|
Re: جنينة الديناصورات .. ( كاريكاتير ) (Re: Ibrahim Algrefwi)
|
جريفاوي يا قيافة .. إزيك ..
Quote: بس شائفك شلت الحكاية بهوس وهوس ايدلوجي كمان ، بتعبر عن رفضك للايدلوجيا من موقع الخطاب ذاته ، ودي ما ياها ايدلوجيا |
.. طيب يا ابراهيم .. منو القال إني رافض الآيديولوجي ؟؟ عاين تاني كده . لو كنت برفض حاجة فهو التكلس .. و التحنيط الموميائي .. و الركون لإستتباب الفكرة .. السكون الميت يا صاحبي و الفكرة المكتفية بتوهم كمالها .. و تقوم تحوط نفسها بحرس نصوصها و .. تجمد .
جريفاوي يا فنان .. الوجود كله قايم على فعل التحرك . الثبات بيخليك تصدي . الآيديولوجيا الما بتسع حركة وسطها و تتشكل بمرونة عشان تلبي فكرة تحقيق سعادتو .. تبقى واقفة .. جامدة . زيها و زي أي دُرّابه ( مصيبة لو تبقى الدُرابه دي جوه الراس ) .
بعدين . حسن موسى و بولا من الرموز الإتربى عليها جيلي تشكيليا .. و إلا مكابر من يقول بغير ذلك .. و ما زال حسن موسى رقما تشكيليا ( رغم أنف مخالب ديناصوره السياسي ) .. لكن .. .. يأتى الأستاذ ليصفع ذاكرتنا بمثل بضاعته البخسة ( على مستوى الفكرة ) .. و يزيد الطين بله إنو القوى الديمقراطية ما ناقصاها فرتقة عشان أستاذنا الكبير يمارس هدمو الأهوج لكل رصاص الطين اللي الناس بتحاول ترصو يادوب و بشق الأنفس قدام طوفان الإنقاذ . عاث الرجل تلطيشا كيفما شاء له .. و العقلاء يحاولون شكم إنفلاته الماشي يزيد الشق .. و هو : يا بلد ما فيك إلا انا .
سؤال يا جريفاوي .. هل ياهو ده نهج الحوار البيودي لقدام , و النقد البناء بين أصحاب الوجعة الواحدة ؟؟ .. و المصر شيخنا ( العاقل ) يتمو أشتر بعد ما بداهو أطرق ؟؟ دونك سودان فور اول يا صاحبي .. الصفحة الأولى فقط فيها ما فيها من فصيلة ( الحوار ) الأعوج .. و الحفر الكبيرة الجاهزة لطمر من لم يقل له سيدنا حسن : ولا الضالين , ولم يرد بآمين . تفتكر ياابراهيم أنا وللا أي حقاني راضي عن كل الخميج ده ؟ .. لكن الرجل أرادها بهذا الإهتراء و الفجاجة ولؤم الغرض . ( طبعا يا نطّ لي في حلقي بعد يقرا الكلام ده .. يا سفهني و لصق فيني تهمة الجهالة .. يا إما كمان عمل ما شغال بالموضوع ) ليس للمسألة دخل بالأيديولوجي - القدر معرفتي - الآيديولوجي المتعافي من امراض التقديس و ربوبية النصوص . الما بيتحول لديانة تستدعي كهنة و معابد و تحريم و تحليل و .. دي نصوص مافي فرق بينها وبين الكتب الصفرا بتاعة : أجمع عليها العلماء و منزهة من الإجتهاد . نوع الآيديولوجي ده , المغلق و متمر و محفوظ في علب ذهنية و منتهي الصلاحية منذ قرون .. عايزو يحل مشكلة واقع مدافر و مصادم زي حقنا ده ؟؟ .. و هموم بلد فيها كم التنوع في مشاكلها و أحلامها و هواجسها , و محاطة ببلاوي العولمة و أطماع جوه وبره .. و ظلم ذوي القربى . و الجهل و المرض و الفقر و الخبوب و المحن ؟؟؟
كتب حسن موسى :Quote: طبعا المشكلة مع الجماعة الطيببين إنو حساسيتهم تجاه أدب التصاوير أعلى بكثير من حساسيتهم تجاه أدب الكلمات.وذلك أمر له علاقة بتربيتنا الأدبية التي تحبذ الفنون القولية على الفنون المرئية.فنحن نميز بسهولة كبيرة بين الكلب و كلمة "الكلب" (" كلمة الكلب لا تنبح" كما قال مولانا دوسوسير) لكننا ـ في زمن الصورة الرقمية ـ ما زلنا نجد صعوبة كبيرة في التمييز بين الكلب و صورته. |
.. شكرا يا جريفاوي على شكيرك لرسمي .. يمكن أقدر أقول ( مرئيا ) قول يفهمو الأستاذ و ننفي عننا تهمة بلادة إحساسنا تجاه الفنون البصرية . الكتابة عندها ناسها .. لو رسمي وقع ليك و عجبك و التانيين .. أكون ما قصرت و كتر خير حسن موسى و الآيديولوجي الخلاني أرجع ليهو . شيخ حسن قال كمان :
Quote: يا زول إقتتال شنو "أكتبّا دواس عديل" و خلينا نقعد نفرز الكلام.و " فرز المويات " بين" هؤلاء الناس "(من أين أتى هؤلاء الناس؟) و أولئك الناس( أين ذهب أولئك الناس؟)، شغل آيديولوجيا و أنت أدرى.و بالمناسبة أنا قدحي في كلام رئيسة " حق" في خصوص الموقف من الآيديولوجيا قديم طرحته بشهور قبل ما الحكاية تبقى كاريكاتيرات., |
تخيل .. !!! و تسألني يا جريفاوي عن هوسي ؟؟ يا رااااجل . و برضو دينا خالد اتجاوزت الخطوط الحمرا في لغتها ؟؟ جريفاوي .. Quote: ( أين ذهب أولئك الناس؟) |
أين ذهبت الديناصورات ؟؟ و أخذت معها أجسادها الضخام و جماجمها الصغيرة ؟؟
تصوم .. و .. تفطر على خير .
|
|
|
|
|
|
|
العنوان |
الكاتب |
Date |
جنينة الديناصورات .. ( كاريكاتير ) | Emad Abdulla | 10-03-06, 04:14 AM |
Re: جنينة الديناصورات .. ( كاريكاتير ) | Hussein Mallasi | 10-03-06, 04:31 AM |
Re: جنينة الديناصورات .. ( كاريكاتير ) | Emad Abdulla | 10-03-06, 07:19 AM |
Re: جنينة الديناصورات .. ( كاريكاتير ) | حاتم الياس | 10-03-06, 09:35 AM |
Re: جنينة الديناصورات .. ( كاريكاتير ) | Emad Abdulla | 10-03-06, 12:33 PM |
Re: جنينة الديناصورات .. ( كاريكاتير ) | Emad Abdulla | 10-03-06, 12:13 PM |
Re: جنينة الديناصورات .. ( كاريكاتير ) | Ibrahim Algrefwi | 10-03-06, 09:57 AM |
Re: جنينة الديناصورات .. ( كاريكاتير ) | bayan | 10-03-06, 10:07 AM |
Re: جنينة الديناصورات .. ( كاريكاتير ) | Emad Abdulla | 10-03-06, 12:52 PM |
Re: جنينة الديناصورات .. ( كاريكاتير ) | Emad Abdulla | 10-03-06, 11:46 AM |
Re: جنينة الديناصورات .. ( كاريكاتير ) | Hussein Mallasi | 10-03-06, 12:40 PM |
Re: جنينة الديناصورات .. ( كاريكاتير ) | محمد سنى دفع الله | 10-03-06, 12:50 PM |
Re: جنينة الديناصورات .. ( كاريكاتير ) | أبو ساندرا | 10-03-06, 02:37 PM |
Re: جنينة الديناصورات .. ( كاريكاتير ) | Hussein Mallasi | 10-03-06, 02:42 PM |
Re: جنينة الديناصورات .. ( كاريكاتير ) | Emad Abdulla | 10-03-06, 04:32 PM |
Re: جنينة الديناصورات .. ( كاريكاتير ) | أبو ساندرا | 10-03-06, 03:40 PM |
Re: جنينة الديناصورات .. ( كاريكاتير ) | بدر الدين الأمير | 10-03-06, 05:40 PM |
Re: جنينة الديناصورات .. ( كاريكاتير ) | مصدق مصطفى حسين | 10-03-06, 06:02 PM |
Re: جنينة الديناصورات .. ( كاريكاتير ) | Hussein Mallasi | 10-03-06, 06:22 PM |
Re: جنينة الديناصورات .. ( كاريكاتير ) | بدر الدين الأمير | 10-04-06, 00:37 AM |
Re: جنينة الديناصورات .. ( كاريكاتير ) | معتصم الطاهر | 10-06-06, 02:36 PM |
Re: جنينة الديناصورات .. ( كاريكاتير ) | mazin mustafa | 10-09-06, 11:54 AM |
Re: جنينة الديناصورات .. ( كاريكاتير ) | طيفور | 10-16-06, 01:15 PM |
Re: جنينة الديناصورات .. ( كاريكاتير ) | طيفور | 10-17-06, 05:59 PM |
|
|
|