|
كيــف تختــار عــروسـك
|
انا زول واقعي وواقع من السما سبعة مرات... قايل نفسي كدي....وبدرو اي زول يبقى زي....البنيات الفي السهلة ديل...ما تتكل على شكلهن حق الشارع دا كتير...ان بقيت زولا زول عرس وملزم عليهو طب...واخترت شريكتك..... اولك بالتبادي.... شيل منها تلاتة صور...واحدة باسبورت ويكون الوشي واضح.... تانية تكون كاملة من الراس للكرعين... تالتة تكون وهي مكوعه وراقدة في العنقريب...الله يبارك في التكنلوجيا.... جيب جهاز كمبيوتر واسكنر وبرنامج معالجة الصور... اي برنامج.... فتوشوب او غيرو...انقل الصور للجهاز ...وابدا بالصورة حقت الباسبورت.... اول حاجة احلق للصورة صلعة وشوف منظر عروس المستقبل حيكون كيف؟...والصلعة لانو الظروف ما معروفة ممكن اثناء سنين زواجك مرتك تحصل لها ظروف وتكون محتاجة لي صلعة..او ممكن حبوب منع الحمل ظعطت شعرا....تاني حاول اعمل صورة وشعرا منكوش...لانو اكيد اكيد انت حتشوفا وهي شعرا منكوش....واشارطك من تاني يوم في شهر العسل حتشوف الشعر المنكوش... صورة برضو وشيل الحواجبين برا... يعني خليها بدون حواجبين.... لانو ممكن جدا تكون حاوجبيها ديل مرسومات ساكت.... بي قلم حواجب وهي تكون ملطا....بعد كدا صورة وعينا واحدة وارمة... لانو لابد من واحدة من عيونا تورم وممكن جدا الاتنين وانت معاها خلال سنين زواجكم...صورة برضو وخلي شلوفتا الفوق وارمة....لانو لابد من ان تصبح من الصباح في يوم من الايام...وتلقى شلوفة مرتك وارمة... من اي حشرة جات عضتا فيها.... صورة برضو يكون جضما وارم..الضروس ونحن ناس ديمة ضروسنا وارمة وموجعانا....يكون الضرس وارم.... وصورة برضو افتح خشما للاخر وخلي عويناتا تغتس.... دي ممكن تمثل لك حاجتين.... هي بي تبكي او هي بي تشهق..والبكا والشهيّق ياكا الشايفين ان طرت السما..وتاني برضو للاحتياط ممكن تكسر سنونا القدام في صورة منفردة...وخاصة لو كانت مرتك من النوع البيقوم من النوم فونتروب وتلقاهو خبت الباب ولاّ الحيطة... تجي للصورة وهي واقفة يا سيد الامنتي ليك..... حاول اعمل صورة لمرتك وهي سمينةجدا.... لانو من الولدة الاولي اي مرا عندنا قاعدة تتفرش وتاني يلمها رب العالمين.....وصورة وهي حامل...وكرعينا وارمات.... وحاول جهدك تخت ايدها في نص ضهرا...ركز علي الشهر السابع والتامن من الحمل.... تجي للصورة وهي راقدة في العنقريب....حاول تخليها زهجانة ومكشرة وتبصق وهي بتتوحم....ولاّ عندها ملاريا...لانو الاتنين عندنا ما عندهن فرق من بعض.... طمام بطن وطراش....ونضم من تحت النخرة....اعمل صورة وهي متحننه...اربط الكرعين باكياس نايلون...والايدين واحدة في وضع بونية...والتانية في الخشم... عشان تبل بها الحنة وما تقع وتتملص....ودا المنظر الكلاسيكي التقريبي للمرا المحننة.... اي حاجات تانية ممكن تخطر علي بالك.... حاول اضع لها تصور مسبق....وبعد داك ادي نفسك فرصة تلاتة شهور متتالية عشان تتفرج وتشوف الاوضاع دي..... ان نفعت معاك ولقيت نفسك راضي عنها.... اتوكل على الله ...... وتلغبك بالعيال وتلغبا بالمال
|
|
|
|
|
|
|
العنوان |
الكاتب |
Date |
كيــف تختــار عــروسـك | سجيمان | 04-11-04, 02:55 PM |
Re: كيــف تختــار عــروسـك | nazar hussien | 04-11-04, 03:28 PM |
Re: كيــف تختــار عــروسـك | سجيمان | 04-11-04, 09:50 PM |
Re: كيــف تختــار عــروسـك | BECKHAM | 04-13-04, 12:52 PM |
Re: كيــف تختــار عــروسـك | سجيمان | 04-13-04, 01:00 PM |
Re: كيــف تختــار عــروسـك | صديق الموج | 04-11-04, 05:13 PM |
Re: كيــف تختــار عــروسـك | سجيمان | 04-12-04, 10:50 AM |
Re: كيــف تختــار عــروسـك | خالد الحاج | 04-12-04, 11:45 AM |
Re: كيــف تختــار عــروسـك | سجيمان | 04-12-04, 02:37 PM |
Re: كيــف تختــار عــروسـك | aboalkonfod | 04-12-04, 12:17 PM |
Re: كيــف تختــار عــروسـك | سجيمان | 04-12-04, 02:55 PM |
Re: كيــف تختــار عــروسـك | omer almahi | 04-12-04, 12:18 PM |
Re: كيــف تختــار عــروسـك | shiry | 04-12-04, 01:23 PM |
Re: كيــف تختــار عــروسـك | Salah Musa | 04-12-04, 03:37 PM |
Re: كيــف تختــار عــروسـك | سجيمان | 04-12-04, 07:17 PM |
Re: كيــف تختــار عــروسـك | سجيمان | 04-12-04, 07:11 PM |
Re: كيــف تختــار عــروسـك | سجيمان | 04-12-04, 03:52 PM |
Re: كيــف تختــار عــروسـك | haneena | 04-12-04, 07:40 PM |
Re: كيــف تختــار عــروسـك | سجيمان | 04-12-04, 07:57 PM |
Re: كيــف تختــار عــروسـك | طه حسن عبدالله | 04-13-04, 00:21 AM |
Re: كيــف تختــار عــروسـك | bayan | 04-13-04, 04:28 AM |
Re: كيــف تختــار عــروسـك | Al-Shaygi | 04-13-04, 08:05 AM |
Re: كيــف تختــار عــروسـك | سجيمان | 04-13-04, 09:20 AM |
Re: كيــف تختــار عــروسـك | سجيمان | 04-13-04, 09:12 AM |
Re: كيــف تختــار عــروسـك | طيفور | 04-13-04, 09:24 AM |
Re: كيــف تختــار عــروسـك | سجيمان | 04-13-04, 12:30 PM |
Re: كيــف تختــار عــروسـك | سجيمان | 04-13-04, 09:05 AM |
Re: كيــف تختــار عــروسـك | abas | 04-13-04, 06:40 AM |
Re: كيــف تختــار عــروسـك | سجيمان | 04-13-04, 09:16 AM |
Re: كيــف تختــار عــروسـك | ابو جهينة | 04-13-04, 01:11 PM |
Re: كيــف تختــار عــروسـك | سجيمان | 04-13-04, 01:18 PM |
Re: كيــف تختــار عــروسـك | maia | 04-13-04, 01:10 PM |
Re: كيــف تختــار عــروسـك | سجيمان | 04-13-04, 01:22 PM |
|
|
|