|
نصــرة ســرور....تبحــث عن ضــرة
|
الراجل دا ... اصلي ما كنت دايراهو... وماداخل لي في راسي.... علا انا خفت البورة...وقلت الزول يمشي بيهو حالو... اسوي كيفن عاد؟....لكن حسي وقت كبر... وبقى الزول يخجل سااااااكت من مباراتو في السهلة.... وقدر ما في مرض في الدنيا لاميهو.. شي سكري وشي ضغط...وشي وجع كرعين ووجع ضهر....كلو كوم.. والضغط كوم والسكري كوم.... الضغط خلاهو ينوم من المغرب...والسكري... الراجل مروتو كملت.... ان ضحك سااااكت يفتر....زي دا عليكم الرسول اطيرو وين؟....اها انا دحين حسي بدور لي واحدة تجي تشاركني فيهو.... ان بقى فضلت فيهو شي يشاركو فيها...لكن غايتو قدر المرؤة الفيهو.... نتقاسما يا بنات امي...انا كنت داير اطلّق منو علا الوليدات جابرني اقعد..... ومجبورة خادم الفكي علي الصلاة....... لكن والله ما بشكرو ليكن.... راجلا عديل وطيب... الكديسة تاكل عشاهو... حسي اكان مو الكديسة تاكل عشاهو بي يخليني انا اكوس لو لي مرا... ما يكوسا براهو؟....وعُقُبان.. راجل خدوم في البيت.... يغسل العدة...ويكنس البيت.... واكان عندك حوش قدر دار الرياضة امدرمان.. بي مرضو دا يكنسو ليكي ويخليهو مراية... وطباخ جنس طبيخ يا بنات امي...وايدو طااااااااعمة..والله وقت يسوي ملاح القاورما دا ... تاكلي اصابعيك واراهو.....ووحات الله وقت يقعد يرسم لك الحنة دي في كرعيكي... تحلفي تقولي راسما دافنشي........الحنة براها؟ لا وحات الله حاجات كتيرة يسويها ليكي..هههههههه... الله يخجلكن وبعدين ان جوكم ضيوف يقوم جاري علي المطبخ..ويسوي الشاي..ويجيبو...ويقعد هنااااااااك في كرسي ...وما ينضم علا ياخد منك الاذن....حتين ينضم... والنضم شنو؟.. بالقطارة....وبعد مرات خشمو ما يفتحو يهز راسو بس... ايوة... ولاّ... لا..... ووحات الرسول في ولادة ولدي البكر دا حلف علا يمشي ياخد هرمونات عشان يقومن لو شطور ويرضع الولد.... عشان... جسمي ما يبوظ......دا بس؟... قدر مافي دكتور نساء مشا لو قال داير يزرعو لو رحم....عشان انا وهو نتبادل في الحمل مرة هو ومرة انا.....شفتن عدلة الراجل دا عليكن الرسول؟.......دا حين الدايرا تشاركني فيهو... تتصل علي.... وانا ما عندي أي مانع....علا كان بقى عندي فيهو مزاج... ما تعاكسني...تديني ليهو يومين تلاتة العب بو شوية وارجعو ليها........
التوقيع
نصرة الفقرة
|
|
|
|
|
|
|
|
Re: نصــرة ســرور....تبحــث عن ضــرة (Re: سجيمان)
|
سجيمان انت مورود الليله ولاشنو ؟؟ يا النبي من الغبيه دي كعبه بتطلع في الراس ربي يسترعليك .بمش لي شيخنااسع اجيب ليك البخرات علاج الحكماء ما بنفع متل وردتك دي . انت عارف نصره تكون دايره تغش الحريم التانيات تمقلبن هو زول بقي مرضان سكري وضغط ورطوبه قش حوش شنو؟؟ وطبيخ شنو ؟؟زولك دا من هنا والانتسف كير وبيت الحق
| |
|
|
|
|
|
|
Re: نصــرة ســرور....تبحــث عن ضــرة (Re: سجيمان)
|
والله يا سجيمان ما عارفة اقول ليك شنو انا قبل ما افتح البوست كنت بضحك ساعة من العنوان بس وبعدما فتحتوا عينك ما تشوف الا النور لو جه اى زول بقول مجنونة عليك الله يا سجيمان الجرعات محتاجين ليها لكن شوية شوية 0 لك التحايا والود وبارك الله فيك 000 بارك الله فيك 000 امال ام وضاح
| |
|
|
|
|
|
|
Re: نصــرة ســرور....تبحــث عن ضــرة (Re: essam&amal)
|
سجيمان .. قالوا فى المقالة اتلاقو اتنين من نوع مرة نصرة اسف راجل نصرة الفقرة بتكلموا عن سجايا بعض واخلاصهم لنسوانهم الاول قال للتانى .. انا بغسل عدة العشاء تانى يوم الصباح بدرى الاول قال ليهو: والله انت سجمان ورمدان .. هو العدة ببيتوها
شاك
| |
|
|
|
|
|
|
Re: نصــرة ســرور....تبحــث عن ضــرة (Re: Hani Abuelgasim)
|
عزيزي سجيمان مودتي
( علا كان بقى عندي فيهو مزاج... ما تعاكسني...تديني ليهو يومين تلاتة العب بو شوية وارجعو ليها........ )
دة راجل يا سي جي ولا أتاري ؟
صراحة يا سي جي نصرة دي ما عندها أصل ،، قول لى كيف ؟ بعد ما الراجل بقى خردة تقوم تقول عاوزة شريكة معاها عشان تقسم معاها البيلعبوا بيهو يومين و تلاتة و يرجعوهو دة ؟ ما أحسن تلعب بيهو براها و وكت يفتر تختو في الدولاب يا تعلقو في حبل الغسيل.
| |
|
|
|
|
|
|
Re: نصــرة ســرور....تبحــث عن ضــرة (Re: ابو جهينة)
|
الاخ ابوجهينة ـ حقيقة استأت من مشاركتك انت بالذات في هذا الغمز ، وذلك لمدي احترامي لمشاركاتك في البورد ـ ألا تري أنك تشارك في السخرية من هذه الـ (نصرة) و طعنها بالغمز واللمز ؟ ــ والله ان كنت تقصد فتلك مصيبة جد ـ
| |
|
|
|
|
|
|
Re: نصــرة ســرور....تبحــث عن ضــرة (Re: Ehab Eltayeb)
|
الأخ العزيز منير مودتي و تقديري
حقيقة استأت من مشاركتك انت بالذات في هذا الغمز ، وذلك لمدي احترامي لمشاركاتك في البورد ـ ألا تري أنك تشارك في السخرية من هذه الـ (نصرة) و طعنها بالغمز واللمز ؟ ــ والله ان كنت تقصد فتلك مصيبة جد ـ
لقد فوجئت بكلامك هذا أخي العزيز ،، و إنت ما طالبني حليفة ،، و لكن أشهد الله بأنني عندما أقرأ موضوعا لسجيمان ،، أشارك فيه بالمضمون الحى و لب قصته فقط لا غير ،، فسجيمان حديقة هذا البورد و شجرته الظليلة و مورده العذب. و الله أنا شخصيا لم يدر بذهني غمز أو لمز ،، و لكن أخذت القصة برمتها و رديت في الموضع و المكان الذي أضحكني. أخي منير ،، نظرتي للموضوع ( كانت و الحق يقال ) نظرة عادية مثلها و مثل مواضيع سجيمان الأخرى ،، فهل كلها غمز و لمز ،، أم أن بهذا الموضوع شيء جديد ؟ و الله أنا محتار إنطلاقا من عفويتي في القراءة و الإجابة و الردود و المداخلات. إحترامي لكل فرد في هذا البورد يمنعني من الدخول في ( الملاسنة و العراك ) مع هذا أو ذاك. و لكن مداخلاتي في بوستات سجيمان و التي إعتبرها تصب في أدب السخرية الراقي ،، أعتبر مداخلاتي فيها نوع من التنفيس. أسهل شيء الغمز و اللمز ،، و لكنني أربأ بنفسي عنهما ،، فالوضوح أقصر طريق للقول الفصل. على كل حال أخي منير أشكر لك إحترامك لي و الذي هو ( متبادل ) و أشكر لك بأنك تريد أن أكون بعيدا عن الغمز و اللمز ،، و لكن أحب أن أطمأنك بأنني بعيد عن ما ظننته بي ، و هو ظن لا ألومك عليه في هذه الأيام التي إختلط فيه حابل العفوية مع نابل الغمز و اللمز و تشكر.
| |
|
|
|
|
|
|
Re: نصــرة ســرور....تبحــث عن ضــرة (Re: ابو جهينة)
|
الاخ العزيز ابوجهينة ـ والله كما توقعتك ولم تخيب ظني، وأنا اساسآ لم اكن لاكلف نفسي وألفت انتباهك لو لم اظن انك لم تلاحظ أن هذا البوست من عنوانه تفوح منه النتانة والسخرية من عضوة البورد المحترمة سارة منصور ـ وكما تري فأن صاحب هذا البوست لم يترك مفردة أو صفة مؤلمة الا وألصقها بزوج هذه الـ (نصرة) الرمز وتركه نهشآ لغمز وسخرية من لا يحترمون خصوصية وعرض أحد ـ في خبث لا يحسدون عليه ـ
والله انا حقيقة مستغرب غاية الاستغراب من هذا الهجوم الغريب علي هذه السيدة الفاضلة التي جاءت لهذا البورد باريحية عجيبة وبدون تكلف لدرجة وضع صفحتها الالكترونية مفتوحة للكل وظنت أن البيت بيتها والاهل أهلها ـ ولم تهاتر احدآ ، ولم تدعو لشئ سوي احترام الرجل وتقديره ـ وفجأة وبصورة عجيبة فتحت عليها النيران من كل صوب، ومن الرجال قبل النساء ـ وآخرها هذا البوست النتن ـ
| |
|
|
|
|
|
|
Re: نصــرة ســرور....تبحــث عن ضــرة (Re: WaD OmI)
|
نوف حبابك
الاعوج وينو؟...ولاّ...كلو اعوج من اولو لي اخرو؟... ابدا كلامي مو اعوج... كل زول بيقرا من الزاوية البتهمو.....وانا ما مسئول عن فهم الناس للنضم....عن كدي وصح زاويتك....ونشوف عوجتي وين
| |
|
|
|
|
|
|
Re: نصــرة ســرور....تبحــث عن ضــرة (Re: سجيمان)
|
ياسجيمان انت ما سمعت بالمثل البقول: رب (ضرة) نافعة
طبعا انا بوردابى جديد لنج وكتبت ليك تحيه واول بوست لى بعنوان لى زمن بهاتى لى سجيمان وشتاتى ياناس كبسيبه زاتو طلع بعاتى. شايفك ولا هببتو لى المهم احبك
| |
|
|
|
|
|
|
|