|
|
 Re: احزابنا ماوعت الدرس ...احزابنا عايشة علي السراب... (Re: wesamm)
|
سلامات يا عزيزي wesamm
قصيدة جميلة.. شكرا..
أرجو أن تعي الأحزاب الدرس.. برغم أن الوقت فات.. تاني إلا في وجود وصاية الأمم المتحدة [الرشيدة]..
غايتو أنا بقول البركة في الأمم المتحدة، فكثير منا مدينون لها، ربما بأكثر من الدول التي وفرت للسودانيين حق البقاء فيها وحق الحرية أيضا.. وعشمي أن تتمكن الأمم المتحدة من إقناع حكومة السودان بحلحلة مشاكله بالهداوة وبدون يباس راس وحماقة.. الأحزاب ستتعلم من مواثيق حقوق الإنسان قيمة الحريات الأساسية، حق الحياة وحق الحرية، وقيمة حق تقرير المصير وقيمة المشاركة في السلطة والثروة.. وإذا لم تتعلم فإن "العوجة" ستكون كبيرة
Quote: احزاب بعيدة عن الهموم
جوة الوطن عايشة اغتراب
هم المواطن جد بسيط
عايز اكل داير شراب
والله لو كان لاقى عيش
ماكان بنسمع باغتراب
والله لوكان لاقي عيش
ماعاني فرقة واحتراب
والله لو كان لاقي عيش
ماكنا سافين التراب |
زمان بعد الاستقلال العيش كان موجود والبلد تمام لكن الجشع والعنصرية والفساد وحب الهيمنة ونشر العروبة والإسلام بالقوة أصابت الحكام فأفسدوا الاستقلال وزيفوا الديمقراطية.. وجاء العساكر وتموا الناقصة، وهي عايرة أدوها سوط.. فذهبنا إلى حدود "طالبان".. ولا حول ولا قوة إلا بالله..
Quote: احزابنا ماوعت الدرس
احزابنا عايشة علي السراب
احزابنا ما احزاب بناء
احزابنا تعمل في الخراب
احزابنا في الخارج شكل
من جوة فوضي واضطراب
احزاب تضيع في الزمن
احزابنا ادمنت الغياب
*********************
احزاب بعيدة عن الهموم
جوة الوطن عايشة اغتراب
هم المواطن جد بسيط
عايز اكل داير شراب
والله لو كان لاقى عيش
ماكان بنسمع باغتراب
والله لوكان لاقي عيش
ماعاني فرقة واحتراب
والله لو كان لاقي عيش
ماكنا سافين التراب
*****************
في شمالنا قهر وجوع وظلم
وجنوبنا سالين الحراب
في شرقنا سل نخر العضم
وغربنا فرقة واحتراب
***********************
خرطومنا..... داخلك نيل حزين
شايف البلد... عايشة في عذاب
عانت ضفافو من الالم
شاقي الدروب من غير اياب
في رحلة عبوره السرمدى
مليان زهو ومليان شباب
لمن عرف حالة الوطن
غادر حزين صابو اكتئاب
*******************
وشباب مغادرين الوطن
من بعد ما عانوا العذاب
مليون ونص في مصر دي
وكمين وكم في مدن ضباب
ورحلات عبور للاطلسي
لمدن هناك فوق السحاب
وشباب مغادرين الوطن
من بعد ما عانوا العذاب
فقدوا الامل لما الوطن
باعوه بصكوك اكتتاب.....
باعوا النخيل والنيل كمان
باعوا الحجر باعوا التراب
واحزاب بعيدة عن الوطن
جوة الوطن عايشة اغتراب
**********************
محزون انا واه ياوطن
من العليك صابك مصاب
منحوسة يابلد الجدود
محكومة بي مركوب وكاب
نوفمبر 2006 |
|
|
 
|
|
|
|
|
| |
Yasir Elsharif
فيس بوك
تويتر
انستقرام
يوتيوب
بنتيريست