|
اب كبــاس
|
يا سجيمان لي شهر.... ما اخت راسي فوق المخدة وانوم علا يجيني زول ماكن وطويل.... وكلو عضلات.... ويمكسني من رقبتي ويقعد يخنقني....ويقول لي جلال..جلال... قول الرووووووووب..... اقول لو كدي فك الرقبة عشان اقدر اقول..... ابدا يخنق وانا.. ادغي زي الغنماية... مشيت لي ود الزين باقي هو زولا عارف للمصايب دي.....قال لي غير بكان العنقريب.... غيرتو... ابدا زولي زي ماهو جاني... وقعدني علي حيلي... وشيلني العنقريب ورجعتو لي بكانو الاولاني....ورقدت وهو قعد يخنق....تاني مشيت لي ود الزين... قال لي خت تحت المخدة سكين قبال تنوم اصلهم الكبابيس ديل قاعدين يخافو من السكاكين..... جيت وختيت السكين...وجاني زولي برضو في النوم...ورفع راسي من المخدة وشال السكين.....وحلف عليهو بالطلاق من نسوانو الاربعتاشر تاني يلقى السكين دي علا يضبحني بها...... ام بله مرتي مسكينة شايفة الحالة دي... قالت لي ما عندك علاج غير بخور التيمان.... جابت البخور واتبخرت....ورقدت.... زولي جاني والمرة دي محنن ايديهو وكرعيهو.... وقال لي قوم.... يلا... الليلة يوم عرسك....ويسوقني علي الدولاب حق مرتي ويختار فستان بي كلوش...ويقول لي املص...وانا املص ويلبسني فستان ام بله....شفت البقت علي يا سجيمان؟....ويوديني في نص الحوش...واشوف ناس كتار قاعدين....وفنانة بي دلوكتا ومعاها الشيالات...واشوف ام بله ووليداتي قاعدين في عنقريب ويعاينو.....وقفني في نص الدارة ودخل ايدو تحت الفستان وقطع الرحط....والدلوكة دقت... والغناية تغني في... المهيرة وعقد الجلاد
اللول يا عروسنا عريسك قلبو السبات
وزولي يا سجيمان .... عاين لي وحدرني قوي وقال لي مالك واقف كدي؟... ما ترقص... ارقص... ترقص بلا كرعين.... قلتو يا زول النضم دا اعوج وعيب.. يا زول استهدي بالله وخلنا نتفاهم...ابدا قال لي ... ترقص ولاّ اخنقك....والله يا سجيمان اتوكلت علي الله ورقصت.... بعد ما قطع الرحط...شفت المصيبة؟... رقصت لمن هم قالو خلاص...وام بله والوليدات يا سجيمان قاعدين يتفرجو في قطع رحط ابوهم.....باقي لك ديل تاني بي يسعلو لي؟...... اها انا حسي دايرك تحلني من المصيبة دي....... لكن يا سجيمان اخوي.... بعد رقيص العروس وقطع الرحط...... باقي لك الزول دا تاني بي يدور شنو؟........قلت والله ياجلال اخوي..... الله يكضب الشينة...وانت ابقى راجل واركز
|
|
|
|
|
|
|
|
Re: اب كبــاس (Re: سجيمان)
|
سي جي الغالي : على الطلاق عارف ..
الله يلعن شيطانك يا سي جي. لكن أغرب أب كباس ،، أول مرة أشوف أب كباس منحرف و ( ساديست ). أرقد عافية
| |
|
|
|
|
|
|
Re: اب كبــاس (Re: bayan)
|
سجيمان انت ذاتك ما فكي صالح تحلحل في مشاكل العباد غلبك كابوسك دا و لا شنو؟ اوعك تكون مشيت زرت اب عاج في المستشفي و اخدت فيروس الهضربة و الكاريزما النرجسي و هكذا دواليك، غايتو حالتك دي تحنن الكافر؟
| |
|
|
|
|
|
|
Re: اب كبــاس (Re: bayan)
|
Quote: سجيمان غايتو بس النسكت ساكت نخت الخمسة فى الاثنين |
بيان دي ياها الله يقدرنا خشمنا زااااتا..... لكن انا البي يقدرني خشمي شنو؟
| |
|
|
|
|
|
|
Re: اب كبــاس (Re: abas)
|
سيجمان
Quote: بخور التيمان.... جابت البخور واتبخرت.... |
هو الوداهو يخت اليوم ديك علبة بخور الصندل محل علبة بخور التيمان شنو
| |
|
|
|
|
|
|
Re: اب كبــاس (Re: دورنقاس)
|
دورنقاس
Quote:
هو الوداهو يخت اليوم ديك علبة بخور الصندل محل علبة بخور التيمان شنو |
هو اصلو اتبخر بي بخور تيمان..... علا كباس الجن دا ما قاعد يفرز
| |
|
|
|
|
|
|
Re: اب كبــاس (Re: abas)
|
عباس
Quote:
الله يستر ساكت يا زول وربنا يبعد عننا ابو كباس ده |
الهّم آمين...... بلا كبابيس نحن ما عارفين شي
| |
|
|
|
|
|
|
Re: اب كبــاس (Re: أبوالزفت)
|
Quote: انت يالكبرتوك البنات فاتوك فى البالتوك الفات |
ابو الزفت
هههههههههه دي لو سمعا الكباس كان حلف علا يغنوها ليهو في قطع الرحط
| |
|
|
|
|
|
|
Re: اب كبــاس (Re: سجيمان)
|
الشئ البعد قطع الرحط هين.....كعب الكشف الدورى و التِوِحم والبصيق فى الواطة ومص الليمون...وشم الحيطة المرشوشة بالموية...واكل القريرة.
| |
|
|
|
|
|
|
Re: اب كبــاس (Re: shiry)
|
شيري لووووول... سنة يا اللووووووول
ابدا ما قريبو........وبعدين حمادة بت عامل فيها عندو ابكباس لكن وحات شيخي ما عندو
| |
|
|
|
|
|
|
Re: اب كبــاس (Re: سجيمان)
|
وانت زاتك كان ما موافق....ما كان تقول ليهو يا اخى اصبر
شويه لما اكمل تعليمى...او عندنا شوره ....اوالحاجات
البقولوها اهل (الراجل) لما يجوهم للخطوبه
الله ينعل شيطانك يا ممسوخ،،،،،،،
| |
|
|
|
|
|
|
Re: اب كبــاس (Re: صديق الموج)
|
صديق الموج
Quote: وانت زاتك كان ما موافق....ما كان تقول ليهو يا اخى اصبر |
علي الطلاااااااااااااااق دا ما انا...دا جلال
يوما اسود الكتبت فيهو البوست دا
| |
|
|
|
|
|
|
Re: اب كبــاس (Re: Raja)
|
رجا
Quote: اوعى تمشي تحكي الحكاية دي للدكتور النفساوي.. حتدخل في حتة خطيييييييييييييييرة |
قصدك حيدخل جلال في حتة خطيرة... انا زول قوال وبس وماعندي اي علاقة بالموضوع غير القوالة
| |
|
|
|
|
|
|
Re: اب كبــاس (Re: سجيمان)
|
يا سجيمان
انت غلطان و سافى التراب كمان، الناس دى كلهم افتكرو ان انت العروس اقصد الزول البهضرب. انا شخصيا ما عارفك تطلع من الورطه دى كيف.
غايتو عرفتك بقت شبهه.
| |
|
|
|
|
|
|
Re: اب كبــاس (Re: المسافر)
|
يا عمو... يا عمووووووووووو انت اب كباس دة شنو كان سعلوك هسة والله جنس نصايب بتلملم لينا فيهن ياخي والله الواحد قبل ما يخش البورد دة يقول بسم الله من عمايلك ونصايبك بسم الله يالعباس من رجال كدباس ومن قصة أب كباس
دستور يا يمة
| |
|
|
|
|
|
|
Re: اب كبــاس (Re: حبيب نورة)
|
حبيب نورة
ابكباس دا الله يكفيك شرو.....شيتن ان لمّ فيك تاني يحلك الجليل الرحيم.....قول يا ساتر من الدعاتر
| |
|
|
|
|
|
|
Re: اب كبــاس (Re: سجيمان)
|
Quote: ياخوي سيجمان زولك دا نائم جعان بس |
وبقت عليهو ( جوع بت الغرب الشوت رحطها واكلتو) ؟ يازول ها ده قال ليك قطع عديل كده زولك ده ياسجيمان شيل ليهو صورة كبسيبة دي خليهو يختها تحت المخدة
| |
|
|
|
|
|
|
Re: اب كبــاس (Re: ali othman)
|
علي عثمان
Quote: زولك ده ياسجيمان شيل ليهو صورة كبسيبة دي خليهو يختها تحت المخدة |
لو طلعت دي صورة الكباس زاتو؟.... حيفتكر انو زولي مكسر فيهو
| |
|
|
|
|
|
|
Re: اب كبــاس (Re: سجيمان)
|
سجيمان لو راسنا ده كلو بقى اضنين ما بنصدق انو ده ما انت وبعدين لو كان ده جلال كان قطعوا فى حشاهو.اها لو فاض بيه قدر ده
مالقى الا انت يكلمك تقوم تشيلوا وتمرق بيه فى (البوردات)او
(الابوارد).
وبعدين نحن ما حاسدين يا اخى بخيت وسعيد عليك،،،،
| |
|
|
|
|
|
|
Re: اب كبــاس (Re: سجيمان)
|
Quote: زولك ده ياسجيمان شيل ليهو صورة كبسيبة دي خليهو يختها تحت المخدة
|
لا يا أخوي يقوم أب كباس بتاعو ده يقول جابوني ليهو ضره
| |
|
|
|
|
|
|
Re: اب كبــاس (Re: سجيمان)
|
سجيمان:
Quote: وحلف عليهو بالطلاق من نسوانو الاربعتاشر |
Quote: علي الطلاق بالتلاتة دا ما انا |
Quote: علي الطلاااااااااااااااق دا ما انا...دا جلال |
الواحد بتجيهو كوابيس لما يحلف كتير بالطلاق زيك كدة يا سجيمان.
| |
|
|
|
|
|
|
Re: اب كبــاس (Re: nada ali)
|
ندى علي
ههههههههههههههههه
Quote:
الواحد بتجيهو كوابيس لما يحلف كتير بالطلاق زيك كدة يا سجيمان. |
غايتو باقي الرجال خوفتيهم يا ندى........ علا انا.... لاني عارف اللعبة
| |
|
|
|
|
|
|
Re: اب كبــاس (Re: سجيمان)
|
Quote:
ودخل ايدو تحت الفستان وقطع الرحط....والدلوكة دقت... |
سي جي ....
بس معليش من غير سغالة ما في زول يوضح النقطة دي ....
| |
|
|
|
|
|
|
Re: اب كبــاس (Re: nada ali)
|
ندا علي
Quote:
نصيحة "أُختية"
جرب تبطل تحلف بالطلاق لمدة اسبوع و سيختفى الابو كباس |
حاضر يا ندى
هو زاتو حلف الطلاق كعب.... تاني بحلف بي سي دي الحسن
| |
|
|
|
|
|
|
|