|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
Quote: الأخ أبو الحسين
ألف مرحب بيك في (ديار بكري) العامرة ، وحتى لو كنت من ناس (ديار بكر) ، برضو بنرحب بيك ، أصلو باقي ناس الشرقية غرامهم (شيعي) وحبهم لآل البيت زينا لا يخفى على أحد . والدليل آلوولو وسموه (أبو الحسين) .
يا جمال دنيانا ومنبرنا ، مرحب بيك وبإضافاتك الثرة وبقلمك الرصين . |
الحِبيِّب عبد الحليم ود التِلِب...
أشكرك جداً على حفاوة الترحيب ودي ياها المحرية فيكم يا ناس البورد... وبالأخص بورداب الرياض...
ربنا يحفظكم... أما غرامنا القلتو صحيح للنبي وآل بيته... وعندي ديوان في مدحه صلى الله عليه وسلم إسمه الدُر المنظوم في مدح النبي المعصوم تأليف الراجي لرحمة ربه القيوم جمال أبريــــــــدة.كوم...
أما الشيعة ديل إختلافي أنا بالذات معاهم كبيييييييييير وعندي مناكفات معاهم بس ما وصلت وماب تصل حد التكفير زي ماب يعملو جماعةً لينا...
قواسيب مودتي... وسعيد برفقتكم...
أبو الحســـــــــــــــين...
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
Quote: ابو الحصين
حبابك واليوم السعيد الينا جابك
يا مراحب يا ود عمي
طبعا "ودعمي" دي لزوم البوهية وكدة
تعرف يا حبيب بالجد ربنا اداك حاجة كدة خلي الناس تحبك
يا بختك ... حب الناس ما حاجة بسيطة
طبعا انا بهاظر فيك وعامل صاحبك وكدة
اسمع بالله اشرح لي اول كلمة في الشايقية معناها شنو
الله يديك العافية وما تنسي الجماعة البيهنوك |
الحِبيِّب أسعد إبراهيم...
يا مراحب بيك يا صديقي...
إنت عارف سر محبة الناس دي شنو؟؟؟ لأني أنا بحب الناس...
وربنا يديك العافية وأحبك الله الذي أحببتني فيه...
أما شرح أول كلمة في الشايقية... والله أنا ذاتي ماني عارف أول كلمي هي شِني لكن كدي الأرجع للقاموس وأجيك...
وأدعوك معانا بي هناك في حوش الشايقية قهوة وقعدة في الضحوية...
أما وصيتك عن حوشي البي هناك... عاد داك داير ليهو وصية يا أسعد أخوي... الواحد ينسى أهلو وأحبابو... ربنا يديهم الصحة والعافية...
كميات مودتي...
أبو الحســــــــــــين...
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
Quote: الف مرحب يا ابو الحسن يا اخي الكريم في دارك معليش لتاخري في الترحيب بك ولكن ويشهد الله اني سعيد بك وبمشاركاتك المميزة |
الحِبيب تولوس...
صباحك زين... وشكراً على إستقبالك الحافل... ولا عليك في تأخيرك فهذه المشاغل وها أنذا أتأخر في شكري لكم وتقديري... وتميزي هذا يأتي من ذوقكم...
كميات مودتي...
أبو الحســـــــــــــــــــين...
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
د. أحمد الحسين...
Quote: مرحب يا ابا الحسين وتعك الله بعافية منعنده احمد |
تسلم يا أخوي د. احمد يا عاشق المصطفى صلى الله عليه وآله وسلم...
حفظك الله ومتعك بالصحة والعافية... وجزاك الله خير لما تقدمه لنا زيادةً في محبة الحبيب صلى الله عليه وآله وسلم...
كميات مودتي...
أبو الحســــــــــــــين...
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
أُستاذ/ امير الجمري كتب...
Quote: اهلا اهلا اهلا ومرحب مرحب مرحب وحبابك مية بكل حسن نية
وانشاء الله يطيب ليك المقام الذي سيطيب لنا قطعاً بقدومك ايها الراقي ابو الحسين امير الجمري |
تسلم تسلم تسلم... الحِبيِّب أمير الجمري...
وتشكرات تشكرات تشكرات على ترحيبك الجميل جمال أصلك ومعدنك....
لك كميات مودتي... وأكيد حا يطيب لي المقام في حضرتك الذوق...
أبو الحســــــــــــــين...
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
كتب طارق الأحمدي...
Quote: شرفت البورد يا جمال، فعلا إنت تمثل إضافة الواحد يقدر يستفيد منها.
هذه أول مداخلة بعد عام أو يزيد.
لك كل الود والتقدير،
طارق الأحمدي |
ود أُختي الضَو طارق ود الأحمدي...
يا هلا بيك ومرحب وسعدت جداً برجوعك بعد العام لترحب بي خالك هنا في داركم الجمال...
ويلة أبقى مشارك فما عرفنا عن هذه الديار وأهلها إلا منكم وبكم...
تسلم يا الحِبيِّب وحمداً لله على سلامة العريس معاوية... وبيت سعادة وهناء ليهو إنشاء الله...
قواسيب مودتي...
أبو الحســـــــــــــــــين...
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
Quote: الأح أبو الحسين حبابك والجاب يجيب عقابك أم الحسين والحسين..أبصم بالغشرة إنك إضافة ثرة جدا ..لكن تعال ..دا شنو؟؟؟ Quote: لأكون أحد زهرات الأون لاين الناضرة... |
الحِبيِّب النيل (1) أول حاجة متين جاتك اللِجِينَة دي!!! تبرى من (الأح) يا يابة!!
وبعدين مستكتِر فيي زهرة يعني... أها الأقول ليك كلام زهرة فُل إن بقى ما عجَبَك...
Quote: لما تكون إنت زهرتنا الناضرة...ناس منى خوجلي ولنا مهدي وباقي الحلوات يكونوا شنو؟؟؟؟؟ |
ديل زهرات ياسمين...
Quote: ياخي قول إنت تبقى ليناعنكوليبه..عكاز في نهايته صاموله..عموما حبابك ألف |
طيب يا الحِبيِّب من الأول ما تقول لي حبابك ألف وتريح نفسك...
أنا سعيد جداً إني أكون بينكم... ويا هلا بيك إبن عمي...
وقواسيب مودتي لك وللأُسرة الكريمة...
أبو الحســـــــــــــين... (جمال أبريــــــــــــدة)...
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
كتب الأُستاذ/ هاشم نوريت...
Quote: ياسلام ابو الحسين ايتنينا لوتنينا البيت بيتك اهلا باهلنا الطيبين. (شركاء لا اجراء) |
صديقي وحبيبي هاشم نوريت...
يا هلا بيك يا أخي... وأنا معجب جداً بكتاباتك الساخرة في كثير من الأحيان... لكنها في الصميم... وسعيد جداً إني أكون معاكم...
وإليك في الآخر يا صديقي عاش أبو هاشم... حوض العاشم...
كميات مودتي...
أبو الحســـــــــــــين...
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
الأخ أبوالحسين
تحياتي
أنا ما مستكتر عليك إنك تكون زهره..بس مستكترك إنت على الزهره..طبعا الزهره رقيقة مافي كلام لكنها لاحول لها ولاقوة..وإنت فارس من ضهر فرسان..ساعة البارده أهل كرم وجود..وساعة الحاره يبقوا أسود..عشان كدا..جات سيرة العنكوليبه والعكاز المضبب..في الباردة حلو زي قصبة السكر وفي الحاره حرم عكازا ضربته تودي التوج...تحياتي..وتااااني حبابك ألف
| |
|
|
|
|
|
|
Re: أبو الحسين... بينكم عضو جديد يا أحبتي هلاَّ رحبتم به؟؟؟ (Re: أبو الحسين)
|
كتبت ميادة...
Quote: الزميل ابو الحسين...
حبابك الف ونروت البيت...
اتمنى ان يطيب لك المقام...
ست البنيـــــــــــــات |
بتنا ميادة... ست البنيات لا حدّهِن...
يا هلا بيك وبترحيبك الحار...
وأنا سعيد بالزمالة دي...
قالت الزميل أبو الحسين قالت ـ التقول بعثيين!!!
كميات مودتي...
أبو الحســــــــــــين...
| |
|
|
|
|
|
|
|