|
حنـانـة....... نســى اهلــو...ما نســانا...... فقــري دا
|
حنانة....نسى اهلو ما نسانا..فقري دا دي حتكون النغمة بتاعت الموبايلات بتاعتنا انا وانتي يا ام الخير.....اصلي عقبال عندك داير ابقى حنانة...واحنن النسوان.... ام الخير عليكي الله ما تصري لي وتحدريني كدي.... انتي عارفة وقت تصري لي قاعد يجيني حبس بول.....واتكرفس وابقى قصيّر.....ما تخافي انتي حتكوني معاي مساعدة حنانة....حنانة اسيستانت..... يا ام الخير لقمة العيش بقت قاسية وصعيبة.... وانا شايف الحنانات ديل عندهن قروش...ما شفتي علوية الحنانة قالت لك عندهم عمارتين وتلاتة حافلات ....؟وانا وانتي مصاقرين بعضنا ما عندنا التكتح....بعدين الحنة مالا؟ فن..وذوق...وكل يوم الزول مقابل كريعات النساوين..اشكال والوان...وبعدين انا ح احنن النسوان من ورا حجاب.... المرا تتكبّت تحت بطانية وتمرق لي ايدا ...ولاّ كراعا الدايرة تحننا.....وانتي حتكوني معاي الحجل بالرجل لحام يعني..بس يا ام الخير نحن لازم نطور المهنة...ونخلي بصماتنا فيها واضحة.... اول حاجة يا ام الخير انتي تتعلمي تشكري ايدن وكريعات النسوان... عليك الله اكل العيش ما فيهو حسادة...ان بقيت انا قاعد احنن في خنفسانة انتي تشكريها.... تكون كراعا كراع عنقريب برضو شكريها.... تشكريها بالبنينة.... تبننني وانا اكون قاعد احننن.. يعني لو كنت بحنن في كراع واحدة.... انتي تقولي صلاتي علي النبي..وطوالي تزغرتي ايويييييييي يوي يييييييا يا بنينة هي يي ي يي ي وبنا بينا وبنا بين يا بينا بنينة هي ي ي ي ي
بطن كراعيك الملكدمة..... بطن كراعك الملكدمة زي المخدة حاشاها ما كشتت وحامت بي شوااااارع امبدة يا بنينة هي ييي ي ي وبنا بنا بين يا بينا وبنينة هي يييي
اصبع كراعك الكبير........ اصبع كراعك الكبير يا ام عجن واقف عود وباقي الاصابعين ما اتعفصن يا بنينة هي ييييي وبنا بنا بين يا بينة وبنينة هي ي ي ي ي
....وبعدين يا ام الخير لازم ننوع في محلات الحنة.... ما نقيف علي الكرعين والايدين... الرقبة نحننا والفقهة برضو نحننا....وبعدين اي حتة تانية تختارا المتحننة ما عندنا مانع....وليس في الحنة حياء يا ام الخير!!!!! واهم حاجة التوقيع يا ام الخير... لازم يكون عندنا توقيع واضح وغير قابل للتقليدونسجلو في وزارة التجارة.... زي توقيع الخطاطين في اليافطات مش بيكتبو الخطاط وسيم...والخطاط نسيم...والخطاط عبدالله؟.. نحن نكتب الحنانة\ سجيمان وشركاؤه ... شركاؤة دي انتي... ودا يكون في الفقهة وبرضو يكون بالحنة.... عشان التقليد.... وما تجي حنانا من المتصلبتات في الحنة ديل تقول دي الحنة رسمتها انا...طوالي نحن في حالة الغُلات.....ندنقر للمرا المتحننة رقبتا ونرفع شعرا ونكشف عن توقيعنا... ماركة مسجلة
|
|
|
|
|
|
|
العنوان |
الكاتب |
Date |
حنـانـة....... نســى اهلــو...ما نســانا...... فقــري دا | سجيمان | 04-26-04, 03:23 PM |
Re: حنـانـة....... نســى اهلــو...ما نســانا...... فقــري دا | essam&amal | 04-26-04, 05:28 PM |
Re: حنـانـة....... نســى اهلــو...ما نســانا...... فقــري دا | سجيمان | 04-26-04, 07:20 PM |
Re: حنـانـة....... نســى اهلــو...ما نســانا...... فقــري دا | Osman Hamad | 04-26-04, 05:34 PM |
Re: حنـانـة....... نســى اهلــو...ما نســانا...... فقــري دا | ابو جهينة | 04-26-04, 06:02 PM |
Re: حنـانـة....... نســى اهلــو...ما نســانا...... فقــري دا | سجيمان | 04-26-04, 10:18 PM |
Re: حنـانـة....... نســى اهلــو...ما نســانا...... فقــري دا | سجيمان | 04-26-04, 09:39 PM |
Re: حنـانـة....... نســى اهلــو...ما نســانا...... فقــري دا | الطيب بشير | 04-26-04, 07:27 PM |
Re: حنـانـة....... نســى اهلــو...ما نســانا...... فقــري دا | طه حسن عبدالله | 04-26-04, 08:54 PM |
Re: حنـانـة....... نســى اهلــو...ما نســانا...... فقــري دا | WALEED YASSIN | 04-26-04, 09:37 PM |
Re: حنـانـة....... نســى اهلــو...ما نســانا...... فقــري دا | سجيمان | 04-27-04, 02:46 PM |
Re: حنـانـة....... نســى اهلــو...ما نســانا...... فقــري دا | سجيمان | 04-27-04, 11:37 AM |
Re: حنـانـة....... نســى اهلــو...ما نســانا...... فقــري دا | Osman Hamad | 04-26-04, 09:48 PM |
Re: حنـانـة....... نســى اهلــو...ما نســانا...... فقــري دا | سجيمان | 04-27-04, 10:51 AM |
Re: حنـانـة....... نســى اهلــو...ما نســانا...... فقــري دا | Elkalakla_sanga3at | 04-27-04, 03:05 PM |
Re: حنـانـة....... نســى اهلــو...ما نســانا...... فقــري دا | سجيمان | 04-27-04, 03:38 PM |
Re: حنـانـة....... نســى اهلــو...ما نســانا...... فقــري دا | omer almahi | 04-27-04, 03:34 PM |
Re: حنـانـة....... نســى اهلــو...ما نســانا...... فقــري دا | سجيمان | 04-27-04, 03:47 PM |
Re: حنـانـة....... نســى اهلــو...ما نســانا...... فقــري دا | HAMZA SULIMAN | 04-28-04, 11:38 PM |
Re: حنـانـة....... نســى اهلــو...ما نســانا...... فقــري دا | Ashrinkale | 04-29-04, 07:23 AM |
Re: حنـانـة....... نســى اهلــو...ما نســانا...... فقــري دا | سجيمان | 04-29-04, 07:35 AM |
|
|
|