|
|
 مابين قمع خط تراجي، واخلاء السبيل، الدروس والعبر.
|
لا اميل اطلاقا الاكتفاء بظاهر الامور، بل اسعي باستمرار الي النفاذ من القشرة الخارجية والي الجوهر، من الشكل والي المضمون، من سطور الكلام المكتوب، والي مابين السطور.
هذا الفهم، للظاهر والباطن، ضارب في اعماق اعماق ثقافتنا، الصوفية، المروية، التوحيدية. مخطئ من يظن ان اعتراضنا علي قرار الاخ بكري، الاخير، المتهور كما وصفناهو حينه، بطرد تراجي تحديدا، وبتلك الصورة المهينة، منبعه، ومصبه شخص تراجي وعلاقتنا الرفاقية بها، كاقطاب، لقوي السودان الجديد بالمنبر.
ده طبعا موجود وبقوة، ولكن في المحصلة النهائية، تبقي رمزية تراجي، كخط، وطرح جديد، مستلهم، من حركة التاريخ الحالية في ديارنا، المرفودة كنهر، من شرايين ملايين الضحايا في بلادنا.
..نواصل..
|
|
 
|
|
|
|
|
|
|
|
Re: مابين قمع خط تراجي، واخلاء السبيل، الدروس والعبر. (Re: Bashasha)
|
نعم مثل هذا الكم الهائل من قوافل الشهداء، بكل مقاييس عصرنا، حتما، اجلا ام عاجلا، سيغير من وجه الحياة في بلادنا، والي الابد!
نحن في قوي السودان القادم، من احشاء وجماجم هؤلاء، كما طائر الفينكس، في ميثلوجيا ثقافتنا الكوشية، وفي مقدمتنا تراجي مصطفي، كزعيمة، ورمز لنا- واعين تماما، للصيرورة الماثلة امامنا، ولهذا، وفي شكل مبادرات فردية، عفوية، تلقائية، عبرنا عن رفضنا التام لقرارات امين الموقع الظالمة، والمدمرة للموقع نفسو، كما سنوضح، اضربنا عن الكتابة، انطلاقا من فهم غريزي مركوز، ان هذا الاجراء الظالم، يمس مباشرة، تجربة خطنا، الوليد، وليس شخص تراجي، حيث يضيف امثال تراجي لهذا الموقع وبقوة، ولا ياخذون منه اي شئ، علي الاطلاق!
قلنا الكلام ده قبل مانغادر، والان نعود، لنجد التجربة والواقع المعاش، اثبتت للاخرين، صحة كلامنا، حيث بدي الخلل واضح للعيان، عندما اصيب المنبر بشلل نصفي، لغياب القوي الفاعلة، صاحبة الطرح المغاير الجديد، ليرتد التداول لذات القديم، المعتت، المهترئ، للمتداول في سوق الطرح، من نصف قرن مضي!
..نواصل..
| |
|
|
|
|
|
|
|
|
|
Re: مابين قمع خط تراجي، واخلاء السبيل، الدروس والعبر. (Re: Bashasha)
|
علي القاصي والداني ان يعلم، كيف امثال تراجي، هم الديزل، الساحب، لعربات، قطار هذا الموقع، وليس بكري ابو بكر، او اي مالك للموقع، مع تسليمنا، بالدور المؤثر لادارة بكري، ككل، من البداية، وحتي الان.
فالرجل قطعا، متفرد وموهوب، بلا ادني شك، مقارنة برصفائيه، من اداريي وملاك المواقع الاخري.
هذا الكلام، يصب في خانة الارتقاء بهذا الفضاء، لانو صادق، بلامجاملة، اوتذلف رخيص وساذج، ل"سيد الحوش" كما يستهبلون.
فالرجل جار لي وصديق، وهذا الصدق، في العلن وبالمكشوف، هو واجب تمليه الشفافية، في علاقتي، بكل اطراف هذه القضية، لو تراجي، ولابكري، ولا بقية افراد قوي سودانا الجديد، بالمنبر.
كتير مابقول لي بكري، ياخي ادير هذا الصرح كbusiness قوامو الربح والخسارة، ولكن كيساري قديم، كلام ذي ده مابخش راسو!
نعم، قانون العرض والطلب، كفيل بفرض التوازن المطلوب، وعلي نحو الي، ميكانيكي!
اما ادارته، كديوان شئون خدمة اخر، بلا حافز للانتاج، فسيؤدي للتقوقع، ثم التاكل، ثم الانقراض، والبقاء للاصلح، وهذا ناموس عرض او طلب، تحدي واستجابة، كوكبي، طبيعي!
كبريات الشركات الامريكية، اليوم بتجد روحا او قصبا عنها، مدفوعة دفع، لوضع غير البيض، وبالذات السود، في الواجهة، استجابة لي قانون الانتخاب الطبيعي، او العرض والطلب، قصبا عنهم!
كلمة فالتة واحدة من مسؤل في اضخم الشركات، ممكن تدق بالشركة الارض، في لمح البصر!
مثل هذا الوعي، لامحالة، قادم للسودان، وسيدك عروش الهيمنة التقليدية، للاقلية المتنفذة، دكا!
| |
|
|
|
|
|
|
|
|
|
Re: مابين قمع خط تراجي، واخلاء السبيل، الدروس والعبر. (Re: Bashasha)
|
اتمني من امين الموقع، التغاضي عن الشخوص، ومايتبع ذلك من اهواء، ميول، تشحن بطارية التقدير الذاتي، المزاجي، كاساس للقرار الاداري، المدفوع بنزوة اللحظة، الكفيلة بتدمير هذا الصرح تماما- والتركيز علي التيارات، والتوجهات العامة، والنظر للافراد، كرموذ، ممثلين لهذه التيارات المتصارعة في المنبر.
هذا الاسلوب الاداري، سيامن المنبر تماما، لانو سيؤدي الي مراعاة التوازان المطلوب، كاساس لنجاح هذا الفضاء.
لاندعو اطلاقا ان يكون هذا الفضاء، معبر عن المعارضة للنظام، وبنفس القدر، لاينبقي له ان يكون وكر خرب لخفافيش الظلام، وشقوق تاوي صراصير الاسلام السياسي، وتوابعه، من بغاث المستعلواتية، طيور الاعراب، نسل بلال بن رباح، "العبد الحبشي" ومستلبة ثقافة غزاتنا البدوية!
هذا ماحدث للمنبر، في الفترة الماضية، عندما غاب بدر خط تراجي، لتفتقده بقية العضوية، عندما احال امثال "الجرز" مكسب، "الوعل، المستعلواتي، الخلوي" ليبرتي، والارهابي فرانكلي، منتصف النهار السابق، الي ليل بهيم، مظلم، ينعق فيه، بوم الجهوية الجلابية، الذي باض وافرخ، قبلية وعشائرية نتنة، بحديث غث ركيك، يمجد الشايقة والبطاحين، يتغني بالانجازات النوبية الحضارية المزعومة، ليعود الوجه الكالح، القبيح، للسودان الجهوي، الجلابي، الذي قبرناه، من سنين، في هذا الفضاء، محتلين عن جدارة، الصفحة الاولي، لتهمين عليهااخبار وقضايا، كبري ماسي العصر، في دارفورنا.
بمجهود العديدين، رغم قلتنا العددية انجزنا ذلك، ليركله امين الموقع، في لحظة غضب وتشفي، ليختل التوازن، بهجرة اقلامنا، لصالح النظام واذنابه، مما يهدد وجود هذا الفضاء، وبذلك يصطاد خط النظام، عدة عصافير، بحجر واحد!
اذن كخلاصة، مصلحة هذا الصرح، تقتضي، مراعاة التوازن، في ادارة الصراع بين تيارته المصطرعة، لان هذا، هو سر تفرد ونجاح هذا الفضاء، كساحة تلاقي ونزال، اوحد، ووحيد حتي الان، بطول وعرض المليون ميل مربع!
نسبيا، لاساحة اخري، ولافضاء اخر، يجمع بين شتات السودان، كمايجمع هذا الفضاء، رغم القصور الصارخ، في التمثيل النسبي لبقية جهات السودان، في الجنوب، الغرب، الجبال، والشرق، مقارنة، بواقع الهيمنة المطلقة، للشماليين وخطهم، في هذا الفضاء.
| |
|
|
|
|
|
|
|
|
|
Re: مابين قمع خط تراجي، واخلاء السبيل، الدروس والعبر. (Re: Bashasha)
|
كلمة لابد منها، لخط الجنجويد بالمنبر، ممثل في ابنوس، محمد ادم، محمد الامين، بريمة، والغائب الطالب، ونضيف اليهم حيدر حماد، الذي سقط شر سقطة، في الاختبار، عندما اختار، الانتقام لنفسه، وعلي نحو جبان، باستقلال قرار الايقاف لتراجي، وعلي حساب القضية، لوكانت لهؤلاء قضية اصلا.
وش القباحة، احنا ناسو، وعلي استعداد لدفع الثمن، ولن نجامل علي الاطلاق، علي حساب المبادئ، والمثل العليا، وليذهب مادون ذلك من علاقات ومجاملات، للجحيم.
سنعود لنفصل هذا.
| |
|
|
|
|
|
|
|
|
|
Re: مابين قمع خط تراجي، واخلاء السبيل، الدروس والعبر. (Re: Bashasha)
|
السلام عليكم
مرحبا بعودتك وبالعائدون في الطريق..
اولا داير اثبت انو انا ضد الاقصاء والابعاد لي اي طرف ممن يختلف عني في
التوجهات او حتى المتطرفين جدا في توجهاتهم لاني شايف انو وجود( الاطياف )
كلها بدي تمثيل حقيقي للسودان في المنتدى..
وقد قلت هذا الكلام في الايام الاولى... وتجده هنا..
Quote: التنوع الموجود بالمنتدى مفيد جدا لاثراء النقاش ..
حتى نلقا السودان بمختلف مكوناته الجهويه والفكريه والاجتماعيه ..
وجود كل التيارات حتى المتطرف منها .. مهم وضروري..
وجود هذه التيارات بيننا ..نشهد طرحها .. نناقشها.. نحاورها..
افضل من اقصائها ( فصلها) وابعادها..فتذهب هذه التيارات بعيدا عنا وحيده..وتتكور على فكرها المتطرف..
بينما وجودها في وسط هذا ( الجو الحيوي ) من النقاش ربما
يبدل في قناعاتها شيئا ما..
اقترح الغاء عقوبة الفصل الا في حالة التهديد بالقتل او التحريض عليه ..
وان تكون العقوبات على سوء السلوك وبقية المخالفات هي الايقاف لفترات
مختلفه تطول وتقصر حسب خطورة المخالفه ..
|
المصدر:اقترح الغاء عقوبة الفصل من المنتدى الا في حالة...
لكن طرحك وتقييمك للاحداث الفاتت فيهو بعض المغالطات ..
ما حبيت انها تمشي ساكت كانها حقائق ..
| Quote: قلنا الكلام ده قبل مانغادر، والان نعود، لنجد التجربة والواقع المعاش، اثبتت للاخرين، صحة كلامنا، حيث بدي الخلل واضح للعيان، عندما اصيب المنبر بشلل نصفي، لغياب القوي الفاعلة، صاحبة الطرح المغاير الجديد، ليرتد التداول لذات القديم، المعتت، المهترئ، للمتداول في سوق الطرح، من نصف قرن مضي! |
لم يغادر هذا المنبر بعد فصل تراجي الا نفر قليل .. لا يتعدون اصابع اليد الواحده .. وبعضهم عاد بعد يومين فقط .. فهل فقط هؤلاء هم من يمثل السودان الجديد..
هناك اعضاء في هذا المنبر يقولون انهم يمثلون طرح السودان الجديد ولم يغادروا هذا المنتدى ابدا وظلوا يكتبون يوميا ويساهمون في نقاشات المنتدى .. الا توجد قيمة لكتابات هؤلاء وجهدهم ؟؟؟
ام هل يصادر الذين غادروا حق تمثيل السودان الجديد لا نفسهم وينفون ذلك عن الاخرين؟؟؟
الخلل الذي بدأ واضحا وظاهرا كان في منبر السودان الجديد الذي اسستموه ..
مما جعل البعض يهرب منه من الايام الاولى ويعود ادراجه الى هذا المنبر ... لانه افتقد الحيويه الموجوده في هذا المنبر .. والسبب في هذه الحيويه هي وجود كل قوى السودان وانتماءاته المختلفه .. السودان الجديد والقديم
وليس وجود قوى السودان الجديد فقط..
بل ان تجربة منبركم الجديد اثبتت لكل ذي بصيره ( انكم ( ما بتبقوا ) بلا باقي الناس المختلفين عنكم في الرؤية والطرح ..
وخلتكم في الايام الاولى ... داخلين للموقع الجديد وتتلفتوا كانو ناقصكم شئ ..
او كانكم منتظرين ليكم زول يجئ ...
هنا في تناقض ..
مره بتقول انو سر نجاح الموقع وجود كل هذه التيارات المختلفه...
Quote: اذن كخلاصة، مصلحة هذا الصرح، تقتضي، مراعاة التوازن، في ادارة الصراع بين تيارته المصطرعة، لان هذا، هو سر تفرد ونجاح هذا الفضاء، كساحة تلاقي ونزال، اوحد، ووحيد حتي الان، بطول وعرض المليون ميل مربع!
|
ومره تحصر سر النجاح في ( امثال تراجي ) (اقطاب السودان الجديد ) كما تسميهم ..
| Quote: علي القاصي والداني ان يعلم، كيف امثال تراجي، هم الديزل، الساحب، لعربات، قطار هذا الموقع، |
رايك ياتو الاول ولاّ .. التاني ..
عشان نعرف نناقشك؟؟
بقى ان اقول انني من انصار...
( السودان الجديد) القائم على العداله والمساواة.. والذي يتيح لكل صاحب شريعه ان يعبر عنها في كل مجالات حياته ..
لا .. ( السودان الجديد ) الذي يحاصر الدين في المسجد.. ويجعله لا يخرج عنه ابداً...
اقول لكل الحالمين .. بان ذاك *عهد انتهى .. والزمن لا يعود الى الوراء ..
* عهد قصر الدين على شعائر المسجد.
| |
|
|
|
|
|
|
|
|
|
Re: مابين قمع خط تراجي، واخلاء السبيل، الدروس والعبر. (Re: Bashasha)
|
بَشَاشَا الجَلابِي كَارِه نَفسو قَالْ:
| Quote: نحن في قوي السودان القادم، من احشاء وجماجم هؤلاء، كما طائر الفينكس، في ميثلوجيا ثقافتنا الكوشية، وفي مقدمتنا تراجي مصطفي، |
يَارَاجِلْ!! عَلِيّكْ الخِصمَه إختَشِي !!!!
| Quote: كلمة لابد منها، لخط الجنجويد بالمنبر، ممثل في ابنوس، محمد ادم، |
وأنَا بِنقولْ عَلِيّكْ جَلابِي وجَنجَويّد مُستَهبِلْ لَيّسَ إلا!
يَاخِي والله العَظِيّمْ لو يَاهَا سُودَانَكْ "الجَدِيّدْ" أنَا أولَ مَنْ "يَكفُرْ" بِه!!
بِاللهِ يَابَشَاشَا بَلاشْ خَمْ!
إنتَ لو فِعلاَ بِتنَادِي بِسودانْ مُعَافي عَلَيّكْ أنْ تَصبُرْ وأن تَتَحَلَي بِالصّبر لحِيّنْ تَجِدْ النَاسْ الصَادقِيّنْ المُمكِنْ تعولْ عَلِيّهمْ لأنَ الدَعوه لهكذا أمرْ مُحتَاجَه لتريّثْ "شدِيّدْ"!
فإنتْ بِهَكذا بِدايّه - حَتكونْ كَضَابْ - أشُرْ.
| |
|
|
|
|
|
|
|
|
|
Re: مابين قمع خط تراجي، واخلاء السبيل، الدروس والعبر. (Re: Bashasha)
|
Quote: العاجبنى فيك يا بشبوش
تحرد وترجع براك |
ياسر طيفور يامراحب،
والجديد شنو؟
مامن يومنا، في المنبر الجلابي ده، الله اورقبتنا، ضد الفيهو، من اقصي يمينو، مرورا بي وسطو او انتهازيهو امثالك، من مستهبلي عصر الغفلة، وانتهاءا بي يسارو!
طبعا يادرق سيدو، اللاهث خلف فتات موائد اكلي السحت واموال اليتامي باسم الطائفة والطريقة، مامتعود اطلاقا، علي منظر الغفاريين امثالثنا، الحاردين المغادرين، لوحدهم، والعائدين لوحدهم، احرار، بلا مظلة حزبية، قبلية، او جهوية، تقيهم هجير شمس النوائب!
نفسي اعرف، البخلي امثالك اتحاديين شنو، لو لا التسلق كما نبات الظل، لانك ما درويش مثلا، نقول عليك ختمي كتبرير!
الغريبة بعد ده، عامل فيها سودان بطيخ، اقصد سودان جديد!
هو الموضوع اصلا شنو، من الاول؟
منجهة مثلا، ولاقشرة؟
واضح من تجربة تراجي، انو خطوة كهذه، ليها تمن او ابدا مارحلة لي حدايق البلدية في بحري!
| |
|
|
|
|
|
|
|
|
|
Re: مابين قمع خط تراجي، واخلاء السبيل، الدروس والعبر. (Re: Bashasha)
|
| Quote: ونضيف اليهم حيدر حماد، الذي سقط شر سقطة، في الاختبار، عندما اختار، الانتقام لنفسه، وعلي نحو جبان، باستقلال قرار الايقاف لتراجي، وعلي حساب القضية، |
الأخ بشاشا
قول بسم الله
ماذا دهاك يا صديق ؟؟ أكاد لا أصدق ...
ماذا جرى لك يا بشاشا ؟؟؟ لماذا هذه اللغة الغريبة و لماذا هذا التجريح المتعمد ؟؟؟
يا أخ بشاشا أنت أكبر من ذلك و قلمك أفضل من ذلك و رسالتك و مبادئك أرفع من كل ذلك .. فما تخطه هنا من أفكار شجاعة و عميقة له قراؤه و معجبيه و أنا أولهم ..ولكن هذه المرة يا صديق فقد أخطات خطآ فادحاً و بالطبع جل من لا يخطىء , و أنا حقيقة لم أغضب لأسطرك النارية المصوبة نحوى و لكننى أصبت بالإحباط , لأنك تسرعت فى إطلاق تلك الأحكام الجزافية لأشخاص أبرياء لا علاقة لهم و لا شأن لهم بمن أوقف و من فصل و من تمت ترقيته .. فلكل منا شأن يغنيه عن متابعة و ملاحقة صغائر الأمور .. تماماً مثلك يا أخ كمال .. فأنت تتغيب من هذا المنبر لظروف خاصة بك ثم تأتى بعد حين .. فنحن كذلك .. و لو كنت تقطن معنا فى مدينة واحدة لعرفت ظروف و مشاغل كل من أوردت إسمه فى تختة ضرب نارك ..
صدقنى لو تم فصلى من هذا المنبر لخرقى للائحة مثلاً ... فسأذهب بهدوء و سأشكر الأخ بكرى أبوبكر على إتاحته لى الفرصة للتعبير عن نفسى كتابة و للتواصل مع بعض الناس ...لن أحدث زوبعة و لن أثير عاصفة و لن أحرض الناس على هدم هذا الصرح الهام الذى بناه بكرى بعرقه و دمه ... سأنسحب بهدوء و سأطالب أصدقائى الأعضاء بعدم الرثاء لى أو الغضب ممن تسبب فى فصلى .. فالحياة ليست هذا المنبر أو غيره من عالم النت ... الحياة الحقيقية هى خارج هذا الجهاز العجيب المسمى بالكمبيوتر ... فيا صديقى هناك عالم يتمزق و مدن تستباح آخرها مدينة الفاشر .. هل عرفت ما حدث فيها ؟؟؟؟؟؟؟ أما من الأفضل يا أخ بشاشا أن نسكب مدادنا فى تلك المآسى التى لا تتوقف ؟؟؟ أم نترك كل شىء و ننهش بعضنا البعض ؟؟؟؟؟
لى طلب صغير و لكنه مهم جداً ... يا أخ بشاشا أرجوك لا تستخدم كلمة " جنجويد " .. لا تقذف بها هكذا و بسهولة فأنت ستفقدها معناها تماماً ككلمة " nigger و التى يستخدمها مغنيى الراب فأفقدوها قوتها و دلالاتها ... يا بشاشا .. عد كما كنت و أكتب عن الهوية الضائعة و الوضع السياسى الحالى الملتهب و الغد الغريب المضطرب فمنك نتعلم
قفلة : أفتقد قلم الأخت الراقية آمنة مختار .. بلغها التحايا فى القرى المجاورة و أتمنى أن تطل علينا و لو من حين لآخر تماماً مثلك
| |
|
|
|
|
|
|
|
|
|
Re: مابين قمع خط تراجي، واخلاء السبيل، الدروس والعبر. (Re: Bashasha)
|
يا شبشب
ليك وحشة (خارمبارية)
كدى نرجع ورا شوية لى كلامك الفوق
قالت لى : "انت وتراجى كـ(أقطاب) للسودان الجديد"
والسودان الجديد لما كان مشروع فى (ورق) قبل ما يكون جيش
انتو كنتو وين؟؟؟
الوقت داك ما كان فى أسافير نضالية أو عنقالية من أساسو
وحتى لو إفترضنا انكم سودان جديد إسفيرى، ً نضالكم الإسفيرى ده بدأ بعد عام الفين وإتنين..
فمساهماتكم الإسفيرية لا ترقى حتى لتنصيبكم (أقطاب) للسودان الجديد الإسفيرى، ناهيك عن السودان الجديد القدم شهداء من 95 و انتم ابعد ما يكون عن الأفكار التى من أجلها ظهر مشروع السودان الجديد... فعليك الله يا بشبش أقطاب دى كبيرة شوية.
تراجى بحداثة تجربتها ساهمت مساهمة فعالة وإيجابية (بعض الأحايين) فى قضية دارفور حتى ظهرت فى وسائل الإعلام الغربية... وأخيراً أدخلت قضية دارفور فى متاهات إنفعالية غير مدروسة بما يسمى الصداقة الأسرائيلية، وبالرغم من ذلك ظهرت فى وسائل الإعلام العربية بصداقة من لايملك لمن لا يستحق، وحققت الشهرة كـ(قطب)..
أما إنت يا (قريعتى راحت)
تراجى دى انت (تلدها) ومع ذلك لم تحقق بعضٌ من بعضٍ فى المائة من شهرتها
والله لو ما أفطار بكرى فى رمضان، ومن خلال (كاميرته) الديقتال ، كان ح تظل نكرة (أشتر)..
وياليتك لم تظهر فى ذلك الإفطار، عسى ولعل تخفى بسمتك البلها هذى (وأشار الى بروفايل بشاشا)
المهم ما فات كتير
والشهرة دروبها كتيرة
وعلى ما يبدو إن أقصرها، الصداقات.
وطالما انك أقرب الى بعض هؤلاء الدارفوريون
الذين أتسعت الهوة ما بينهم وباقى الوطن،
فعليك بإنشاء جمعية الصداقة السودانية الدارفورية
يمكن تلفزيون تشاد يجيبك
فى أسوأ الأحوال
بجيك راجع
عشان نواصل
يا بشبوشنا
take care for now
| |
|
|
|
|
|
|
|
|
|
Re: مابين قمع خط تراجي، واخلاء السبيل، الدروس والعبر. (Re: Bashasha)
|
اعزائي اسمحو لي اتخطي الترتيب وارد علي العزيز حيدر حماد.
حيدر ياعزيزي، قسوتي عليكم انت او محمد ادم او ابنوس، تحديدا، هو من باب العشم او ابدا ماعدا او كراهية، حاشي، وبعض المعزة ماقتل.
دعونا لانتهيب التعبير عن اختلافاتنا مهما كانت، وباي صيغة كانت.
اجمل مافي التجربة دي، انها، حية، مباشرة، صادقة جدا او شفيفة، وهذا في حد زاتو، درس في اسلوب تعاطي، فعلا جديد، قوامو الصدق مع النفس او ده مهم جدا جدا، لانو القارئ فعلا هو اذكانا جميعا!
للقارئ وحتي العضوية، حاسة شم خارقة، تتحسس مكامن الصدق، كمعيار اولي واساسي، بغض النظر عن الطرح والرؤي!
انطلاقا من هذا، اذا ثبت اني تسرعت ياعزيزي، فساعتذر علنا، او في بوست منفصل، واطلب السماح.
لحدي مااجي للحتة دي، اتفق معك، ان استخدامي لي مفردة جنجويد ينبغي ان يكون بحذر شديد، لانو اساءة استخدام هذه المفردة، سيكون مكلف لي مصداقيتي، شخصيا.
لهذا ومن باب التوضيح اكثر، انو مدخل، محمد ادم، ابنوس، في التناول بغض النظر عن الدوافع، يخدم خط الطرف الاخر في الصراع الممثل في الجنجويد، كمخلب قط للاقلية المهيمنة، لانو مائع، لانو رمادي، لانو متردد، متذبذب، والانكا هؤلاء من بداو اطلاق النار علي خطنا المصادم، بحجة ان ضراوة المواجهة، ممثل في طرح الفارسة تراجي، يضر بالقضية!!
تماما كماهو دور الجنجويد في ساحة القتال، كمليشيا، مساندة لي جيش الجلابة المركزي.
طبعا لايمكن نتعرض لاطلاق النيران من خط مهادن للجلابة، هو خط محمد ادم، محمد الامين، بريمة، وابنوس، ونغض الطرف.
في اعتقادي، هذه المكاشفة مهما كانت قاسية، هي افضل وانجع السبل للوصول لارضية مشتركة، مابين الرؤي المتضاربة، داخل معسكر المنتمين للثورة في دارفور، بالتحديد خط محمد ادم وابنوس، والبقية من افراد رابطة دارفور بكندا، في المنبر.
جاييك لي موضوعك الاساسي في محلو.
احيي فيك هذه الروح والقدرة علي عدم اخذ الراي الاخر، بصورة شخصية.
| |
|
|
|
|
|
|
|
|
|
Re: مابين قمع خط تراجي، واخلاء السبيل، الدروس والعبر. (Re: Bashasha)
|
"الاخ" والخصم السياسي اللدود، هجو ياالف مرحب.
اولا اشكرك جزيل الشكر لي كلاماتك، خاصة العبد لله.
ثانيا، موقفنا مع حرية التعبير، موقف مبدائي واصيل لن نحيد عنه مطلقا.
اما ماضي دواسنا، فليس فيه مايعيبك عشان ماتعتذر عنو، وهذا الدواس حيتواصل، طول ماوجدو مدافعين عن الاسلام السياسي.
فلاتستبعد، لوبكرة دي، دورناها، من اول او جديد.
دي سنة الحياة في هذا الفضاء، الاسفيري، الي ان يرث مستضعفي السودان، السلطة والثروة، وتزول السلطة الغاشمة، الجاثمة علي صدورنا باذن الله.
| |
|
|
|
|
|
|
|
|
|
Re: مابين قمع خط تراجي، واخلاء السبيل، الدروس والعبر. (Re: Bashasha)
|
يا بشوش.. لو طلعت طرف جلابيتك من خشمك حنعرف انك حتكمل معانا
المرة دي رحلة علاجك.. مش حتفك البيرق زي كلو مرة مطاردا ابصلعة
أو عائدا لقريتكم المجاورة (المرة دي) بعد أن افتقدت هناك الحوار
الديمقراطي و حتى الخصوم الذين توسلت للإدارة أن تتركهم -عشان تمارس
عليهم اسقاطاتك- و لم تستجب لك فجيتنا -زي وزين هجر الرهيد- في غزوة
دون كيشوتية بعد أن علفوك بالقوالات و الخبارات الكاذبة هناك و
جئت كالعادة تحمل حقدا احلك من سواد ليلك .. شفت الديمقراطية دي
(زي ما قالوا القصار) شعرا ما عندكم ليهو رقبة كيف ? .. و جايين
تلوموا بكري كمان! ما قلتوا حرية حدها السماء و سودان جديد (كرت)..
و منبر جديد و (كورتنا و نمشي نلعب برانا و ما تلعبوا معانا) وين
صوت الآخر (تمبس)  .. غلبك التغريد يا قيقم سودان جديد فأنكفأت عائدا
لديمقراطية بكري الغبشة دي و كمان لسة بتلوم فوقو!
دا بدل ما تجي تايب غادر وجهك الحياء يا بشة و من يهن يسهل
الهوان عليه..
غايتو الله يخلي ليكم حنية بكري دي يرضى بكل افرازاتكم
الطفولية -الفوقية و السفلية و يشفق عليكم كأمكم..يمسحكم و ينظفكم
و يلوليكم و أول ما تشمو (ريحة اباطكم) يكون جزاه عقوق و حجر عليه..
طول بالك!
-----
Quote: الخلل الذي بدأ واضحا وظاهرا كان في منبر السودان الجديد الذي اسستموه ..
مما جعل البعض يهرب منه من الايام الاولى ويعود ادراجه الى هذا المنبر ... لانه
افتقد الحيويه الموجوده في هذا المنبر .. والسبب في هذه الحيويه هي وجود كل قوى
السودان وانتماءاته المختلفه .. السودان الجديد والقديم
وليس وجود قوى السودان الجديد فقط..
بل ان تجربة منبركم الجديد اثبتت لكل ذي بصيره ( انكم ( ما بتبقوا ) بلا باقي
الناس المختلفين عنكم في الرؤية والطرح ..
وخلتكم في الايام الاولى ... داخلين للموقع الجديد وتتلفتوا كانو ناقصكم شئ ..
او كانكم منتظرين ليكم زول يجئ ... |
يا عبدالمطلب دي اسمها ما بني على باطل فهو باطل!
| |
|
|
|
|
|
|
|
|
|
Re: مابين قمع خط تراجي، واخلاء السبيل، الدروس والعبر. (Re: Bashasha)
|
خـذوا الحكمــة
Quote: اتمني من امين الموقع، التغاضي عن الشخوص، ومايتبع ذلك من اهواء، ميول، تشحن بطارية التقدير الذاتي، المزاجي، كاساس للقرار الاداري، المدفوع بنزوة اللحظة، الكفيلة بتدمير هذا الصرح تماما- والتركيز علي التيارات، والتوجهات العامة، والنظر للافراد، كرموذ، ممثلين لهذه التيارات المتصارعة في المنبر.
هذا الاسلوب الاداري، سيامن المنبر تماما، لانو سيؤدي الي مراعاة التوازان المطلوب، كاساس لنجاح هذا الفضاء.
|
ولـو من بشـاشـا,....
أحمـد الشايقي
| |
|
|
|
|
|
|
|
|
|
Re: مابين قمع خط تراجي، واخلاء السبيل، الدروس والعبر. (Re: Bashasha)
|
القطب كمال بشاشا
كيف حالك
شايفك الليلة دي جانح الى السلم وبما انك جانح
فانا مجنح معاك 
| Quote: مقدرين ظروف حدادك، والموت حق |
ياخي مجدي النور وجعني بالجد بالجد
الله يرحمة رحمة واسعة
بعدين مامكن يكون المنبر موشح بالسواد وفي ناس تغني
لا من الزوق ولا من الادب
اما الاغنية بصراحة صراحة كدا انا نزلتها لي رقبتي دي
عايز اسخن بيها واجيك 
وطالما عجبتك اعتبرها هدية وبعدما ينتهي الحداد بنزلها تاني
عندي بلدياتي لمن يدور يشاكل ليهو زول اولا حاجة يعملها يدي نفسه عكاز !!  وبعد داك يبدأ في الدواس
| Quote: اخوك زول دلوكة تب، جنو عرضة، |
قبضتك !!!
طالما انت زول دلوكة وجنك عرضه ولابس جلابية تبقى انت من وين يا بشاشا ؟؟
من الزولو ؟؟!!
| |
|
|
|
|
|
|
|
|
|
Re: مابين قمع خط تراجي، واخلاء السبيل، الدروس والعبر. (Re: Bashasha)
|
| Quote: الراجل ما قالكم إنو جلابي تائب |
يا ناذر هوييييييييي
هسه الجاب سيرة الجلابة هنا منو ؟
مالك عايز تشبكنا مع القطب دا انحنا يادوب صلحنا علاقاتنا
اقول ليك سر
انا اكتشفت بيني وبين بشاشا دا صديق ورفيق عمر من اريزونا وهو لسه ما يعرف
وتصدق وتامن بالله
المداخلة بتاعتي الفوق ديك وجهت فيها كلام لي ابو السعود وقلت ليهو انا خايف القى ناذر الخليفة بي جاي
تاني غيرت رأيي ومسحته قلت يمكن بشاشا دا يفهمها دعوة مني ليك
لكن مادام اتلمينا هنا دا من غير معياد الله اعلم بوسته دا كان يلقى فيهو حته
| |
|
|
|
|
|
|
|
|
|
Re: مابين قمع خط تراجي، واخلاء السبيل، الدروس والعبر. (Re: Bashasha)
|
Quote: هناك اعضاء في هذا المنبر يقولون انهم يمثلون طرح السودان الجديد ولم يغادروا هذا المنتدى ابدا وظلوا يكتبون يوميا ويساهمون في نقاشات المنتدى .. الا توجد قيمة لكتابات هؤلاء وجهدهم ؟؟؟
ام هل يصادر الذين غادروا حق تمثيل السودان الجديد لا نفسهم وينفون ذلك عن الاخرين؟؟؟ |
عبدالمطلب خ عبدالمطلب، يامراحب، شرفت.
انت فاهم غلط.
لسنا ضد الناس الفضلو قاعدين، بل ضروري كان بعضنا يفضل قاعد.
حتي الفاتو، حاولو فقط تسجيل موقف محدد كهدف اولي والقليلين استقالو نهائيا من المنبر كاحتجاج.
الموضوع من وجهة نظرنا مختلف تماما، عن الانتا فاهمو، او طبعا لانحاكم علي منطلقات مواقفنا، انطلاقا من فهم الاخرين الخاطئ لمنطلقاتنا، كما تفعل هنا، ياعزيزي.
حتي اللحظة لم يتم اعادة تراجي فعليا، ورغم ذلك عدنا، انطلاقا من تقديرات خاصة بينا، وهذا يؤكد كيف الاضراب العفوي التلقائي والمستمر حتي الان من قبل اخرين، من ابرز رموزنا، كان احتجاج وتسجيل لي موقف، دفاعا عن حرية التعبير، او خطنا، كقوي سودان جديد. هذا ما لزم توضيحو.
اما منبر السودان الجديد، فما بتاع بشاشا، ليساءل بشاشا، حول ما يجري فيه.
بشاشا مجرد عضو عادي، لاسلطة له بخلاف قلمه.
لوراجعت المنبر داك حتجد بشاشا يتساءل، هل ده منبر معارضة شمالية، جلابية، ام فعلا، منبر قوي سودان جديد؟
بعد ده كلو، بشاشا مع عديدين سجل موقفو ضد عزل الكيزان او حرمانم حق التعبير، وقد دافع عن ذات الحق للكيزان هنا، مرارا وتكرارا، وضد غالبية قوي السودان الجديد، ولصالح الامننجي محمد حامد جمعة، والكوز المشرف.
ذاك المنبر وليد، وهذا الامر سيخضع لراي الاغلبية، واذا الاغلبية رات منع الكيزان من المشاركة، فساستقيل فورا، حتي لو ده حصل هنا، فقطعا حاستقيل نهائي.
مواقفنا في حتة حرية التعبير دي، ماعندها صلة بالافراد او العلاقات الخاصة، او حتي التوجه المشترك.
مواقفنا مبدأئية، نابعة من قيمنا اومثلنا العليا، ولكل مخلوق قيمو اومثلو العليا، ايا كانت.
| |
|
|
|
|
|
|
|
|
|
Re: مابين قمع خط تراجي، واخلاء السبيل، الدروس والعبر. (Re: tmbis)
|
| Quote: بلاي يا الامين افرزوا لي كومي |
اووووووو الحبيب للطيش وصل
يا زول انت انحنا مخلنك للتقيلة
اقعد في الكنبة وخليك جاهز
ولو استجدت في الامور امور بديك كدارتي
الجلابي دا عينو في البوست وعامل فيها ما شايفه
فالح في مناكفة القلب
ما يجي على الرجال بي جاي
والله اخلي ليك رحيتو طير طير
| |
|
|
|
|
|
|
| |
Bashasha
Yassir Tayfour
هجو الأقرع
saif massad ali
نادر السوداني
Deng
عبد المطلب خضر عبد المطلب
Mohamed Adam
saadeldin abdelrahman
على محمد على بشير
أحمد الشايقي
ناذر محمد الخليفة
tmbis
فيس بوك
تويتر
انستقرام
يوتيوب
بنتيريست