|
|
 آخ.....آخ..........من خروفنا الاصلي مو مستنسخ... يا جنا
|
اها.... جبت داك الخروف المو خمج............ المرا والوليدات لاقوني عن خشم الباب..........ودخلت الخروف ام الخير تفك الزغرودة...........وكل ما تزعرد الخروف يقول باع....لا قتني عن خشم الباب وشايل المبخر وفيهو بخور التيمان....وقعدت تبخر وتنضم......... يحفضك رب الكون.....من عيون سعاد جارتنا...ومن عيون راجلا... الما بيشبه الوليدات..........يغتيك...ويكفيك شر خلقو...وقعدت تغني مع الوليدات............الغاريك جمالك....الزينا نحن مابيستاهل تكويهو بي دلالك....... في دربك كم شقينا؟.......... بي دمع العين بكينا.............والخروف الله بيسعلني اتنفخ...وعاين لام الخير...بطرف عينو.......... لمن انا غرت منو.......... وشحدت الله في سري.......... يلم لو في رغيف ينفخو...ويلحقو الغوتوس.....وتقوم ام الخير... تكسر الغنية..... زي انت يا بسام
انت يا بعباع
صوتك العلاع
انت يا بعباع زينا فوق زينا
.....................................
و.....اخ اخ
من خروفنا الاصلي مو مستنسخ
........... يا جنا
دخلت البيت ملصت الهدوم....وختيت راسي داير انوم بدري والحق صلاة العيد.........فجعة...ام الخير تسعلني ......... يا سجيمان... اووووووووووووووعى يكون خروف ناس سعاد اكبر من خروفنا؟........قلت له يا ام الخير ارتاحي..... ناس سعاد السنة دي ضابحين غنماية.............تاني ام الخير تصحيني..... يا سجيمان... الخروف دا مالو سكت؟..... لا بيكورك ولا شيتين....الله يغيظو دا الخروف....دايراهو يكورك... كية لي ناس سعاد...هي ورويجلا...اب شنيبات دا......انا هنا قلبي اكلني... قلت لها يا......... ام الخير..... انتي اقعدي ما تنومي... وبعد كم ساعة كدي صحيني انا امسك الوردية..........الخروف دا ان ما كورك...تكون مصيبة يلاقو فيها........ نمت شوية واتقلبت وصحيت سعلت ام الخير.........اها الخروف كورك؟.......... قالت بري ابدا........قلت لها. بري؟ بري كيفن يا وليه؟.... كدي ارخي اضانك سمح...........تاني صحيت والخروف برضو ما كورك............. قمنا مرقنا عليهو انا وام الخير وهي ماشا قدامي......وتسرخ ام الخير الليلة وب علي يا سجيمان........ الخروف قاعد يكوي في شعرو......... قربت من الخروف... لقيتو مدخل راسو في جردل الموية وغالبو يمرقو منو............واتاريهوبيكورك جوا الجردل ونحن ما بنسمعو.....قعدت اجر فيهو.......... ابدا ابى كلو كلو يا راس خروف الجن تمرق من الجردل.......قلت لي ام الخير....... انتي جري الجردل وانا بمسك الخروف..... وقعدت ام الخير تجر....وانا مثبت الخروف.....برضو الحال في حالو....... اذن للصبح...وانا وام الخير نعافر في الخروف.........وما قدرنا.... قلت لها يا ام الخير اخير نضيح الخروف دا قبال ما يفطس في الجردل دا.......... كوركي لي سعاد تكلم راجلا يجي يضبحو....... قالت لي اتيمنت يمنا ما يتكسر علي.... عثمان ابعصيبات راجل سعاد ما يخت ايدو فوقو......انت يا سجيمان ... ما تكسر القرون وتمرق الراس...؟..........قلت لها جيبي السكين..... جرت جابتا وضبحت الخروف..... براي اول مرة اضبح..........وسلخناهو انا وام الخير............. ووحات الشيخ الجعلي عرفت وليداتي ضعاف ومسولبين ليه؟......... اتاريهو من مليص ام الخير للجلاليب....وانا شفتو في جرانا لي جلد الخروف
|
|
 
|
|
|
|
|
| العنوان |
الكاتب |
Date |
| آخ.....آخ..........من خروفنا الاصلي مو مستنسخ... يا جنا | سجيمان | 02-02-04, 09:19 PM |
| Re: آخ.....آخ..........من خروفنا الاصلي مو مستنسخ... يا جنا | zumrawi | 02-02-04, 09:30 PM |
| Re: آخ.....آخ..........من خروفنا الاصلي مو مستنسخ... يا جنا | Abureesh | 02-02-04, 09:48 PM |
| Re: آخ.....آخ..........من خروفنا الاصلي مو مستنسخ... يا جنا | سجيمان | 02-03-04, 12:48 PM |
| Re: آخ.....آخ..........من خروفنا الاصلي مو مستنسخ... يا جنا | سجيمان | 02-03-04, 12:31 PM |
| Re: آخ.....آخ..........من خروفنا الاصلي مو مستنسخ... يا جنا | SUKA | 02-02-04, 09:55 PM |
| Re: آخ.....آخ..........من خروفنا الاصلي مو مستنسخ... يا جنا | Hussein Mallasi | 02-02-04, 11:52 PM |
| Re: آخ.....آخ..........من خروفنا الاصلي مو مستنسخ... يا جنا | ابو جهينة | 02-03-04, 00:26 AM |
 Re: آخ.....آخ..........من خروفنا الاصلي مو مستنسخ... يا جنا | خالد الحاج | 02-03-04, 00:38 AM |
| Re: آخ.....آخ..........من خروفنا الاصلي مو مستنسخ... يا جنا | سجيمان | 02-04-04, 02:38 PM |
| Re: آخ.....آخ..........من خروفنا الاصلي مو مستنسخ... يا جنا | سجيمان | 02-04-04, 02:34 PM |
| Re: آخ.....آخ..........من خروفنا الاصلي مو مستنسخ... يا جنا | سجيمان | 02-03-04, 01:24 PM |
| Re: آخ.....آخ..........من خروفنا الاصلي مو مستنسخ... يا جنا | سجيمان | 02-03-04, 01:02 PM |
| Re: آخ.....آخ..........من خروفنا الاصلي مو مستنسخ... يا جنا | حسن الجزولي | 02-03-04, 01:19 AM |
| Re: آخ.....آخ..........من خروفنا الاصلي مو مستنسخ... يا جنا | سجيمان | 02-04-04, 02:30 PM |
 Re: آخ.....آخ..........من خروفنا الاصلي مو مستنسخ... يا جنا | nada ali | 02-03-04, 12:55 PM |
| Re: آخ.....آخ..........من خروفنا الاصلي مو مستنسخ... يا جنا | abuguta | 02-03-04, 01:12 PM |
| Re: آخ.....آخ..........من خروفنا الاصلي مو مستنسخ... يا جنا | Tumadir | 02-03-04, 01:39 PM |
 Re: آخ.....آخ..........من خروفنا الاصلي مو مستنسخ... يا جنا | Yasir Elsharif | 02-03-04, 04:08 PM |
| Re: آخ.....آخ..........من خروفنا الاصلي مو مستنسخ... يا جنا | Abureesh | 02-03-04, 04:35 PM |
| Re: آخ.....آخ..........من خروفنا الاصلي مو مستنسخ... يا جنا | سجيمان | 02-04-04, 02:57 PM |
| Re: آخ.....آخ..........من خروفنا الاصلي مو مستنسخ... يا جنا | سجيمان | 02-04-04, 02:54 PM |
| Re: آخ.....آخ..........من خروفنا الاصلي مو مستنسخ... يا جنا | سجيمان | 02-04-04, 02:50 PM |
| Re: آخ.....آخ..........من خروفنا الاصلي مو مستنسخ... يا جنا | سجيمان | 02-04-04, 02:43 PM |
| Re: آخ.....آخ..........من خروفنا الاصلي مو مستنسخ... يا جنا | سجيمان | 02-04-04, 02:40 PM |
| Re: آخ.....آخ..........من خروفنا الاصلي مو مستنسخ... يا جنا | Osman Hamad | 02-03-04, 11:26 PM |
| Re: آخ.....آخ..........من خروفنا الاصلي مو مستنسخ... يا جنا | سجيمان | 02-04-04, 03:00 PM |
|
| |
سجيمان
فيس بوك
تويتر
انستقرام
يوتيوب
بنتيريست