوت دوق ) بس ، في وش عمر طوالي .. من الهجمه و كبرة الشلاليف ديك ، عمر قال للزول : عرت .
تقول لي شلاليفنا
| |
|
|
|
|
|
|
|
|
|
Re: المـــذيع الشيــن......و..... الحمــار حمدو في بطنو (Re: ELKHEIR MOHAMED AWAD)
|
| Quote: ناس تلفزيونا ... الله يدهم العافية.... انا ما عارف المذيعين ديل بيختاروهم كيفن.....يمكن يا ربي بي مقاسات الشباطا؟.....في مذيعين يسدو النفس....وبعد دا كلو الفلهمة دايرة تكتلهم....غايتو ترانا قاعدين نعاين لهم نسوي شنو؟... مجبورين.. |
سجيمان كيفك..
الله يقطع المذيعين الشينين و بتاعين الربط الكريهين..ورمونا ورم ياخي..الشئ بالسنين و الدنين..من زمااااان..ما بختاروهم بمقاس الشباطة..بمقاس البنطلون..الواحد لازم يكون غليد و بنطلونه واسع عشان يملا الكاميرا و يحير خلق الله..فلهمة ساكت ..
العنده زول مع الحيكومة دي بخش التلفزيون الفقر دة و يوهط مواعينه العريضة و يقدنا كل يوم..قال المسلسل اليومي ..يسل حلقومك الجادع دة..
| |
|
|
|
|
|
|
| |
سجيمان
Siddig A. Omer
ابوحراز
عبد الله عقيد
طيفور
القلب النابض
صديق الموج
فيصل نوبي
Emad Abdulla
فيس بوك
تويتر
انستقرام
يوتيوب
بنتيريست