|
Re: الفنان / أحمد عوض ( عجوز ) يطرق بابك يا استاذ بكري (Re: علاء الدين حيموره)
|
الاخ علاءالدين تحياتي لك وللحبيب احمد عوض الرجل المهذب الخجول صاحب الصوت الملائكي الف تحيه ...
وهو يعتبر اضافه لهذا المنبر وانا بدوري اناشد الاخ بكري ان يجعل الفنان احمد عوض احد اعضاء االمنبر ...
لكن يا علاء الدين الزول ده مكسب وحيكون جوكر ما بين الامتداد والصحافة
بلغه كثير التحيات ولكما مني ودادي وحبي
عماد عويس
| |
|
|
|
|
|
|
Re: الفنان / أحمد عوض ( عجوز ) يطرق بابك يا استاذ بكري (Re: حيدر حسن ميرغني)
|
Quote: هل تعنون احمد عوض سيد احمد (الكاشف) الذي لمع نجمه ايام دراسته بمصر؟ |
هو بعينو يا حيدر انه احمد عوض الانسان الفنان في كل شئ انسانية تفيض وتعبي كل الفراغات مودة عاااااارمة صدق منتهى اخلاص وتفاني ونكران ذات انه حبيب الكل احمد عوض .. موسوعة اغاني الحقيبة وذكرياتها ومدير منتديات الثقافة برابطة ابناء الصحافة بالرياض انه هو الانسان الذي يعجز اللسان عن وصفه
اثنّي يا حيمورة من هنا لي واشنطن والله والله والله يا بكري احمد عوض اضافة كبيييييييييييييييييييرة
| |
|
|
|
|
|
|
Re: الفنان / أحمد عوض ( عجوز ) يطرق بابك يا استاذ بكري (Re: علاء الدين حيموره)
|
لا حولة يا علاء الدين ياخي انت مبدع عديل كدة
تصدق الزول دة في شهر اغسطس في السودان ضرب لي تليفون وقعد يغني للكاشف عشان اعرفه طوالي كوركتة: احمد عوض الكاشف الله ينعل أيامك يا مجينين بس أسفي كان اكبر من اي شئ لانه عندما تواعدنا باللقاء مرض والدي وحدثت لي ظروف اسرية لم اتمكن من اللقاء به
عشان كدة انا بثني وببصم وانطط كمان
يا بكري الرجل فنان بمعنى الكلمة واعدك اول مداخلة له هنا ستكون اغنية من درر الحقيبة ولا ما كدة يا احمد عوض
| |
|
|
|
|
|
|
Re: الفنان / أحمد عوض ( عجوز ) يطرق بابك يا استاذ بكري (Re: علاء الدين حيموره)
|
هوي يا جاهله وتتجلي نار وقنديل وجهك يطفي الفنار ساكنه قليبي وما ليكي دار سكني قلبي ولو بالايجار *********************** هوي يا حبيبه وفوقك عهود حكمه طه ويس وهود ولي شلاخك وقفن شهود أزهر فرعك جوز النهود ********************** الليل اليل يا جمال الليل
مما نسمعه بس نشوف الصوت جاي من وين , يا جماعه أحمد عجوز عندو حفله وكل الشباب جري عشان نحصل آخر الغنيه والكسره بتاعت : تحيا تعيشي صحافة العظام من عند سبعه* لحدي الحزام* الليل الليل يا جمال الليل تحيا تعيشي صحافة الهجيج من عند سبعه لحدي الصهريج الليل الليل يا جمال الليل
أحمد عوض سيد أحمد ( عجوز ) موسوعه لأغاني الحقيبه والكاشف تمشي علي قدمين لله درك با عجوز كم أسمعت وأطربت وأشجيت والله حتي العجائز الكبار يجوا متضهبين زي المافي حاجه أحمد صاغ وجداننا وعلمنا كيف نسمع الغناء السمح ونتذوقوا وكان بمثابه ترياق ضد كل هابط
أثني وأثني وأثني واتمني من أخونا الحلو بكري الاستجابه وأدعو كل محبي هذا الفن الراقي يجونا هنا في المقام دا للدعم والمسانده والاحتفال هلموا تعالوا والله ليطربنكم هذا العجوز كما لم تطربوا من قبل والله أنا الليله فرحان فرح , بس الله يدينا الفي مرادنا
أخونا علاء الدين حيموره شكرا ليك كثير ولقيتك قطب تسجيلات كبير وكشاف نجوم درجه أولي
حاشيه: سبعه: هي محطة سبعه التي تفصل بين الامتداد والصحافه الحزام: هو الحزام الأخضر الذي كان جنوب مدينة الصحافه
| |
|
|
|
|
|
|
Re: الفنان / أحمد عوض ( عجوز ) يطرق بابك يا استاذ بكري (Re: Moawia Mohammed)
|
Quote: انه احمد عوض الانسان الفنان في كل شئ انسانية تفيض وتعبي كل الفراغات مودة عاااااارمة صدق منتهى اخلاص وتفاني ونكران ذات انه حبيب الكل احمد عوض .. موسوعة اغاني الحقيبة |
انا فى التمنى حليل زمن الصبا الماضى وحليل زهر الحياة الزاهى والله كلام امير الجمرى ده كلو صاح وكمان اقل مما يستحقه هذا الانسان النبيل ويسعدنى ان اضم صوتى الى كل هؤلاء الاحبة المطالبين بمنح عضوية المنبر لهذا الفنان الذى تنطبق عليه كل الشروط التى تؤهله للولوج الى عوالم سودانيز اون لاين ونتمنى كريم استجابة المهندس بكرى ابو بكر
| |
|
|
|
|
|
|
Re: الفنان / أحمد عوض ( عجوز ) يطرق بابك يا استاذ بكري (Re: عبد الدائم سيد أحمد)
|
Quote: : انه احمد عوض الانسان الفنان في كل شئ انسانية تفيض وتعبي كل الفراغات مودة عاااااارمة صدق منتهى اخلاص وتفاني ونكران ذات انه حبيب الكل احمد عوض .. موسوعة اغاني الحقيبة
|
العزيز بكري اثني واطلب منك اصالة فتح الباب امام الرائع الفنان احمد عوص والذي بحق يحمل كل ما قيل فيه واكثر فهو شعلة فنية ونبع انساني فياض واحمد عوض لا زال يحتفل باستقبال مولوده مؤخرا فلتكن هذه مناسبة لاهداء الباس ورد لاحمد ومولودة الجديد واحمد عوض بالمناسبة فنان من اسره فنانه تقيه انجبت علماء
| |
|
|
|
|
|
|
Re: الفنان / أحمد عوض ( عجوز ) يطرق بابك يا استاذ بكري (Re: علاء الدين حيموره)
|
Quote: انه احمد عوض الانسان الفنان في كل شئ انسانية تفيض وتعبي كل الفراغات مودة عاااااارمة منتهى الصدق اخلاص وتفاني ونكران ذات انه حبيب الكل احمد عوض .. موسوعة اغاني الحقيبة وذكرياتها ومدير منتديات الثقافة برابطة ابناء الصحافة بالرياض انه هو الانسان الذي يعجز اللسان عن وصفه |
خليلي أمير الجمري هسه كلامك كده مش سمح شديد !! لكن والله أنا شايفو ناقص بس المشكلة غلبني أزيدو لأنو أحمد عوض لا تصفه الكلمات
يا باشمهندس بكري البوست ليهو يومين بحالهم وإنت شكلك كده
| |
|
|
|
|
|
|
Re: الفنان / أحمد عوض ( عجوز ) يطرق بابك يا استاذ بكري (Re: صديق حمدتو)
|
أحمد عوض سيد أحمد عجوز
يغني لعائشة الفلاتية 00 والكاشف
يعني ( أنا وأخوي الكاشف ) 00
سجل يا ياشمهندس بكري هذا اللاعب الخطير
ومعاهو سيف الدين علي البشير 00
وأشطب اللاعب المتقاعد عادل جبارة 00
طبعا حتسأل يا عادل ليه يشطبوك ؟
ياأخي عادل عجوز يغني للكاشف وعائشة الفلاتية
إنت بتغني لمنو ؟
لكم مودتي جمعيا 000
| |
|
|
|
|
|
|
Re: الفنان / أحمد عوض ( عجوز ) يطرق بابك يا استاذ بكري (Re: عادل جبارة)
|
Quote: العزيز بكري اثني واطلب منك اصالة فتح الباب امام الرائع الفنان احمد عوص والذي بحق يحمل كل ما قيل فيه واكثر فهو شعلة فنية ونبع انساني فياض واحمد عوض لا زال يحتفل باستقبال مولوده مؤخرا فلتكن هذه مناسبة لاهداء الباس ورد لاحمد ومولودة الجديد واحمد عوض بالمناسبة فنان من اسره فنانه تقيه انجبت علماء |
افو يا بكري علوية ده بردوا ليهو طلب . خصمناك بالله ترد لعلوية روحه يا بكري
الفنان احمد عوض قريبنا وحبيبنا وحبيب احبابنا وكثيرون تهف ارواحهم لسماع ابداعاته الفنية .
اطيب المنى
| |
|
|
|
|
|
|
|