|
|
 Re: هشام هباني إنت فاكر نفسك بتحلم براك - شوف الحلم ده بطله الترابي (Re: khaleel)
|
هشام ود الهبانية العظام،
Quote: انت دحين الايام دي يا عمار سرقت مني سيجارة (ارنستو) وانا بدور عليها وما لاقيها؟؟..يا زول نفس واحد كفاية اوعي تكملها.....المرة الجاية اخاف عليك تحلم بان شيخ الترابي سيدعي الربوبية عديل!!
كل شيء مباح في هذا الزمن( الصناح)!!
ودم بخير يا قريبي والتحايا لكل الدويماب هناك عندكم |
صدقني ما شلت سجارتك دي ، شوفها مشت وين ، بس الخوف واحد تاني يكون خمسها و يجينا بفتوى تانية قوية.
عليك الله الاحلام دي مش معجزة إلاهية عجيبة ، ما أظن الشيخ الضلالي ده نفسو يكون فكر في هذه الفتوى.
بس أنا خايف يمشي يستخدمها و إثمها يكتب علي أنا:
ألهم إني أبرأ إليك مما فعل الترابي ،،،
ألهم إني أبرأ إليك مما فعل الترابي ،،،
ألهم إني أبرأ إليك مما فعل الترابي ،،،
الهم إني صائم.
حبيبي عبد الكريم كيكي،
تحية وشوق شديد
Quote: عمار يس تحياتي يا دفعة
واللهم يجعل حلمك خير وبركة..مع انو حلم فيهو شيخ حسن ده الله لا جابو لينا
..وكده بتخلي الواحد يخاف ينوم عديل كده...!! |
و الله حاجة تخوف عديل يا كيكي ، مع إنو الواحد بيتحصن قبل ما ينوم ، بس يبدو إنو شياطين الإنس السودانية ديل صعبين شديد، ما بتعرف ليك ترقية أو تحصين ضد الأحلام من نوع طراز هشام هباني دي؟
أبو الخل يا رائع
Quote: صديقي عمار يس
حذرتك مرارا وتكرارا
من العشاء التقيل
لانه لا ياتي بالحلم الجميل
واظنك اليوم داك ما صليت العشاء |
صدقني صليت العشاء و التراويح مع واحد باكستاني بيصلي 20 ركعة في 20 دقيقة و ما إتعشيت كمان بس ذي ما قال أخونا الفلاتي في نكتة محمد موسى الشهيرة "نسيت ألبس حجاب بتاع مويه صاكطه"
لو بتعرف ليك اي ورد يقي المؤمن من الأحلام و الأطغاث الترابية دي ما تبخل بيه على أخوك ...
تحياتي لكم جميعا
وكل عام و أنتم بخير
عمار يس النور
عاشق بخت الرضا
|
|
 
|
|
|
|
|
| |
عمار يس النور
فيس بوك
تويتر
انستقرام
يوتيوب
بنتيريست