|
|
 انـــا........و.....جـــاري...و..... الكــديســة
|
قالت لي حبوبتي الكدايس ديل.... تلاتة ارباعن جن...والربع الباقى هجين...نصو جن ونصو كدايس..... النضم دا في راسي... ودائما لما امرق الصباح... القي لي كديسة راقدة وشوف عيني بعد مرات مكوعة..واكان ما اخاف الله تلوك لها في لبانة.... راقدة في عربتي ...وفي الفرشة الورا....وبقيت اول حاجة اعملها اطرد الكديسة دي براحة...حتين بعد داك ادور الكركروبة حقتي... اها لاحظت الايام دي الكديسة دي بطنها كبرت..وتقيلة...ويمكن تلد لي في العربية دي الليلة قبال باكر....وانا مذكر ايام الوحم حقها.... راقدة وتبصق..وزهجانة....ووقت اجي مارق ومتريح تقوم تشخر فوقي...اظنو وحما كان مكجن الريحة البتريح بها...
فكرت في جاري السعودي التغيان دا وقلبو مسدود عليهو. وشايفني انا والكديسة زي بعضنا.....وعربتو اخر موديل.... قلت انا اخد في الكديسة دي الاجر واخليها تلد في عربية الزول دا.....وشحت الله تبقى الكديسة دي من النوع الجن صاااااافي.. عشان لو الزول دا غلط فيها ...يجو اهلها ويوروهو ليهو....ويخلوهو بدل يركب عربية... يركب قناية...لكن كيف العمل؟.... اوريها درب العربية الشرط دي كيفن؟.... قلت انا اجيب لي فار.... واربطو من كراعو واربط طرف الخيط في رفرف عربية الزول دا.....واقعد احندقا بالفار....هي طوالي حتجي جارية.....شركت للفار وقبضو....والصباح بدري الدغش الشارع ما فيهو زول... اربط الفار في عربية جاري....واقعد احندق في الكديسة.....الكديسة مرقت...وعاينت لي وعاينت للفار في ايدي...وجات جنبو ....ومسكتو جستو.... من ضهرو....عاينت لي وهزت راسا ورجعت علي اوضتا في عربتي..... قعدت في الواطا وانا ماسك الفار واعاين لو.... يا ربي الكديسة دي لقت الفار دا ضعيف...وما بينفع معاها ودايرة واحد سمين شوية؟....جبت فار تاني... ونفس القصة الكديسة ابتو كلو كلو......قلت اكيد الكديسة دي هندوسية...وهنا طوالي اتذكرت نضم حبوبتي..... انا اخوك انت.. امانة ما ورطت يا سجيمان... كديسة جن...وحامل وحتجيب لك... وليدات جن في عربتك دي.... وان نهرتها ولاّ اتزهجت عليها..... الله قال بي قولك. شلت هم كبير الكديسة ويمكن تجيب ستة كديسات وام الخير وعندها اربعة من ضهري اتناشر روح يا سجيمان دايرين ياكلو ويشربو... اتحملت حمل شديد في صمة خشمك... غايتو الله يخدر ضراعك ويقويك
... يوم من الصباح اجي والقى الكديسة خاترا مو طيب... واظنها بي تتوجع وخلاص دايرة تلد... بعد ما كنت ماشي الشغل... ضربت لهم تلفون وقلت لهم انا شوية عيان.... وماني جايي...قعدت برا جنب العربية...وصنقرت...وانا اشحت في الله يحلك بالسلامة يا دي الكديسة....قاعد في الواطا تحت العربية....وكل مرة ارفع راسي اشوفا.... من الصباح لي عند الضهر حتين انتي يا دي الكديسة تتحلي... جابت ستة كديسات....جريت جوا علي ام الخير وقلت لها نفسي في مديدة حلبة... سوتا لي.... شلت المديدة ووديتا للكديسة...شربت المديدة...واتمددت ونامت... وانا اعاين لها...... لا لا يا سجيمان الشي دي مو كديسة.... حسي الجضيمات ديل جضيمات كديسة؟..... وشنب ما عندها.... شفت مكانو املس.... تكون شايلاهو بالحلاوة..؟.. براحة رفعت ايديها عشان اشوف ابطاطا...ولا شعرة ما فيهن.... لا لا يا سجيمان دي كمان متحضرة ومتجهزه للنفاسة..و عاين للرقدة دي رقدة كدايس؟....ابدا.... وعاين للكرعين ديل كرعين كدايس...؟... وكمان محنناهن وراسما الحنة للولادة...... يا سجيمان بس ابقى عشرة فيها وما تتلوم.... يوقومو اهلا يتلومو فيك...وانت ماك ناقص جن... كفاية عليك حمار النوم....وكل يوم ام الخير في الليل تقابض فيك من خشم الباب...وانت شايلك حمار النوم وداير تمرق...خلها في بكانا دا.... تتم الاربعين وتقوم من الولادة براها حتمشي لي اهلها.... تلاتة ايام انا اخدتهن اجازة عشان اولد كديسة الجن دي...اليوم الرابع جيت لقيتا مافيشا... وجاري السعودي وهو مارق سلم علي بي حرارة مو عوايدو..... قال لي المدام بتشكرك.... لرعايتك لي كديستا...اصلها هي غالية عليها....ولما عاوزة تلد قلنا تلد برا البيت عشان ما توسخ البيت...ولقينا عربتك دي انسب مكان.... دي كديسة دي نوع سيامي... مشترياها المدام الصيف الفات من اسبانيا بي 3000دولار...
|
|
 
|
|
|
|
|
| العنوان |
الكاتب |
Date |
| انـــا........و.....جـــاري...و..... الكــديســة | سجيمان | 03-02-04, 00:43 AM |
| Re: انـــا........و.....جـــاري...و..... الكــديســة | Osman Hamad | 03-02-04, 02:35 AM |
| Re: انـــا........و.....جـــاري...و..... الكــديســة | bayan | 03-02-04, 03:25 AM |
| Re: انـــا........و.....جـــاري...و..... الكــديســة | PLAYER | 03-02-04, 06:37 AM |
 Re: انـــا........و.....جـــاري...و..... الكــديســة | ترهاقا | 03-02-04, 09:02 AM |
| Re: انـــا........و.....جـــاري...و..... الكــديســة | سجيمان | 03-02-04, 02:11 PM |
| Re: انـــا........و.....جـــاري...و..... الكــديســة | ترهاقا | 03-02-04, 02:30 PM |
| Re: انـــا........و.....جـــاري...و..... الكــديســة | سجيمان | 03-03-04, 01:12 PM |
| Re: انـــا........و.....جـــاري...و..... الكــديســة | ابو جهينة | 03-02-04, 09:05 AM |
| Re: انـــا........و.....جـــاري...و..... الكــديســة | سجيمان | 03-02-04, 07:23 PM |
| Re: انـــا........و.....جـــاري...و..... الكــديســة | سجيمان | 03-02-04, 01:25 PM |
| Re: انـــا........و.....جـــاري...و..... الكــديســة | سجيمان | 03-02-04, 12:53 PM |
| Re: انـــا........و.....جـــاري...و..... الكــديســة | سجيمان | 03-02-04, 11:48 AM |
| Re: انـــا........و.....جـــاري...و..... الكــديســة | Alia awadelkareem | 03-02-04, 12:53 PM |
| Re: انـــا........و.....جـــاري...و..... الكــديســة | سجيمان | 03-02-04, 08:22 PM |
| Re: انـــا........و.....جـــاري...و..... الكــديســة | maia | 03-02-04, 01:11 PM |
| Re: انـــا........و.....جـــاري...و..... الكــديســة | سجيمان | 03-02-04, 11:19 PM |
| Re: انـــا........و.....جـــاري...و..... الكــديســة | ali othman | 03-02-04, 01:25 PM |
| Re: انـــا........و.....جـــاري...و..... الكــديســة | aosman | 03-03-04, 02:03 AM |
| Re: انـــا........و.....جـــاري...و..... الكــديســة | سجيمان | 03-03-04, 06:54 AM |
| Re: انـــا........و.....جـــاري...و..... الكــديســة | سجيمان | 03-03-04, 11:17 AM |
| Re: انـــا........و.....جـــاري...و..... الكــديســة | maia | 03-03-04, 12:42 PM |
| Re: انـــا........و.....جـــاري...و..... الكــديســة | سجيمان | 03-03-04, 01:37 PM |
| Re: انـــا........و.....جـــاري...و..... الكــديســة | ودقاسم | 03-03-04, 12:59 PM |
| Re: انـــا........و.....جـــاري...و..... الكــديســة | سجيمان | 03-03-04, 02:23 PM |
|
| |
سجيمان
فيس بوك
تويتر
انستقرام
يوتيوب
بنتيريست