الله.... يـــاراك..... يــا حــاج ابكـــر

مرحبا Guest
اخر زيارك لك: 05-01-2024, 11:21 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مكتبة د.عادل سيجمان(سجيمان)
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
04-20-2004, 01:43 PM

سجيمان
<aسجيمان
تاريخ التسجيل: 10-03-2002
مجموع المشاركات: 14875

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
الله.... يـــاراك..... يــا حــاج ابكـــر


    الي كل عاشق وعاشقة



    الي كل مكسر ومكسرة



    الي كل مكودك ومكودكة



    احذرو الكواديك انها مقلبت اخاكم سجيمان





    توووووووووووووووش





    سعاد بت جيرانا .. ايام الزمن سمح.....والوشي فيهو شوية سماحة... قبال الخفيج والعفيص العلينا حسي.... سعاد كانت سمحة ونفسها عاجباها......وكل الناس عندها ... قمل في راس قرد....وخاصة سجيمان... اكبر قملة كان....قدر ما جريت وراها لمن نفسي اتقطع.... ما جابت خبري... كنت بستحم كل يوم وانا اغرف البلاعة ودا كلو عشان خاطر سعاد... واتمسح بزيت السمسم الفي البيت....واتمبخ تفتي بيهو... لحدي ما امي بقت تدس الزيت مني عن جيراننا....قالو لي تمشي العشش .... الوقت داك.... وحسي اسما الوزير دقس.....في فكي هناك اسمو حاج ابكر... يديك عرق محبة..... يخلي سعاد دي حايمة وراك زي الكديسة.... محل ما تمشي في كرعيك...... حاج ابكر قال لي... تديهو ليها في كباية شربات وولا كباية شاي..... شلت العرق وسقت ...صاحبي الزين...وضعنا خطة انو بعد ما ناس سعاد....يجيبو لينا كبايتين شربات....هو يمرق ويخلي الكباية....وتجي سعاد وانا احلف عليها تشربا...وقد كان... جات سعاد وجابت الشربات...والزين شتت.....وشربت انا كبايتي ووكبيت مسحوق عرق المحب في الكباية التانية.... ومنتظر تجي سعاد تشيل الكبابي.... اتاريها سعاد زاتا مرقت.... وجات امها حاجة سكينة.......وسلمت علي وسعلت من صاحبي وليه ماشرب الشربات...؟...... وقالت خلاص الكباية دي اظنها رزقن لي....وتقول كدي تشرب الكباية زي ما هي....وانا هنا راسي بقى قدر القدرة.....حاجة سكينة شالت الكبابي ومشت.... شويتين كدي..... اسمع حسها وهي جاية ...وماشة وتغني



    في الحياة غيرك مافي زول هماني



    يا حياتي وروحي انت يا سجيماني



    ... يا سجيماني؟.... حاجة سكينة شربت العرق والعرق اشتغل.... ...دخلت علي حاجة سكينة... غيرت هدوما ولبست اسكيرت وبلوزة....وملت عيونا كُحُل...واشطفت....ومسحت كريعاتا..... وقعدت في العنقريب القصادي..... ونعاين لي وتتبسم وترمش في عويناتا....ومرة تغريّد عيونا...ومرة تكتلن....انا بقيت اقرا في سورة الفلق.....وعصرت علي... من شر النفاثات في العقد. قلت كان شوية تفرمل شغل عرق المحبة... يمكن قريتا تلاتين مرة.....وحاجة سكينة.... في سواتا........وزادت.... انا كنت لابس لي نضارات شمشية اشتريتن من الطبالي مخصوص ... عشان اغري سعاد....حاجة سكينة تشيل وتخت في نفسا...وتعاين لي والعوينات يسون في شغلتن....وقعدت تدندن لكن انا سامعا

    وتدس عينيك..... بالنضارة



    يا اجمل ضيف جانا زيارة



    حاجة سكينة بقت تشوفني اجمل ضيف؟.....وا شقاوتك يا سجيمان.... والشقيان تعتر لو حاجة سكينة.....شوية كدي.... شالت المخده وحضنتا....وهي قاعدة...وتاوهت... الآهة... بتاعت الحب... ديك..لمن انا خفت المرا دي تقوم تشهق وتفطس عليّ..وتتحسب علي شهيدة حب...وقالت لي وهي ترفع في حواجبينا....

    حسي كيف؟......... قلت لها الكيف شنو؟..... قالت لي ...ما نتكلم شوية في مستقبلنا؟...... عرقت من فوق لي تحت...وفكرت افرتق.... قلت لها يا حاجة سكينة.....عطشااااااااااااااان عليك الله اديني موية..... قالت لي .... انا اسقيك من عيوني ديل.....قلت لها لا لا من المزيرة حقتكم.....خليتا مشت تجيب الموية...واعضي طرف جلابيتي في خشمي وجري علي بيتنا........

    لحقتني في البيت.....دقت الباب مرقت عليها امي.....واول ما شافت امي قالت لها....ازيك يا خالتي ام سجيمان؟....

    سمعت امي زعلت وقعدت تهرج فوقا...خالتك؟ اجي يا خالتي؟....والله اياهو؟.....المهم رجعت بيتا امي جات تهرج وتنقنق.....وقالت لي شفت المرا الهجلوبة دي؟..... قالت لي خالتي؟...... وهي تلدني في اخر بطانا......قلت لها معذورة يا يمة اصلو العرق قوي.... الله يا زاك يا حاج ابكر...........

    جريت جري العشش تاني... ودخلت علي حاج ابكر وحدستو بالحكاية...وقلت لو داير لي عرق كِجنة.... اغرغرو لي المرا دي...اداني العرق......لقيت امي وحاجة سكينة قاعدات حلفت علا اسوي لهن شاي.....واسقي حاجة سكينة العرق...... ومشت بيتا....... لحقتها اشوف عرق الكِجنة خبرو شنو؟....لقتي الباب فاتح ودخلت..... حاجة سكينة اول ما شافتني..... تصر وشيها..... وتحمر عيونا....وتقول لي" قشيران...... امرق..... مرقت روحك..... تاني ان شفت عصيباتك ديل حايمات في نص الحوش دا علا اكسرن ليك"

    (عدل بواسطة سجيمان on 04-20-2004, 08:41 PM)
                  

العنوان الكاتب Date
الله.... يـــاراك..... يــا حــاج ابكـــر سجيمان04-20-04, 01:43 PM
  Re: الله.... يـــاراك..... يــا حــاج ابكـــر almulaomar04-20-04, 02:22 PM
    Re: الله.... يـــازاك..... يــا حــاج ابكـــر سجيمان04-20-04, 08:03 PM
  Re: الله.... يـــاراك..... يــا حــاج ابكـــر lana mahdi04-20-04, 02:26 PM
    Re: الله.... يـــاراك..... يــا حــاج ابكـــر Hussein Mallasi04-20-04, 02:38 PM
      Re: الله.... يـــاراك..... يــا حــاج ابكـــر almulaomar04-20-04, 02:58 PM
        Re: الله.... يـــاراك..... يــا حــاج ابكـــر Hussein Mallasi04-20-04, 03:16 PM
          Re: الله.... يـــاراك..... يــا حــاج ابكـــر almulaomar04-20-04, 03:20 PM
      Re: الله.... يـــاراك..... يــا حــاج ابكـــر سجيمان04-20-04, 10:50 PM
    Re: الله.... يـــاراك..... يــا حــاج ابكـــر سجيمان04-20-04, 10:26 PM
  Re: الله.... يـــاراك..... يــا حــاج ابكـــر مريم بنت الحسين04-20-04, 02:45 PM
    Re: الله.... يـــاراك..... يــا حــاج ابكـــر سجيمان04-21-04, 08:02 AM
  Re: الله.... يـــاراك..... يــا حــاج ابكـــر Raja04-20-04, 09:20 PM
    Re: الله.... يـــاراك..... يــا حــاج ابكـــر طه حسن عبدالله04-21-04, 02:21 AM
      Re: الله.... يـــاراك..... يــا حــاج ابكـــر مريم الطيب04-21-04, 02:42 AM
        Re: الله.... يـــاراك..... يــا حــاج ابكـــر nazar hussien04-21-04, 09:30 AM
          Re: الله.... يـــاراك..... يــا حــاج ابكـــر سجيمان04-21-04, 08:57 PM
        Re: الله.... يـــاراك..... يــا حــاج ابكـــر سجيمان04-21-04, 04:26 PM
      Re: الله.... يـــاراك..... يــا حــاج ابكـــر سجيمان04-21-04, 02:27 PM
    Re: الله.... يـــاراك..... يــا حــاج ابكـــر سجيمان04-21-04, 12:57 PM
      Re: الله.... يـــاراك..... يــا حــاج ابكـــر Raja04-21-04, 05:23 PM
        Re: الله.... يـــاراك..... يــا حــاج ابكـــر سجيمان04-21-04, 09:25 PM
  Re: الله.... يـــاراك..... يــا حــاج ابكـــر الزنجي04-21-04, 12:59 PM
    Re: الله.... يـــاراك..... يــا حــاج ابكـــر سجيمان04-21-04, 09:08 PM
  Re: الله.... يـــاراك..... يــا حــاج ابكـــر بلدى يا حبوب04-21-04, 01:21 PM
    Re: الله.... يـــاراك..... يــا حــاج ابكـــر سجيمان04-21-04, 09:13 PM
  Re: الله.... يـــاراك..... يــا حــاج ابكـــر alfatih04-21-04, 02:58 PM
    Re: الله.... يـــاراك..... يــا حــاج ابكـــر سجيمان04-21-04, 09:18 PM
    Re: الله.... يـــاراك..... يــا حــاج ابكـــر حبيب نورة04-21-04, 09:20 PM
      Re: الله.... يـــاراك..... يــا حــاج ابكـــر مريم الطيب04-21-04, 09:45 PM
        Re: الله.... يـــاراك..... يــا حــاج ابكـــر سجيمان04-22-04, 06:55 AM
      Re: الله.... يـــاراك..... يــا حــاج ابكـــر سجيمان04-22-04, 06:45 AM
        Re: الله.... يـــاراك..... يــا حــاج ابكـــر حبيب نورة04-22-04, 06:53 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de