|
|
 عنــدمــا...عصــلجـت التســعة
|
جيت قريب ا لعصر من حتة اسما راس الشيطان......ما بشوف...في حالة بتاعت تصالح مع نفسي.... لدرجة اننا عاوزين نتقاسم الثروة...... رقدت فوق العنقريب..... سرحت..... فجأة لقيت نفسي قاعد اعد من واحد لحدي عشرة.... في سري.... واحد اتنين..... تلاتة..... اربعة... خمسة... ستة.... سبعة... تمانية..... عشرة...... تاني قعدت اعد في اصابع يدي.... برضو نفس الحكاية.... اكتشفت انو في عدد ناقص....يا ربي العدد دا شنو؟...... اتاريني ضيعت التسعة كلو كلو...وودرتها.. وقدر ما كست لها ما لقيتا... انا متأكد انو في عدد ناقص لكن ياتو دا؟....... قلقت قلق شديد لضياع التسعة دي..... قمت صنقرت في نص العنقريب...وعديت تاني ...... نفس الحكاية... تمانية وطوالي بعدا عشرة..... انا اخوكي يا ام روق..السوفت وير ضرب... قلت انا امرق برا.... وما اسعال لي زول كبير عشان ما يضحك فوقي..... اسعال لي شافع... لقيت ود جيرانا شافع عمرو سته سنوات.... سعالتو يا ولد بي تعرف تحسب؟... قال لي ايوا...... قلت لو انت راجل احسب لي من واحد لحدي عشرة....... شافع الغزالة....حسب لحدي خمسة ووقف....قال لي تاني ما بعرف.... لكن انت يا عمو سجيمان عيونك دي مالا صغيرونة كدي؟....... خليتو رجعت البيت تاني ..... قعدت في طرف العنقريب...وقعدت اعد تاني.... ابدا انتي يا تسعة الجن....ما دايرة تجي.....فجأة كدي اتذكرت التسعة.....والله فرحت جنس فرح زي الجابو لي ولد...... لكن بقيت في مشكلة تانية.......التسعة دي يا ربي قبل التمانية؟ ولاّ بعد التمانية؟....... صاحبي حسبو كان معاي في البيت... في المطبخ حالتو مو اخير من حالتي... كنا سوا في راس الشيطان.........كان قاعد يغني ... وهو طوالي كدي... واي غنية حافضا غلط..ويصوطا من اولا لي اخرا......... كان يغني في
آه من صفارو العز جدي
وعينو المتل عين السيد علي
وقدر ما حاولت اوضح ليهو انو..... صفارو العسجدي. وعسجد يعني دهب.... قال لي يا سجيمان عليك الله بطل المكنات.... في دهب عندو عيون؟...... العيون عند العز....وعند الجدي.....
خليتو تمّ الكوبليّ دا.....وكوركت ليهو...... يا حسبو يا حسبو.... يا اخوي.... انت التسعة قاعدة تجي قبل التمانية و لاّ وبعد التمانية؟........ قال لي شنو؟ رددت السعال تاني..جا مارق برا وقعد يفكر بعمق شديد جدا.....و قال لي ....والله ما شفتهن
|
|
 
|
|
|
|
|
| العنوان |
الكاتب |
Date |
| عنــدمــا...عصــلجـت التســعة | سجيمان | 01-08-04, 07:45 PM |
| Re: عنــدمــا...عصــلجـت التســعة | mohamed osman bakry | 01-08-04, 08:01 PM |
| Re: عنــدمــا...عصــلجـت التســعة | Hussein Mallasi | 01-08-04, 09:36 PM |
| Re: عنــدمــا...عصــلجـت التســعة | سجيمان | 01-09-04, 02:58 PM |
| Re: عنــدمــا...عصــلجـت التســعة | سجيمان | 01-09-04, 02:01 PM |
| Re: عنــدمــا...عصــلجـت التســعة | بدرالدين شنا | 01-09-04, 06:31 AM |
 Re: عنــدمــا...عصــلجـت التســعة | HOPEFUL | 01-09-04, 07:57 AM |
| Re: عنــدمــا...عصــلجـت التســعة | سجيمان | 01-09-04, 08:53 PM |
| Re: عنــدمــا...عصــلجـت التســعة | سجيمان | 01-09-04, 06:40 PM |
| Re: عنــدمــا...عصــلجـت التســعة | Osman Hamad | 01-09-04, 02:00 PM |
| Re: عنــدمــا...عصــلجـت التســعة | خالد الحاج | 01-09-04, 02:16 PM |
| Re: عنــدمــا...عصــلجـت التســعة | ASAAD IBRAHIM | 01-09-04, 06:14 PM |
| Re: عنــدمــا...عصــلجـت التســعة | 7abib_alkul | 01-09-04, 08:04 PM |
| Re: عنــدمــا...عصــلجـت التســعة | سجيمان | 01-10-04, 04:08 PM |
| Re: عنــدمــا...عصــلجـت التســعة | ود شندي | 01-10-04, 06:18 PM |
| Re: عنــدمــا...عصــلجـت التســعة | سجيمان | 01-10-04, 04:04 PM |
| Re: عنــدمــا...عصــلجـت التســعة | سجيمان | 01-10-04, 04:00 PM |
| Re: عنــدمــا...عصــلجـت التســعة | سجيمان | 01-10-04, 03:50 PM |
| Re: عنــدمــا...عصــلجـت التســعة | hammama | 01-09-04, 09:51 PM |
| Re: عنــدمــا...عصــلجـت التســعة | ابو جهينة | 01-10-04, 09:21 AM |
| Re: عنــدمــا...عصــلجـت التســعة | اساسي | 01-10-04, 09:52 AM |
| Re: عنــدمــا...عصــلجـت التســعة | سجيمان | 01-11-04, 02:29 PM |
| Re: عنــدمــا...عصــلجـت التســعة | سجيمان | 01-10-04, 05:33 PM |
| Re: عنــدمــا...عصــلجـت التســعة | سجيمان | 01-10-04, 05:20 PM |
| Re: عنــدمــا...عصــلجـت التســعة | كبسيبة | 01-10-04, 09:12 PM |
| Re: عنــدمــا...عصــلجـت التســعة | سجيمان | 01-11-04, 02:32 PM |
| Re: عنــدمــا...عصــلجـت التســعة | طيفور | 01-11-04, 00:11 AM |
| Re: عنــدمــا...عصــلجـت التســعة | سجيمان | 01-11-04, 02:35 PM |
| Re: عنــدمــا...عصــلجـت التســعة | WaD OmI | 01-11-04, 12:24 PM |
| Re: عنــدمــا...عصــلجـت التســعة | سجيمان | 01-11-04, 02:37 PM |
| Re: عنــدمــا...عصــلجـت التســعة | Ibrahim Algrefwi | 01-11-04, 01:42 PM |
| Re: عنــدمــا...عصــلجـت التســعة | سجيمان | 01-11-04, 02:40 PM |
| Re: عنــدمــا...عصــلجـت التســعة | أبوالزفت | 01-11-04, 02:06 PM |
| Re: عنــدمــا...عصــلجـت التســعة | سجيمان | 01-11-04, 02:42 PM |
| Re: عنــدمــا...عصــلجـت التســعة | WaD OmI | 01-13-04, 03:55 AM |
| Re: عنــدمــا...عصــلجـت التســعة | سجيمان | 04-20-04, 11:16 PM |
| Re: عنــدمــا...عصــلجـت التســعة | khider | 04-20-04, 11:09 PM |
| Re: عنــدمــا...عصــلجـت التســعة | Ashrinkale | 04-21-04, 02:20 AM |
| Re: عنــدمــا...عصــلجـت التســعة | nazar hussien | 04-21-04, 10:34 AM |
| Re: عنــدمــا...عصــلجـت التســعة | abas | 04-21-04, 12:01 PM |
| Re: عنــدمــا...عصــلجـت التســعة | سجيمان | 04-21-04, 12:49 PM |
|
| |
سجيمان
فيس بوك
تويتر
انستقرام
يوتيوب
بنتيريست