|
|
 يا زول عليك الله بتحب امك ام زوجتك
|
سيناريو ازلي
( الود دها نحن ربيناهو بالهم والدم وجيتي انتي لقتيهو جاهز)
وربي يا خايبة للغائبة)
يتكرر هذا الحوار كثيرا
وتبدا المشاكل بين الزوجة والنسيبة
ويتوه الزوج ويصبح كالثور في الساقية
لمن ينحاز امه ام زوجته
جاوبو اذا بتريدوا
|
|
 
|
|
|
|
|
|
|
|
Re: يا زول عليك الله بتحب امك ام زوجتك (Re: khaleel)
|
مساء الخير يا خليل
الله مايجيب مشاكل ان شاء الله يا خليل
بس انا بشوف الام رضاءها واجب ،،ومهما كان الخلاف
ومهما كان موقف الأم ضعيف ،، فلا بد تكون في مكانتها
السامية ،محاطة بهالةمن الاحترام والتبجيل
ومافي اي وجه للمقارنة بين مكانة الام والزوجة
والزوجة نفسهالازم ترضي ام زوجها وتحاول تبني جسور تواصل ومودة
وتهدم كل الحواجز والموانع لذلك التواصل
وفي النهاية كل ام بيهمها سعادة ابنها
وبصراحة للزوجة دور كبير في كسب محبة نسيبتها
ولو كسبت محبة نسيبتها حتعيش في سعادة وسلام وراحة بال
وبرضو بقول يا رب ما يجيب مشاكل
صافي مودتي خليل
| |
|
|
|
|
|
|
|
|
|
Re: يا زول عليك الله بتحب امك ام زوجتك (Re: Nana)
|
الموضوع ده اعتقد شخصية الرجل عندها اثر كبير فيهو
اذا للرجل شخصية قوية ومتزنة ما حا يحصل مثل هذه الخلافات
لكن لما الرجل يدي مساحة للزوجة انها تتشاكل او تخت نفسها في مكانة امو فعلى الدنيا السلام
ودي واحترامي
ناصر موسى
| |
|
|
|
|
|
|
|
|
|
Re: يا زول عليك الله بتحب امك ام زوجتك (Re: khaleel)
|
Quote: ( الود دها نحن ربيناهو بالهم والدم وجيتي انتي لقتيهو جاهز)
وربي يا خايبة للغائبة) |
تعرف يا خليل الأمثال دي هي البتخلق الحساسيات و المشاكل. الواحدة من ما تتزوج تتوقع المشاكل مع نسيبتها و كذلك تتوقع النسيبة أن الدخيلة جاءت لكي تسلبها ثمرة فؤادها.
الموضوع ببساطة..
كل واحدة تخُت نفسها مكان التانية.
النسيبة كانت مرت ولد قبل كده...كانت عاوزة نسيبتها تعاملها كيف؟
مرت الولد ح تبقى في يوم نسيبة...عاوزة مرت ولدها تكون كيف؟
و في النهاية (( الإحترام )) هو أساس أي علاقة إنسانية..و النسيبة في مكان الوالدة لها ما لها..و عليها ما عليها.
بعدين بالنسبة للزوج..مفروض يكون حاسم..أمو في كفة و زوجتو في كفة..عليه أن يُراعي شعور كل واحدة..ولاءه الأول و الأخير لوالدته التى أرضعته و سهرت عليه الليالي..و المافيهو خير لأهلو..مافيهو خير للناس.
| |
|
|
|
|
|
|
|
|
|
Re: يا زول عليك الله بتحب امك ام زوجتك (Re: نجوان)
|
اولا لا توجد مقارنه ابدا بين الام والزوجه او الزوج
ببمنتهي الوضوح حب الام غير مشروط لكين حب الزوج او الزوجه ليهو شروط . الزوج ممكن يتزوج علي ممكن يختلف معاي وممكن وممكن .......عشان كدا لو قلت ليه بحبك اكتر من امي اكون كذابه ومنافقه عشان كدا ولا يعشم اني احبه كحبي لامي وبالتالي لا اطالبه ان يحبني كما يحب امه ولو قال كدا بيكون فيه شئ غلط
| |
|
|
|
|
|
|
|
|
|
Re: يا زول عليك الله بتحب امك ام زوجتك (Re: mamkouna)
|
| Quote: بعدين بالنسبة للزوج..مفروض يكون حاسم..أمو في كفة و زوجتو في كفة..عليه أن يُراعي شعور كل واحدة..ولاءه الأول و الأخير لوالدته التى أرضعته و سهرت عليه الليالي..و المافيهو خير لأهلو..مافيهو خير للناس. |
ادعو كل نسيبة
لعدم التدخل في امور لبس الزوجة وديكور البيت وخروج الزوجة
بعدين الباقي ساهل
| |
|
|
|
|
|
|
|
|
|
Re: يا زول عليك الله بتحب امك ام زوجتك (Re: khaleel)
|
تعرف يا خليل عندنا صديقنا وزميلنا خواجه , زول ظريف وطيب القلب بس مشكلتو انو مقاطع أمو ونحن طوالي نحنس فيهو عشان يصالح أمو , فمره قمت حكيت ليهو حكاية المركب في البحر ومعاك أمك وزوجتك والمركب بتغرق وعندك فرصه تنقذ زول واحد فقط , قام قال لي دي فرصه جميله أخلص منهم الأتنين.
| |
|
|
|
|
|
|
|
|
|
Re: يا زول عليك الله بتحب امك ام زوجتك (Re: Moawia Mohammed)
|
الأحبة الكرام
الموضوع أعقد من كده بكثير ،، ويحتاج للبحث الجاد وبشفافية ( الكلمة المستخدمة بكثرة هذه الأيام !! )
من رأي الشخصي أنه لا توجد مشكلة كبيرة حول بر الأبناء بأمهاتهم فهذا سلوك اسلامي واجتماعي وقيم تربينا عليها وإن كان هناك شواذ قلة لكن الواضح للعيان من خلال نظرة سريعة لمشاكل المجتمع السوداني أن هناك ظلما شائنا وجائرا من قبل الرجال ينصب على زوجاتهم بدعوى بر الأمهات وإرضائهم ،، فتجد الرجل مستعدا أن يقوم ليس فقط بتوبيخ الزوجة بل بضربها بمجرد وصوله للمنزل عندما يجد أمه ( زعلانة ) من زوجته دون السعي لمعرفة أصل الموضوع أو المشكلة وربما يجد التأييد المطلق في هذا التصرف من إخوته وأخواته فورا !!
ويكون الضغط النفسي على الزوجة كبيرا جدا بسبب أنها تحاول إرضاء أم ربما لن ترضى عنها أبدا وهذا يحدث كثيرا ولا يمكننا أن ندفن رأسنا في الرمال ونتجاهل هذا الظلم غير المبرر ، وعلى الزوج أن يكون حكيما عاقلا ويزن الأمور بمقياس دقيق ولا ينسى أن الزوجة هي أيضا أم أو في طريقها لأن تكون أما ومربية وكذلك الأم هي زوجة كانت أو لا زالت ، وإذا كنا نريد بحث هذه المشكلة فلنربي في أجيالنا قيم العدل حتى ولو على نفسك وعدم ظلم الآخرين ووضع خطوط خضراء وصفراء وحمراء على تعاملاتنا وحياتنا الأجتماعية وعدم ترك الأمور تسير كيفما اتفق حيث أن هناك قصورا كبيرا يشمل جوانب متعددة في ممارساتنا وسلوكنا الأجتماعي ، وقد لا نجد مشكلة كبيرة في بر الأبناء لأمهاتهم فهذا سلوك إسلامي تربى عليه الجميع ولكن المشكلة الكبرى هي في ظلم الرجال لزوجاتهم بسبب الأم فلنشارك بالبحث وإبداء الآراء وإيجاد الحلول
لكم محبتي جميعا ،،،
| |
|
|
|
|
|
|
|
|
|
Re: يا زول عليك الله بتحب امك ام زوجتك (Re: khaleel)
|
خليل
ازييك
غايتو ما عارف لكن عندي صاحبي اتزوج اول مره زوجته ماتت بعد 3 شهور
قام اتزوج بعد سنه زوجته ماتت في حادث اها اتزوج المره التالته قامت
ماتت في الوضوع .. مشينا ليهو وبعد الفاتحة سالناه النسوان ال بموتو
ديل بلقاهم وين !!؟؟
هسه يا خليل انت مستعجل كدا مالك لو صبرت بسؤالك دا لمات المقارن به!!
غايتو انا لسه ما اتزوجت لكن متمني لي واحده تجيب لي بت وتوووشك تموت
الله يا خلي !!
منعم
| |
|
|
|
|
|
|
|
|
|
Re: يا زول عليك الله بتحب امك ام زوجتك (Re: عبد المنعم سليمان)
|
الأخ خليل لك التحية
حقيقة الموضوع أكبر من كده كتير وبستحق أنه يقتل بحثاًلانه موضوع محوري ومفصلي في
حياة كثير من الناس ولمن أقول كثير أكيد الجزء المستثني ده أصلاً الشغلانة عنده محلولة
أنا واعوذ بالله من أنا بحب أمي أكثر لأنه ببساطة شديدة هي الأصل الماعندوcopy على الاطلاق
والكلام ده بينسحب على كل الأمهات يعني مافي زول قالو (ولدوه أمين) بس في زول معرس ليه
عشرين مره ده لايعني أبداً الاسقناء عن الزوجة على الاطلاق لكن ده تقريب لكل زوجة عشان ما
تدخل في الممنوع وهو المقارنة بينها والأم فالزوجة العاقلة هي من تدري كيف تدير دفة
الامور بينها وزوجها وأهله جميعاً وعلى وجه الخصوص والدت الزوج لان إذا الوالدة رضت عن
زوجة إبنها تأكد إن طاقة القدر إنفتحت ليها بل ستقف مع الزوجة أكثر من الإبن في جميع
الملمات الحياتية.
وإذا حصل العكس أكثر الخاسرين ستكون الزوجة بالتاكيد لانهاحتعيش زوجها في الجحيم وأول
من يتلظى بهذا الجحيم هو الزوجة وكمان لو في عيال الشغلة باظت عديل
يبقى لب الكلام لازم نتعلم نحافظ على قيم الأسرة والترابط وترك الأنالانو بصراحة الدنيا ده
الزول بعيش فيها مرة واحدة ما ممكن تكون عكننة في عكننة
بعدين الاسلام بين لماذا تنكح المراءة وقال الرسول الذي لاينطق عن الهوى ( إظفر بذات الدين
تربت يداك ) وده معناه التربية السليمة والفهم السامي للحياة بكافة الأوجه
ولكم جميعاً مودتي
| |
|
|
|
|
|
|
| |
khaleel
mamkouna
المسافر
نجوان
doma
سلمى على محجوب
Moawia Mohammed
عبد المنعم سليمان
الشيخ إبراهيم الشيخ
فيس بوك
تويتر
انستقرام
يوتيوب
بنتيريست