|
|
 أغيثونـــــــــــــــــــا !!!!
|
سالتكم بالله شوفو لينا حل لهذه المحنة 
حجم (الختمين) 148.966 كيلوبايت !!!!
تم إستخدامه مثات المرات ..!!!
بمناسبة وبدون مناسبة ...!!!
وياسيد الحوش 
|
|
 
|
|
|
|
|
|
|
|
Re: أغيثونـــــــــــــــــــا !!!! (Re: رشا سالم)
|
الأخت الدكتورة / رشا
يا سيدتي لك التحية
نحاول في شهر الصيام أن (نصين) مرارتنا وأشياء أخرى ...
بدل الختم (اللهم إني صايم) شوفي لينا وصفة (طبية) تمنع التوتر في الشهر الكريم
ملاحيظ: سيتم تصميم الختم المقترح (اللهم إني صايم) إن لم يتدخل سيد الحوش 
| |
|
|
|
|
|
|
|
|
|
بكائية القرف .....حكاوي سي جي (Re: عمران حسن صالح)
|
بكائية القرف .....حكاوي سي جي
يا فاطنة....
يا جاية من زمن المك نمر وانتصارات المريسة...
لقيتيني في زحمة الدنيا الزهجانة والدمعة الحبيسة
في سنوات نشاف الريق....
سنوات البغلة في الابريق........
السنوات الكبيسة
فاطنة
بيعي ولدك الكبير لناس الاغاسة
وولدك الصغيّر اضبحيهو
امسحي بيهو دوكة العواسة....
شن الولادة ليكي؟
وانتي ما لاقيه حق النِفاسة
فاطنة ....
جيتيني في زمن السكاكين والخناجر
والتهاب اللـوّز سادي الحناجر......
زمن الرغيف المكاجر.....
و السياسي الغبيان مشاتر....
فاطنة...
تلقيني في السوق العربي.....
وانعطافات النواصي
مكتّف واقف اتسول....
اشحد خلاصي......
اعاين في اللعوج واطنّش
واقول ماهو اختصاصي
فاطنة...
جيتيني في زمن بالتمباك ملخبط
يا سفة مرمية في نص الزلط
جيتيني في زمن الحب الغلط
فاطنة.....
جيتيني
في زمن السجم والرماد
زمن القرود والقراد
قراد متشعبط في الحكم
وقرود فرحانة بخم الرماد
فاطنة ..
جيتيني في زمن الربش والربشة
والزول يتفقع من هبشة
لايقي الحزن بالبامية
وافركي الهم واغرفي بالكمشة
فاطنة....
اتلبشتي
اتكفلتي وين ماشة؟
اقيفي
قُشي شالاليفك من باقي الغـُباشة
امرقي الشارع
وزعي السليسيون علي الشماشة
امسحي عرقك بطرف توبك
وانقضي شعرك سويهو مكشاشة
فاطنة .....
يا فرحانة بريحة الحلومر
لايكة الصبر..وتبلعي في المر
وترقصي في بيت البكاء
جابرنك علي الرقيص جبر
فاطنة......
جيتيني في زمن الخنق الضبح
صايمة نهارك كلو
وغيبة الشمش فطورك كسرة بملح
فاطنة...
يا ام دلدوم دل في ضهر الشرف
يا عاهرة في زمن الفضيلة القرف
صوطي وجوطي ميزان القصيدة
واكتبي في قلب العصيدة......
قرف.. قرف... قرف.. قرف
.........
فاطنة
جيتيني في زمن الكضب الفضيحة
زمن الصدق المسيخ وما عندو ريحة
زمن الواقف علي حيلو داقس
والراقد منبرش شاطر وتفتيحة.
فاطنة .....
امرقي ايدك من خشمك ما تسدي حلقك
مكوعة فوق عنقريبك
وراجية ديش الترك يديكي حقك؟
فاطنة ...
معفّرة ومغبّرة وجاية من اخر الدنيا كداري
شعرك منكوش نفسك قايم..... وقايمة سداري
فاطنة
جيتيني في زمن الفرح المسيخ
زمن ممزوج بريحة الفسيخ...
في زمن التبش بالشطة
والليل الطويل اتمطا
وليدك في عز المطر
بالرصاص اتغتا....
فاطنة
يا كرور ....
يامنسية.....
حايمة في الطايف والرياض
وشوارع المنشية
ليكي سنين عديدة
ما شميت ريحة الشية
ما تتلفتي ....
بتدهسك عربية
د. عادل الصادق المكي
(سي جي مان)
| |
|
|
|
|
|
|
|
|
|
القرف (Re: عمران حسن صالح)
|
فاطنة ....
جيتيني في زمن السكاكين والخناجر
والتهاب اللـوّز سادي الحناجر......
زمن الرغيف المكاجر.....
و السياسي الغبيان مشاتر....
| |
|
|
|
|
|
|
|
|
|
Re: أغيثونـــــــــــــــــــا !!!! (Re: ناذر محمد الخليفة)
|
ناذر الخليفة سلام مربع
| Quote: يا دوب بقا ليكم حار مش كدة !! |
والله يا ناذر الخليفة يا أخوي أنا فهمي إنو ممكن توصل رسالتك بأي طريقة تشوفه إنت مفيدة وتكرر ما شاء لك من التكرار طالما هي رسالة مكتوبة لا تكلف إلا (بايتات قليلة ) لا تؤثر ... وفي النهاية إما أن تمل أنت أو يمل الآخرون . أما أن تطالب بمقاطعة الآخرين وبصورة تأخذ كمية (كيلوبايتات) على حساب الموقع فهذا لا يفيد رسالتك ولا يفيد الموقع .
| Quote: اها الليلة خمو وصروا |
يا خي كل ما أفتح لي موضوع ألقى السجم ده في وشي ... دون أن يعني شيئاً أحياناً كثيرة ..
لصقة : نزل معزوفة لعوض احمودي ( تأخذ الألباب) وكررها في أي بوست يخصك . صدقني سأكره عزفه ومقطوعته واليوم الإتعلم فيه العزف (رغم عشقي لأوتاره لدرجة الجنون) 
...
وإلى سيد الحوش
| |
|
|
|
|
|
|
|
|
|
Re: أغيثونا .. قديتونا (Re: waleedi399)
|
| Quote: خلينا نجمع توقيعات لا لاستخدام الاختام |
اخي الجيلي . لقد طالبناهم بهدنة طيلة شهر رمضان المعظم وفي انتظار موافقتهم ..
وان تم الغائها فنحن ملتزمون بذلك وتحت امركم ..
ود الباوقة
| |
|
|
|
|
|
|
|
|
|
Re: أغيثونا .. قديتونا (Re: ود الباوقة)
|
قرقرقرقر يا عمران
شوفتا كيف؟
البورد دا ذي قرية كاملة بكل شخصياتها
المجنون والمعتوه والابله والشرير والسمح والشين والصعلوق والكذاب والمنافق الخ الخ...
اصلا ناس المقاطعة ديل مقاطعين
وبيكرهوا المشاهير البوستاتهم مليانة ناس
يعني الشغلة حسادة ما سياسة..
اصلو السياسة في البورد دا بتذكرني
مثل الما عنده فتيلة يسوي الحد حيلة..
الوحد يحاول يصاحب الزول او يخش الكوم
من يغلبوا يقوم عليه..
امنجي شنو وكوز شنو
فالتجاهل بيعمل حقد كبير..
بعدين انتو بيرطانيا رجع ليها جنون البقر تاني؟
رمضان كريم لك ولست الستات حرمكم وكافة الحزافير
| |
|
|
|
|
|
|
|
|
|
Re: أغيثونا .. قديتونا (Re: bayan)
|
ابو محمدالتهنئة لك ةاسرتك الكريمة بالشهر الفضيل وربنا يتقبل صالح دعواتنا واعمالنا و تصوم وتفطر علي خير ............وما تنسي دكين اول خميس في رمضان الرجل عازمني وعازم ناس كتار
Quote: البورد دا ذي قرية كاملة بكل شخصياتها
المجنون والمعتوه والابله والشرير والسمح والشين والصعلوق والكذاب والمنافق الخ الخ... |
......................
اللهم حرر فكرهم وفك اسر قيودهم (عصام اختام ومصطفي مقاطة )ووسع صدرهم ومدد افقهم واجعلهم يقارعون الحجة بالحجة وارزقهم حجة مبرورة ...
| |
|
|
|
|
|
|
|
|
|
Re: أغيثونا .. قديتونا (Re: ود الباوقة)
|
الريس ود الباوقة
كيفنك ورمضان كريم وتصوم وتفطر على خير
| Quote: وان تم الغائها فنحن ملتزمون بذلك وتحت امركم .. |
مشكلتي يا ود الباوقة أختامكم كلها كرهتنا ...
أختام ظلامية أو مستنيرة ..
| |
|
|
|
|
|
|
|
|
|
Re: أغيثونـــــــــــــــــــا !!!! (Re: عمران حسن صالح)
|
ختم ملاسي الجديد
مشروع ختم (ياسر طيفور)
Quote: انا داير اعمل ختم أسميهو - (اللخو)
يحمل توقيع الاستاذ عين (تربيع)
أهم حاجة تزيين الختم بوضع صورة لأحد ((اللخو)ان)
ان شاء الله صورة ا.روسمان زاتو، ما فرقت كتير |
مشروع ختم تراجي مصطفى
Quote: وشدوا حيلكم ناس نحنا ما كنا بنعرف تحميل الصور
حسه عرفناه وماشى احمل لي ختم وجاياك. |
إحتجاج من saadeldin abdelrahman
Quote: اختام شنو و مقاطعة ايه.. دا هبل دا!
... منبر حوار ولا مسلسل اطفال! |
وإلى سيد الحوش: 
| |
|
|
|
|
|
|
| |
عمران حسن صالح
معتصم دفع الله
حسن الجيلى سعيد
رشا سالم
ناذر محمد الخليفة
waleedi399
bayan
تولوس
فيصل نوبي
Tragie Mustafa
khaleel
على محمد على بشير
Sobajo
فيس بوك
تويتر
انستقرام
يوتيوب
بنتيريست